October 26, 2020

20 தொடர்பில் முஸ்லீம் காங்கிரஸ் செய்த, உடன்படிக்கை என்ன..? பகிரங்கப்படுத்த ஐதேக கோரிக்கை


20வது திருத்தம் தொடர்பாக பிரதமர் மகிந்த ராஜபக்சவுடன் செய்துகொண்ட உடன்படிக்கை குறித்த விபரங்களை ஸ்ரீலங்கா முஸ்லீம் காங்கிரஸ் வெளியிடவேண்டும் என ஐக்கியதேசிய கட்சி வேண்டுகோள் விடுத்துள்ளது.

பொதுத்தேர்தலின் போது 20வது திருத்தததை முஸ்லீம் காங்கிரஸ் எதிர்த்ததுடன் கட்சியின் கொள்கைகள் முஸ்லீம் சமூகத்திற்கு எதிரானது என தெரிவித்திருந்தது என ஐக்கியதேசிய கட்சி குறிப்பிட்டுள்ளது.

எனினும் மூடப்பட்ட கதவுகளின் பின்னால் இந்த அரசியல்வாதிகள் அரசாங்கத்துடன் இரகசிய உடன்படிக்கைக்கு வந்துள்ளனர் என ஐக்கியதேசிய கட்சி தெரிவித்துள்ளது.

19வது திருத்தம் மூலம் உறுதிசெய்யப்பட்ட ஜனநாயக விழுமியங்களை 20வது திருத்தத்தை ஆதரித்ததன் மூலம் முஸ்லீம் காங்கிரஸ் புறக்கணித்துள்ளது என ஐக்கியதேசிய கட்சி குற்றம்சாட்டியுள்ளது.

முஸ்லீம் மக்கள் மீண்டுமொரு அவர்கள் தெரிவுசெய்தவர்களால் ஏமாற்றப்பட்டுள்ளனர்,பிரதமருடன் செய்துகொள்ளப்பட்ட உடன்பாடு குறித்து உண்மையை முஸ்லீம்காங்கிரஸ் வெளியிடாமலிருப்பது பொறுப்பற்ற ஒழுக்கமற்ற செயல் என ஐக்கியதேசிய கட்சி தெரிவித்துள்ளது.

அவர்களின் மௌனம் அவர்கள் முஸ்லீம் மக்களின் நலனிற்கு பாதகமான உடன்படிக்கையை செய்துள்ளனர் என்பதை புலப்படுத்துகின்றது என ஐக்கியதேசிய கட்சி தெரிவித்துள்ளது.

முஸ்லிம்களிடம் மண்டியிட்டாரா பிரான்ஸ் அதிபர்..? (டுவிட்டர் பதிவு இணைப்பு)



அமைதியை வளர்க்க அனைத்து வேறுபட்டகருத்துக்களுக்கும் நாங்கள் மதிப்பளிக்கிறோம், வெறுப்பு பிரச்சாரத்தை நாங்கள் வளர்க்க மாட்டோம்,   நாங்கள் எப்போதும் மனிதாபிமானத்திர்கும் உலகளாவிய விழுமியங்களுக்கும் ஆதரவாக நிற்போம். என்று அரபியில் டுவிட் செய்து அரபு முஸ்லிம்களிடம் மண்டியுட்டுள்ளார் பிரான்ஸ் அதிபர்.  நாங்கள் பின்வாங்க மாட்டோம் என்று டுவிட்டரில் அவர் சொல்லியிருந்தாலும் அவர் பின்வாங்கிவிட்டார் என்பதின் முதல் அடையாளம் இந்த டுவிட்டர் பதிவு என்று விமர்ச்சகர்கள் கூறியுள்ளனர்

பிரான்ஸின் செயலை கண்டிக்கும் கட்டார், நாகரீகத்துடன் நடக்க கற்றுக்கொள்ளுமாறும் கோரிக்கை


கேலி சித்தரம் வரைந்து வெறுப்பை வளர்க்கும் பிரான்ஸின் செயலை கடுமையாக கண்டிப்பதா இன்று -26- கத்தார் அறிவித்தது,

இஸ்லாத்தையும் முஸ்லிம்களையும் அவமதிக்கும் எந்த செயலையும் பொறுத்து கொள்ள முடியாது என்று கூறியுள்ள கத்தார் அரசு,

நம்பிக்கை, இனம் அல்லது மதம் ஆகியவற்றின் அடிப்படையில் எழும் அனைத்து வகையான வெறுக்கத்தக்க பேச்சையும் முழுமையாக நிராகரிப்பதாக கூறியுள்ள கத்தார் பிரான்ஸ் நாகரீகத்துடன் நடந்து கொள்ள கற்று கொள்ள வேண்டும் என்று தனது அறிக்கையில் கூறியுள்ளது

இஸ்லாத்தை பிரான்ஸின் எதிரியாகப் பிரகடனப்படுத்தி, பள்ளிவாசல்களை தடைசெய்ய வேண்டும் - Marine Le Pen


இஸ்லாத்தை – இஸ்லாமிய சித்தாந்தத்தை பிரான்ஸின் எதிரியாகப் பிரகடணப்படுத்த வேண்டும் என Rassemblement National கட்சியின் தலைவி Marine Le Pen தெரிவித்துள்ளார்.

பிரான்ஸில் பொது இடங்களில் முக்காடிடுவது முழுமையாகத் தடை செய்யப்பட வேண்டும்.

இஸ்லாமிய வழிபாட்டுத் தலங்களுக்குக் கிடைக்கும் நிதி நிறுத்தப்படவேண்டும்.

“எங்களுக்கு எதிராக ஒரு போர் நடத்தப்பட்டு வருகிறது, நாங்கள் இந்த யுத்தத்தை எதிர்கொள்ள வேண்டும். நாங்கள் இந்த போரை ஒரு அரசுக்கு எதிராக அல்ல, ஒரு சித்தாந்தத்திற்கு எதிராக: இஸ்லாமியம் என்ற சித்தாந்தத்துக்கு எதிராக நடத்த வேண்டியவர்களாக உள்ளோம் என்றும் Marine Le Pen உணர்ச்சிபொங்கக் கூறியுள்ளார்.

“நாங்கள் போரில் இருந்தால், இந்த சித்தாந்தத்தை பிரான்சின் எதிரியாக அறிவிக்க வேண்டும்”,

2022ல் அதிபர் தேர்தல் வேட்பாளராகக் களமிறங்கவுள்ள Marine Le Pen இஸ்லாமிய சித்தாந்தம் மீது கடும் கோபம் அடைந்துள்ளார்.

இஸ்லாமிய சித்தாந்தத்தை ஊக்குவிக்கும் அமைப்புகள் மீதான தடை, இஸ்லாமிய தீவரவாத மசூதிகளை மூடுவது,

இஸ்லாத்தை ஆதரிக்கின்ற, இஸ்லாத்துக்காகப் பிரச்சாரம் செய்கின்ற வெளிநாட்டவர்களை உடனடியாக பிரான்ஸை விட்டு வெளியேற்ற வேண்டும்.

பிரான்ஸ் நாட்டின் குடியிரிமை உடைய இஸ்லாமியத் தீவிரவாதிகளின் பிரெஞ்சுப் பிரஜாவுரிமை பறிக்கப்படல் வேண்டும்.

இரட்டைக்குடியுரிமையுள்ள வரெனில் அவர்களை அந்தந்த நாடுகளுக்கு அனுப்பி விடல் வேண்டும்.

எனவும் Marine Le Pen இஸ்லாத்துக்கு எதிரான தமது கருத்தை வெளியிட்டுள்ளார்.

  • பரிஸிலிருந்து அருண் சண்முகலிங்கம்


பிரான்ஸ் பொருட்களை மொத்தமாக புறக்கணியுங்கள், இஸ்லாமியர்களுக்கு நெருக்கடி ஏற்பட்டால் குரல் கொடுக்க வேண்டும் - எர்டோகன்

இஸ்லாம் தொடர்பில் பிரான்ஸ் எடுத்துள்ள கடும்போக்கு நடவடிக்கைக்கு எதிராக, அந்த நாட்டுப் பொருட்களை மொத்தமாக புறக்கணிக்க வலியுறுத்தி துருக்கி ஜனாதிபதி ரிசெப் தயீப் எர்டோகன் பொதுமக்களுக்கு அழைப்பு விடுத்துள்ளார்.

தொலைக்காட்சி நேரலையில் பேசிய ஜனாதிபதி ரிசெப் தயீப் எர்டோகன், பிரான்சில் குடியிருக்கும் இஸ்லாமியர்களுக்கு நெருக்கடி ஏற்பட்டால், கண்டிப்பாக உலக நாடுகளின் தலைவர்கள் குரல் கொடுக்க வேண்டும் எனவும், இஸ்லாமியர்களை பாதுகாக்கும் நடவடிக்கை முன்னெடுக்க வேண்டும் எனவும் கோரிக்கை வைத்துள்ளார்.

கடும்போக்கு இஸ்லாத்திற்கு எதிராக மதச்சார்பின்மையைப் பாதுகாப்பதாக உறுதியளித்ததற்காக பிரெஞ்சு ஜனாதிபதி இமானுவல் மேக்ரானை எர்டோகன் கோபமாக விமர்சித்துள்ளார்.

இதனிடையே, துருக்கிய தலைவர் எர்டோகன் பிரெஞ்சு பொருட்களை புறக்கணிக்கும்படி அரேபிய தலைவர்களுக்கும் தமது கோரிக்கையை முன்வைத்தார்.

இந்த நிலையில் கட்டார் மற்றும் குவைத் நாடுகளில் உள்ள பல்பொருள் அங்காடிகளில் இருந்து பிரெஞ்சு பொருட்களை அகற்றப்பட்டதாக தகவல்கள் வெளியாகியுள்ளன.

மட்டுமின்றி எஞ்சிய வளைகுடா நாடுகளிலும் இது தொடர்வதாக தெரிய வந்துள்ளது.

எமது பொருட்களை புறக்கணிப்பதை, முஸ்லிம் நாடுகள் கைவிட வேண்டும் - பிரான்ஸ் அரசு கோரிக்கை


முகமது நபியின் கேலிச்சித்திரத்தை காண்பிக்கும் உரிமை குறித்த பிரான்ஸ் அதிபர் இம்மானுவேல் மக்ரோங்கின் நிலைப்பாட்டிற்கு எதிர்ப்பு தெரிவிக்கும் வகையில் மத்திய கிழக்கு நாடுகளில் பிரெஞ்சு பொருட்களை புறக்கணிக்க அழைப்பு விடுக்கப்பட்டுள்ளது.

குறிப்பாக, குவைத், ஜோர்டான் மற்றும் கத்தார் உள்ளிட்ட நாடுகளிலுள்ள சில அங்காடிகளில் பிரான்ஸ் நாட்டை சேர்ந்த பொருட்கள் நீக்கப்பட்டுள்ளன. அதே நேரத்தில், பிரான்ஸ் அதிபரின் நிலைப்பாட்டிற்கு எதிர்ப்பு தெரிவித்து லிபியா, சிரியா, காசாவில் போராட்டங்கள் நடைபெற்றுள்ளன.

இந்த நிலையில், பிரெஞ்சு பொருட்களை புறக்கணிக்கும் முடிவை மத்திய கிழக்கு நாடுகள் கைவிட வேண்டுமென்று பிரான்ஸ் அரசு வலியுறுத்தியுள்ளது.

பிரெஞ்சு பொருட்களை புறக்கணிக்கும் "அடிப்படை அற்ற" அழைப்புகள் "ஒரு தீவிர சிறுபான்மை குழுவால் மேற்கொள்ளப்படுவதாக" பிரான்சின் வெளியுறவு அமைச்சகம் தெரிவித்துள்ளது.

முகமது நபியின் சர்ச்சைக்குரிய கேலிச்சித்திரத்தை வகுப்பறையில் காட்டிய காரணத்திற்காக பிரான்சில் கடந்த அக்டோபர் 16ஆம் தேதி ஆசிரியர் ஒருவர் தலை வெட்டி கொல்லப்பட்ட விவகாரம் தொடர்பாக மக்ரோங் தெரிவித்த கருத்துக்கு எதிராக இந்த புறக்கணிப்பு போராட்டத்தை மத்திய கிழக்கு நாடுகள் கையிலெடுத்துள்ளன.

முன்னதாக, "இஸ்லாமியவாதிகள் நமது எதிர்காலத்தை பறிக்க நினைப்பதால் ஆசிரியர் சாமுவேல் பேட்டி கொல்லப்பட்டார். ஆனால் பிரான்ஸ் கேலிச்சித்திரங்களை ஒருபோதும் விட்டுக்கொடுக்காது" என்று பிரான்ஸ் அதிபர் இம்மானுவேல் மக்ரோங் எதிர்வினையாற்றியிருந்தார். இதே கருத்தை நேற்றும் (ஞாயிற்றுக்கிழமை) அவர் உறுதிப்படுத்தினார்.

