October 17, 2021

ஒன்றரை வருடங்களின் புனித மக்கா மாநகரில், பஜ்ர் தொழுகையுடன் அனைத்து கட்டுப்பாடுகளும் நீக்கம்


17 மாதங்கள் (ஒன்றரை வருடங்களின் பின்னர்)  இன்று 17-10-2021 அதிகாலை முதல்,  புனித மக்கா மாநகரில்  மீண்டும் வழமை போன்று மன நிறைவுடன் வணங்கி வழிபடும் பாக்கியம் அனைவருக்கும் கிடைத்திரு 
க்கிறது. இன்று அதிகாலை பஜ்ர் தொழுகையுடன் அனைத்து கட்டுப்பாடுகளும் நீக்கப்பட்டுள்ளது!

வாழ்வில் ஒரு தரமேனும் இப்பெரும் பாக்கியம் ஒவ்வொருவருக்கும் கிடைத்திட வேண்டுவோம்!



ஆளும் கூட்டணியின் பங்காளிகளுடன், மைத்திரி தனது வீட்டில் தனிச் சந்திப்பு


ஆளும் கூட்டணியின் பங்காளி கட்சிகளின் பிரதிநிதிகளுக்கும், முன்னாள் ஜனாதிபதி மைத்திரிபால சிறிசேனவுக்கும் இடையிலான சந்திப்பொன்று இடம்பெற்றுள்ளது. 

கொழும்பில் உள்ள அவரது இல்லத்தில் நேற்று(16) இந்த சந்திப்பு இடம்பெற்றுள்ளது.

தற்போது நிலவும் பிரச்சினைகள் தொடர்பில் இதன்போது கலந்துரையாடப்பட்டதாக அதில் பங்கேற்றிருந்த நாடாளுமன்ற உறுப்பினர் ஒருவர் குறிப்பிட்டார்.

பிவித்துரு ஹெல உறுமயவின் தலைவர் அமைச்சர் உதய கம்மன்பில. லங்கா சமசமாஜ கட்சியின் பொதுச் செயலாளர் பேராசிரியர் திஸ்ஸ விதாரண மற்றும் ஸ்ரீலங்கா கமியூனிஸ்ட் கட்சியின் தலைவர் நாடாளுமன்ற உறுப்பினர் வீரசூரிய வீரசிங்க உள்ளிட்ட தரப்பினர் இந்தக் கலந்துரையாடலில் பங்கேற்றிருந்தனர்.

October 16, 2021

இலங்கையின் நற்பெயரைக் காற்றில் பறக்கவிட்ட, கட்டுநாயக்க விமான நிலைய அதிகாரிகளின் மனிதாபிமானமற்ற நடவடிக்கை


ஐரோப்பாவின் 226 பயணிகளை ஏற்றிய விமானமொன்று கட்டணம் செலுத்துவதில் ஏற்படுத்திய தாமதம் காரணமாக உருவான பிரச்சினையை அடிப்படையாக வைத்து, சர்வதேசத்தில் நற்பெயருக்கு களங்கம் விளைவிக்கும் வகையில் கட்டுநாயக்க விமான நிலைய அதிகாரிகள் செயற்பட்டுள்ளமை தெரியவந்துள்ளது.

செப்டம்பர் 26 ஆம் திகதி இந்த சம்பவம் இடம்பெற்றுள்ளது.

Condor Air விமான சேவைக்கு சொந்தமான Boeing 867 ரக விமானமொன்று ஜெர்மனியின் Frankfurt-இல் இருந்து மாலைத்தீவு நோக்கி பயணித்துக்கொண்டிருந்தது.

சீரற்ற வானிலை காரணமாக விமானத்தை கட்டுநாயக்க பண்டாரநாயக்க சர்வதேச விமான நிலையத்தில் தரையிறக்குவதற்கு தீர்மானிக்கப்பட்டுள்ளதுடன், அதன்போது விமானத்தில் 226 பயணிகள் இருந்துள்ளனர்.

அன்றைய தினம் முற்பகல் 11.26-க்கு தரையிறக்கப்பட்ட விமானம் பல மணித்தியாலங்கள் நாட்டில் இருந்துள்ளதுடன், அவசர தரையிறக்கத்திற்கான கட்டணத்தை செலுத்தும் போது கடனட்டை செயற்படாமையினால் விமானிகள் பெரும் சிரமத்தை எதிர்கொண்டுள்ளனர்.

740 அமெரிக்க டொலர்களை கடனட்டை மூலம் செலுத்துவதற்கு விமானிகள் முயன்ற போது, அவர்களின் கடனட்டைகள் செயற்படவில்லை என விமான நிலையம் மற்றும் விமான சேவை நிறுவன நடவடிக்கை பணிப்பாளர் ஷெஹான் சுமனசேகர குறிப்பிட்டார்.

பின்னர், பெண் விமானி உள்ளிட்ட 2 விமானிகளும் கட்டுநாயக்க விமான நிலையம் மற்றும் விமான சேவை நிறுவனத்திற்கு சொந்தமான 2 இடங்களுக்கு அனுப்பப்பட்ட போதிலும் கடனட்டை செயற்படவில்லை.

