January 21, 2020

அவசரமாக ஆபரேஷன் செய்ய வேண்டும் - அவசர உதவி கேட்கிறார்

 அஸ்ஸலாமு அலைக்கும் வரஹ்மதுல்லாஹி வபரகாத்துஹூ

அல்லாஹ் உங்கள் அனைவருக்கும் இம்மையிலும் மறுமையிலும் பரக்கத் செய்வானாக ஆமின்
ﺑﺴْــــــــﻢِ ﷲِﺍﻟﺮَّﺣْﻤَﻦِ ﺍﻟﺮَّﺣِﻴـــــْــﻢِ

சகோதரர்.    சாஹுல்ஹமீட் மதீன். வயது-44.  மூன்று பிள்ளைகளின் தந்தையான இவர்  இரண்டு   சிறுநீரகமும் பாதிக்க பட்டுள்ளது ஒருவருடமாக தொழில் எதுவும் செய்ய முடியாத நிலையில் இருக்கின்றார். குடும்பத்தினரின் உதவியால் மருத்துவ செலவுகளை சமாளித்தார். குடும்பத்தினர் நிலைமை நெருக்கடியானது. அவசரமாக ஆபரேஷன் செய்ய வேண்டும்  ( ரூபாய் பதினைந்துலேச்சம் தேவை) அவரது மருத்துவ மற்றும் மற்ற தேவைக்கு கூட இன்னொருவர் உதவியை எதிர்பார்க்கும் நிலைமை.

சகோதர சகோதரிகளே உங்களால் முடிந்தளவு ஒரு சிறு உதவியாவது செய்து தருமாறு கேட்டுக்கொள்கிறேன். ஜஸாக்கல்லாஹூ ஹைரா . சகோதரரின் நோய் விபரங்களை தெரிந்து கொள்ள எனது இலக்கத்துக்கு தொடர்பு கொள்ளுங்கள்.

உங்களால் முடிந்த உதவிகளை
இந்த வங்கி கணக்கிற்கு அனுப்பி வைக்குமாறு கேட்டுக்கொள்கிறேன்.

ஜஸாக்கல்லாஹூ ஹைரா
A.M.Mureethun
A/C -NO= 79805785
BRANCH-Mulliyawalai
BANK:BOC
CONTACT NO:0766617386

சகோதரரின் மருத்துவ அறிக்கை, பிரதேச ஜூம்மா பள்ளிவாயல் கடிதம் என்பன இணைக்கப்பட்டுள்ளன. 

நோய்க்கு நிவாரணம் தருபவன் அல்லாஹ். இன்ஷா அல்லாஹ் உங்கள் துஆக்களில்  சகோதரனுக்காகவும் துஆ செய்யுங்கள். முடிந்தால் உங்கள் அனைவரினதும் சிறு உதவியை எதிர்பார்க்கின்றோம் . ஜஸாக்கல்லாஹூ ஹைரா.

தர்மம் உங்கள் செல்வத்தை ஒரு
போதும் குறைப்பதில்லை.(முஸ்லிம் 5047)
ஒருவரை வாழவைத்தவர் இந்தமனிதசமூகத்தை வாழவைத்தவர் போலாவார்


காதலிக்க மறுத்த 12 வயது மாணவி மீது, பலமுறை கத்தியால் குத்திய 14 வயது மாணவன்

மஹியங்கனையில் பாடசாலை மாணவி ஒருவர் மீது பலமுறை கத்திக் குத்து நடத்திய மாணவன் கைது செய்யப்பட்டுள்ளார்.

கிராதுருகோட்டை பிரதேசத்தில் காதலிக்க மறுத்த பாடசாலை மாணவி ஒருவர் மீது கத்தி குத்து தாக்குதல் மேற்கொள்ளப்பட்டுள்ளது.

இதனால் படுகாமயடைந்த 12 வயதுடைய மாணவி வைத்தியசாலையில் சிகிச்சை பெற்று வருகின்றார். சம்பவத்துடன் தொடர்புடைய 14 வயது மாணவன் கத்தியுடன் கைது செய்யப்பட்டுள்ளார்.

மாணவியின் வீட்டு பகுதிக்கு பல நாட்களாக கத்தியுடன் வந்து செல்லும் மாணவன் முகத்தை மறைத்த நிலையில் கத்தியால் குத்தியதாக தெரிவிக்கப்படுகின்றது.

கத்தியால் குத்திய மாணவனும், படுகாயமடைந்த மாணவியும் உறவினர்கள் என பொலிஸார் தெரிவித்துள்ளனர்.

கைது செய்யப்பட்ட மாணவன் நீதிமன்றத்தில் ஆஜர்படுத்தப்பட்ட நிலையில், அவருக்கு பிணை வழங்கப்பட்டுள்ளது.

விரைவில் கட்சித்தலைமை குறித்த, குழப்பநிலைக்கு தீர்வு - முஜுபுர் ரஹுமான்

(நா.தனுஜா)

ஐக்­கிய தேசியக் கட்சி பிள­வ­டைந்து தேர்­தலில் போட்­டி­யி­டு­மானால் அதனால் ஒரு­போதும் வெற்­றி­ய­டைய முடி­யாது. எனவே கட்சித் தலைமை தொடர்­பான குழப்­ப­நி­லைக்கு சிரேஷ்ட தலை­வர்கள் ஒன்­றி­ணைந்து தீர்­வொன்றைக் காண­வேண் டும். அந்­த­வ­கையில் தற்­போது கரு ஜய­சூ­ரிய இவ்­வி­வ­கா­ரத்தில் தலை­யீடு செய்­தி­ருப்­பதால் விரைவில் இப்­பி­ரச்­சி­னைக்கு முடிவு கிட்டும் என்று நம்­பு­வ­தாக பாரா­ளு­மன்ற உறுப்­பினர் முஜுபுர் ரஹுமான் தெரி­வித்தார்.

ஐக்­கிய தேசியக் கட்­சியின் தலை­மை­ய­க­மான சிறி­கொத்­தாவில் நேற்று திங்­கட்­கி­ழமை ஏற்­பாடு செய்­யப்­பட்­டி­ருந்த ஊட­க­வி­ய­லாளர் சந்­திப்பின்போது கட்சித் தலை­மையில் தொடரும் குழப்­ப­நிலை குறித்துக் கேள்வி எழுப்­பப்­பட்­டது. அதற்கு பதி­ல­ளிக்­கை­யி­லேயே அவர் இவ்­வாறு குறிப்­பிட்டார். இது­கு­றித்து அவர் மேலும் கூறி­ய­தா­வது, 

கட்சி உறுப்­பி­னர்கள் வெவ்­வேறு நிலைப்­பா­டு­களைக் கொண்­டி­ருப்­ப­துடன், அதன் விளை­வாக கட்­சிக்குள் சில முரண்­பா­டுகள் காணப்­ப­டு­கின்­றன என்­பது உண்­மையே. ஆனால் தற்­போது கட்­சியின் தலைமை குறித்த பிரச்­சி­னைக்குத் தீர்­வு­காணும் விவ­கா­ரத்தில் ஐ.தே.கவின் சிரேஷ்ட உறுப்­பி­னரும், சபா­நா­ய­க­ரு­மான கரு ஜய­சூ­ரிய தலை­யீடு செய்­தி­ருக்­கிறார். எனவே இந்த விவ­காரம் இன்னும் இரு தினங்­க­ளுக்குள் முடி­வுக்குக் கொண்­டு­ வ­ரப்­படும் என்று நம்­பு­கின்றோம்.

ஆனால் கட்­சியின் உறுப்­பினர் என்ற வகையில் ஐக்­கிய தேசியக் கட்சி பிள­வ­டைந்து தேர்­தலில் போட்­டி­யி­டு­மானால் அக்கட்சியினால் ஒரு­போதும் வெற்­றி­ய­டைய முடி­யாது என்­பதே எனது நிலைப்­பா­டாகும். எனவே கட்­சிக்குள் காணப்­படும் முரண்­பா­டு­களை விரை­வாகத் தீர்த்­துக்­கொண்டு ஒன்­றி­ணைந்து முன்­நோக்கிப் பய­ணிக்­க­வேண்டும்.

ஒன்­றி­ணைந்து பய­ணிப்­ப­தெனின் இரு­த­ரப்­புமே விட்­டுக்­கொ­டுப்­ப­துடன், சில அர்ப்­ப­ணிப்­புக்­க­ளையும் செய்­ய­வேண்டும். அதே­போன்று இவ்­வி­வ­கா­ரத்தில் கட்­சி யின் சிரேஷ்ட தலை­வர்கள் இடையிட்டு தீர்­வொன்றைக் காண்பதற்குரிய நடவடிக் கைகளை மேற்கொள்ள வேண்டும். அந்த வகையில் தற்போது கரு ஜயசூரிய தலை யீடு செய்திருப்பதன் மூலம் விரைவில் கட்சித்தலைமை குறித்த குழப்பநிலைக்கு தீர்வு எட்டப்படும் என்றும் நம்புகின்றோம் என்றார்.

மரக்கறிகளின் விலை 4 மடங்கு அதிகரிப்பு - 3 மாதங்களின் பின் விலை குறையுமாம்..!

மரக்கறிகளின் விலை கடந்த வருடத்துடன் ஒப்பிடுகையில் இந்த வருடம் 4 மடங்கு அதிகரித்துள்ளதாக தம்புள்ளை பொருளாதார மத்திய நிலையம் தெரிவித்துள்ளது.

நாட்டில் நிலவிய மழையுடனான வானிலை காரணமாக கடந்த 2 மாதங்களில்  இந்த நிலை ஏற்பட்டுள்ளதாக மத்திய நிலையம் கூறியுள்ளது.

தம்புள்ளை பொருளாதார மத்திய நிலையத்தில் ஒரு கிலோகிராம் கரட் 380 ரூபாயாக காணப்படுகின்றது.

கறிமிளகாய், தக்காளி, போஞ்சி உள்ளிட்ட மரக்கறிகளின் விலைகளும் அதிகரித்துள்ளன.

இதேவேளை, எதிர்வரும் இரண்டு, மூன்று மாதங்களில் மரக்கறிகளின் விலை மீண்டும் வீழ்ச்சியடையும் என தம்புள்ளை பொருளாதார மத்திய நிலையம் குறிப்பிட்டுள்ளது.

அறிவற்ற ஒரு முட்டாள், இனவாதி விமல் வீரவன்ச - மனோ கடும் தாக்குதல்

விமல் வீரவன்ச, தன்னை அரசியலமைப்பு பற்றிய அறிவற்ற ஒரு முட்டாள் இனவாதி என அடையாளம் மீண்டும் ஒருமுறை காட்டியுள்ளதாக தமிழ் முற்போக்கு கூட்டணி தலைவரும், கொழும்பு மாவட்ட பாராளுமன்ற உறுப்பினருமான மனோ கணேசன் தெரிவித்துள்ளார். 

வடமாகாணத்தின் மன்னார் செல்வாரியில் அமைந்துள்ள பனை உற்பத்தி நிலையத்தின் மும்மொழி பெயர்பலகையை திறந்து வைத்த அமைச்சர் விமல் வீரவன்ச, அந்த பலகையில் முதலில் இருந்த தமிழ் மொழி எழுத்துகளை மாற்றி முதலில் சிங்களத்தில் எழுதப்பட வேண்டும் என பனை அபிவிருத்தி சபை தலைவருக்கு அறிவுறுத்தல் வழங்கியுள்ளார். 

அதன்படி இப்போது தமிழில் முதலில் எழுதப்பட்ட மும்மொழி பெயர்பலகை மாற்றப்பட்டு, தற்போது சிங்களத்தில் முதலில் எழுதப்பட்ட மும்மொழி பலகை பொருத்தப்பட்டுள்ளது. 

இதன்மூலம் அமைச்சர் விமல் வீரவன்ச, தன்னை அரசியலமைப்பு பற்றிய அறிவற்ற ஒரு முட்டாள் இனவாதி என அடையாளம் மீண்டும் ஒருமுறை காட்டியுள்ளார். 