முகமது நபி அல்லது அல்லாஹ்வின் (கடவுள்) சித்தரிப்புகள் அல்லது உருவங்களை இஸ்லாமிய பாரம்பரியம் வெளிப்படையாக தடைசெய்கிறது.

ஆனால், மதச்சார்பின்மையை நாட்டின் அடையாளத்தின் மையமாக கொண்டுள்ள பிரான்ஸ் அரசு, ஒரு குறிப்பிட்ட சமூகத்தின் உணர்வுகளைப் பாதுகாக்க கருத்துச் சுதந்திரத்தைத் தடுப்பது, ஒற்றுமையைக் குறைத்து மதிப்பிடும் செயல் போன்றது என கூறுகிறது.

துருக்கி மற்றும் பாகிஸ்தானை சேர்ந்த அரசியல் தலைவர்கள் மக்ரோங், முஸ்லிம்களின் மத அல்லது "நம்பிக்கை சுதந்திரத்தை" மதிக்கவில்லை என்றும் இதன் மூலம் பிரான்சில் உள்ள லட்சக்கணக்கான முஸ்லிம்களை ஓரங்கட்டியதாகவும் குற்றம் சாட்டினர். BBC

விஜய் சேதுபதியிடம் மன்னிப்புக் கேட்டு, மன்றாடும் இலங்கை தமிழ் இளைஞன்


தென்னிந்திய நடிகர் விஜய் சேதுபதியின் மகளுக்கு வன்கொடுமை மிரட்டல் விடுத்த இளைஞர், பகிரங்கமாக மன்னிப்பு கேட்டு, விஜய் சேதுபதியிடம் மன்றாடும் காணொலி வெளியாகியுள்ளது.

குறித்த காணொலியில், நடிகர் விஜய் சேதுபதி மற்றும் அவரது குடும்பம் தம்மை மன்னிக்க வேண்டும் எனவும், கோவத்தின் வெளிப்பாடாகவே, தாம் அந்த செயலை மேற்கொண்டதாகவும், வாழ்க்கையில் இதுபோன்ற நிலை தமக்கு ஏற்பட்டதில்லை எனவும், இனி மேலும், இந்த தவறை செய்வதில்லை எனவும், அதனால் தம்மை மன்னிக்க வேண்டும் எனவும் அந்த இளைஞர் மன்றாடியுள்ளார்.

இலங்கையில் இன்று திங்கட்கிழமை மாத்திரம் 541 பேருக்கு கொரோனா


இலங்கையில் இன்று திங்கட்கிழமை, 26 ஆம் திகதி மாத்திரம் புதிதாக 541 பேர் கொரோனா தொற்றுடன் அடையாளம் காணப்பட்டுள்ளனர்.




கலிபாவிடமிருந்து பறந்த ஒரு கடிதம் - நடுங்கிப்போன பிரான்ஸ் என்ன செய்தது தெரியுமா...?


- M S Abdul Hameed -

கி.பி. 1890களில் ஃபிரான்சின் பாரிசில் இறைத்தூதர் முஹம்மத் ஸல்லல்லாஹு அலைஹிவசல்லம் அவர்களைக் கேலி செய்யும் விதமாக ஒரு நகைச்சுவை நாடகம் நடந்துகொண்டிருந்தது.

உதுமானியப் பேரரசின் கலீஃபாவான சுல்தான் இரண்டாம் அப்துல் ஹமீது அவர்களுக்கு இது தெரிய வந்தது. உடனடியாக இந்த நரகல் நாடகத்தை நிறுத்தவேண்டும் என்று எச்சரித்து ஃபிரஞ்சுத் தூதருக்கு சுல்தான் அவர்கள் கடுமையாக ஒரு கடிதம் எழுதியனுப்பினார்.

“நான் பால்கன்ஸ், ஈராக், சிரியா, மௌண்ட் லெபனான், ஹிஜாஸ், கவ்கஸஸ், அனடோலியா ஆகியவற்றின் சுல்தான் ஆவேன். எனது தலைநகரம் இஸ்தான்புல். நான்தான் கலீஃபா அப்துல் ஹமீது கான். இறைத்தூதரைக் கேலி செய்யும் நாடகத்தை நிறுத்தவில்லையெனில், உங்கள் தலைகளுக்கு மேலுள்ள உலகத்தை அழித்துவிடுவேன்” என்று அக்கடிதத்தில் சுல்தான் அப்துல் ஹமீது குறிப்பிட்டிருந்தார்.

கடிதத்தைக் கண்டதும் அலறிப்புடைத்துக்கொண்டு நாடகத்தை நிறுத்தியது ஃபிரஞ்சு அரசு. அத்தோடு கலீஃபாவை மகிழ்ச்சிப்படுத்தும் விதமாக இங்கிலாந்துக்கு அந்த நாடக நடிகர்களை நாடு கடத்தவும் செய்தது.

அன்று உலக முஸ்லிம்கள் ஒரே தலைமையின் கீழ் இருந்ததால் ஐரோப்பிய நாடுகளும் இதர நாடுகளும் முஸ்லிம் தலைமையைக் கண்டு அஞ்சின. எனவே அல்லாஹ்வின் தூதரின் மேலுள்ள அவமதிப்பை ஒரு கடிதம் கொண்டு நிறுத்திக்காட்டினார் அன்றைய கலீஃபா அப்துல் ஹமீது.


20 க்கு ஆதரவளித்த முஸ்லிம் அரசியல்வாதிகளிடம், இம்ரான் Mp யின் அடுக்கடுக்கான கேள்விகள்


சமூகம் சார்ந்த ஒப்பந்தங்களை செய்துகொண்டா இருபதுக்கு ஆதரவு அளித்தார்கள் என பாராளுமன்ற உறுப்பினர் இம்ரான் கேள்வி எழுப்பினார். மூதூரில் திங்கள்கிழமை (26) மாலை ஊடகங்களிடம் கருத்து தெரிவிக்கும் போதே அவர் இவ்வாறு கேள்வி எழுப்பினார்.

மேலும் தொடர்ந்தும் உரையாற்றிய அவர்,

இருபதாம் திருத்த சட்டத்துக்கு எதிரான போராட்டங்களிலும் கூட்டங்களிலும் சட்டமூலம் நிறைவேற்றப்பட்ட இரவு வரை எங்களுடன் ஒன்றாக இருந்தவர்கள் அதற்கு ஆதரவாக வாக்களித்ததன் நோக்கத்தை மக்கள் முன் தெளிவுபடுத்த வேண்டும்.

அரசாங்கத்துக்கு ஆதரவு வழங்க முன் அவர்களுடன் என்ன ஒப்பந்தம் செய்தார்கள். தொல்பொருள் செயலணி உள்ளிட்ட காரணங்களை கூறி கிழக்கில் அபகரிக்கப்படும் சிறுபான்மை மக்களின் காணிகளை பாதுக்காப்பது  ,எரிக்கப்படும் முஸ்லிம் ஜனாஸாக்களை தடுப்பது ,இனவாதிகளிடமிருந்து எமது சமூகத்தையும் அவர்களின் பொருளாதாரங்களையும் பாதுகாப்பது போன்று ஏதாவது சமூகம் சார்ந்த ஒப்பந்தங்களை செய்து கொண்டா இவர்கள் இருபதுக்கு ஆதரவு அளித்தார்கள்.

கடந்த அரசாங்கத்தில் முஸ்லிம்களுக்கு பாதுகாப்பில்லை எனவும் இனி பொதுஜன பெரமுனதான் ஆளும் கட்சி எனவே எதிர்கட்சியில் இருந்து ஒன்றும் செய்ய முடியாது அதனால் தான் ஆதரவளித்தோம் என சிலர் கூறுவதை கேட்க முடிந்தது. 

கடந்த அரசாங்கத்தில் முஸ்லிம்களுக்கு பாதுகாப்பில்லை என்ற விடயம் இவர்களுக்கு இப்போதுதான் விளங்கியதா?

 அவ்வாறு முஸ்லிம்களுக்கு பாதுகாப்பு இல்லை எனில் ஏன் நீங்கள் ஜனாதிபதி தேர்தலில் சஜித் பிரேமதாசவுக்கு ஆதரவளித்தீர்கள்? 

 முஸ்லிம்களுக்கு எதிரான தாக்குதல் பின்னணியில் யார் இருந்தனர் என்பது உங்களுக்கு தெரியாதா? 

பொதுஜன பெரமுனதான் ஆளும் கட்சி என தெரிந்தும் ஏன் பாராளுமன்ற தேர்தலில் ஏன் ஐக்கிய மக்கள் சக்தியில் போட்டியிட்டீர்கள்? பொதுஜன பெரமுனவிலே போட்டியிட்டிருக்கலாமே. 


இருபதுக்கு ஆதரவு அளிக்கும் முன் உங்கள் பிரதேசத்தில் உங்கள் வெற்றிக்காக உழைத்த சிவில் சமூகம் மற்றும் உங்கள் ஆதரவாளர்கள் யாருடனாவது ஆலோசனை பெற்றீர்களா? 

இந்த சட்டமூலத்துக்கு ஆதரவளித்ததன் மூலம் நாட்டில் ஜனநாயகத்தை ஒழிக்கும் சர்வதிகார ஆட்சிக்கு உதவி செய்தார்கள் என்ற அவப்பெயருடன் முஸ்லிம்கள் சலுகைகளுக்காக எந்த சந்தர்பத்திலும் எந்த பக்கத்துக்கும் மாறுவார்கள் என்ற இனவாதிகளின் பிரச்சாரம் உண்மையாக்கப்பட்டுள்ளது என தெரிவித்தார்.

தனியார் நிதி நிறுவனத்திற்குள் கத்திக்குத்து - 3 பிள்ளைகளின் தாய் பலி


திருகோணமலை ஹொரவ்பொத்தான நகர் பகுதியில் உள்ள தனியார் கடன் வழங்கும் நிதி நிறுவனம் ஒன்றிற்குள்  வைத்து பெண் ஒருவர் கத்திக்குத்துக்கு இலக்காகி உயிரிழந்துள்ளதாக பொலிஸார் தெரிவித்தனர்.

இச்சம்பவம் இன்று (26) பிற்பகல் 12.30 மணியளவில் இடம்பெற்றுள்ளது.

தனது கணவருடன் கடன் வழங்கும் நிதி நிறுவனம் ஒன்றிற்கு முச்சக்கர வண்டியில் சென்று கணவருக்கு முகக்கவசம் இல்லாததினால் தனது பிள்ளையை வைத்துக் கொண்டு  முன்னால் நின்ற போது இனம் தெரியாத நபர் ஒருவர் நிதி நிறுவனத்துக்குள் உட்புகுந்து கத்தியால் குத்தியதாக ஆரம்பகட்ட விசாரணை மூலம் தெரியவந்துள்ளது.

குறித்த பெண் மூன்று பிள்ளைகளின் தாயாரான ஹொரவ்பொத்தான- 122 கிராம உத்தியோகத்தர் பிரிவிற்குட்பட்ட லேவாசபிரிவெவ பியதாசகே தம்மிகா பிரியதர்ஷினி (34 வயது) எனவும் பொலிஸார் தெரிவித்தனர்.

குறித்த கொலைச் சம்பவத்துடன் தொடர்புடைய சந்தேக நபரை கைது செய்துள்ளதாகவும் மேலதிக விசாரணைகளை மேற்கொண்டு வருவதாகவும் ஹொரவ்பொத்தான பொலிசார் தெரிவித்தனர்.

முஸ்லிம்களின் பகிஷ்கரிப்பு தொடர்ந்தால், பிரான்ஸ் சரிந்து விழும் - மஹாதிர் எச்சரிக்கை

"பிரான்ஸிலிருந்து வளைகுடா நாடுகளுக்கு மாத்திரம் 50 பில்லியன் டாலர் அளவுக்கு பொருட்கள் இறக்குமதியாகின்றன. வாகனங்களுக்கான ஒயில் இவற்றில் பிரதானமானது. இப்பகிஷ்கரிப்பு இரண்டு மாதங்களுக்கு நீடிக்குமாயின், மெகா கம்பனிகள் பாரிய வீழ்ச்சியை சந்தித்து, ஏராளமான பிரான்ஸ் நாட்டவர்கள் தொழில்களை இழந்து விடுவார்கள். இவர்கள் அனைவரும் இந்த நாய் மக்ரோனின் முகத்தில் காரித் துப்புவார்கள். "

 முன்னாள் மலேசியப் பிரதமர் மஹாதிர் முஹம்மத், தனது டுவிட்டர் பக்கத்தில்.