குறித்த கடனட்டைகள் சர்வதேச கட்டணங்களை செலுத்தும் வகையில் செயற்படுத்தப்பட்டிருக்கவில்லை என்பதை 45 நிமிடங்களின் பின்னரே அந்த விமானிகள் அறிந்துகொண்டுள்ளனர். அதன் பின்னரே அவர்கள் தமது வங்கிக்கு தொடர்புகொண்டு கடனட்டைகளை சர்வதேச கொடுக்கல் வாங்கல்களுக்கு ஏற்றவாறு செயற்படுத்திக்கொண்டுள்ளனர்.

கட்டணங்களை செலுத்தியதன் பின்னர் பிற்பகல் 2.10 அளவில் அவர்கள் விமானத்திற்கு திரும்பியுள்ளனர்.

விமானம் பயணத்தை ஆரம்பிக்க 15 நிமிடங்கள் இருந்த நிலையில், அவர்கள் விமானத்திற்கு சென்றுள்ளனர்.

விமான ஊழியர்கள் சேவையை நிறைவு செய்து ஓய்வு பெறுவதற்காக செல்லும் நேரம் நெருங்கியமையால், அருகிலுள்ள வேறு நாடொன்றின் விமான ஊழியர்களை அழைத்து, பயணத்தை ஆரம்பிக்க நேர்ந்தது.

என்ன நடைபெறுகிறது என்பதை அறியாமல் விமானத்தினுள் பெண்களும், பிள்ளைகளும் அடங்கலாக பயணிகள் பலரும் காத்திருந்துள்ளனர்.

இந்நிலையில், மேலதிகமாக இலங்கை விமான நிலையத்தில் தங்கி இருந்தமையால், தாமத கட்டணமாக 74 டொலர்களை மேலதிகமாக செலுத்த வேண்டிய நிலைமை விமானிகளுக்கு ஏற்பட்டுள்ளது.

இந்த சம்பவம் இடம்பெற்று பல தினங்கள் கடந்துள்ள போதும், அது குறித்து Condor Air நிறுவனம் இலங்கையிடம் எதனையும் வினவவில்லை என ஷெஹான் சுமனசேகர குறிப்பிட்டார்.

எனினும், இலங்கை விமான நிலையம் Condor Air நிறுவனத்திற்கு கடிதம் ஒன்றை அனுப்பி விடயத்தை தௌிவுபடுத்த எதிர்பார்த்துள்ளதாகவும் அவர் குறிப்பிட்டார்.

எவ்வாறாயினும், உலகில் ஏற்றுக்கொள்ளப்பட்ட விமான சேவையொன்று இலங்கையின் பிரதான விமான நிலையத்தில் எதிர்கொண்ட இந்த சம்பவத்தை சாதாரணமாக கருத முடியாதென அனுபவமுள்ள பிரதான சுற்றுலா செயற்பாட்டாளர் கலாநிதி அருண அபேகுணவர்தன தெரிவித்தார்.

35, 40 வயதான எவரும் Condor என்ற பெயரைக் கேட்டால் அதனை அறிந்துகொள்வார்கள். அந்த விமானத்தின் மூலம் மில்லியன் கணக்கான சுற்றுலாப் பயணிகள் இலங்கைக்கு வந்திருப்பார்கள். இலங்கையில் யுத்தம் உக்கிரமடைந்திருந்த காலத்திலும் அந்த விமானத்தின் மூலம் சுற்றுலாப் பயணிகள் இலங்கைக்கு வந்தார்கள். எனவே, எமது அதிகாரிகள் உடனடியாக ஜெர்மனியின் குறித்த நிறுவனத்துடன் தொடர்புகொண்டு மன்னிப்புக் கேட்க வேண்டும். இல்லாவிட்டால் இது எமக்கு பெரும் கரும்புள்ளியாக மாறிவிடும்

என அருண அபேகுணவர்தன கூறினார்.

கொரோனா தொற்றுக்கு மத்தியில் சுற்றுலாத்துறை வீழ்ச்சி கண்டுள்ள இந்த சந்தர்ப்பத்தில் இவ்வாறு விமான பயணிகளை அலைக்கழித்தமை தொடர்பில் விசாரணைகள் மேற்கொள்ளப்பட வேண்டுமல்லவா?

இந்த சம்பவம் இடம்பெற்றதாகக் கூறப்படும் தினத்தில் கடமையில் இருந்த அதிகாரிகளை தற்காலிகமாக சேவையில் இருந்து நீங்கியிருக்குமாறு அறிவித்துள்ளதாக விமான நிலையம் மற்றும் விமான சேவைகள் நிறுவனத்தின் தலைவர் ஓய்வுபெற்ற மேஜர் ஜெனரல் ஜீ.ஏ.சந்திரசிறி தெரிவித்தார்.