இலங்கையின் பல இன, மொழி, மத பன்மைத்துவத்தை சிதைத்து, இந்நாட்டை மீண்டும் பின்னோக்கி 1950களின் ‘சிங்களம் மட்டும்’ என்ற இருண்ட யுகத்துக்கு அழைத்து செல்வதில் விமல் வீரவன்ச முன்னணி வகிக்கின்றார். 

இந்நாட்டில் சமூக, பொருளாதார சீரமைப்பு மற்றும் ஒழுக்கம் என்று பல நடவடிக்கைகளை முன்னெடுப்பதாக ஜனாதிபதி கோட்டாபய ராஜபக்ஷ காட்டிக்கொண்டாலும், இந்நாட்டின் பன்மைத்தன்மை ஏற்றுக்கொள்ளப்படாவிட்டால், இவை அனைத்தும் எந்தவித பயனையும் தராது. 

இந்த அரசாங்கத்தில் இடம்பெறும் தமிழ் மொழியை தாய் மொழியாக கொண்ட அமைச்சர்களான அமைச்சர்கள் டக்லஸ் தேவானந்தா, ஆறுமுகன் தொண்டமான் ஆகியோருக்கு, இது தெரியவில்லையா? தமது அமைச்சரவை சகா விமல் வீரவன்சவின் இனவாத நடவடிக்கைகள் பற்றி விளங்கவில்லையா? 

நான் எனது அரசாங்கத்தில் அமைச்சராக பதவி வகித்த வேளையில், எமது அரசு தவறு விடும் ஒவ்வொரு சந்தர்ப்பத்திலும் அரசுக்குள் இருந்தபடி அமைச்சரவையிலும், கட்சி தலைவர்கள் கூட்டங்களிலும் உரக்க குரல் எழுப்பி, ஜனநாயகரீதியாக மோதி என்னால் இயன்றதை செய்திருக்கிறேன் என்பதை இந்நாட்டு தமிழ் மக்கள் நன்கு அறிவார்கள். இதுவும் இந்த அரசில் வடக்கையும், மலையகத்தையும் பிரதிநிதித்துவம் செய்யும் இந்த தமிழ் அமைச்சர்களுக்கு தெரியாதா? 

மன்னார் மாவட்ட செல்வாரியில் அமைந்துள்ள பனை அபிவிருத்தி சபை நிறுவனம் ஒன்றின் மும்மொழி பெயர்பலகையில் தமிழ் மொழியை தரவிறக்கம் செய்துள்ள அமைச்சர் விமல் வீரவன்சவின் நடவடிக்கை தொடர்பில் எழுந்துள்ள சர்ச்சை பற்றி தனது முகநூல் மற்றும் டுவீட்டர் தளங்களில் கருத்து கூறியுள்ள முன்னாள், தேசிய ஒருமைப்பாடு, மொழி விவகார, சமூக மேம்பாடு, இந்து சமய விவகார அமைச்சர் மனோ கணேசன் மேலும் கூறியுள்ளதாவது, விமல் வீரவன்ச, தனது இந்த நடவடிக்கை மூலம் தமிழர்களை இலங்கை தேசிய வாழ்வில் இருந்து ஒதுக்கி வைக்கிறார். தாம் சிங்கள மேலாண்மை ஆக்கிரமிப்பின் கீழேயே வாழ்கிறோம் என்ற எண்ணப்பாட்டை தமிழர்களுக்கு இவர் தருகிறார். 

நூற்றுக்கு தொண்ணூற்று ஒன்பது விழுக்காட்டுக்கு மேல் தமிழ் பேசும் இலங்கையர்கள் வாழும் மன்னாரில், அரச நிறுவன பெயர் பலகையில் சிங்களத்தில்தான் முதலில் எழுதப்பட வேண்டும் என்பது ஆக்கிரமிப்பு, மேலாண்மை சிந்தனை என்பதை தவிர வேறு என்ன? 

மறுபுறம் விமல் வீரவன்ச என்ற இந்த அமைச்சருக்கு சட்டம் தெரியவில்லை. அரசியலமைப்பின் 18ம் 19ம் விதிகளின் படி சிங்களமும், தமிழும் இந்நாட்டின் அரசகரும மற்றும் தேசிய மொழிகள் என கூறப்பட்டுள்ளது. எந்த இடத்திலும் சிங்களம், தமிழை விட உயர்ந்தது என கூறப்படவில்லை. 

அதேவேளை 22ம் விதியின்படி வடக்கு கிழக்கு மாகாணங்களில் அரச நிர்வாக பதிவேடுகள் தமிழிலும், ஏனைய மாகாணங்களில் சிங்களத்திலும் இருக்க வேண்டும் எனவும் கூறப்பட்டுள்ளது. 

நாடு முழுக்க பெயர்பலகைகளில் சிங்களத்தில்தான் முதலில் எழுதப்பட வேண்டும் என்ற சட்டம் எங்கே இருக்கிறது? அப்படி ஒரு சட்டம் இல்லை. இந்த துறைசார்ந்த முன்னாள் அமைச்சர் என்ற முறையில் எனக்கு இது நன்கு தெரியும். 

இப்படி பெயர் பலகைகளில் சிங்கள மொழியை முன்னிலை படுத்தும் ஒரு சட்டம் இருப்பதாக, விமல் வீரவன்சவோ அல்லது அவரது அரசாங்கத்தில் இடம்பெறும், தமிழ் தெரிந்த அமைச்சர்கள் டக்லஸ் தேவானந்தா, ஆறுமுகன் தொண்டமான் உட்பட எந்தவொரு அமைச்சரோ எனக்கு சுட்டிக்காட்டுவார்களாயின், அரசியலில் இருந்து நான் ஒதுங்கி விடுகிறேன். 

உண்மையில் அரசியலமைப்பு முன்வைக்கும் சட்ட உள்ளார்த்தத்தை மீறியதன் மூலம், அமைச்சர் விமல் வீரவன்ச, தன்னை நாட்டின் அரசியலமைப்பு பற்றிய அறிவற்ற ஒரு முட்டாள் இனவாதி என அடையாளம் காட்டியுள்ளார்.

January 20, 2020

விமல் வீரவன்சவின், அடாவடிச் செயல்

மன்னார்-தலைமன்னார் பிரதான வீதி, செல்வாரி கிராமத்தில் அமைக்கப்பட்ட பனை அபிவிருத்திச் சபையின் 'பனந்தும்பு உற்பத்தி நிலையம்' திறந்து வைக்கப்பட்ட நிலையில்,தமிழ் மொழிக்கு முதலிடம் கொடுக்கப்பட்டதை அவதானித்த அமைச்சர் விமல் வீரவன்ச அந்த பெயர்ப் பலகையை இன்றைய தினம் திங்கட்கிழமை மாலை மாற்றியமைத்துள்ளார்.

இந்த சம்பவம் தொடர்பாக மேலும் தெரிய வருவதாவது

மன்னாருக்கு கடந்த சனிக்கிழமை (18) வருகை தந்திருந்த அமைச்சர் விமல் வீரவன்ச இரண்டு நிகழ்வுகளில் கலந்து கொண்டிருந்தார்.

அன்றைய தினம் காலை 10 மணியளவில் மன்னார் பெரிய கடை பகுதியில் அமைந்துள்ள மாந்தை உப்பு உற்பத்தி நிலையத்திற்கு (மாந்தை சோல்ட் லிமிட்டெட்) திடீர் விஜயம் செய்திருந்தார்.

அங்கு சென்ற அமைச்சர் உப்பு உற்பத்தி நிலையத்தை பார்வையிட்டதோடு,அங்குள்ள பிரச்சினைகள் குறைபாடுகளை கேட்டறிந்து கொண்டார்.

அதனைத் தொடர்ந்து மன்னார்-தலைமன்னார் பிரதான வீதி,செல்வாரி கிராமத்தில் அமைக்கப்பட்ட பனை அபிவிருத்திச் சபையின் 'பனந்தும்பு உற்பத்தி நிலையம்' நிலையத்தை அமைச்சர் விமல் வீரவன்ச வைபவ ரீதியாக திறந்து வைத்தார்.

திறக்கப்பட்ட பெயர்ப் பலகையில் தமிழில் முதலிலும் இரண்டாவது சிங்களத்திலும் மூன்றாவது ஆங்கிலத்திலும் எழுதப்பட்டிருந்தது.

அந்தப் பெயர்ப்பலகையில் தமிழுக்கு கொடுக்கப்பட்டிருந்த முன்னுரிமையை அவதானித்த அமைச்சர் விமல் வீரவன்ச ஆவேசத்துடன் திறக்கப்பட்ட அந்த பெயர் பலகையை கழற்றி விட்டு உடனடியாக சிங்களத்தில் முதலாவதும் தமிழில் அடுத்ததாகவும் வரும் வகையில் மாற்றும்படி உரிய அதிகாரிகளுக்கு உத்தரவிட்டார்.அதற்கமைவாக உரிய அதிகாரிகள் அமைதியான முறையில் மாற்றத்தை மேற்கொண்டுள்ளனர்.

இந்த நிலையில் இன்று திங்கட்கிழமை(20) மாலை குறித்த பெயர்ப்பலகை மாற்றப்பட்டுஉரிய இடத்தில் அமைக்கப்பட்டுள்ளது.

அவ்வாறு மாற்றப்பட்டதை மகிழ்ச்சியுடன் அமைச்சர் தனது முகநூல் பக்கத்தில் பதிவிட்டுள்ளார்.

மாற்றப்பட்ட புகைப்படத்தையும் ஆதாரத்துக்கு வெளியிட்டிருக்கிறார்.

இந்த நிலையில் கடந்த சனிக்கிழமை மன்னாரில் திறந்து வைத்த பெயர்ப் பலகையில் இருந்த குறையை அந்த நேரத்திலேயே அதன் தலைவருக்கு நான் ஆணையிட்டதைத் தொடர்ந்து அது சரி செய்யப்பட்டிருக்கிறது. என்று முக நூலில் பதிவிட்டுள்ளார்.

ஏற்கெனவே விமல் வீரவன்ச கடந்த ஆண்டு யாழ் விமான நிலையம் தொடங்கப்பட்ட போது அங்கே பெயர்ப்பலகையில் தமிழில் முதலாவதாக எழுதியிருந்ததை கடுமையாக விமர்சித்திருந்தமையும் குறிப்பிடத்தக்கது.

பாணந்துரையில் வைக்கப்பட்டுள்ள ARM ஜிப்ரியின் ஜனாஸா, கல்முனையில் நல்லடக்கம் செய்யப்படும்


மூத்த ஊடகவியலாளர் ஜிப்ரியின் ஜனாஸா பாணதுரையிலுள்ள அவரது இல்லத்தில் வைக்கப்பட்டு,  காலை 8 வரை அங்கு வைத்து, ஜனாஸாவை கல்முனைக்கு எடுத்துச் செல்வதற்கு தீர்மானிக்கப்பட்டுள்ளது.

ஜனாஸா நல்லடக்கம் மாலை 21.01,2020 கல்முனையில் நடைபெறும்.

இலங்கையில் உள்ள 12492 இரட்டையர்கள் சேர்ந்து உலக சாதனையை படைத்தனர்


ஒரு தாய் வயிற்றில் பிறந்து ஒரே நேரத்தில் இந்த உலகை கண்ட 25 இரட்டையர்களுடன் 1996 ஆம் ஆண்டு உருவான இந்த இரட்டையர்கள் சங்கத்தில் தற்போது 2800 இரட்டையர்கள் அங்கம் வகிக்கின்றனர். 

8004 இரட்டையர்களை ஒன்றிணைத்து இந்தியாவில் நடத்திய நிகழ்வே இதுவரை கின்னஸ் சாதனையாக இருந்தது. 

ஆனால் இன்று 20.01.2020 நடைபெற்ற நிகழ்வில் 12492 இரட்டையர்கள் பங்கேற்றனர். 