கொரோனாவால் மரணித்ததாக கூறப்பட்ட 16 ஆவது, நபரின் ஜனாஸா எரியூட்டப்பட்டது



இலங்கையில் கொரோனாவால் நேற்று ஞாயிற்றுக்கிழமை (25) மரணித்ததாக கூறப்பட்ட 16 ஆவது நபரின் முஹம்மது ரபீக் முஹம்மது (வயது 70) No.35/80 STEUART STREET COLOMB 2,  உடல் இன்று திங்கட்கிழமை 26 ஆம் திகதி, பொரளை கனத்தை மைதானத்தில், மாலை 6.30  மணிக்கு எரியூட்டப்பட்டது

இதனை பாராளுமன்ற எதிர்க்கட்சி உறுப்பினர் முஜிபுர் ரஹ்மான் உறுதிப்படுத்தினார். கனத்தை மைதானத்திற்கு தாம் சென்றதாகவும் அவர் குறிப்பிட்டார்.

பீசீஆர் பத்திரத்தை தான் வாங்கிப் பார்த்ததாகவும், அதில் குறித்த நபர் கொரோனா தொற்றுக்கு உள்ளானவர் என குறிப்பிடப்பட்டிருந்தது எனவும், முஜிபுர் ரஹ்மான் Mp  மேலும் தெரிவித்தார்.

மேலும் முன்னாள் மேல் மாகாண ஆளுநர், ஆசாத் சாலியும் உறுதிப்படுத்தினர்.

மரணித்தவரின் குடும்பத்தினரோ, அவருக்கு கொரோனா தொற்று இருக்கவில்லை என திட்டவட்டமாக தெரிவித்து வருவதாகவும், ஆசாத் சாலி குறிப்பிட்டார்.

யா அல்லாஹ், மரணித்தவரின் பாவங்களை மன்னித்து, அவருக்கு உயர்தரமான  ஜன்னத்துல் பிர்தௌவ்ஸ் எனும் சுவனத்தை கொடுத்தருள்வாயாக





நிலைமை மிகவும் மோசமடைந்துள்ளது, எச்சரிக்கை விடுக்கும் பொது சுகாதார பரிசோதகர்கள்


மினுவாங்கொடை மற்றும் திவுலப்பிட்டி கொவிட் தொற்று மிகவும் மோசமான நிலையை ஏற்படுத்தி வருவதாக பொது சுகாதார பரிசோதகர்களின் சங்கத்தின் தலைவர் உபுல் ரோகண தெரிவித்துள்ளார். 

ஊடகங்களுக்கு இன்று கருத்து தெரிவிக்கையில் அவர் இதனை தெரிவித்தார். 

பேலியகொட உப கொத்தணியுடன் நாடு பூராவும் கொவிட் தொற்று பரவி உள்ளதாகவும் சில தொற்றாளர்கள் அறிகுறிகள் இன்றி பதிவாகியுள்ளதாகவும் அவர் தெரிவித்தார். 

இதன் காரணமாக நிலைமை மிகவும் மோசமடைந்துள்ளது என அவர் தெரிவித்துள்ளார். அதேபோல் மேல் மாகாணத்தின் கொழும்பு மாநகர சபையின் சில பிரதேசங்கள் பொது சுகாதார பரிசோதகர்கள் மற்றும் சுகாதார பிரிவினரிடம் இருந்து நழுவி வருவதாக அவர் மேலும் தெரிவித்தார்.

இலங்கையில் கொரோனா தொற்றாளர்களின், எண்ணிக்கை 8152 ஆக உயர்ந்தது


இலங்கையில் கொரோனா தொற்றாளர்களின் எண்ணிக்கை எட்டாயிரத்தை கடந்துள்ளது. 

அதன்படி, இலங்கையில் இதுவரை 8152 பேருக்கு கொரோனா தொற்று உறுதிப்படுத்தப்பட்டுள்ளதாக சுகாதார அமைச்சு தெரிவித்துள்ளது. 

மேலும், கொரோனா தொற்றுக்குள்ளானவர்களில் 3,933 பேர் சிகிச்சை பெற்று வீடு திரும்பியுள்ளனர். 

4,203 பேர் தொடர்ந்தும் சிகிச்சைப் பெற்று வரும் நிலையில், 16 பேர் உயிரிழந்துள்ளமை குறிப்பிடத்தக்கது.

பிரான்ஸ் அதிபர் இஸ்லாத்தை தாக்கியுள்ளார் - வெறுப்புணர்வுவுக்கு தடை விதிக்குமாறு பேஸ்புக்குக்கு இம்ரான்கான் கடிதம்


மக்ரோங்கின் கருத்து மூலம் அவர், "இஸ்லாத்தை தாக்கியுள்ளதாக" இம்ரான் கான் தெரிவித்துள்ளார்.

மேலும் பிரான்சில் நிலவி வரும் சூழ்நிலையை குறிப்பிட்டு இம்ரான் கான் ஃபேஸ்புக் நிறுவனத்திற்கு கடிதம் ஒன்றை எழுதியுள்ளார்.

ஃபேஸ்புக் நிறுவனத்தின் தலைமை செயலதிகாரி மார்க் சக்கர்பெர்க்கு எழுதிய அந்த கடிதத்தில் இஸ்லாமியத்துக்கு எதிரான வெறுப்பை தூண்டும் உள்ளடக்கங்களை ஃபேஸ்புக் தடைசெய்ய வேண்டுமென்று குறிப்பிட்டுள்ளார்.

மேலும் இஸ்லாமியத்துக்கு எதிராக அதிகரித்து வரும் வெறுப்பு, தீவிரவாதம் மற்றும் வன்முறையை உலகம் முழுவதும் தூண்டி வருவதாகவும், குறிப்பாக ஃபேஸ்புக் உள்ளிட்ட சமூக ஊடகங்கள் வாயிலாக இதுபோன்ற செயல்கள் நடப்பதாகவும் இம்ரான் கான் குறிப்பிட்டுள்ளார்.

"யூதர்கள் படுகொலை செய்யப்பட்ட நிகழ்வை (ஹோலோகாஸ்ட்) மறுக்கும் உள்ளடக்கங்களுக்கு தடைவிதிக்கப்பட்டதை போல, இஸ்லாமியத்துக்கு எதிரான வெறுப்புணர்வை தூண்டும் உள்ளடக்கங்களுக்கும் ஃபேஸ்புக்கில் தடைவிதிக்க வேண்டுமென்று நான் உங்களிடம் கேட்டுக்கொள்கிறேன்." என தெரிவித்துள்ளார்.

தனது கடிதத்தில், பிரான்சில் நிலவி வரும் சூழ்நிலையையும் குறிப்பிட்டுள்ள இம்ரான் கான், அங்கு இஸ்லாம் தீவிரவாதத்துடன் தொடர்புபடுத்தப்படுவதாக குறிப்பிட்டுள்ளார்.

யூதர்கள் படுகொலை செய்யப்பட்டதை மறுக்கும் அல்லது திரிக்கும் வகையிலான உள்ளடக்கங்களுக்கு தடைவிதிக்கும் வகையில் தங்களது சமூக ஊடகத்தின் கொள்கையை மாற்றியமைப்பதாக இந்த மாதத்தின் தொடக்கத்தில் ஃபேஸ்புக் அறிவித்தது.

இதுதொடர்பாக ராய்ட்டர்ஸ் செய்தி முகமையிடம் பேசிய ஃபேஸ்புக்கை சேர்ந்த அதிகாரியொருவர், ஃபேஸ்புக் அனைத்து வகையான வெறுப்புகளுக்கும் எதிரானது என்றும், இனம், நாடு அல்லது மதத்தின் அடிப்படையில் தாங்கள் தாக்குதல்களை அனுமதிப்பதில்லை எனவும் தெரிவித்துள்ளார்.

"வெறுப்புணர்வை வெளிப்படுத்தும் உள்ளடக்கங்களை எங்களது பார்வைக்கு வந்தவுடன் நீக்கிவிடுவோம். எனினும், இதுதொடர்பாக நாங்கள் இன்னும் நிறைய செய்ய வேண்டியுள்ளது."

தனிமைப்படுத்தல் நடைமுறையில் இன்றுமுதல் மாற்றம்


கொவிட் -19 தொற்றாளர்களுடன் நெருங்கிப் பழகிய முதல் நிலை தொடர்பாளர்கள் இன்று -26- முதல் அமுலுக்கு வரும் வகையில் வீட்டு தனிமைப்படுத்தலில் வைக்கப்படுவார்கள் என இராணுவத் தளபதி லெப்டினன் ஜெனரால் சவேந்திர சில்வா தெரிவித்தார். 


இந்நாட்டில் இனங்காணப்பட்ட மொத்த தொற்றாளர்கள் 7872 பேரில் 3923 பேர் நாடடின் 32 வைத்தியசாலைகளில் சிகிச்சை பெற்று வருவதாக தொற்று நோய் விஞ்ஞான பிரிவு குறிப்பிட்டுள்ளது. 


அதற்கு மேலதிகமாக கொவிட் அறிகுறிகளுடன் 527 பேர் நாட்டின் பல்வேறு வைத்தியசாலைகளில் வைத்திய கண்காணிப்பின் கீழ் உள்ளதாக தெரிவிக்கப்படுகிறது.

கொரோனாவால் மரணித்த 16 ஆவது நபர் என கூறப்பட்டவரின் விபரம் வெளியாகியது - உடல் எரிக்கப்படுவதை தடுக்க முயற்சி


நேற்று ஞாயிற்றுக்கிழமை -25-  கொரோனாவால் மரணித்தவர் எனக்கூறப்பட்ட 16 ஆவது நபர் முஹம்மது ரபீக் முஹம்மது என அடையாளம் காணப்பட்டுள்ளார்.


இதனை மேல் மாகாண முன்னாள் ஆளுநர், ஆசாத் சாலி உறுதிப்படுத்தினார்


இதய நோய் உள்ளிட்ட மேலும் சில நோய்களினால் பாதிக்கப்பட்டிருந்த அவர் 70 வயதுடையவர்.


அவர் உண்மையில் கொரோனாவால் பாதிக்கப்பட்டிருந்தால், ஏன் அந் பகுதியை சுகாதாரத் தரப்பினர் இன்னும் முடக்கவில்லை எனவும் ஆசாத் சாலி கேள்வி எழுப்பினார்.


தற்போது வரை அந்த நபருடை உடல் எரிக்கப்படவில்லை எனவும் அந்த முஸ்லிம் நபரின் உடலை எரிக்கக்கூடாது என வாதிட்டு வருவதாககவும் ஆசாத் சாலி மேலும் குறிப்பிட்டுள்ளார்.

பசில் எப்போது பாராளுமன்றம் செல்வார்..? - கருத்துக்கூற அவர் மறுப்பு


அரசியலமைப்பின் 20வது திருத்தம் நிறைவேற்றப்பட்டுள்ள நிலையில் தாம் நாடாளுமன்றத்துக்கு விரைவில் செல்லலாம் என்று கூறப்படுகின்றமை தொடர்பில் முன்னாள் அமைச்சர் பசில் ராஜபக்ச கருத்துக்கூற மறுத்துவிட்டார்.

20வது திருத்தத்தின் மூலம் பசில் ராஜபக்ச நாடாளுமன்றத்துக்கு செல்லப்போகிறார் என்ற செய்தி ஏற்கனவே கூறப்பட்டு வருகிறது.

இந்தநிலையில் இது தொடர்பில் தமது கருத்தை வெளியிட்ட பசில் ராஜபக்ச அதனை மறுத்துவிட்டதாக கொழும்பின் ஆங்கில ஊடகம் ஒன்று தெரிவித்துள்ளது.

எனினும் தாம் நாடாளுமன்றத்துக்கு பிரவேசிக்கவே 20வது திருத்தம் கொண்டு வரப்பட்டதாக கூறப்பட்டு 20வது திருத்தத்தின் முக்கியத்துவம் தூக்கியெறியப்படக்கூடாது என்று அவர் தெரிவித்தார்.

19வது திருத்தத்தில் இருந்த இரட்டை குடியுரிமைப் பெற்றவர் நாடாளுமன்றத்துக்கு தெரிவு செய்யப்படக்கூடாது என்ற திருத்தம் 20 இல் மாற்றப்பட்டு அவர்களும் நாடாளுமன்றத்துக்கு வரலாம் என்ற நிலை உருவாகியுள்ளது.

இந்தநிலையில் இரட்டை குடியுரிமையை கொண்ட பசில் ராஜபக்ச, இதன்மூலம் நாடாளுமன்றத்துக்கு வருவார் என்றே தகவல்கள் வெளியாகியுள்ளன.

கொரோனா சமூகதொற்றை கட்டுப்படுத்தாவிட்டால், அதிகளவு உயிரிழப்பு ஏற்படலாம் - GMOA


இலங்கை சமூகத்தொற்று ஆபத்தினை எதிர்கொள்ளும் நிலையில் உள்ளது என எச்சரிக்கை விடுத்துள்ள அரசமருத்துவஅதிகாரிகள் சங்கம் அரசாங்கம் இதனை அலட்சியப்படுத்தினால் உயிரிழப்புகள் அதிகரிப்பதுடன் பாரதூரமான விளைவுகள் ஏற்படலாம் எனவும் தெரிவித்துள்ளது.


நாட்டில் மிகவும் ஆபத்தான நிலைமை உருவாகிவருகின்றது சமூகதொற்றினை தடுப்பதற்காக தற்போதைய நிலைமையை எவ்வாறு கையாளப்போகின்றோம் என்பதே நாங்கள் தற்போது எதிர்கொண்டுள்ள சவால் என அரச மருத்துவ அதிகாரிகள் சங்கத்தின் பொதுச்செயலாளர் வைத்தியர் ஹரித்த அளுத்கே தெரிவித்துள்ளார்.


ஒருசிலநாட்களுக்குள் இலங்கை மூன்று உயிரிழப்புகளை சந்தித்துள்ளதை சுட்டிக்காட்டியுள்ள அவர் சமூகபரவலை தடுக்காவிட்டால் பாரதூரமான விளைவுகள் ஏற்படலாம் என அவர் குறிப்பிட்டுள்ளார்.

இன்று நாங்கள் சரியான தீர்மானங்களை எடுக்காவிட்டால் அடுத்த ஒரிருமாதங்களில் வழமைக்கு மாறான அதிகளவு உயிரிழப்புகளை நாடு சந்திக்கவேண்டியிருக்கும் எனவும் அவர் குறிப்பிட்டுள்ளார்.

www.ugc.ac.lk என்ற இணையத்தளத்திற்குள் பிரவேசித்து பல்கலைக்கழக வெட்டுப்புள்ளிகளை அறிந்து கொள்ளுங்கள்


2019 ஆம் ஆண்டு உயர்தரப் பரீட்சை பெறுபேறுகளுக்கு அமைய பல்கலைக்கழகங்களுக்கு மாணவர்களை இணைத்துக்கொள்வதற்கான வெட்டுப்புள்ளி வௌியிடப்பட்டுள்ளது. 


www.ugc.ac.lk என்ற இணையத்தளத்திற்குள் பிரவேசிப்பதனூடாக தாம் தெரிவாகியுள்ள பாடநெறி மற்றும் பல்கலைக்கழகம் ஆகியவற்றை அறிந்துகொள்ள முடியும் என பல்கலைக்கழக மானியங்கள் ஆணைக்குழு தெரிவித்துள்ளது.

கம்பஹா மாவட்டத்தில் கடைகளில் மக்கள் வெள்ளம்


கம்பஹா மாவட்டத்தில் இன்று -26- அத்தியாவசிய கடைகள் திறக்கப்பட்டுள்ள நிலையில், முக்கிய நகரங் களில் கடுமையான போக்குவரத்து நெரிசல் காணப் படுவதாக பொலிஸார் தெரிவித்துள்ளனர்.

இந்நிலையில், பல கடைகளில் மக்கள் நிறைந்திருப்பதாக தெரியவந்துள்ளது.

சுகாதார ஆலோசனையைப் பின்பற்றி பெரும்பான்மை யான மக்கள் கடைகளுக்கு அருகில் வரிசையில் நிற்கி றார்கள் என சிங்கள ஊடகம் ஒன்ற தகவலை வெளி யிட்டுள்ளது

64 பொலிஸ் பிரிவிற்குட்பட்ட பகுதிகளில் ஊரடங்கு சட்டம் அமுலில் உள்ளது.

கம்பஹா மாவட்ட மக்களுக்கு இன்றிரவு 10 மணி வரை அத்தியாவசிய பொருட்களை வாங்குவதற்கு அனுமதி வழங்கப்பட்டுள்ளது.

கொழும்பு ரிஜ்வேயில் 7 சிறுவர்கள் மற்றும் 3 தாய்மாருக்கு கொரோனா


கொழும்பு ரிஜ்வே வைத்தியசாலையில் சிகிச்சை பெற்று வந்த 7 சிறுவர்கள் கொரோனா தொற்றுக்கு உள்ளாகி உள்ளதாக தெரிவிக்கப்படுகின்றது. 

குழந்தைகளுடன் தங்கியிருந்த மூன்று தாய்மாருக்கு கொரோனா தொற்று உறுதி செய்யப்பட்டுள்ளது. 

இவர்கள் பேலியகொட மீன் சந்தை கொத்தணியுடன் தொடர்புடையவர்கள் என தெரிவிக்கப்படுகின்றது.

துமிந்தவுக்கு மன்னிப்பு வழங்குமாறு நாங்கள் கோரவில்லை - சில அரசதரப்பு Mp க்கள் தெரிவிப்பு


துமிந்தசில்வாவிற்கு பொதுமன்னிப்பு வழங்கவேண்டும் என கோரும் மனுவில் தாங்கள் கைச்சாத்திடவில்லை என அரச தரப்பு நாடாளுமன்ற உறுப்பினர்கள் பலர் தெரிவித்துள்ளனர்.

அரசநாடாளுமன்ற உறுப்பினர்கள் கெஹெலிய ரம்புக்வெல சுரேன் ராகவன் மகிந்த அமரவீர விதுரவிக்கிரமநாயக்க விமல்வீரவன்ச ஆகியோர் இதனை தெரிவித்துள்ளனர்.

அவ்வாறான மனுஎதுவும் தங்களிற்கு வழங்கப்படவில்லை தாங்கள் அது குறித்து அறிந்திருக்கவும் இல்லை என அவர்கள் தெரிவித்துள்ளனர்.

நீதிமன்றத்தினால் மரண தண்டனை விதிக்கப்பட்டுள்ள முன்னாள் நாடாளுமன்ற உறுப்பினர் துமிந்தசில்வாவிற்கு பொதுமன்னிப்பு வழங்கவேண்டும் என அரசாங்க நாடாளுமன்ற உறுப்பினர்கள் ஜனாதிபதியிடம் வேண்டுகோள் விடுத்துள்ளனர் என தகவல்கள் வெளியாகியுள்ளன.

20வது திருத்தத்திற்கான வாக்களிப்பிற்கு முன்னதாக நாடாளுமன்றத்தில் இடம்பெற்ற அரசாங்க நாடாளுமன்ற உறுப்பினர்களின் கூட்டத்தில் இந்த வேண்டுகோள் வெளியாகியுள்ளது.

ஜனாதிபதி கோத்தபாய ராஜபக்ச தலைமையில் இந்த கூட்டம் இடம்பெற்றுள்ளது.

இதன்போது துமிந்தசில்வாவிற்கு பொதுமன்னிப்பை வழங்கவேண்டும் என வேண்டுகோள் விடுக்கும் மனுவொன்று நாடாளுமன்ற உறுப்பினர்களிற்கு வழங்கப்பட்டதாகவும் இதில் நாடாளுமன்ற உறுப்பினர்களை கைச்சாத்திடுமாறு வேண்டுகோள் விடுக்கப்பட்டதாகவும் தகவல்கள் வெளியாகியுள்ளன.

கற்பிட்டியில் நிகழ்ந்த மரணம் கொரோனாவால் ஏற்பட்டதல்ல, வதந்தி பரப்பாதீர்கள் - அச்சம் தவிருங்கள்


கற்பிட்டியில் 24ஆம் திகதி  பீசிஆர் பரிசோதனையின் போது மரணமடைந்த 32 வயது நபரின் மரணமானது கொரோனா வைரஸ் பரவலால் ஏற்பட்டதல்ல என புத்தளம் மற்றும் கற்பிட்டி பிரதேசத்துக்கான திடீர் மரண விசாரணை அதிகாரி பீ.எம்.ஹிசாம் தெரிவித்துள்ளார்.

குறித்த மரணம் கொரோனாவால்  ஏற்பட்ட மரணம் என வதந்திகளை பரப்பிய மக்கள் மத்தியில் அச்சத்தை தோற்றுவித்துள்ளதாகவும், இவ்வாறான நடவடிக்கைகளில் எவரும் ஈடுபட வேண்டாம் எனவும் தெரிவித்துள்ளார்.


எம்.யூ.எம்.சனூன் 


உலமா சபையுடனும் ஆலோசித்தே 20 க்கு வாக்களித்தேன் - அலி சப்ரி ரஹீம் Mp


ஜம்மிய்யத்துல் உலமா மற்றும்  இதர அமைப்புக்களுடன் ஆலோசித்தே 20 ஆம் திருத்தத்துக்கு ஆதரவளித்தேன் என  தேசிய ஐக்கிய முன்னணி சார்பில் தெரிவாகிய அகில இலங்கை மக்கள் காங்கிரஸ் புத்தளம் மாவட்ட பாராளுமன்ற உறுப்பினர் அலி சப்ரி ரஹீம் தெரிவித்தார்.  20 ஆவது திருத்தத்துக்கு ஆதரவாக வாக்களித்தமை தொடர்பில் மீள்பார்வை அவரைத் தொடர்பு கொண்டபோதே அவர் இவ்வாறு தெரிவித்தார்.

19 ஆவது திருத்த சட்டத்தில் ஜனாதிபதியின் அதிகாரங்கள் குறைக்கப்பட்டு பிரதமருக்கும் சில ஆணைக்குழுக்களுக்கும் பிரித்து வழங்கப்பட்டிருந்தது. ஆனால் அது தோல்வியில் முடிந்த ஒரு முயற்சி என்பது முழு இலங்கைக்கும் தெரிந்த விடயம். 19 ஆவது திருத்த சட்டத்தில் ஜனாதிபதிக்கும், பிரதமருக்கும் இடையில் அதிகாரங்கள் பகிர்ந்தளிக்கப்பட்டதால் ஒரு இழுபறி நிலையிலான ஆட்சியே நடந்தது. அதிகாரங்கள் ஒருவரிடம் இருந்தால் தான் ஆட்சியை ஒரு நிலையில் கொண்டு செல்ல முடியும். உதாரணமாக ஜே.ஆர். ஜெயவர்தனவின் ஆட்சிக்காலத்தில் அதிகாரம் அனைத்தும் ஜனாதிபதி என்ற வகையில் அவரிடம் மட்டுமே இருந்தது. அவரது ஆட்சியும் சீராக நடைபெற்றது. அது போல யுத்தம் நடைபெற்ற காலம் மஹிந்த ராஜபக்ஸ அவர்கள் ஜனாதிபதியாக இருந்தார். அவரிடம் மட்டுமே அதிகாரம் இருந்தது. அதை பயன்படுத்தி அவர் யுத்தத்தை முடிவிற்கு கொண்டு வந்தார். அந்த வகையில் இலங்கை போன்ற நாட்டிற்கு அதிகாரம் ஒருவரிடம் இருப்பதே சிறந்தது என்பதால் நாம் 20 ஆவது திருத்தத்திற்கு ஆதரவாக வாக்களித்தோம் எனவும் அவர் தெரிவித்தார்.

“இது எனது தனிப்பட்ட தீர்மானம் அல்ல. புத்தளம் மக்கள் தேசிய அரசியல் செய்யவில்லை. மக்களின் அபிலாசைக்கு ஏற்பவே நான் வாக்களித்தேன். அனைத்து கட்சிகளும் ஒன்றிணைந்து

புத்தளத்திற்கு 31 வருடமாக இல்லாதிருந்த பாராளுமன்ற உறுப்பினர் ஒருவரை பெற்றுக் கொண்டோம். அவ்வாறே நான் அகில இலங்கை ஜம்மியத்துல் உலமா, பள்ளிவாயல் நிர்வாக சபைகள், அரச சார்பற்ற அமைப்புக்கள், மாவட்ட ரீதியாக உள்ள எமது 117 கிளைகள் என பலருடன் கலந்தாலோசித்தே 20 ஆவது திருத்தத்திற்கு ஆதரவளித்தேன்.” எனவும்  புத்தள மாவட்ட பாராளுமன்ற உறுப்பினர் அலி சப்ரி ரஹீம் தெரிவித்தார்.