எனது பிரார்த்தனை இதுதான்...!

தமிழ், சிங்களம், முஸ்லிம் ஆகிய இனங்கள் எந்தவித பேதமும் இன்றி ஒரே நாட்டில் பிறந்த இரட்டையர்களை போல ஒரு மனதாக சிந்திக்கும் அதேபோல் வாழும் இலங்கையர்களை காண்பதே தனது பிரார்தனை என பிரதமர் மஹிந்த ராஜபக்ஸ தெரிவித்துள்ளார். 

இலங்கை இரட்டையர்கள் சங்கம் கொழும்பு சுகததாச உள்ளக அரங்கில் இன்று (20) நடத்திய நிகழ்வில் கலந்துக்கொண்டு உரையாற்றிய போதே பிரதமர் இதனை கூறியுள்ளார். 

நிகழ்வில் தொடர்ந்தும் உரையாற்றிய பிரதமர், இவ்வாறு இரட்டையர்களை ஒரே நிகழ்வில் பங்குபெற செய்தமையை எண்ணி நான் மகிழ்ச்சியடைகின்றேன். 

இந்த இரட்டையர்களில் தமிழ், சிங்களம், முஸ்லிம் மற்றும் பேர்கர் ஆகிய இனங்களை சேர்ந்தவர்கள் உள்ளனர். 

எந்த இனமானாலும் இரட்டையர்களை போல் சிங்திக்கும், வாழும் மக்களை உருவாகும் நாளை காண்பதே எனது பிரார்தனையாகும். 

பிள்ளைகளே எமக்குள்ள ஒரே செல்வம். அதேபோல் குடும்பம் ஒன்றில் இரட்டையர்கள் பிறந்தால் அவர்களை வளர்ப்பதற்கு அவர்களது பெற்றோர் கடும் பிரயத்தனம் எடுக்க வேண்டும். 

இரட்டையர்கள் பிறந்தார்கள் என்பதற்காக வருமானம் இரட்டிப்பாகது மாறாக பொறுப்புகள் இரட்டிப்பாகும். 

எனவே இவ்வாறான இரட்டை பிள்ளைகளை வளர்தெடுத்த பெற்றோரை நான் பாராட்டுகின்றேன். 

இந்த நிறுவனம் இரட்டையர்களை பயன்படுத்தி நாட்டின் பால் சுற்றுலா பயணிகளை ஈர்க்க முயற்சிக்கின்றது. அதன் காரணமாகவே இரட்டையர்கள் எப்போதும் நாட்டுக்காக ஒற்றுமையாய் இருப்பார்கள் என நான் கூறினேன். 

அரசாங்கம் என்ற வகையில் இரட்டையர்களுக்கு விதிக்கப்பட்டுள்ள சட்டதிட்டங்களுக்கு அப்பாற் சென்று செயற்பட வேண்டும். அதனால் இரட்டையர்களின் மனோநிலைமை தொடர்பில் அரசாங்கம் முக்கிய கவனம் செலுத்த வேண்டும். 

பொது ஜன முன்னணி. ஸ்ரீலங்கா சுதந்திரக் கட்சி, சமசமாஜ கட்சி, கமினியூஸ்ட் கட்சி ஆகியன நாட்டுக்காக ஒன்றிணைந்துள்ளன. 

ஆனால் சில கட்சிகளின் பெயரை சொல்லும் போது அவர்கள் சர்வாதிகாரிகள் என்பது புலப்படும். 

அவர்கள் ஆட்சிக்கு வந்தால் நாட்டை விற்பார்கள், நாட்டை பிளவுப்படுத்துவார்கள் என மக்கள் கூறுகின்றனர். ஆனபடியால் தேசிய இரட்டையர் தினத்தை பிரகடனப்படுத்துமாறு கேட்டுள்ளேன. அதற்காக பின்பற்ற வேண்டிய நடைமுறைகளை பின்பற்ற எதிர்பார்த்துள்ளேன். 

இந்த இரட்டையர் சங்கம் 200 மில்லியன் ரூபா பெறுமதியான மரக்கன்றுகளை நடும் வேலைத்திட்டம் ஒன்றை நடைமுறைப்படுத்தவுள்ளது. 

உலகம் புவி வெப்பமடைதலால் பாரிய பிரச்சினைகளை எதிர்நோக்கியுள்ள இந்த வேளையில் இந்த மரநடுகை திட்டம் தூரநோக்கோடு முன்னெடுக்கப்படவுள்ளது. 

இந்த கைங்கரியம் வெற்றியடைய வேண்டும் என்பதோடு ஒன்றாய் பிறந்தது போல் நாட்டுக்காக ஒன்றாய் செயற்பட வேண்டும் எனவும் பிரார்த்திக்கின்றேன் என அவர் மேலும் தெரிவித்துள்ளார்.

இலங்கைக்கான கத்தாரின் புதிய, தூதுவராக ஜாஸிம் ஆல் ஸுரூர்

இலங்கைக்கான கத்தாரின் புதிய தூதுவர் ஜாஸிம் ஆல் ஸுரூர் தூதுவராக  நியமிக்கப்பட்டுள்ளார்.

 இவர் தனது நியமனப் பத்திரங்களை ஜனாதிபதியிடம் இன்று 20.01.2020 கையளித்தார்.



மூத்த அறிவிப்பாளர் ARM ஜிப்ரி காலமானார்


புகழ் அறிவிப்பாளர், முன்னால் அதிபர் Al.Ha-j A.R.M.Jiffty. இன்றிரவு 11.30 இதற்கு வபாத்தானார்கள்.(20-01-2020)

இன்னாலில்லாஹி வஇன்னா இலைஹி ராஜியூன்.

அன்னாரின் மறுமை வாழ்விற்காகப் பிரார்த்திப்போம்.

மரண தண்டனை விதிக்குமாறு நீதிபதியிடம் கூறியவருக்கும், நீதிபதிக்கும் மரண தண்டனை விதிக்க வேண்டும் - மஹிந்த

நீதிமன்ற நீதிபதிகளுக்கு அழுத்தம் கொடுத்து, எவராவது ஒருவருக்கு மரண தண்டனை விதிக்கப்பட்டிருக்குமாயின் அழுத்தம் வழங்கியவருக்கும் அந்த தவறை இழைத்த நீதிபதிக்கும் மரண தண்டனை வழங்கப்பட வேண்டும் என பிரதமர் மஹிந்த ராஜபக்ஷ தெரிவித்துள்ளார்.

அலரி மாளிகையில் ஊடக பிரதானிகளுடன் இன்று -20- இடம்பெற்ற விசேட கலந்துரையாடலின்போது அவர் இதனைத் தெரிவித்துள்ளார்.

குரல் பதிவுகள் தொடர்பில் ஆராயுமாறு ஜனாதிபதி ஆணைக்குழுவுக்கு அறிவிக்கப்பட்டுள்ளது.

ஒருவருக்கு மரண தண்டனை விதிக்குமாறு நீதிபதி ஒருவரிடம் கூறமுடியுமாயின் அவ்வாறு கூறியவருக்கும் தண்டனை விதித்தவருக்கும் மரண தண்டனை விதிக்க வேண்டும்.

மற்றுமொரு மனித கொலைக்கு சிகரான குற்றச்சாட்டு இதுவாகும் என பிரதமர் குறிப்பிட்டுள்ளார்.

ஒவ்வொரு தீர்ப்பிலும் நீதிமன்ற விடயத்தில் தலையீடு செய்யப்பட்டுள்ளமை மிகத் தெளிவாக புலனாகிறது.

முன்னாள் ஜனாதிபதியும் முன்னாள் பிரதமரும் அந்த விடயத்தில் தலையிட்டுள்ளமை தெரியவருவதாக ஊடக பிரதானி ஒருவர் இதன்போது கேள்வி எழுப்பியுள்ளார்.

இதற்கு பதிலளித்துள்ள பிரதமர் அதுதான் மிகவும் பாரிய நிலையாகும் என குறிப்பிட்டுள்ளார்.

இதேநேரம் முன்னாள் ஜனாதிபதி அடுத்த தேர்தலில் இணைந்து போட்டியிட உள்ளதாக அறிவித்துள்ளமை தொடர்பில் எழுப்பப்பட்ட கேள்விக்கு பதிலளித்து பிரதமர், அது தொடர்பில் விசாரணை மேற்கொண்டு தீர்மானம் மேற்கொள்ள வேண்டும் என தெரிவித்துள்ளார்.

பஸ், சகல கனரக வாகனங்களும் வீதியின் இடதுநிரலில் மாத்திரம் செல்ல வேண்டும் - புதிய சட்டம்

கொழும்பு வாகன போக்குவரத்துப் பிரிவு கடந்த வெள்ளிக்கிழமை தொடக்கம் இந்த நடைமுறையை முன்னெடுத்துள்ளது என்று நகர வாகன மற்றும் சுற்றாடல் பாதுகாப்பு பொலிஸ் பிரிவின் பணிப்பாளர் கமல் புஷ்பகுமார தெரிவித்துள்ளார். 

இந்த சட்டத்தை மீறிய 500 சாரதிகளுக்கு இக்காலப்பகுதிக்குள் இது தொடர்பாக எச்சரிக்கை விடுக்கப்பட்டதாகவும் அவர் கூறினார். 

கொழும்பு நகரில் வாகன நெரிசலுக்கு கனரகவாகன சாரதிகள் இடதுபக்க நிரலைப் பயன்படுத்தாமையே இதற்கான காரணமாகும். இந்த விதிகளை மீறுவோருக்கு எதிராக நடவடிக்கை மேற்கொள்ளப்படும். 

நகரத்தை அலங்கரிக்கும் நடவடிக்கை தொடர்ந்து முன்னெடுக்கப்படுவதாகவும் நகர வாகன மற்றும் சுற்றாடல் பாதுகாப்பு பொலிஸ்பிரிவின் பணிப்பாளர் கமல் புஷ்பகுமார தெரிவித்தார். 

பஸ்களில் அரசாங்கத்தின் அறிவுறுத்தல்களுக்கு அமைய, பாடல்கள் இடம்பெறாதுவிட்டால் அது தொடர்பாக 119 என்ற தொலைபேசி மூலம்அறிவிக்க முடியும்.

ஐதேக தலைவராக கரு, ஐதேமு தலைவராக சஜித் - 48 மணித்தியாலம் அவகாசம் கேட்கும் ரணில் - Exclusive News

- AAM. Anzir - 

ஐக்கிய தேசியக் கட்சியின் தலைவராக கரு ஜயசூரியவும், ஐக்கிய தேசிய முன்னணி தலைவராக சஜித் பிரேமதாசாவும் செயற்படுவதற்கு இணக்கம் காணப்பட்டுள்ளதாக நம்பகரமான அரசியல் வட்டாரங்களில் இருந்து Jaffna Muslim இணையத்திற்கு தகவல் கிடைத்தது.

ஐக்கிய தேசியக் கட்சிக்குள் ஒற்றுமை ஏற்பட வேண்டுமென்பதில், சபாநாயகர் கரு ஜயசூரிய மிகவும் உறுதியாக உள்ளார்.

அவர் கடந்த 2 நாட்களில் தனது, உத்தியோகபுர்வ இல்லத்திற்கு அழைத்து ரணிலுக்கும், சஜித்திற்கும் கட்சியின் ஒற்றுமை குறித்து பெரிய பாடத்தையே நடத்தியுள்ளார்.

இதையடுத்து தான் தேசிய ஐக்கிய முன்னணி தலைவராக செயற்படவும், கரு ஜயசூரிய ஐக்கிய தேசியக் கட்சி தலைவராக செயற்படவும் சஜித் பிரேமதாசா தனது முழு இணக்கத்தை வெளிப்படுத்தியுள்ளார்.

இந்த திட்டத்திற்கு தனது சம்மதத்தை தெரிவிக்க, ரணில் விக்கிரமசிங்க 48 மணித்தியாலம் அவகாசம் கேட்டுள்ளார்.