நடவடிக்கை இல்லையேல் ஹக்கீமும், ரிஷாத்தும் இரட்டை வேடம் போடுகின்றனர் என்பது நிரூபணமாகும் - சுமந்திரன்


“அரசமைப்பின் 20ஆவது திருத்தச் சட்டத்துக்கு ஆதரவாக வாக்களித்த அரவிந்தகுமார் எம்.பியை தமிழ் முற்போக்குக் கூட்டணியில் இருந்து இடைநிறுத்துவதற்கு அக்கட்சியின் தலைவர் மனோ கணேசன் நடவடிக்கை எடுத்துள்ளார். இந்த முடிவை வரவேற்கின்றோம். அதேபோல் ஸ்ரீலங்கா முஸ்லிம் காங்கிரஸ் தலைமையும், அகில இலங்கை மக்கள் காங்கிரஸ் தலைமையும் 20 இற்கு ஆதரவளித்த தங்கள் கட்சி உறுப்பினர்களுக்கு எதிராக உரிய நடவடிக்கை எடுக்க வேண்டும்.”

இவ்வாறு வலியுறுத்தியிருக்கின்றார் தமிழ்த் தேசியக் கூட்டமைப்பின் யாழ். மாவட்ட பாராளுமன்ற உறுப்பினர் எம்.ஏ.சுமந்திரன். யாழ்ப்பாணத்தில் இடம்பெற்ற நிகழ்வு ஒன்றில் உரையாற்றிய போது இவ்வாறு தெரிவித்த சுமந்திரன் மேலும் கூறியிருப்பதாவது;

“அவ்வாறு நடவடிக்கை எடுக்காவிட்டால் ஹக்கீமும் ரிஷாத்தும் இரட்டை வேடம் போடுகின்றனர் என்ற சந்தேகம் நிரூபணமாகும். அதே போல் இரு தரப்பினருடனும் நாங்கள் இணைந்து பயணிப்பதிலும் சிக்கல் உருவாகும்.

எனவே, 20ஆவது திருத்தச் சட்டத்துக்கு ஆதரவாக வாக்களித்த தங்கள் கட்சி உறுப்பினர்களுக்கு எதிராக ஹக்கீமும், ரிஷாத்தும் உடன் நடவடிக்கை எடுக்க வேண்டும். 20ஐ ஆதரித்தவர்களைக் கட்சியில் இருந்தும் நாடாளுமன்றத்தில் இருந்தும் வெளியேற்ற இரண்டு கட்சித் தலைவர்களும் நடவடிக்கை எடுக்க வேண்டும். அப்போதுதான் நாங்கள், முஸ்லிம் கட்சிகளுடன் இணைந்து தொடர்ந்து பயணிக்க முடியும்” என்றார்.

2 நாட்களுக்கு பாராளுமன்றத்திற்கு பூட்டு - கிருமி தொற்று நீக்க நடவடிக்கை

இன்று (26) மற்றும் நாளை (27) பாராளுமன்றம் மூடப்பட்டுள்ளதாக பாராளுமன்ற பிரதிச் செயலாளர் நீல் இந்தவல தெரிவித்துள்ளார். 


இந்த இரண்டு நாட்களிலும் கிருமி தொற்று நீக்கப்பட உள்ள காரணத்தினால் ஊழியர்களை சேவைக்கு சமூகமளிக்கு வேண்டாம் என அறிவிக்கப்பட்டுள்ளது. 


எதிர்வரும் புதன் கிழமை பாராளுமன்ற நடவடிக்கைகள் மீண்டும் ஆரம்பிக்கப்பட உள்ளதுடன் அன்றை தினம் அறிவித்தால் விடுக்கப்பட்டால் மாத்திரம் சமூகமளிக்குமாறு தெரிவிக்கப்பட்டுள்ளது.

October 25, 2020

நாடு முழுவதும் முடக்கப்படாது, கொரோனா உள்ள பகுதிகளில் மாத்திரம் ஊரடங்கு


ஊரடங்கு சட்டம் அமுல்ப்படுத்தப்பட்டுள்ள பகுதிகளிலுள்ள சதொச மற்றும் சிறப்பு அங்காடிகளின் ஊடாக பொருட்களை விநியோகிப்பதற்கான நடவடிக்கைகள் மேற்கொள்ளப்பட்டுள்ளதாக அமைச்சர் பந்துல குணவர்தன தெரிவித்துள்ளார்.

90 ஆயிரம் மெட்றிக் தொன் கிலோ கிராமுக்கும் அதிகளவான சீனி நாட்டிலுள்ள களஞ்சியசாலைகளில் களஞ்சியப்படுத்தப்பட்டுள்ளது.

அத்துடன், ஏனைய அத்தியாவசிய பொருட்களை இலங்கைக்கு கொண்டு வருவதற்கு தடைகள் எதுவும் இல்லை.

எனவே, ஊரடங்கு அமுலில் உள்ள பகுதிகளில் சதொச மற்றும் சிறப்பு அங்காடிகளின் ஊடாக பொருட்களை விநியோகிப்பதற்கான நடவடிக்கைகள் எடுக்கப்பட்டுள்ளன.

எனவே, பொதுமக்கள் அவசியமற்ற வகையில் பொருட்களை களஞ்சியப்படுத்துவதற்கான தேவை இல்லை.

நாடு முழுவதையும் முடக்குவதற்கான தீர்மானத்தை அரசாங்கம் இதுவரையில் மேற்கொள்ளவில்லை.

கொரோனா தொற்று உறுதியானவர்கள் அடையாளம் காணப்படுகின்ற பகுதிகளில் மாத்திரம் ஊரடங்கு சட்டத்தை அமுல்ப்படுத்துவதற்கு நடவடிக்கை எடுக்கப்படுவதாகவும் அமைச்சர் பந்துல குணவர்தன தெரிவித்துள்ளார்.

ஹக்கீம் தெரிவித்துள்ள, முக்கிய விடயங்கள்


20ஆவது திருத்தச் சட்டம் தொடர்பிலான வாக்களிப்பு ஆரம்பமாவதற்கு முன்னதாகவே தமது உறுப்பினர்கள் தன்னிடத்தில் அனுமதி பெற்று ஆதரவை வெளியிட்டதாக கூறியிருக்கின்றார்கள், அது முற்றிலும் தவறான விடயமாகும் என ஸ்ரீலங்கா முஸ்லிம் காங்கிரஸின் தலைவர் ரவூப் ஹக்கீம் தெரிவித்துள்ளார்.

தான் எந்தவொரு சந்தர்ப்பத்திலும் அவர்களுக்கு அத்தகைய ஒரு அனுமதியை வழங்கவில்லை எனவும் அவர் குறிப்பிட்டுள்ளார்.

ஸ்ரீலங்கா முஸ்லிம் காங்கிரஸின் பிரதித் தலைவர்கள் இருவர் உட்பட நான்கு உறுப்பினர்கள் 20ஆவது திருத்தச் சட்டத்திற்கு ஆதரவு வெளியிட்டமை, அதுபற்றி எடுக்கப்படவுள்ள அடுத்தகட்ட நடவடிக்கைகள், முஸ்லிம் காங்கிரஸ் மீது எழுந்துள்ள விமர்சனங்கள், உள்ளிட்ட விடயங்கள் தொடர்பாக நேற்றையதினம் அக்கட்சியின் தலைவர் ரவூப் ஹக்கீம் கருத்துக்களை வெளியிட்டிருந்தார்.

இதன்போதே குறித்த விடயத்தை அவர் தெரிவித்துள்ளார். மேலும் கூறுகையில்,

ஸ்ரீலங்கா முஸ்லிம் காங்கிரஸ் இலங்கை வாழ் முஸ்லிம்களின் அடையாளமாக செயற்பட்டு வருகின்ற அரசியல் கட்சியாகும்.

அந்த வகையில் முஸ்லிம் காங்கிரஸ் கடந்த காலத்தில் தேசிய ரீதியில் தனது சமூகம் சார்ந்து உரிய தருணங்களில் சரியான தீர்மானங்களை எடுத்தே வந்திருக்கின்றது.

அவ்வாறான நிலையில் கடந்த காலத்தில் 18ஆவது திருத்தினை முஸ்லிம் காங்கிரஸ் ஆதரித்தது. இந்த பாவத்தினை கழுவுவதற்காக 19ஆவது திருத்தச் சட்டம் கொண்டுவரப்பட்டபோது அதனை முஸ்லிம் காங்கிரஸ் ஆதரித்திருந்தது.

அதுமட்டுமன்றி தற்போதைய ஆட்சியாளர்கள் நீண்டகால நோக்கில் ஜனநாயகத்தினை ஒழிக்கும் வகையில் கொண்டுவரப்பட்ட 20ஆவது திருத்தச் சட்டத்தினை ஆரம்பத்திலிருந்தே எதிர்த்திருந்தது.

நாடாளுமன்றத்தின் ஊடாக 20ஆவது திருத்தினை நிறைவேற்றும் செயற்பாட்டை தடுக்க முடியாது என்பதற்காகவே அதற்கு எதிராக உயர் நீதிமன்றத்தினையும் முஸ்லிம் காங்கிரஸ் நாடியிருந்தது.

இறுதி தீர்மானம் எடுக்கவில்லை இவ்வாறான நிலையில் எமது கட்சியின் உயர்பீடத்தில் 20ஆவது திருத்தம் தொடர்பில் நீண்ட நேரம் கலந்துரையாடல்கள் நடைபெற்றிருந்தான.

அச்சந்தர்ப்பத்தில் கிழக்கு மாகாணத்தினைச் சேர்ந்த நான்கு உறுப்பினர்களும் கிழக்கு மாகாண மக்களின் நிலைமைகள், அங்குள்ள சூழல்கள் தொடர்பில் அதிகளவான கரிசனைகளை வெளியிட்டார்கள்.

இதனால் ஒரு தீர்க்கமான முடிவொன்றை எடுக்க முடியாத நிலைமை ஏற்பட்டது. எனினும், நீண்டகால அடிப்படையில் ஜனநாயகத்தினை ஒழிக்கும் விடயத்திற்கு ஆதரவளித்து நாட்டை தாரைவார்க்க முடியாது என்ற நிலைப்பாட்டினை தலைவர் என்ற வகையில் உறுதியாக கூறியிருந்தேன்.

இவ்வாறான நிலையில் 20ஆவது திருத்தச் சட்டம் தொடர்பிலான வாக்களிப்பு ஆரம்பமாவதற்கு முன்னதாகவே எமது உறுப்பினர்கள் என்னிடத்தில் அனுமதி பெற்று ஆதரவை வெளியிட்டதாக கூறியிருக்கின்றார்கள். அது முற்றிலும் தவறான விடயமாகும்.

நான் எந்தவொரு சந்தர்ப்பத்திலும் அவர்களுக்கு அத்தகைய ஒரு அனுமதியை வழங்கவில்லை. மேலும் உயர்பீடத்தில் தீர்மானம் இறுதியாகாத நிலையில் கட்சியின் தலைமையின் தீர்மானம் தொடர்பில் அவர்கள் புரிதலைக் கொண்டிருக்க வேண்டும். துரதிஸ்டவசமாக அந்த விடயத்தில் அவர்கள் அக்கறை காட்டவே இல்லை.

இந்த நிலையில் நான் அவர்களுடன் சந்திப்பினை (நேற்று முன்தினம்) நடத்தியிருந்தேன். அதன்போது அவர்கள் கட்சியையும், தலைமையையும் விட்டுப் பிரிந்து செல்லும் நோக்கமில்லை என்று உறுதிபடக் கூறியுள்ளார்கள்.

அத்துடன் கிழக்கு மாகாணத்தின் நிலைமைகள் ஏனைய பிரதேசங்களை விடவும் மாறுபட்டதாக உள்ளதால் தான் அவ்விதமான முடிவினை எடுக்க வேண்டி ஏற்பட்டதாக திரும்பத்திரும்ப என்னிடத்தில் கூறினார்கள்.

அனைத்தும் நடந்து முடிந்து விட்ட நிலையில் என்னிடத்தில் விளக்கங்களை அளிப்பதால் தற்போது ஏற்பட்டுள்ள குழப்பங்களும் தர்மசங்கடமான நிலைமைகளும் மாறப்போவதில்லை என்பதை அவர்களிடத்தில் கூறினேன்.

ஆகவே அடுத்த கட்டமாக எதிரணியுடன் நாம் எவ்வாறு தொடர்ந்தும் ஐக்கியமாக செயற்படுவது, நம்பிக்கையை கட்டியெழுப்புவது, தற்போது ஏற்பட்டுள்ள குழப்பமான நிலைமைகளுக்கு எவ்வாறு முகங்கொடுப்பது உள்ளிட்ட அடுத்தகட்ட விடயங்கள் தொடர்பில் உயர்பீடத்தில் இறுதி முடிவு எடுப்போம் என்ற இணக்கப்பாடு எட்டப்பட்டுள்ளது என குறிப்பிட்டுள்ளார்.

பொது போக்குவரத்தை மட்டுப்படுத்த நடவடிக்கை

இன்று (25) நள்ளிரவு முதல் ஊரடங்கு சட்டம் அமுல்படுத்தப்பட்டுள்ள நகரங்களின் எல்லை வரை பஸ் சேவை மட்டுப்படுத்தப்பட்டுள்ளதாக தேசிய போக்குவரத்து ஆணைக்குழு தெரிவித்துள்ளது.


இதேவேளை, நாளை (26) முதல் பிரதான மார்க்கம், களனி மற்றும் புத்தளம் மார்க்கங்களில் அலுவலக ரயில், தூர செவை, கடுகதி மற்றும் தபால் ரயில்கள் இரத்து செய்யப்பட்டுள்ளதாக ரயில்வே திணைக்களம் தெரிவித்துள்ளது.


அத்தோடு, நாளைய தினம் (26) முதல் கரையோர மார்க்கத்தில் 6 ரயில் சேவைகளும் (கொள்ளுப்பிட்டி வரை), உயர்தர மாணவர்களுக்கான பிரதான மற்றும் சிலாபம் மார்க்கங்களில் 12 ரயில் சேவைகளும் முன்னெடுக்கப்படும் என ரயில்வே திணைக்களம் மேலும் குறிப்பிட்டுள்ளது.

வாழைச்சேனை மாவட்ட நீதிமன்ற வழக்குகள் அனைத்தும் ஒத்திவைப்பு


- எஸ்.எம்.எம்.முர்ஷித் - 

வாழைச்சேனை பொலிஸ் பிரில் கொவிட் 19 தொற்று காரணமாக ஏற்படுத்தப்பட்ட தனிமைப்படுத்தல் ஊரடங்க சட்டத்தினை அடுத்து வாழைச்சேனை மாவட்ட  நீதவான் நீதிமன்றில் இந்த வாரம் நடைபெற இருந்த அனைத்து வழக்குகளும் எதிர்வரும் நவம்பர் மாதத்திற்கு பிற்போடப்பட்டுள்ளதாக வாழைச்சேனை மாவட்ட ஃ நிதவான் நீதிமன்ற நீதிபதி எச்.எம்.எம்.பஷீல் தெரியப்படுத்தியுள்ளதாக நீதிமன்ற பதிவாளர் அறிவித்துள்ளார்;.

நாட்டில் ஏற்பட்டுள்ள கொரோனா தாக்கத்தின் காரணமாக வாழைச்சேனை பிரதேசத்தில் தொற்றுக்குள்ளானவர்கள் அடையாளப்படுத்தப்பட்டுள்ள நிலையில் வாழைச்சேனை பொலிஸ் பிரிவில் தனிமைப்படுத்தப்பட்ட பிரதேசமாக அறிவித்துள்ளதையடுத்து இந்த வாரம் இடம்பெற இருந்த வழக்குகள் எதிர்வரும் நவம்பர் மாதத்திற்கு பிற்போடப்பட்டுள்ளது.

இந்தவாரம் நடைபெற இருந்த வழக்குகளின் மாற்றப்பட்ட புதிய திகதிகள் நீதி மன்றத்திற்கு முன்னாள் உள்ள விளம்பரப்பலகையில் காட்சிப்படுத்தப்பட்டுள்ளதாகவும் மாவட்ட ஃ நீதவான் நீதி மன்ற பதிவாளர் மேலும் தெரிவித்துள்ளார்.


இலங்கையில் கொரோனாவினால் 16 ஆவது மரணம் - 4 நாட்களில் 3 உயிரிழப்புக்கள்


இலங்கையில் கொரோனாவினால் 16 ஆவது மரணம் நடந்துள்ளது.

கொழும்பைச் சேர்ந்த 70 வயதுடைய பெண்ணே இவ்வாறு கொரோனாவினால் மரணித்துள்ளார்.

இந்த வாரத்தில் இலங்கையில் கொரோனாவினால் ஏற்பட்ட 3 ஆவது மரணம் என்பது குறிப்பிடத்தக்கது.



சிக்குவாரா சிறிசேன..? விசாரணையில் அம்பலமான விடயங்கள் (முழு விபரம் இணைப்பு)


அரச புலனாய்வுத்துறையின் முன்னாள் பணிப்பாளர் நிலந்த ஜெயவர்தன தமக்கு 2019 ஏப்ரல் முதலாம் திகதி முதல் 21ம் திகதி வரை 15 தடவைகள் தொலைபேசியில் உரையாடியதாக பதிவுகள் உள்ளபோதும் உயிர்த்த ஞாயிறுத் தாக்குல் தொடர்பில் வெளிநாட்டு உளவுத்துறை எச்சரிக்கை குறித்து தமக்கு தெரியப்படுத்தவில்லை என்று முன்னாள் ஜனாதிபதி மைத்திரி பால சிறிசேன தெரிவித்துள்ளார்.

உயிர்த்த ஞாயிறு தாக்குதல் தொடர்பான ஜனாதிபதி ஆணைக்குழுவின் விசாரணை நேற்று இடம்பெற்றபோது மைத்திரி பால சிறிசேன இந்த சாட்சியத்தை வழங்கியுள்ளார்.

சிங்கப்பூரில் தாம் மருத்துவ சிகிச்சையில் இருந்தபோது நிலந்த ஜெயவர்த்தனவின் தொலைபேசி அழைப்புகள் தமக்கு மேற்கொள்ளப்பட்டதாக தரவுகள் காட்டப்படுகின்றபோதும் தாம் அவருடன் பேசும் நிலையில் இருக்கவில்லை என்று மைத்திரி பால குறிப்பிட்டுள்ளார்.

அத்துடன் சிங்கப்பூரில் தாம் இருந்த நிலை குறித்து முன்னாள் ஜனாதிபதி சிறிசேன நேற்று ஊடகவியலாளர்கள் முன்னிலையில் தகவல் வெளியிட மறுத்துள்ளார்.

உயிர்த்த ஞாயிற்று தாக்குதல்களை விசாரிக்கும் ஜனாதிபதி விசாரணை ஆணைக்குழுவின் முன், கொழும்பு பேராயரை பிரதிநிதித்துவப்படுத்தும் ஜனாதிபதியின் ஆலோசகர் பி.சி.ஷாமில் பெரேரா நேற்று மைத்திரி பாலவை குறுக்கு விசாரணை செய்தார்.

ஏதேனும் முக்கியமான தேசிய பாதுகாப்பு தகவல்கள் இருந்தால், நேரடியாக தமக்கு தெரிவிக்க வேண்டும் என்று அரச புலனாய்வின் முன்னாள் பணிப்பாளர் நிலந்த ஜெயவர்தனவுக்கு சாட்சியான மைத்திரி பால சிறிசேன அறிவுறுத்தியிருந்தாரா என்று இதன்போது சட்டத்தரணி கேள்வி எழுப்பியுள்ளார்.

இதற்கு பதிலளித்த சிறிசேன தாம் தேசிய பாதுகாப்பு பேரவையில் வைத்து தாம் நிலந்த ஜெயவர்தனவுக்கு இது தொடர்பில் அறிவுறுத்தியதாக குறிப்பிட்டுள்ளார்.

எனினும் உயிர்த்த ஞாயிற்று தாக்குதல் நடக்கும் வரை இந்த துரதிர்ஷ்டத்தை யாரும் தமக்கு தெரிவிக்கவில்லை என்று மைத்திரி தெரிவித்துள்ளார்.

நிலந்த ஜெயவர்தனவை தினமும் தொலைபேசியில் தொடர்பு கொள்ளும் முறை இருந்ததா? என்று இதன்போது சட்டத்தரணி மைத்திரியிடம் கேட்டார்.

அதற்கு அவர் இல்லை, அவருடன் இதுபோன்ற தினசரி தொலைபேசி அழைப்புகள் எதுவும் வரவில்லை என்று பதிலளித்துள்ளார்.

சாட்சியின் கூற்றுக்கள் இவ்வாறு இருக்கின்றபோதும் 2019 ஜனவரி 01 முதல் 2019 ஏப்ரல் 31 வரை நிலந்த ஜெயவர்தனவுக்கும் சாட்சிக்கும் இடையில்; 221 தொலைபேசி அழைப்புகள் மேற்கொள்ளப்பட்டுள்ளதாக தரவுகள் காட்டுகின்றன என்று சட்டத்தரணி சுட்டிக்காட்டியுள்ளார்.

இதற்கு பதிலளித்த முன்னாள் ஜனாதிபதி, பதிவுகள் இதைக் காட்டினாலும், அவரை பலமுறை அழைத்தது தமக்கு நினைவில் இல்லை. நிலந்த¸ தமது இல்லக்கத்தை பல முறை அழைத்தாரா என்று தமக்கு தெரியவில்லை. பல அழைப்புகளுக்கு பதிலளிக்க தமக்கு நேரம் இல்லை என்று குறிப்பிட்டுள்ளார்.

இதன்போது குறுக்கிட்ட சட்டத்தரணி, இந்த ஆவணங்கள் அத்தகைய அழைப்புகள் தொடர்பான தரவைக் காட்டுகின்றன. இந்தநிலையில் அவை துல்லியமானவை அல்ல என்று சொல்ல முடியுமா? என்று மைத்திரியிடம் கேள்வி எழுப்பினார்.

இதற்கு பதிலளித்த மைத்திரி, தொழிநுட்பத்தைப் பற்றிய புரிதல் எனக்கு இல்லை. எனவே, அந்த அறிக்கைகளைப் புரிந்து கொள்ள எனக்கு அறிவு இல்லை என்று குறிப்பிட்டுள்ளார்.

இதனையடுத்து கேள்வி எழுப்பிய சட்டத்தரணி, கடந்த ஆண்டு ஏப்ரல் 01 முதல் ஏப்ரல் 21 வரை சாட்சிக்கும் முன்னாள் அரச புலனாய்வு பணிப்பாளருக்கும் இடையில், 20 தொலைபேசி உரையாடல்கள் இருந்தன என்பதை இந்த பதிவுகள் நிரூபிக்கின்றன.

எனவே, ஏப்ரல் 04ஆம் திகதியன்று கிடைத்த உயிர்த்த ஞாயிறுத் தாக்குதல் தொடர்பான உளவுத்துறை குறித்து முன்னாள் அரச புலனாய்வின் முன்னாள் தலைவர் சாட்சியான உங்களுக்கு தெரிவிக்கவில்லை என்பதை நாங்கள் நம்ப வேண்டும் என்று நீங்கள எதிர்பார்க்கிறீர்களா? என்று சட்டத்தரணி மைத்திரியிடம் வினவினார்.

இதற்கு பதிலளித்த மைத்திரி, இந்த தொலைபேசி பதிவுகளைப் பற்றி தமக்கு பெரிய புரிதல் இல்லை என்று கூறியுள்ளார்.

இதன்போது சட்டத்தரணி சாமில் பெரேரா தனது இளைய சட்டத்தரணிகளில் ஒருவரை முன்னாள் ஜனாதிபதிக்கு உதவுமாறு கேட்டுக்கொண்டார்.

இதன்போது தொலைபேசி தரவுகள் இருந்தபோதிலும் தாம்; அவரிடம் பல முறை பேசியதை தாம் ஏற்கப் போவதில்லை. நிலந்த எனது அதிகாரிகளை தொலைபேசியில் அழைத்திருக்கலாம், ஆனால் தாம் அவரிடம் அந்தளவு நேரம் பேசினேன் என்பதை தம்மால் ஏற்றுக்கொள்ள முடியாது என்று மைத்திரி தெரிவித்துள்ளார்.

2019 ஏப்ரல் 20ஆம் திகதியன்று மாலை 4.12 மணியளவில் வெளிநாட்டு புலனாய்வு தரப்புக்கள் உயிர்த்த ஞாயிற்றுக்கிழமை அல்லது அதற்கு அடுத்த நாள் தாக்குதல் நடத்தப்படும் தெரிவித்ததாக தகவல்கள் உள்ளன.

இந்த நிலையில், அதே நாளில் மாலை 6.16 மணிக்கு நிலந்த ஜெயவர்தன முன்னாள் ஜனாதிபதிக்கு தொலைபேசியில் அழைத்ததாக அறிக்கைகள் தெரிவிக்கின்றன என்று சட்டத்தரணி சுட்டிக்காட்டியுள்ளனர்.

எனினும் அரச புலனாய்வுத்துறை பணிப்பாளரின் பதிவுகள் எதைக் காட்டினாலும், அந்த நேரத்தில் தாம் சிங்கப்பூர் மருத்துவமனையில் சிகிச்சை பெற்றதாக சாட்சி பதிலளித்தார்.