ரணில் இணக்கம் வெளியிட்டால் ஐதேக.க்குள் நிலவிய மோதல் நிலை முடிவுக்கு வருமென எதிர்பார்க்கப்படுகிறது.

இலங்கையர்களில் 30 லட்சம் பேர் மதுபானம் அருந்தி, 24 லட்சம் பேர் புகை பிடிக்கின்றனர்


இலங்கை மக்கள் தொகையில் 24 லட்சத்து 6 ஆயிரத்து 581 பேர் புகைப்பழக்கத்தை கொண்டுள்ளதாகவும், 30 லட்சத்து 35 ஆயிரத்து 143 பேர் மதுபானம் அருந்தும் பழக்கத்தை கொண்டுள்ளதாகவும், 2019ஆம் ஆண்டு மேற்கொண்ட ஆய்வில் தெரியவந்துள்ளதாக அபாயகரமான ஔடதங்களை கட்டுப்படுத்தும் தேசிய சபையின் ஆய்வு அதிகாரி ஏ.டி. தர்ஷன தெரிவித்துள்ளார்.

ஊவா மாகாண சபை மண்டபத்தில் நடைபெற்ற கூட்டம் ஒன்றில் அவர் இதனைக் கூறியுள்ளார். அவர் மேலும் தெரிவித்துள்ளதாவது,

மூன்று லட்சத்து ஓராயிரத்து 898 பேர் கஞ்சா பழக்கத்திற்கு அடிமையாகியுள்ளனர். 92 ஆயிரத்து 540 பேர் ஹெரோயின் பழக்கத்திற்கு அடிமையாகியுள்ளனர்.

24 ஆயிரத்து 211 பேர் போதை மாத்திரைக்கு அடிமையாகியுள்ளனர். ஒரு லட்சத்து 15 ஆயிரத்து 234 பேர் வேறு விஷ போதை பொருட்களுக்கு அடிமையாகியுள்ளனர்.

மக்கள் தொகையில் 16 லட்சத்து 13 ஆயிரத்து 777 பேர் புகைத்தல், 10 லட்சத்து 63 ஆயிரத்து 383 பேர் மது, ஒரு லட்சத்து 78 ஆயிரத்து 643 பேர் கஞ்சா, 70 ஆயிரத்து 862 பேர் ஹெரோயின், 12 ஆயிரத்து 932 பேர் விஷ போதைப் பொருட்களை தினமும் பயன்படுத்தும் அளவுக்கு அடிமையாகியுள்ளனர் என்பது ஆய்வில் கண்டறியப்பட்டுள்ளது.

2019ஆம் ஆண்டு ஜனவரி முதல் ஜூலை மாதம் வரையான காலப் பகுதியில் அபாயகரமான ஔடதங்கள் கட்டுப்பாட்டு தேசிய சபை, பொலிஸ் திணைக்களம், சிறைச்சாலைகள் திணைக்களம் மற்றும் ஜனாதிபதி செயலகத்துடன் இணைந்து கிராம உத்தியோகஸ்தர் பிரிவு மட்டத்தில் இந்த ஆய்வை நடத்தியது.

இலங்கையில் 18 வயதுக்கும் குறைந்த பெண்கள், சிறுவர்கள் மாத்திரமல்லாது 18 வயது அல்லது அதற்கு மேற்பட்ட பெண்கள், ஆண்கள் என இரண்டு தரப்பினரும் புகைத்தல் மற்றும் சட்டவிரோத போதைப் பொருட்களுக்கு அடிமையாகி உள்ளதாகவும் ஏ.டி. தர்ஷன குறிப்பிட்டுள்ளார்.

ரணிலுக்கு அச்சுறுத்தலா..? ஆராய்ந்து நடவடிக்கைக எடுக்க பிரதமர் உத்தரவு

முன்னாள் பிரதமர் ரணில் விக்ரமசிங்கவிற்கு இருக்கும் அச்சுறுத்தல்கள் சம்பந்தமாக ஆராய்ந்து தேவையான நடவடிக்கைகளை எடுக்குமாறு பிரதமர் மகிந்த ராஜபக்ச சம்பந்தப்பட்ட அதிகாரிகளுக்கு ஆலோசனை வழங்கியுள்ளார்.

தனது பாதுகாப்பை அதிகரிக்குமாறு முன்னாள் பிரதமர் அரசாங்கத்திடம் விடுத்துள்ள கோரிக்கையை கவனத்தில் கொண்டே பிரதமர் இந்த ஆலோசனையை வழங்கியுள்ளார்.

அதேவேளை முன்னாள் எதிர்க்கட்சித் தலைவர் இரா.சம்பந்தன் முன்வைத்திருந்த பாதுகாப்பு சம்பந்தமான சகல கோரிக்கைகளும் நிறைவேற்றப்பட்டுள்ளதாக பிரதமர் மகிந்த ராஜபக்ச குறிப்பிட்டுள்ளார்.

குரல் பதிவு அவுட், ஹிருணிக்கா வழக்குததாக்கல், பெரிய பிரச்சினை ஏற்பட்டுள்ளது என்கிறார்

நாடாளுமன்ற உறுப்பினர் ரஞ்சன் ராமாநாயக்கவுக்கும், தனக்கும் இடையில் நடந்த தொலைபேசி உரையாடலை தமது அனுமதியின்றி தொகுத்து வெளியிட்டுள்ளதாக ஐக்கிய தேசியக் கட்சியின் நாடாளுமன்ற உறுப்பினர் ஹிருணிக்கா பிரேமச்சந்திர தெரிவித்துள்ளார்.

தனக்கும் ரஞ்சன் ராமநாயக்கவுக்கும் இடையில் இடம்பெற்றதாக கூறி வெளியிடப்பட்டுள்ள குரல் பதிவுகள் சம்பந்தமாக இன்று -20- குற்றவியல் விசாரணை திணைக்களத்தில் ஹிருணிக்கா முறைப்பாடு செய்துள்ளார்.

திணைக்களத்தில் வெளியில் இது குறித்து செய்தியாளர்களிடம் கருத்து வெளியிட்டுள்ள அவர்,

நானும், ரஞ்சன் ராமநாயக்கவும் உரையாடுவதாக கூறும் தொலைபேசி உரையாடல் தொடர்பான குரல் பதிவு அனைத்து இடங்களிடம் பிரச்சாரப்படுத்தப்பட்டுள்ளது.

2017ஆம் ஆண்டு கொண்டு வரப்பட்ட கணனி தொடர்பாக சட்டத்தின் 7 ஷரத்தில், இருவருக்கு இடையிலான தொலைபேசி உரையாடல்களை சம்பந்தப்பட்டவர்களின் அனுமதியின்றி வெளியிட முடியாது என கூறப்பட்டுள்ளது.

இவ்வாறான நிலைமையில் நானும், ரஞ்சன் ராமநாயக்கவும் உரையாடுவதாக கூறப்படும் மூன்று குரல் பதிவுகள் தொகுக்கப்பட்டுள்ள சமூக வலைத்தளங்களில் வெளியிடப்பட்டுள்ளது.

மிகவும் திரிபுப்படுத்தி தொகுத்து வெளியிடடுள்ள அந்த குரல் பதிவுகள் தற்போது பரவி வருகிறது.

கவலைகுரிய விடயம் என்னவென்றால், வெளியாகியுள்ள இந்த குரல் பதிவுகளை நாட்டின் பிரதான தொலைக்காட்சிகள் தமது பிரதான செய்திகளில் வெளியிடுகின்றன.

அந்த உரையாடல் முழுவதிலும் இருப்பது எனது குரல் என்பதை எப்படி நிரூபிக்க முடியும். உரையாடுவது நானும் ரஞ்சன் ராமநாயக்கவும் என்பதை உறுதிப்படுத்த இரசாயன பகுப்பாய்வும் செய்யப்படவில்லை.

இப்படியான நிலையில் அதனை எப்படி எம்முடைய குரல்கள் எனக் கூற முடியும். அரசியல்வாதி என்ற ரீதியில் அல்ல பெண் என்ற ரீதியில் எனக்கு பெரிய பிரச்சினை ஏற்பட்டுள்ளது.

குறிப்பாக சமூகத்தில் பெரிய பிரச்சினைகளை எதிர்நோக்க நேரிடடுள்ளது. சமூக வலைத்தளங்களில் மிகவும் ஆபாசமாக பேசுகின்றனர். மிக ஆபாசமான செய்திகளை எனக்கு அனுப்புகின்றனர்.

தற்போது எனக்கு கொலை அச்சுறுத்தல் கூட விடுக்கப்படும் அளவுக்கு நிலைமை சென்றுள்ளது. மன தைரியம் உள்ளதால் நான் இவற்றை தாங்கி கொள்கிறேன்.

வேறு பெண்களுக்கும் இப்படியான நிலைமை ஏற்பட்டுள்ளது. அந்த பெண் நடிகையாக இருக்கலாம். எவருடைய மனைவியாகவோ, மகளாகவோ, சகோதரியாகவோ இருக்கலாம் அவர்களும் இந்த பிரச்சினையை எதிர்கொள்ள நேரிட்டுள்ளது.

இது பெரிய குற்றச் செயல், பொதுமக்களும் இதற்கு எதிராக குற்றவியல் விசாரணைப் பிரிவுக்கு வந்து பிரதான தொலைக்காட்சிகளுக்கு எதிராக முறைப்பாடு செய்ய முடியும்.

நான் இத்துடன் நின்று விட மாட்டேன், இதனை சிவில் வழக்காக முன்னெடுத்துச் சென்று, செய்தியாக இதனை மக்கள் அறிய செய்த, மக்களுக்கு தவறான தகவல்களை வழங்கி, எனது நற்பெயருக்கு களங்கம் ஏற்படுத்திய சகல தொலைக்காட்சிகளுக்கும் எதிராக வழக்கு தொடர்வேன்.

இது நாட்டின் பிரதான பிரச்சினைகளை மறைக்க எடுத்த முயற்சி என்பதை மக்களுக்கு கூற விரும்புகிறேன். நாட்டில் பல பிரச்சினைகள் உள்ளன.

முன்னர் வங்கிகளை கொள்ளையிட்டனர். தற்போது காய்கறி கடைகளில் கொள்ளையிடுகின்றனர். மக்கள் உண்பதற்கு வழியில்லாமல் இருக்கின்றனர் என ஹிருணிகா பிரேமச்சந்திர குறிப்பிட்டுள்ளார்.

பள்ளிவாசலில் நடந்த, இந்துத் திருமணம்


கேரள மாநிலம் ஆலப்புழா அருகே உள்ள காயங்குளத்தை சேர்ந்த அசோகன் என்பவர் கடந்த சில ஆண்டுகளுக்கு முன்பு இருதய நோயால் பாதிக்கப்பட்டு உயிரிழந்தார்.  அவரின் மனைவி பிந்து,  கூலி வேலைக்கு சென்று இரண்டு மகள்கள் மற்றும் ஒரு மகனை பராமரித்து வருகிறார். 

இந்நிலையில், மூத்த மகள் அஞ்சு திருமண வயதை எட்டிய நிலையில், வரதட்சணைக்கு எவ்வித பணமும் இல்லாமல் பிந்து தவித்து வந்துள்ளார். பிந்துவின் உறவினர் சரத் என்பவர், அஞ்சுவை திருமணம் செய்து கொள்ள முன்வந்துள்ளார். திருமண செலவுக்கு பணம் இல்லாமல் தவித்த நிலையில் அஞ்சுவின் சகோதரர் நிலைமையை தனது இஸ்லாமிய நண்பர்களிடம் கூறியுள்ளார். அவர்கள் ஜமாத் நிர்வாகிகளிடம் இதுபற்றி தெரிவித்துள்ளனர். 

இளைஞர்களின் முயற்சியை அங்கீகரிக்கும் வகையில் அஞ்சு - சரத் திருமண செலவை  ஜமாத் ஏற்று கொள்ளும் என பிந்துவிடம் நிர்வாகிகள் உறுதியளித்துள்ளனர். அதன்படி ஜமாத் லெட்டர் பேடில் திருமண அழைப்பிதழ் அச்சிடப்பட்டு அவ்வட்டார மக்கள் அனைவருக்கும் அழைப்பு அனுப்பப்பட்டது.  திருமண நாளான 19.01.2020 சேராப்பள்ளி முஸ்லீம் பள்ளிவாசலில் இந்து முறைப்படி அனைத்து சடங்குகளுடன் திருமணம் நடைபெற்றது. 

மணமகளை அழைத்து வந்ததை தவிர வேறு எந்த ஏற்பாடுகளையும் தாய் பிந்து செய்யவில்லை. தங்க ஆபரணங்கள் முதல் உணவு ஏற்பாடுகள் வரை அனைத்தையும் ஏற்று கொண்ட ஜமாத் நிர்வாகிகள் அந்த பள்ளி வளாகத்தை அமர்க்களப்படுத்தி இருந்தனர். அனைத்து மத மக்களும் திரண்டு மணமக்களை வாழ்த்தியதோடு சமூக ஊடகங்களில் இந்நிகழ்வு வைரலாக பரவியது. திருமண விழாவில் பங்கேற்ற  நாடாளுமன்ற உறுப்பினர் ஆரிப், இந்த நிகழ்ச்சி நாட்டுக்கே  முன்னுதாரணம் எனவும்,  தற்போதைய காலகட்டத்தில் சமூகத்திற்கு அவசியமான ஒன்று எனவும்  தெரிவித்தார். 

எதிர்பார்க்காத அளவுக்கு தங்கள் திருமணம் சிறப்பாக நடைபெற்றதாக மணமக்கள் தெரிவித்தனர். மதத்தின் பெயரால் மக்களை மோதவிடும் சூழலில் அவற்றை முறியடிக்கும் வகையில் காயங்குளம் ஜமாத் நிர்வாகிகளின் முயற்சியில் நடந்த  திருமணத்தை கேரள முதலமைச்சர் தனது இணைய தள பக்கத்தில் வாழ்த்தியுள்ளார். மக்களை பிரிக்க சில சக்திகள் முயன்றாலும், தங்களின் பந்தத்தை யாராலும் பிரிக்க முடியாது என்று அந்த சக்திகளுக்கே பாடம் புகட்டும் வகையில் நடந்த இந்த திருமண நிகழ்வு இந்த காலத்தில் ஒரு ஆச்சர்யம்தான்...  

“ஐம்பது லட்சம் முஸ்லிம்களை, நாட்டை விட்டு விரட்டுவோம்” - பாஜக தலைவர்

“சிஏஏ, என்சிஆர் போன்றவற்றால் யாருக்கும் எந்த பாதிப்பும் ஏற்படாது- குறிப்பாக முஸ்லிம்கள் சற்றும் அஞ்சத் தேவையில்லை” என்று பிரதமர், உள்துறை அமைச்சர் முதல் தமிழக அமைச்சர்கள் வரை வாக்குறுதிக்கு மேல் வாக்குறுதி அளிக்கிறார்கள்.

ஆனால் பாஜக தலைவர்கள் பேசுவது வேறு குரலில்.

மேற்கு வங்க பாஜக தலைவர் திலீப் கோஷ்,

“ஐம்பது லட்சம் முஸ்லிம்களைக் குடியேறிகளாய்க் கண்டறிந்து அவர்களை நாட்டை விட்டே விரட்டுவோம்” என்று வெறித்தனமாகப் பேசியுள்ளார்.

பிரதமரும் உள்துறை அமைச்சரும் முதலில் கண்டித்து அடக்கி வைக்க வேண்டியது திலீப் கோஷ் போன்ற வெறிபிடித்த தலைவர்களைத்தான்.

ஒரு புறம்,இப்படிப்பட்ட கட்சித் தலைவர்களை சகட்டு மேனிக்குப் பேச அனுமதித்துவிட்டு,

இன்னொருபுறம் சிறுபான்மை முஸ்லிம்களுக்கு எந்த பாதிப்பும் வராது என்று பசப்பினால் யார் நம்புவார்கள்?

-சிராஜுல்ஹஸன்

ஐ.தே.கட்சியின் தலைமைத்துவத்திற்கு, சஜித் பொருத்தமல்லாதவர் - வஜிர

(ஆர்.யசி)

சஜித் பிரேமதாசவினால் சிங்க பெளத்த மக்களின் வாக்குகளை பெற்றுக் கொள்ள முடியாது என சுட்டிக்காட்டிய ஐக்கிய தேசியக் கட்சியின் பாராளுமன்ற உறுப்பினர் வஜிர அபேவர்தன, கட்சியின் தலைமைத்துவத்திற்கு தற்போது சஜித் பிரேமதாச  பொருத்தமற்றவர் எனவும் தெரிவத்தார்.

அத்துடன் வடக்கு கிழக்கு மக்களின் ஆதரவு மாத்திரம் எமக்கு கிடைக்காது போயிருந்தால், கடந்த ஜனாதிபதி தேர்தலில் 22 இலட்சம் வாக்குகளில் மிகவும் மோசமான் தோல்வியை நாம் சந்தித்திருக்க நேரிட்டிருக்கும்.

கட்சியின் யாப்புக்கு அமைய செய்ய வேண்டிய வேளையில், யாப்பினை மீறி செய்ய முற்படுவதே கட்சிக்குள் குழப்பங்கள் நிலவ காரணமாக அமைந்துள்ளது. 

இன்று ஐக்கிய தேசிய கட்சி ஒழுக்கம் இல்லாத கட்சி என்ற நிலைமைக்கு சென்ருகொண்டுள்ளது. ஒழுக்க விதிகளை  மீறியவர்களுக்கு எதிராக நடவடிக்கை எடுக்க முடியாமல் போனமையும் இதன் ஒரு குறைபாடு என்றே நான் கருதுகின்றேன். இன்றும் சகல நேரங்களிலும் கட்சியின் தலைவரை விமர்சிக்கவும் அவருக்கு எதிராக மோசமான கருத்துக்களை முன்வைக்கவும் உறுப்பினர்கள் முயற்சிக்கின்றனர். 

இதன் விளைவு கட்சியாக அனைவரையும் சென்றடையும் என்பதை இவர்கள் மறந்து விடுவதாகவும் அவர் மேலும் கூறினார்.

மேல் மாகாண ஆளுனர், தனியார் வைத்தியசாலையில் சம்பளத்திற்கு பணியாற்றுகிறாரா...?

ஜனாதிபதியால் - அவருடைய "வியாத்மக" நிறுவன உறுப்பினராக இருந்து - மேல் மாகாணத்திற்கான ஆளுனராக நியமிக்கப்பட்ட "சீதா ஆரம்பொல" ஒரு ENT surgeon என்பதை எல்லோரும் அறிவர்.

ஆளுனராக இருப்பவர் ஏக காலத்தில் வேறு எந்த இலாபமீட்டும், தொழிலும் ஈடுபட முடியாது என்று அரசியல் யாப்பின் 154B (7) சரத்து கூறுகிறது.

ஆனால் இன்று வரை அவர் Hemas Hospital (தலவத்தகொட மற்றும் வத்தல கிளைகள்), Golden key hospital போன்றவற்றின் வெளிநோயாளர் பிரிவுகளில் தனது டாக்டர் தொழிலை செய்துவருவது கண்டறியப்பட்டுள்ளது.

AL Thavam

றிசாத் மீதும், மஸ்தான் மீதும் அடைக்கலநாதன் குற்றச்சாட்டு

எமது பிரதேசத்திற்கு ஒவ்வாத கொங்கிரீட் வீடுகளை காட்டி ஏழ்மையில் உள்ள எமது மக்களை மஸ்தான் எம்.பி ஏமாற்ற பார்க்கின்றார். அதனை நாம் தடுத்து நிறுத்துவோம் என வன்னி பாராளுமன்ற உறுப்பினர் செல்வம் அடைக்கலநாதன் தெரிவித்தார்.

வவுனியாவில் நேற்று இடம்பெற்ற ஊடக சந்திப்பின்போது பாராளுமன்ற உறுப்பினரால் கொங்கிரீட் வீடுகள் வன்னியில் அமைப்பதற்கான வேலைத்திட்டங்கள் முன்னெடுக்கப்படுவது தொடர்பில் கேட்டபோது அவர் இவ்வாறு தெரிவித்தார்.

தொடர்ந்தும் அவர் கருத்து தெரிவிக்கையில்,

ஏற்கனவே பொருத்து வீடுகளை ஐக்கிய தேசியக்கட்சி ஆட்சிக்காலத்தில் கொண்டு வருகின்ற போது முழுமையாக எதிர்த்து நாம் நிறுத்தினோம். அதேபோல் இந்த விடயத்திலும் மக்களுக்கு ஒவ்வாத வீட்டுத்திட்டங்களை ஏற்றுக்கொள்ளப்போவதில்லை. அதனை தடுத்து நிறுத்துவதற்கான அனைத்து முயற்சிகளையும் நாம் மேற்கொள்வோம். 

பாராளுமன்றத்திலும் இது தொடர்பில் ஒரு விவாதத்தினை கேட்டு இந்த திட்டங்களை முறியடிப்பதற்கான ஏற்பாட்டை கட்டாயமாக செய்வோம்.

வீடில்லாத எங்கள் மக்களுக்கு இந்த வீடு கூட இல்லாமல் இருக்கின்றோமே என்ற கருத்து வரலாம். ஆனால் அந்த வீட்டுக்குள்ளே வாழ முயடியாத நிலை காணப்படும். ஏனென்றால் எங்களுடைய நாட்டைப் பொருத்தவரையில் உஷ்னத்துடன் கூடிய வெயில் காலத்தில் எமது பிரதேசத்தில் அதிகமாக வாழ்ந்துகொண்டிருக்கின்றோம். 

அவ்வாறான நிலையில் வெப்பத்தினை உறிஞ்சி உள்ளே வைத்துக்கொள்ளும் நிலையைத்தான் இந்த வீடுகள் செய்துகொண்டிருக்கின்றது. வெளிநாட்டில் சாத்தியமான விடயம் எங்கள் நாட்டில் சாத்தியமற்ற விடயமாகும். எனவே மக்கள் விரும்புகின்ற வீட்டுத்திட்டத்தினையே நாம் பெற்றுக்கொடுக்க முயற்சிப்போம்.

மஸ்தானை பொருத்தமட்டில் மீண்டும் தமிழர்களுடைய வாக்கை அபகரிக்கலாம் என எண்ணுகின்றார். வடக்கு கிழக்கில் வாழும் முஸ்லீம்கள் எங்களுடைய சகோதரர்கள் என்றாலும் அவர்கள் இன்று அதிகளவான வீடுகளை கொண்டிருக்கின்றார்கள். பரம்பரை பரம்பரையாக வீடுகள் இருக்கின்ற நிலையிலும் ரிசாட் பதியுர்தீன் உட்பட மஸ்தானும் தங்கள் சமூகத்திற்கு அமைச்சர்களாக இருந்து அதனை பெற்றுக்கொடுக்கின்ற நிலை தொடர்ந்துகொண்டிருக்கின்றது.

எமது மக்கள் போராட்டத்தால் பாதிக்கப்பட்ட மக்கள். வீடில்லாமல் இருக்கின்ற இந்த சூழலை பயன்படுத்திக்கொள்ள மஸ்தான் முற்படுகின்றார். எங்கள் மக்களின் ஏழ்மை மற்றும் இல்லாத நிலையை வைத்து இவர்கள் ஏமாற்றுகின்ற நிலையை அனுமதிக்க முடியாது. 

ஆகவே அவர்கள் எமது மக்களிடம் வாக்கு கேட்பதாக இருந்தால் இவ்வாறு ஏமாற்ற வேண்டாம். உண்மையை சொல்லி வாக்கு கேளுங்கள் அவர்கள் நிராகரிப்பார்கள் என தெரிவித்தார்.