2019 ஏப்ரல் 20 அன்று நீங்கள் சிங்கப்பூரில் இருந்தபோது எந்த தொலைபேசி அழைப்பையும் எடுக்கவில்லை என்று நீங்கள் கூறினாலும், பதிவுகளின் மூலம் உங்களது கொழும்பு இல்லத்திலிருந்து கையடக்கத்தொலைபேசிக்கு ஏராளமான அழைப்புகள் வந்துள்ளமையை சிங்கப்பூரில் இருந்த உங்களின் தனிப்பட்ட பாதுகாப்பு அதிகாரியும் உறுதிப்படுத்தியுள்ளதாக சட்டத்தரணி சுட்டிக்காட்டினார்

அதற்கு பதிலளித்த சாட்சி, “உங்களுக்கு உண்மையைச் சொல்கிறேன். அன்று நான்மருத்துவமனையில் சிகிச்சை பெற்று வந்தேன், அந்த நேரத்தில் நான் இருந்த நிலையை, ஊடகங்கள் முன் தெரிவிக்க விரும்பவில்லை” என்று குறிப்பிட்டார்.

அப்படியானால், குண்டு வெடிப்பு நடப்பதற்கு சற்று முன்னர் 2019 காலை 7.49 மணிக்கு சிங்கப்பூரில் உள்ள உங்கள் தொலைபேசிக்கு கொழும்பில் உள்ள உங்கள் இல்லத்தில் இருந்து 1 நிமிடம் 38 வினாடி அழைப்பை நிலந்த ஜெயவர்தன உங்களுக்கு வழங்கினார் என்று சட்டத்தரணி குறிப்பிட்டார். இதனைப்பற்றி கூறவேண்டும் என்று சட்டத்தரணி கோரினார்.

இதற்கு பதிலளித்த மைத்திரி, இது பதிவுகளில் இருந்தாலும் அதை நான் ஏற்கவில்லை. அப்போது நான் பேசும் நிலையில் இல்லை. நான் உண்மையைச் சொல்கிறேன். தேவைப்பட்டால் நான் மருத்துவ அறிக்கைகளை சமர்ப்பிக்கலாம் என்று குறிப்பிட்டார்.

தாக்குதல் இடம்பெற்ற காலை நேரத்தில் பேசுவதில் சிரமம் இருப்பதாக இப்போது நீங்கள் கூறினாலும், அன்று காலை உங்கள் தொலைபேசியில் ஏராளமான அழைப்புகள் இணைக்கப்பட்டதாக தகவல்கள் வந்துள்ளன.

இதுபோன்ற பதிவுகள் காட்டப்பட்டாலும், நான் இந்த அறிக்கைகளை நிராகரிப்பதாக மைத்திரி குறிப்பிட்டார்.

தாக்குதல் நடந்த நாளில் உங்களுக்கு பேசுவதில் சிரமம் இருந்ததாக குறிப்பிட்டாலும் இந்த தாக்குதலுக்குப் பிறகு நீங்கள் தொடர்ந்து 07 அழைப்புகளை எவ்வாறு எடுத்திருக்க முடியும்? என்று சட்டத்தரணி கேள்வி எழுப்பியுள்ளமையும் குறிப்பிடத்தக்கது.

வாகனத்தில் கூட்டமாக பயணிப்பவர்களுக்கு எதிராக சட்ட நடவடிக்கை - பிரதி பொலிஸ்மா அதிபர்


( செ.தேன்மொழி)

களுத்துறை மாவட்டத்தில் பேரூவளை,அளுத்கம மற்றும் பயாகல ஆகிய பகுதிகளுக்கு நாளை ஊரடங்கு உத்தரவு நீக்கப்படமாட்டாது என அறிவிக்கப்டுள்ள நிலையில், கம்பஹா மாவட்டத்தில் வர்த்தக நிலையங்கள் மற்றும் மருந்தகங்களை நாளை திறப்பதற்கு அனுமதி வழங்கப்பட்டுள்ளதாக பொலிஸ் ஊடகப் பேச்சாளர் பிரதி பொலிஸ்மா அதிபர் அஜித் ரோஹண தெரிவித்தார்.

பொலிஸ் தலைமையகத்தில் இன்று -25- ஞாயிற்றுக்கிழமை இடம்பெற்ற ஊடகவியலாளர் சந்திப்பில் இவ்வாறு தெரிவித்த அவர் மேலும் கூறியதாவரது,

கம்பஹா மாவட்டம் முழுவதிலும் இரு வாரங்களாக ஊரடங்குச் சட்டம் அமுல்படுத்தப்பட்டிருந்தமையனால் அப்பகுதி மக்கள் தங்களுக்கு அவசியமான  அத்தியாவசிய பொருட்களை கொள்வனவு செய்து கொள்வதற்காக ,இன்று காலை 8 மணிமுதல்  இரவு 10 மணி வரைக்கும் வர்த்தக நிலையங்கள்,மருந்தகங்கள் திறந்து வைக்கப்படும். 

இதன்போது அந்த பகுதிகளில் உள்ள அரச மற்றும் தனியார் வங்கிகளையும் திறக்குமாறு அறிவுறுத்தப்பட்டுள்ளது. இதன்போது மக்கள் சுகாதார அமைச்சினால் வெளியிடப்பட்டுள்ள வர்த்தமானி அறிவுறுத்தலுக்கமைய செயற்பட வேண்டியது கட்டாயமாகும்.

இவ்வாறு பொருட்களை கொள்வனவு செய்யு வருபவர்கள்,வாகனத்தில் கூட்டமாக வருவதை தவிர்த்துக் கொள்ள வேண்டும். அவ்வாறு எவரேனும் வந்தால் அவர்களுக்கு எதிராக தனிமைப்படுத்தல் மற்றும் தொற்று நீக்கம் சட்டவிதிகளுக்கமைய சட்டநடவடிக்கை எடுக்கப்படும்.

இதேவேளை, கொழும்பு கோட்டை ,புறக்கோட்டை உட்பட 64 பொலிஸ் பிரிவுகளில் தொடர்ந்தும் ஊரடங்குச் சட்டம் அமுல்படுத்தப்பட்டுள்ளது. இதன்போது  கொழும்பு பகுதிக்கு வருகைத்தரும் பொது வாகனங்களுக்கு கட்டுப்பாடு விதிக்கப்பட்டுள்ளதுடன், அத்தியாவசிய சேவைகளை தொடர்தும் மேற்கொள்ள அனுமதி வழங்கப்பட்டுள்ளது. அதற்கமைய அத்தியாவசிய சேவையாளர்கள் தங்களது தொழில் அடையாள அட்டையை ஊரடங்கு அனுமதிப்பத்திரமாக பயன்படுத்த முடியும்.  

இவ்வாறு ஊரடங்குச் சட்டம் அமுல்படுத்தப்பட்டுள்ள பகுதிகளில் தனியார் மற்றும் அரச நிறுவனங்களின் பாதுகாப்பு பணிகளில் ஈடுபட்டு வரும் , தனியார் நிறுவன ஊழியர்கள் அருகில் இருக்கும் பொலிஸ் நிலையங்களுக்குச் சென்று ஊரடங்கு அனுமதிப்பத்திரத்தை பெற்றுக் கொள்ளமுடியும். இது தொடர்பில் அனைத்து பொலிஸ் நிலையங்களுக்கும் அறிவுறுத்தல்கள் வழங்கப்பட்டுள்ளன.

எவ்வாறாயினும் ஊரடங்கு அமுல்படுத்தப்பட்டுள்ள மற்றும் அமுல்படுத்தப்படாத பகுதிகளில் திறந்து வைக்கப்பட்டிருக்கும் வர்த்தக நிலையங்கள், மருந்தகங்கள் ,சேவை நிலையங்கள் வாடிக்கையாளர்கள் தங்களின் கைகளை சுத்தம் செய்து கொள்வதற்கான வசதிகள் மற்றும் அவர்களின் உடல் வெப்பத்தை அளவிடுவதற்கான ஏற்பாடுகளையும் மேற்கொண்டிருக்க வேண்டும். என்றார்.

75 வயதில் ஏன் இஸ்லாத்தை ஏற்றேன்..? பிரான்ஸ் ஜனாதிபதிக்கு மர்யம் எழுதிய உணர்வுமிகு கடிதம்


மாலியின் கிளர்ச்சிக் குழுவினரின் பிடியில் சுமார் நான்கு வருடங்கள் பணயக் கைதியாக இருந்து கடந்த 09.10.2020 வெள்ளிக் கிழமை விடுதலையான பிரான்ஸ் நாட்டு வீரப் பெண்மணி மர்யம் (75 வயது) இஸ்லாத்தை ஏற்ற பின்னர் பிரான்ஸ் ஜனாதிபதி இமானுவேல் மெக்ரானுக்கு எழுதிய  கடிதம் பல்வேறு இலத்திரனியல் ஊடகங்களில் வெளியாகியுள்ளது. இது அதன் தமிழ் வடிவம்.

மர்யம் பெத்ரோனினிடம் இருந்து பிரான்ஸ் ஜனாதிபதி திரு மெக்ரோன் அவர்களுக்கு,

சத்தியப் பாதையில் பயணிப்பவர்களுக்கு சாந்தியும் சமாதானமும் உண்டாவதாக!

நீங்கள் பெரும் அதிர்ச்சியிலும் ஆச்சரியத்திலும் உள்ளதாக எனக்கு அறியக்கிடைத்தது. உங்களுக்கு ஏற்பட்ட அதிர்ச்சி நியாயமானதே. எப்படி ஒரு தூய வெள்ளை இனத்தைச் சேர்ந்த, கத்தோலிக்க மதத்தை பின்பற்றும் சோபியா பெத்ரோனின் என்ற பிரெஞ்சு பெண்மணி 75 வயதை தாண்டியதன் பின்னர் இஸ்லாத்தை தழுவ முடியும்! அதுவும் நான்கு வருடங்கள் முஸ்லிம்களின் பிடியில் கைதியாக இருந்து விடுதலை அடைந்த போது இது நிகழ்ந்திருக்கிறது. இதுதான் உங்களுக்கு மிகப் பெரிய ஆச்சரியமாக இருந்திருக்கும். இது எப்படி நடந்தது?

இஸ்லாத்திற்கு எதிராக பகைமை நெருப்பை, பற்றவைக்கும் கொடியவர்ளை உலகம் கண்டிக்க வேண்டும்


இஸ்லாத்திற்கு எதிராக பகமை நெருப்பை பற்ற வைத்து வரும் கொடியவர்ளை உலகம் ஒருங்கிணைந்து கண்டிக்க வேண்டும் என்றும் 
நபி பற்றிய கேலி சித்திரம் வரையும் சமூக விரோதிகளுக்கு  துணைபோகும் இமானுவேல் மேக்ரோன் போன்ற தீவிரவிதிகளை உலகம் ஒருங்கிணைந்து கண்டிக்க வேண்டும் என்றும்  துருக்கியின் முக்கிய மார்க்க அறிஞரும் முப்தியுமான அலி அர்பாஸ் இன்று -25- உலக தலைவர்களுக்கு கோரிக்கை வைத்தார்

கறுப்பு ஒக்டோபர்: 30 வருடங்களாக நீதி மறுக்கப்பட்ட வடமாகாண முஸ்லிம்கள்


– P.M. முஜீபுர் ரஹ்மான் -

வடமாகாண முஸ்லிம்கள் பலவந்தமாக வெளியேற்றப்பட்டு, இனச்சுத்திகரிப்புக்கு உள்ளாகி இம்மாதத்துடன் 30 வருடங்களாகின்றன. இக்கரிய இனச்சுத்திகரிப்பு நிகழ்வு தமிழீழ விடுதலைப் புலிகளால் 1990 ஒக்டோபர் மாத இறுதி வாரத்தில் நிகழ்த்தப்பட்டது. உடுத்திய உடையுடன், கைச்செலவுக்காக 500 ரூபாய்களை மாத்திரமே எடுத்துச் செல்ல அனுமதித்த தமிழீழ விடுதலைப் புலிகளின் இச் செயல் இம்மக்களின் வாழ்வை பாரிய பின்னடைவுக்கு இட்டுச் சென்றுள்ளதாக இம்மக்கள் உணர்கின்றனர்.

வரலாற்றுக் காலம் முதல் வடமாகாணத்தின் யாழ்ப்பாணம், கிளிநொச்சி, முல்லைத்தீவு, மன்னார் மாவட்டங்களிலும் வவுனியா மாவட்டத்தின் சில பகுதிகளிலும் வாழ்ந்த சுமார் 75000 முஸ்லிம்களை தங்களது தாயக பூமியை விட்டு 24 மணித்தியாலத்திற்குள் (சில பிரதேசங்களுக்கு 2 மணித்தியாலங்கள்) வெளியேறுமாறு பள்ளிவாசல் ஒலிபெருக்கிகள் மூலம் தமிழீழ விடுதலைப் புலிகள் அறிவித்தனர். நகைகள், ஏனைய அத்தியாவசியப் பொருட்கள் மற்றும் மேலதிக பணங்களை பள்ளிவாசல்கள் மற்றும் பொது மைதானத்தில் இருந்த தமிழீழ விடுதலைப் புலிகளிடம் ஒப்படைத்துவிட்டு வெளியேறுமாறு அவர்கள் அறிவித்தனர்.