ஐதேக. யில் சிலர், ஜனாதிபதி கோட்டாபயவுக்கு ஆதரவளிக்கத் தயார்

ஐக்கிய தேசியக் கட்சியின் உள்ளக பிரச்சினை காரணமாக, அங்கிருந்து விலகிச்செல்லும் உறுப்பினர்கள் சிலர், ஜனாதிபதி கோட்டாபய ராஜபக்ஷவுக்கு ஆதரவளிக்க தயாராக உள்ளதாக அமைச்சர் நிமல் சிறிபாலடி சில்வா தெரிவித்துள்ளார்.

அவ்வாறு வருபவர்களை அன்புடன் வரவேற்பதாகவும் அவர் கூறியுள்ளார்.

மஹியங்களை பகுதியில் இன்று (20) இடம்பெற்ற மக்கள் சந்திப்பில் அவர் இதனைக் குறிப்பிட்டுள்ளார்.

தாய்ப்பால் கொடுப்பதில் உலகளவில், இலங்கை முதலிடம்

தாய்ப்பால் கொடுப்பதில் இலங்கை உலகில் முதல் இடத்தில் உள்ளதாக  சுகாதார சேவைகள் பணிப்பாளர் நாயகம் அனில் ஜாசிங்க தெரிவித்துள்ளார்.

தேசிய வைத்தியசாலையில் இன்று (20) இடம்பெற்ற நிகழ்வில் உரையாற்றுகையில் அவர் இதனைக் கூறியுள்ளார்.

சுமார் 10 அளவுகோல்களின் அடிப்படையில்  இலங்கைக்கு முதலிடம் கிடைக்கப்பெற்றுள்ளதாக அவர் கூறினார்.

சுகாதார அமைச்சு மற்றும் சுகாதார அதிகாரிகள்ல முன்னெடுத்த வேலைத்திட்டங்களுக்கு அமைய இந்த நிலையை அடைய முடிந்துள்ளதாக அவர் சுட்டிக்காட்டியுள்ளார்.

ரணிலுடன், கரு நீண்டநேரம் கலந்துரையாடல்


ஐக்கிய தேசிய கட்சியின் தலைவர் ரணில் விக்ரமசிங்க மற்றும் சபாநாயகர் கரு ஜயசூரிய ஆகியவர்களுக்கு இடையில் கலந்துரையாடல் ஒன்று இடம்பெற்றுள்ளது. 

நேற்று (19) இரவு சபாநாயகரின் உத்தியோகபூர்வ இல்லத்தில் இந்த சந்திப்பு இடம்பெற்றுள்ளதாக தெரிவிக்கப்படுகின்றது. 

சிக்கலில் உள்ள ஐக்கிய தேசிய கட்சியின் தலைமைத்துதவம் தொடர்பில் நீண்ட கலந்துரையாடல் இடம்பெற்றதாக தெரிவிக்கப்படுகின்றது.

கெரோனா வைரஸ், இலங்கையைத் தாக்குமா..?


சீனாவில் வேகமாகப் பரவிவரும் கெரோனா வைரஸ், நாட்டில் பரவாதிருப்பதற்குத் தேவையான நடவடிக்கைகளை சுகாதார அமைச்சு முன்னெடுத்துள்ளது.

இதன் ஒருகட்டமாக விமான நிலையத்தின் சுகாதாரப் பிரிவினர் தயார் நிலையில் வைக்கப்பட்டுள்ளதாக சுகாதார அமைச்சு தெரிவித்துள்ளது.

தடிமன், போன்ற அறிகுறிகளுடன் சீனாவிலிருந்து நாட்டிற்கு வருகை தரும் பயணிகள் விசேட பரிசோதனைக்கு உட்படுத்தபடவுள்ளனர்.

கொரோனா வைரஸ் நாட்டில் பரவும் அபாயம் தற்போது இல்லை எனவும் தொற்றுநோய் ஆய்வு பிரிவின் விசேட நிபுணர் டொக்டர் சமரவீர தெரிவித்துள்ளார்.

சீனாவில் கொரோனா வைரஸ் வேகமாகப் பரவி வருவதாக அந்நாட்டு அதிகாரிகள் எச்சரிக்கை விடுத்துள்ளனர்.

வுஹன் நகரில் குறித்த வைரஸினால் 2 நாட்களுக்குள் 136 பேர் பாதிக்கப்பட்டுள்ளதாக தெரிவிக்கப்பட்டுள்ளது.

இதனடிப்படையில் வுஹான் நகரில் கொரோனா வைரஸினால் பாதிக்கப்பட்டவர்களின் எண்ணிக்கை 198 ஆக அதிகரித்துள்ளது.

இம்ரான்கானின் வாழ்த்து, ஜனாதிபதி கோத்தாபயவுக்கு தெரிவிக்கப்பட்டது - புதிய தூதுவரும் நியமனம் பெற்றார்


இலங்கைக்கான பாகிஸ்தானின் புதிய உயர் ஸ்தானிகர், மேஜர் ஜெனரல் (ஓய்வுபெற்ற) முஹம்மது சாத் கட்டாக், 2020 ஜனவரி 20 ஆம் திகதி அன்று இலங்கை ஜனாதிபதி கோத்தாபய ராஜபக்ஷவை ஜனாதிபதி அலுவலகத்தில் சந்தித்து தனது நியமனம் தொடர்பான சான்றுகளை கையளித்தார்.

இலங்கை ஜனாதிபதியுடனான சந்திப்பின் போது உயர் ஸ்தானிகர், பாகிஸ்தான் ஜனாதிபதி மற்றும் பிரதமரின் வாழ்த்துக்களை இலங்கை ஜனாதிபதி மற்றும் மக்களுக்கு தெரிவித்ததோடு, இரு நாடுகளுக்கும் இடையிலான சகோதர உறவுகளை மேலும் வலுப்படுத்தவும் தனது விருப்பத்தை தெரிவித்தார்.

இலங்கை ஜனாதிபதி உயர் ஸ்தானிகரை அன்புடன் வரவேற்றதோடு வெற்றிகரமான அவரது பதவிக்காலத்திற்காக தனது வாழ்த்துக்களையும் தெரிவித்தார்.

மேஜர் ஜெனரல் (ஓய்வுபெற்ற) முஹம்மது சாத் கட்டாக், பாகிஸ்தான் நாட்டிலும் அதற்கு வெளியேயும் பல்வேறு பணிகளில் 35 வருடகால அனுபவம் பெற்றவர் என்பது குறிப்பிடத்தக்கது. 

மேலும் அவர், பிரான்ஸ் இராணுவ ஜூனியர் ஊழியர் பாடநெறி, பிரிட்டனின் பாதுகாப்பு புலனாய்வு இயக்குனர்கள் பாடநெறி, குவெட்டா கட்டளை மற்றும் பணியாளர்கள் கல்லூரி மற்றும் இஸ்லாமாபாத் தேசிய பாதுகாப்பு பல்கலைக்கழகம் ஆகியவற்றின் பட்டதாரியும் ஆவார்.

அரசியல் விஞ்ஞானம் , போர் ஆய்வுகள் ஆகிய துறைகளில் முதுமாணி பட்டம் பெற்ற அவர் சர்வதேச உறவுகள் துறையில் எம்.பில் பட்டமமும் பெற்றவராவார்.

மேலும், பலுசிஸ்தான் , கைபர் பக்துன்க்வா, ஃபாட்டா (FATA) ,இஸ்லாமாபாத் / ராவல்பிண்டி ஆகிய இடங்களில் உயரிய பதவிகளில் பணியாற்றியது, பயங்கரவாதத்திற்கு எதிரான போரைப் பற்றிய தனித்துவமான பார்வையை அவருக்கு அளித்தது என்பது குறிப்பிடத்தக்கது.

பௌசியின் மனு மார்ச் 23 ஆம் திகதி விசாரணைக்கு

ஶ்ரீலங்கா சுதந்திர கட்சியில் இருந்து தன்னை நீக்குவதற்காக எடுத்த தீர்மானம் சட்டவிரோதமானது என தீர்ப்பளித்து அந்த தீர்மானத்தை வலுவிழக்கச் செய்யுமாறு தெரிவித்து முன்னாள் அமைச்சர் ஏ.எச்.எம்.பௌசி தாக்கல் செய்ய மனுவை மார்ச் மாதம் 23 ஆம் திகதி விசாரணைக்கு எடுக்க உயர் நீதிமன்றம் உத்தரவிட்டுள்ளது. 

குறித்த மனு இன்று (20) விஜித் மலல்கொட, எஸ். துரைராஜா மற்றும் காமினி அமரசேகர ஆகிய நீதிபதிகள் முன்னிலையில் விசாரணைக்கு எடுத்துக் கொள்ளப்பட்டது. 

ஐக்கிய தேசியக் கட்சிக்கு ஆதரவு தெரிவித்ததாக குற்றம் சுமத்தியே என்னை சுதந்திர கட்சியிலிருந்தும் பாராளுமன்ற உறுப்பினர் பதவியிலிருந்தும் நீக்குவதாக அறிவித்திருப்பதாக ஊடகங்கள் ஊடாக அறியக்கிடைத்ததாக அவர் குறித்த மனுவில் குறிப்பிட்டிருந்தார். 

சுதந்திரக் கட்சியின் ஒழுக்காற்று குழு ஊடாக தன்னை பாராளுமன்ற உறுப்பினர் பதவியில் இருந்து நீக்க நடவடிக்கை எடுத்துள்ளதாக கூறப்படுகிறது. எனினும் என்னிடம் எதுவித ஒழுக்காற்று விசாரணைகளும் முன்னெடுக்கப்படாமலேயே இந்த தீர்மானம் எடுக்கப்பட்டுள்ளது. 

இந்த மனுவின் பிரதிவாதிகளாக சுதந்திரக் கட்சியின் தலைவரும் முன்னாள் ஜனாதிபதியுமான மைத்திரிபால சிறிசேன, கட்சியின் பொதுச் செயலாளர் தயாசிறி ஜயசேகர, ஐக்கிய மக்கள் சுதந்திர கூட்டமைப்பின் தலைவராக மீண்டும் மைத்திரிபால சிறிசேன, அதன் பொதுச் செயலாளர் மஹிந்த அமரவீர, பாராளுமன்ற செயலாளர் நாயகம் தம்மிக தசநாயக்க மற்றும் தேர்தல்கள் ஆணைக்குழுவின் தலைவர் மஹிந்த தேசப்பிரிய ஆகியோர் குறிப்பிடப்பட்டுள்ளனர்.

அரசாங்கத்தின் அதிரடி - பெயர்களை மாற்ற 3 மாதம் அவகாசம்



இனிமேல் உணவுப் பொருட்களுக்கு சுப்பர்... ஸ்மார்ட்... கோல்ட் அப்படின்னு சொல்ல தடைவரப்போகுது...

சம்பா அரிசின்னா சரிதானே.. அதென்ன சுப்பிரி சம்பா...

பெயர்களை மாற்ற கம்பனிகளுக்கு 3 மாத கால அவகாசம் கொடுத்திருக்குது அரசு...!

Sivarajah Ramasamy

மைத்திரிக்கும், ரணிலுக்கும் கால அவகாசம் வழங்கிய உயர் நீதிமன்றம்

முன்னாள் ஜனாதிபதி மற்றும் முன்னாள் பிரதமர் ஆகியோருக்கு உயிர்த்த ஞாயிறு தாக்குதல் தொடர்பான அடிப்படை உரிமை மீறல் மனுக்கள் தொடர்பில் ஆட்சேபனை தெரிவிக்க மார்ச் 6 ஆம் திகதி வரையில் உயர் நீதிமன்றம் கால அவகாசம் வழங்கியுள்ளது.