இக்குறுகிய கால பலவந்த வெளியேற்ற அறிவித்தலால் செய்வதறியாது திகைத்த, வடமாகாண முஸ்லிம்கள் என்ன செய்வது, எங்கு செல்வது, எவ்வாறு செல்வது என்ற எந்தத் திட்டமுமின்றி நிலை குலைந்து நின்றனர். மேலும், அது தென்மேல் பருவப்பெயர்ச்சி மழைக் காலம் என்பதால் பல அசௌகரியங்களுக்கும் அவர்கள் உள்ளாகினர். இறுதியில் அப்போதைய அரசாங்கம் மற்றும் பாதுகாப்புப் படையினரின் உதவியை அவர்கள் கோரினர். ஆனால், முஸ்லிம்களின் கோரிக்கைகளுக்கு அப்போதைய ஐக்கிய தேசியக் கட்சி அரசாங்கமும் பாதுகாப்புப் படையினரும் செவிசாய்க்க மறுத்து விட்டனர்.

அதேநேரம் கடும் காற்றும் மழையும் காரணமாக யாரும் கடலுக்குச் செல்ல வேண்டாம் என அரசாங்கம் அறிவித்திருந்தது. மறுபுறம் விடுதலைப் புலிகள் ஆயுதமுனையில் உடனடியாக வெளியேறுமாறு கூறுகின்றனர். எங்கு செல்வது, என்ன செய்வது என அறியாது திகைத்து நின்ற இம்மக்கள், தமிழீழ விடுதலைப் புலிகளின் அச்சுறுத்தலினால், இறைவனே பாதுகாவலன் என அவன்மேல் பாரம்சாட்டிவிட்டு கடலில் குதித்தனர். இறைவனின் உதவியால் ஒரு வழியாக கல்பிட்டி மற்றும் புத்தளப் பிரதேசத்தை சென்றடைந்தனர்.

இம்முஸ்லிம்கள் கல்பிட்டி மற்றும் புத்தளத்தை அடைந்ததும் அங்குள்ள மக்கள், தங்களிடம் இருந்தவற்றை கொடுத்து உபசரித்தார்கள். ஆனால், அப்போதைய ஜனாதிபதி பிரேமதாஸா தலைமையிலான ஐக்கிய தேசியக் கட்சி அரசாங்கம் இம்மக்களுக்கான உடனடித் தேவைகள் எதனையும் செய்யவில்லை.. மேலும், 1994 ஆம் ஆண்டு ஜனாதிபதி சந்திரிக்கா குமாரதுங்க தலைமையிலான ஸ்ரீலங்கா சுதந்திரக் கட்சியின் ஆட்சிக்காலம் வரை இம்மக்கள் அப்பிரதேசங்களிலுள்ள தனிநபர்களின் காணிகளில் அகதி முகாம்களில் இருந்தனர். அங்கு தென்னை மர ஓலைகளால் தங்களுக்கான கொட்டில்களை அமைத்து வாழ்ந்து வந்தனர்.

பல்வேறு சிரமங்களுக்கு மத்தியில் அகதி முகாம்களில் வாழ்ந்த வடமாகாண முஸ்லிம்களின் வாழ்வியல் ஒழுங்கு சீரழிந்துள்ளது. பலர் கல்வியை இழந்துள்ளார்கள். சிலர் உளவியல் தாக்கத்திற்கு உள்ளாகியுள்ளார்கள். பல்லாயிரக்கணக்கான இளைஞர்கள் தங்கள் வாலிபத்தை அகதி முகாம்களிலேயே சீரழித்துள்ளனர். ஒருசிலர் முன்னேறிய வரலாறும் உண்டு.

இவ்வாறு 2009 ஆம் ஆண்டு யுத்தம் வெற்றி கொள்ளப்படும்வரை அகதி முகாம்களிலேயே இவர்கள் வாழ்ந்து வந்துள்ளனர். யுத்தம் வெற்றி கொள்ளப்பட்டதன் பின்னர் மிகுந்த ஆர்வத்தோடு, மீண்டும் தமது சொந்த தாயக பூமியை நோக்கி மீள்குடியேறி வருவதாக தெரிவித்தனர்.

கொரோனாவும் வடக்கு முஸ்லிம்களின் வாக்குரிமையும்

அண்மையில் உலகையே ஆட்டிப் படைத்த கொரோனா வடமாகாண முஸ்லிம்களையும் சிக்கலுக்குள் தள்ளிவிட்டது. மேலும், அவர்களின் பிரஜா உரிமையையும் கேள்விக் குறியாக்கியுள்ளது. கொரோனாவின் போது முழு நாட்டுக்குமான போக்குவரத்துக்கள் முடக்கப்பட்டன. போன போனவர்கள் அந்தந்த இடங்களில், உறவினர்களின் வீடுகளில் தஞ்சம் புகுந்து வாழ்ந்து வந்தனர்.

இக் காலத்தில் அரசாங்கம் சமுர்த்தி பயனாளிகளுக்கு 5000 ரூபாயை வழங்கியது. இதில் வடமாகாணத்தில் பதிவிலுள்ள சிலர் புத்தளம் சென்று இருந்தனர். புத்தளம் கொரோனா பாதிப்பு எனக்கூறி சுமார் 2 மாதங்களாக முடக்கப்பட்டிருந்தது. அவ்வாறு புத்தளத்தில் முடக்கப்பட்டிருந்த வடமாகாண முஸ்லிம்களுக்கு அரசாங்கம் (வடமாகாண நிருவாகம்) பரிதாபப்பட்டு புத்தளம் சென்று 5000 ரூபாய்களை வழங்கியது. (இம்மனித நேய செயற்பாடு நிச்சயம் பாராட்டப்பட வேண்டும்.)

அகதி முகாம்களில் பல்வேறு சிரமங்களுக்கு மத்தியில் வாழ்கின்ற இம்மக்கள், கொரோனாவினால் பாதிக்கப்பட்டு 2 மாதங்களாக முடக்கப்பட்டு இருக்கின்றபோது, அரசாங்கம் 5000 ரூபா கொடுப்பதாக அறிவித்ததும், இம் மக்கள் உடனடியாக தங்களது பெயர்களையும் பதிவு செய்துள்ளனர். இதனை சந்தர்ப்பமாக பயன்படுத்திய வடமாகாண நிருவாகம் அவர்களின் பெயர்ப் பட்டியலை பெற்றுக் கொண்டது.

அதனைத் தொடர்ந்து அண்மையில் நடைபெற்று முடிந்த பாராளுமன்ற தேர்தலுக்கு கொத்தணி வாக்களிப்பு நிலையங்களை அமைக்கவுள்ளதாக அறிவித்தது. அதற்காக தமிழீழ விடுதலைப் புலிகளால் வெளியேற்றப்பட்டு 30 வருடங்களாக செய்வதறியாது வாழ்வை இழந்து தவிக்கின்ற வடமாகாண முஸ்லிம்கள் கொத்தணி வாக்களிப்புக்காக தங்களது பெயர்களையும் பதிவு செய்துள்ளனர்.இதனைப் பயன்படுத்தி கொத்தணி நிலையங்களில் வாக்களித்த, வடமாகாண முஸ்லிம்களில் சுமார் 6000 இற்கும் அதிகமான முஸ்லிம்களின் வாக்குகளை இப்போது வடமாகாண நிருவாகம் பதிய மறுக்கின்றது. இது அவர்களின் ஒட்டுமொத்த உரிமையையும், வாக்குரிமையையும் குழிதோண்டிப் புதைக்கும் செயலாகவே இவர்கள் தெரிவிக்கின்றனர்.

அண்மையில் ஊடகங்களுக்கு கருத்துத் தெரித்த அகில இலங்கை மக்கள் காங்கிரஸ் தலைவரும் பாராளுமன்ற உறுப்பினருமான றிஷாத் பதியுதீன் மிக அழகாக எடுத்துக் கூறுகையில் “நான் கொழும்பில் வாழ்கிறேன். எனது பிள்ளைகள் கொழும்பில் படிக்கிறார்கள். ஆனால், நான் மன்னார், தாராபுரத்தில் வாக்குப் பதிவினை வைத்துள்ளேன். அங்கேயே வாக்களிக்கின்றேன். அப்படியாயின் ஏன் இம்மக்களுக்கு வாக்குரிமை வழங்க மறுக்கப்படுகிறது ? என கேள்வி எழுப்பினார்.

வடமாகாண நிருவாகம் கூறுவதுபோல் இருந்தால், அரசாங்கம் எதற்காக தபால் மூல வாக்குகளை வைத்துள்ளது என்ற கேள்வியை இம்மக்கள் எழுப்புகின்றனர். ஏனெனில், தபால் மூல வாக்கு என்பது தொழில் நிமித்தம் நாட்டின் ஏனைய பாகங்களில் வாழ்பவர்கள், தங்களது வாக்குரிமையை தனது சொந்த பிரதேசத்தில் செலுத்துவதற்காகவே வைக்கப்பட்டுள்ளது. ஆனால், வடமாகாணத்திலிருந்து பலவந்தமாக தமிழீழ விடுதலைப் புலிகளால் வெளியேற்றப்பட்ட முஸ்லிம்களுக்கு இச்சட்ட ஒழுங்கு செல்லுபடியற்றதா என்று நோக்கும் அளவுக்கு இங்குள்ள நிருவாகம் செயற்படுவதை உணரக் கூடியதாக இருக்கின்றது என இம்மக்கள் விசனம் தெரிவிக்கின்றனர். மேலும், வடமாகாண முஸ்லிம்கள் வடமாகாணத்தைத் தவிர வேறு எங்கும் தொழில் நிமித்தமோ, வேறு வியாபார காரணங்களுக்காகவோ நாட்டின் ஏனைய பிரதேசங்களில் வாழ முடியாதா? என்ற கேள்வியையும் எழுப்புகின்றனர்.

கொரோனா இதேவேகத்தில் பரவினால், நாட்டில் பல உயிரிழப்புகள் ஏற்படலாம் - Dr சமரவீர

நாட்டில் கொரோனா வைரஸ் பரவும் வேகம் அதிகரித்துள்ளது என தொற்றுநோயியல் பிரிவின் தலைமை அதிகாரி சுடத்சமரவீர தெரிவித்துள்ளார்.

பொதுமக்கள் நடமாட்டத்தை கட்டுப்படுத்தாவிட்டால் அடுத்த சில நாட்களில் கொரோனா வைரஸ் கட்டுப்படுத்த முடியாததாக மாறலாம் என அவர் எச்சரிக்கை விடுத்துள்ளார்.


வைரஸ் இதேவேகத்தில் பரவினால் நாட்டின் மேலும் பல உயிரிழப்புகள் ஏற்படலாம் என சுடத்சமரவீர தெரிவித்துள்ளார்.

பொதுமக்கள் நடமாட்டத்திற்கு கட்டுப்பாடு விதிக்கப்படவில்லை, தெரிவு செய்யப்பட்ட பகுதிகளிலேயே ஊரடங்கு அறிவிக்கப்பட்டுள்ளது என தெரிவித்துள்ள அவர் மக்கள தொடர்ந்தும் ஏனையவர்களுடன் அதிகளவில் தொடர்புகொள்கின்றனர் என அவர் குறிப்பிட்டுள்ளார்.

மரணச்சடங்குகள் திருமணங்கள் மதநிகழ்வுகள் மூலம் கொரோனா ரைவஸ் பரவியது கண்டுபிடிக்கப்பட்டுள்ளதால் பொதுமக்கள் நடமாட்டத்தை கட்டுப்படுத்தவேண்டும் என அவர் தெரிவித்துள்ளார்.

அதிக ஆபத்தான கொரோனா பிரதேசங்கள் இவைதான் - சுகாதார அமைச்சு பிரகடனம்


கொரோனா வைரஸ் தொற்று நாடளாவிய ரீதியில் வியாபித்துள்ளது. 

இந்நிலையில், இதில், அதிக ஆபத்தான பிரதேசங்கள் எவை? என்பது தொடர்பிலான வரைபடத்தை, சுகாதார அமைச்சின் தொற்றுநோய் விஞ்ஞானப்பகுதி வெளியிட்டுள்ளது.


Older Posts