ஹஜ் கட்­டணம் 5 இலட்­சமாக, குறைந்துள்ளது என்பது பொய்


2020 ஆம் ஆண்­டுக்­கான ஹஜ் கட்­டணம் பற்றி ஹஜ் குழு இது­வரை உத்­தி­யோ­க­பூர்­வ­மாக எந்தத் தக­வ­லையும் வெளி­யி­ட­வில்­லை­யெ­னவும் சமூக வலைத்­த­ளங்­களில் தவ­றான தக­வல்கள் வெளி­யி­டப்­பட்டு வரு­வ­தா­கவும் பொது மக்கள் அவற்றை நம்­ப­வேண்­டா­மெ­னவும் பிர­த­மரும் கலா­சார அமைச்­ச­ரு­மான மஹிந்த ராஜபக் ஷவின் முஸ்லிம் விவ­கா­ரங்­ளுக்­கான இணைப்புச் செய­லாளர் பர்சான் மன்சூர் தெரி­வித்தார்.

ஹஜ் குழு இவ்­வ­ருடம் மிகக்­கு­றை­வான ஹஜ் கட்­ட­ணத்தை நிர்­ண­யித்­துள்­ள­தாக சமூக வலைத்­த­ளங்­களில் பரப்­பப்­பட்டு வரும் வதந்­திகள் தொடர்பில் கருத்து தெரி­விக்­கை­யி­லேயே அவர் இவ்­வாறு கூறினார்.
அவர் தொடர்ந்தும் கருத்து தெரி­விக்­கையில்;

இவ்­வ­ருடம் ஹஜ் கட்­ட­ண­மாக 5 இலட்­சத்­துக்கும் குறை­வான தொகையை ஹஜ் குழு நிர்­ண­யித்­தி­ருப்­ப­தாக சமூக வலைத்­த­ளங்­களில் தவ­றான செய்தி பரப்­பப்­பட்டு வரு­கி­றது. இது உண்­மைக்கு மாறான தக­வ­லாகும்.

இந்திய முஸ்லிம்களே, மனம் தளர்ந்து விடாதீர்கள்


இந்திய முஸ்லிம்களே, மனம் தளர்ந்து விடாதீர்கள் (வீடியோ)


சமூக ஊடகங்களில் இஸ்லாத்தை அவமதித்த 3 இலங்கையர்களுக்கு ஏழரை கோடி ரூபா அபராதம்

பேஸ்புக் மற்றும் இன்சஸ்டகிரால்ஆகிய சமூக வலைதலங்களில்   இஸ்லாத்தை அவதூறு செய்யும் விதமாக கருத்து வௌியிட்ட குற்றத்திற்காக துபாயில் வேலை செய்யும் ( Security guard)  மூன்று இலங்கையர்கள் சம்பந்தப்பட்ட வழக்கு துபாய் நீதிமன்றத்தில் நேற்று   விசாரணைக்கு எடுத்துக் கொள்ளப்பட்ட நிலையில் தலா ஒவ்வொருவருக்கும் 500,000 AED திர்ஹம் அபராதம் விதிக்கப்பட்டு தீர்ப்பு வழங்கப்பட்டது.

ஏப்ரல் 21ம் திகதி உயிர்த்த ஞாயிறு தினத்தில் இலங்கையில் நடந்த பயங்கரவாத குண்டுத் தாக்குதல்களுக்குப் பின்னர் கடந்த மே மாதம் இஸ்லாமிய மதத்தை அவதூறு செய்யும் விதமாக கருத்துக்களை முகநூல் உட்பட சமூக வலைத்தளங்களில் வௌியிட்டதாக அவர்களுக்கு எதிராக பொலிஸில் முறைப்பாடு செய்யப்பட்டிருந்தது.

துபாய் ஹோட்டல் தொகுதியொன்றின் பாதுகாப்புப் பிரிவில் பணியாற்றிய இந்த மூன்று பேர் தொடர்பில் குறித்த ஹோட்டல் ஊழியர்களினால் பொலிஸில முறைப்பாடு செய்யட்டது.

அதன்படி அவர்கள் கைது செய்யப்பட்டதோடு அவர்கள் தங்கியிருந்த இடங்களிலிருந்து கையடக்கத் தொலைபேசி, லெப்டொப் ஆகியவற்றை விசாரணைக்காக பொலிஸார் எடுத்துச் சென்றனர்.

இஸ்லாமிய மதத்தை அவதூறு செய்ததாக சாட்டப்பட்ட குற்றத்தை குறித்த மூன்று இலங்கையர்களும் நீதிமன்றத்தில் நிராகரித்தனர். இலங்கையில் நடந்த குண்டுத் தாக்குதல்களின் பின்னர் பயங்கரவாதத்திற்கு எதிரான கருத்துக்களை சமூக வலைத்தளங்கள் ஊடாக வௌியிட்டதாக அவர்கள் கூறியுள்ளனர்.

இந்நிலையில்  அவர்கள் தொடர்பிலான நீதிமன்ற தீர்ப்பு நேற்று  துபாய் நீதிமன்றத்தில் அறிவிக்கப்பட்டது. 5 இலட்சம்  AED இலங்கை மதிப்பில் ஒருவருக்கு சுமார் இரண்டரை கோடி அபரதாத்தை செலுத்திய பின்னர் இலங்கைக்கு திருப்பி அனுப்பப் படுவார்கள் எனவும் அத்தீர்ப்பில் மேலும் தெரிவிக்கபடுகிறது.


இலங்கையில் இன்று, நிகழ்த்தப்படவுள்ள உலக சாதனை

கின்னஸ் உலக சாதனைக்காக இலங்கையர்களால், இன்று புதுவிதமான முயற்சியொன்று முன்னெடுக்கப்படவுள்ளது.  அந்தவகையில், உலகின் அதிகமான இரட்டையர்களின் ஒன்றுக்கூடல் மூலம் இக்கின்னஸ் உலக சாதனையை மேற்கொள்ள இலங்கை இரட்டையர்கள் சங்கம் நடவடிக்கை எடுத்துள்ளது.

இந்நிகழ்வு இன்று (20.01.2020) கொழும்பு சுகததாச உள்ளக அரங்கில் நடைபெறவுள்ளது. இதில் வயது வித்தியாசமின்றி இரட்டையர்கள் பங்குபற்ற முடியுமெனவும் மேற்படி சங்கம் தெரிவித்துள்ளது. 

அதேபோல் 18 வயதுக்கும் மேற்பட்ட இரட்டையர்கள் தமது தாயின் அல்லது தந்தையின் தேசிய அடையாள அட்டையின் பிரதி ஒன்றை கொண்டுவர வேண்டும் எனவும் அந்த சங்கம் அறிவித்துள்ளது.

இந்த நிகழ்வு தொடர்பில் கருத்து தெரிவித்த இலங்கை இரட்டையர்கள் சங்கத்தின் செயலாளர் இந்திக தந்தெனிய, இலங்கையின் புகழை உலகுக்கு கொண்டுச் செல்ல நாடு முழுவதும் உள்ள இரட்டையர்கள் முன்வரவேண்டும் என தாம் எதிர்பார்ப்பதாகவும் தெரிவித்துள்ளார். 

குறைந்த விலையில் தங்கம் விற்பனை - மோசடிக்காரர்களிடம் ஏமாறாதீர்கள் என நாட்டு மக்களுக்கு எச்சரிக்கை

அநுராதபுரத்தில் குழுவொன்று தங்க முலாம் பூசப்பட்ட உலோகத்துண்டுகளை, தங்கம் என கூறி குறைந்த விலையில் விற்பனை செய்துள்ளதாக தெரியவருகிறது.

இந்த நிலையில் குறித்த குழுவை சேர்ந்த ஏழு சந்தேகநபர்கள் அநுராதபுரம் பழைய பேருந்து நிலையத்திற்கு அருகில் வைத்து நேற்றைய தினம் கைது செய்யப்பட்டுள்ளனர்.

பொலிஸாருக்கு கிடைக்கப்பெற்ற இரகசிய தகவலின் அடிப்படையில் மேற்கொள்ளப்பட்ட சுற்றிவளைப்பின் போதே இவர்கள் கைது செய்யப்பட்டுள்ளனர்.

சம்பவம் தொடர்பில் 27 - 55 வயதுகளை கொண்ட அநுராதபுரம் , மிஹிந்தலை, பானியங்கடவல ஆகிய பகுதிகளை சேர்ந்த சந்தேகநபர்களே கைதாகியுள்ளனர்.

இந்த சந்தர்ப்பத்தில் சந்தேகநபர்களிடமிருந்து 270 கிராம் நிறையுடைய தங்க முலாம் பூசப்பட்ட உலோகத்துண்டுகளும், தெலைபேசி, கார் மற்றும் மோட்டார்சைக்கிள் என்பனவும் மீட்கப்பட்டுள்ளன.

இந்த நிலையில் சம்பவம் தொடர்பான விசாரணைகளை பொலிஸார் முன்னெடுத்து வருகின்றனர்.

மேலும், இவ்வாறான சம்பவங்கள் தொடர்பில் நாட்டு மக்கள் எச்சரிக்கையாக இருக்க வேண்டும் எனவும், குறைந்த விலையில் தங்க விற்பனை என்றவுடன் ஏமாற்றமடையாமல் இது குறித்து உடனடியாக சம்பந்தப்பட்டவர்களுக்கு அறிவிக்க வேண்டும் எனவும் அறிவுறுத்தல் விடுக்கப்பட்டுள்ளது.

திருடுவதற்காக இப்படியும், அக்கிரமம் செய்கிறார்கள்

வெல்லவாய - திம்புலாமுர பிரதேசத்தில் நிறுத்தப்பட்டிருந்த வாகனம் ஒன்றின் மேலதிக டயரை திருடுவதற்காக வீட்டின் பாதுகாப்பிற்கு இருந்த நாய்கள் இரண்டு விஷம் வைத்து கொல்லப்பட்டுள்ளன.

நாய்கள் இரண்டிற்காக உணவில் வைக்கப்பட்ட விஷம் காரணமாக பூனைகள் மற்றும் 5 கோழிகள் உயிரிழந்துள்ளன.

சம்பவம் தொடர்பில் வீட்டின் உரிமையாளர்கள் பொலிஸ் நிலையத்தில் முறைப்பாடு செய்துள்ளார்.

கடந்த இரண்டு நாட்களுக்கு முன்னர், வாகனத்தின் மேலதிக டயரை திருடுவதற்காக அடையாளம் தெரியாத நபர்கள் சிலர் வீட்டிற்கு வந்துள்ளனர்.

எப்படியிருப்பினும், வீட்டின் பாதுகாப்பிற்கு இருந்த நாய்கள் இரண்டு குரைத்தமையினால் அவற்றுக்கு உணவில் விஷம் வைத்து கொலை செய்யப்பட்டுள்ளன.

இதேவேளை, அந்த வீட்டில் உணவு பெற தினமும் வரும் 3 பூனைகளும் 2 கோழிகளும் இந்த உணவை உற்கொண்டு உயிரிழந்துள்ளதாக தெரிவிக்கப்படுகின்றது.

January 19, 2020

ஜாமிஆ நளீமிய்யாவுக்கு, சென்ற அபூ தாலிபுக்கள்


அஷ்ஷைக் பளீல் (நளீமி)

கொழும்பை மையமாகக் கொண்டு இயங்கும் மதத் தலைவர்களையும் புத்திஜீவிகளையும் உள்ளடக்கிய RRG (பொறுப்பு வாய்ந்த ஆட்சிக்கான மதங்கள்) எனப்படும்  அமைப்பின் உறுப்பினர்கள் கடந்த 16ஆம் திகதி ஜாமிஆ நளீமிய்யாவுக்கான விஜயம் ஒன்றை மேற்கொண்டார்கள்.

அக்குழுவில் :-

பௌத்த ஆய்வுகளுக்கான வல்பொல ராஹுல அமைப்பின் நிறைவேற்றுப் பணிப்பாளரும் களனி பல்கலைக்கழக சமூகவியல் கற்கைநெறிகள் பீடத்தின் வரலாற்றுத் துறைத் தலைவருமான கல்கந்தே தம்மானந்த தேரர், 

கொழும்பு மாவட்ட முன்னை நாள் அங்கிலிக்கன் பேராயர்  துலிப் கே சிக்கேரா , 

சின்மயா மிஷன் அமைப்பின் இலங்கை பணிமனையைச் சேர்ந்த சுவாமி குணாதினந்தா   சரஸ்வதி குருக்கள், 

தேசிய சூரா சபை, தேசிய ஷரியா கவுன்சில் ஆகியவற்றைச் சேர்ந்த அஷ்ஷைக் ஸியாரத் இப்ராஹிம் (கபூரி), 

கல்வி அமைச்சின் முன்னாள் செயலாளர் டாக்டர் தாரா டீ மெல், பட்டயக் கணக்காளரும் பிரபல எழுத்தாளரும் ஆய்வாளருமான திருவாளர்  ஹர்ஷ குணசேன, 

தேசபந்து அஷ்ஷைக் முனீர் முளப்பர்(நளீமி) ஆகியோர் இக்குழுவில் அடங்கியிருந்தனர்.

RRG என்பது அரசியல் சார்பியங்கள் எதுவும் இல்லாத, சுதந்திரமான ஓர் அமைப்பாகும். அது நாட்டில் பொறுப்புமிக்க, வகைகூறும் அரசியல் ஒழுங்கொன்று அமைய வேண்டும் என்பதற்காகவும் சமூகங்களுக்கிடையிலும் பல்லின சமயங்களைச் சேர்ந்தவர்களுக்கிடையிலும்  அன்னியோன்யத்தை ஏற்படுத்தவும் அர்ப்பணிப்போடு செயல்பட்டு வரும் தன்னார்வு நிறுவனமாகும்.

ஜாமியாவுக்கான அவர்களது விஜயத்தின் போது நளீமியாவின் வாசிகசாலை, பள்ளிவாயல் நிர்வாக கட்டடம், விரிவுரை மண்டபங்கள்  போன்றவற்றைப் பார்வையிட்டனர். வாசிகசாலையானது பல மொழிகளிலான,பல்துறை சார்ந்த நூல்களை உள்ளடக்கியிருப்பதை அவர்கள் கண்டறிந்து கொண்டார்கள். ஜாமிஆவின் ஏழு வருட கற்கை நெறியைப் பூர்த்தி செய்ய முன்னர் ஒவ்வொரு  மாணவரும் கட்டாயமமாக ஓர் ஆய்வுக் கட்டுரையை சமர்ப்பிக்க வேண்டும். அவ்வாறு சமர்ப்பிகப்பட்டு வாசிகசாலையில் வைக்கப்பட்டுள்ள சில ஆய்வுக் கட்டுரைகளை அவர்கள் பார்வையிட்டனர். மத ஒப்பீட்டாய்வு, இன நல்லிணக்கம் தொடர்பாக சிங்கள, ஆங்கில ,அரபு, தமிழ் மொழிகளில் அமைந்த ஆய்வுகளும் அங்கு கணிசமான அளவு இருந்தன.

அதிதிகள் ஜாமியா நளீமியா பணிப்பாளர் கலாநிதி சுக்ரி, பிரதிப் பணிப்பாளர் அஷ்ஷெய்க் அகார் முஹம்மத், விரிவுரையாளர்கள், உத்தியோகஸ்தர்கள் ஆகியோரால் வரவேற்கப்பட்டனர். கலாநிதி இர்பான் அவர்கள் ஜாமிஆவின் கொள்கைகள், இலக்குகள், அதன் பாடத்திட்டம், கடந்த கால செயற்பாடுகள் என்பன தொடர்பான விளக்கத்தை அளித்தார். குறிப்பாக ஜாமிஆ மாணவர்களுக்கும் சமூகத்துக்கும் இஸ்லாத்தின் நடுநிலை, மிதவாத சிந்தனையை முன்வைக்கவும் பாடத்திட்டத்திற்கு அப்பால் மேற்கொள்ளப்பட்ட முயற்சிகள் தொடர்பாகவும் இதுவரைக்கும் அத்துறைக்கான நளீமீக்களது ஆக்கங்கள்
தொடர்பாகவும் அந்த விளக்கம் அமைந்தது.

குறிப்பாக இது தொடர்பாக ஜாமிஆவின் வளாகத்துக்குள் இடம்பெற்ற கல்வி முகாம்கள், ஆய்வரங்குகள் பற்றிய ஆவணம் அவர்களுக்கு எழுத்துருவில் கையளிக்கப்பட்டது. 

அதனை தொடர்ந்து RRG  பற்றிய அறிமுகத்தை ஹர்ஷ முன்வைத்தார். விரிவுரையாளர்கள் உத்தியோகத்தர்களுக்கான தனியான அமர்வை தொடர்ந்து ஐந்தாம் ஆறாம் ஏழாம் வருடங்களில் கல்வி பயிலும் ஜாமிஆ மாணவர்களுக்கான RRG அமைப்பினரின் சந்திப்பு இடம்பெற்றது.
அவர்கள்  தொடுத்த வினாக்களுக்கு அதிதிகள் விளக்கமளித்தனர்.

இவ்விரு அமர்வுகளின் போதும் பல கருத்துக்கள் பரிமாறப்பட்டன. 

ஜாமிஆ என்பது ஏககாலத்தில் ஆன்மாவோடும் அறிவோடும் உரையாடுவதற்கான செயல்முறைகளை கொண்டிருக்கிறது. இலங்கை முஸ்லிம் சமூகம் தற்போது எதிர்நோக்கியுள்ள பல பிரச்சினைகளுக்கு தீர்வு சொல்லும் கடப்பாட்டை ஜாமிஆ சுமந்திக்கிறது, அதற்கான தகுதியை அது பெற்றிருப்பதை என்பதை உணர முடிகிறது போன்ற முக்கிய கருத்துக்களை அவர்கள் முன்வைத்தார்கள்.

பௌத்த, இந்து, கிறிஸ்தவ மதங்கள் தொடர்பான விரிவுரைகளை அந்தந்த சமயங்களைச் சேர்ந்த தேர்ச்சி மிக்க வளவாளர்களை அழைத்து செய்வதற்கு உதவ முடியும் என RRG அமைப்பினர் தெரிவித்துடன் இஸ்லாம் பற்றிய தெளிவை வழங்கும் விரிவுரைகளை நளீமிய்யா ஏற்பாடு செய்ய வேண்டும் என்று அவர்கள் கருத்துத் தெரிவித்தனர்.

 சமூகங்களுக்கிடையிலான வன்முறைகளுக்கும் தப்பான கருத்துப் பரவலுக்கு பிரதான காரணம் ஒவ்வொரு சாராரும் ஒதுங்கி வாழ்வதாகும் என்றும் எனவே அடிக்கடி சந்தித்து கொள்வதற்கான இது போன்ற நிகழ்வுகள் அவசியம் என்றும் அவர்கள் வலியுறுத்தினார்கள்.

இலங்கையில் இன முரண்பாடுகளுக்குப் பின்னணியில் அரசியல்வாதிகளது நலன்களே காரணமாகும். பிரித்தாளும் கொள்கைக்கு நாம் பலியாக விடலாகாது. மதத்தலைவர்கள் பிடிவாதம், குறுகிய சிந்தனை என்பவற்றில் இருந்து வெளிவர வேண்டும். இது எல்லா மதங்களுக்கும் பொதுவானதாக இருக்கிறது என்றும் அவர்கள் தெரிவித்தார்கள்.

அல்ஹம்துலில்லாஹ் !

நளீமியா பற்றிய வித்தியாசமான சில  அபிப்பிராயங்கள் வெளியில் பரப்பப்படும் இந்த காலகட்டத்தில் இப்படியான நிகழ்வுகள் அவசியம் என நாம் கருதுகிறோம். நியாயமாகவும் நடுநிலையாகவும் சிந்திக்கும் நல்லுள்ளம் கொண்ட சகோதர இனங்களைச் சேர்ந்த அபூதாலிபுகள் இருக்கிறார்கள் என்பதையும் இது காட்டுகிறது.  இருக்கிறார்கள்.

வருகை தந்த பிரமுகர்கள் மிகவுமே காத்திரமான கருத்துக்களை பரிமாறியதுடன் இதன்  தொடராக பல நிகழ்வுகள் நடக்க வேண்டும் என்றும் கூறினர்.

அல்லாஹ் எமது நிறுவனத்தையும் ஏனைய இஸ்லாமிய நிறுவனங்களையும் இஸ்லாத்தையும் முஸ்லிம்களையும் ஏன் முழு உலக மாந்தர்களையும் பாதுகாப்பானாக!

அடுத்தமாதம் SLMC யின் 29 பேராளர் மாநாடு - இன்றைய உயர்பீடக் கூட்டத்தில் தீர்மானம்


ஸ்ரீலங்கா முஸ்லிம் காங்கிரஸின் உயர்பீடக் கூட்டம் கட்சியின் தலைமையகமான தாருஸ்ஸலாமில் இன்று (19) நடைபெற்றது.

கட்சியின் 29ஆவது பேராளர் மாநாட்டை பெப்ரவரி மாதத்தில் நடாத்துவதென இதன்போது தீர்மானிக்கப்பட்டது.




ஐ.தே.க. யையும் உள்ளடக்கியே, புதிய கூட்டணி - சஜித் தெரிவிப்பு


ஐக்கிய தேசியக்கட்சியை உள்ளடக்கும் வகையில், புதிய கூட்டணி ஒன்றை அமைக்கும் பணிகள் முன்னெடுக்கப்பட்டு வருகின்றன.

இந்த தகவலை எதிர்க்கட்சி தலைவர் சஜித் பிரேமதாஸ தெரிவித்துள்ளார்.

பியகமையில் இன்று -19- இடம்பெற்ற கூட்டம் ஒன்றில் அவர் இதனைக்குறிப்பிட்டுள்ளார்.

ஐக்கிய தேசியக்கட்சியை தவிர்த்து கூட்டணி அமைக்கப்படவுள்ளதாக வெளியான தகவலை அவர் மறுத்துள்ளார்.

தம்மை பொறுத்தவரையில் ஐக்கிய தேசியக்கட்சியை உடைத்துவிட்டு தனிக்கட்சியை அமைக்கவேண்டிய நோக்கம் இல்லை என்றும் சஜித் பிரேமதாஸ தெரிவித்துள்ளார்.

நாடாளுமன்றத்தில் அதிக ஆனசங்களை பெறும் நோக்கத்துடன் செயற்படுவதால் ஐக்கிய தேசியக்கட்சியின் தலைமையிலான கூட்டணியே அமைக்கப்படும் என்றும் சஜித் பிரேமதாஸ குறிப்பிட்டுள்ளார்.

84 பில்லியன் ரூபா கடன் இருக்க, கடனைச்செலுத்த கடன் கேட்கும் மின்சார சபை

பெற்றோலியக் கூட்டுத்தாபனத்திற்கு வழங்கவேண்டிய, கடன் தொகையை மீள செலுத்துவதற்காக மேலும் கடன் பெறுவற்கு மின்சார சபை தீர்மானித்துள்ளது.

அரச வங்கிகளூடாக கடனைப் பெற்றுக்கொள்வதற்கு எதிர்பார்ப்பதாக மின்சக்தி மற்றும் மீள்புதுப்பிக்கதக்க சக்தி அமைச்சு தெரிவித்துள்ளது.

84 பில்லியன் ரூபா கடன், பெற்றோலியக் கூட்டுத்தாபனத்திற்கு செலுத்த வேண்டியுள்ளது.

கடன் தொகையை செலுத்தத் தவறினால், எரிபொருள் விநியோகிக்கப்பட மாட்டாது என பெற்றோலியக் கூட்டுத்தாபனம் ஏற்கனவே பல்வேறு சந்தர்ப்பங்களில் அறிவித்தல் விடுத்திருந்தது.

Older Posts