இந்த சம்பவம் தொடர்பில் அறிக்கை கோரியுள்ளதாக இராஜாங்க அமைச்சர் டி.வி. சானக்க தெரிவித்தார்.

அமைச்சர்கள், பொலிஸாரிமிருந்து அதிபர்களுக்கு தொலைபேசியில் அச்சுறுத்தல் - பாடசாலை திறப்புகளை பலவந்தமாக பெறவும் முயற்சி


பணிப்பகிஷ்கரிப்பில் 
ஈடுபட்டுள்ள அதிபர்களிடமிருந்து பலவந்தமாக பாடசாலை திறப்புகளை பெறுவதற்கு அரசியல்வாதிகள் முயன்று வருவதாக இலங்கை ஆசிரியர் சங்கம் குற்றஞ்சாட்டியுள்ளது.

அமைச்சர் காமினி லொக்குகே உள்ளிட்ட சில அரசியல்வாதிகள் அதிபர்களுக்கு தொலைபேசியில் அச்சுறுத்தல் விடுத்ததாக இலங்கை ஆசிரியர் சங்கத்தின் பிரதம செயலாளர் ஜோசப் ஸ்டாலின் தெரிவித்தார்.

200-க்கும் குறைவான மாணவர்கள் உள்ள பாடசாலைகளின் அதிபர்களை பொலிஸார் தொலைபேசியூடாக தொடர்பு கொண்டுள்ளமை அபாயகரமான விடயம் என அவர் சுட்டிக்காட்டினார்.

பொலிஸாருக்கு பொறுப்பாகவுள்ள பாதுகாப்பு அமைச்சர் சரத் வீரசேகர, பொலிஸார் மூலம் தொலைபேசியில் அழைத்து அச்சுறுத்தல் விடுப்பதாக ஜோசப் ஸ்டாலின் குற்றச்சாட்டு முன்வைத்தார்.

காலி முகத்திடலுக்கு எம்மை அழைத்துச் சென்று ஆப்பு வைக்க வேண்டும் என பாராளுமன்ற உறுப்பினர் திஸ்ஸ குட்டிஆரச்சி கூறியுள்ளார். இந்த நாட்டின் பிள்ளைகளுக்கு இரண்டு வருடங்களாக கல்வியை வழங்குவதில் தோல்வி கண்டுள்ள அரசாங்கத்திற்கு நீங்கள் வழங்கும் தண்டனை என்னவென அவரிடம் நான் கேட்கின்றேன்

என ஜோசப் ஸ்டாலின் வினவினார்.

அரசாங்கத்தில் இருந்து வெளியேறுவது மிக இலகுவானது, கைவிட முடியாதது எதுவும் எனக்கில்லை - உதய கம்மன்பில


அரசாங்கம் சம்பந்தமாக மக்களின் நம்பிக்கை சிதைந்து போயுள்ளதாக பிவித்துரு ஹெல உறுமய கட்சியின் தலைவரும்,அமைச்சருமான உதய கம்மன்பில (Udaya Gammanpila ) தெரிவித்துள்ளார்.

இவ்வாறு சிதைந்து போன நம்பிக்கையை மீண்டும் கட்டியெழுப்புவது சவாலானது எனவும் அவர் கூறியுள்ளார்.

வாராந்த சிங்கள பத்திரிகை ஒன்றுக்கு வழங்கிய நேர்காணலில் அமைச்சர் இதனை கூறியுள்ளார்.

நேர்மையான முயற்சியை மேற்கொண்டால் அரசாங்கத்தின் மீதான மக்களின் நம்பிக்கையை மீண்டும் கட்டியெழுப்ப முடியும் என்பது முடியாத காரியமல்ல. அரசாங்கத்தில் இருந்து வெளியேறுவது மிகவும் இலகுவான காரியம். கைவிட முடியாதது எதுவும் எனக்கில்லை.

எனினும் அரசாங்கத்திற்குள் இருந்துக்கொண்டு, எதிர்க்கட்சியாக போராடி, அரசாங்கத்தை சரியான வழிக்கு கொண்டு வரும் கடும் முயற்சியில் ஈடுபட்டுள்ளதாகவும் உதய கம்மன்பில குறிப்பிட்டுள்ளார்.

நவம்பர் 12 முதல், டிசெம்பர் 10 வரை வெளிநாடு செல்ல வேண்டாம் என உத்தரவு


வரவு செலவுத் திட்டம் சமர்ப்பிக்கப்படும் நவம்பர் மாதம் 12 ஆம் திகதி முதல் வரவு செலவுத் திட்ட இறுதி வாக்கெடுப்பு இடம்பெறும் டிசெம்பர் 10ஆம் திகதி வரையான காலப்பகுதியில் அதிகாரபூர்வ அல்லது தனிப்பட்ட காரணங்களுக்காகவும் வெளிநாடு செல்ல வேண்டாம் என்று ஜனாதிபதியின் செயலாளர் பி.பி.ஜயசுந்தர சுற்றறிக்கை வெளியிட்டுள்ளார்.

அனைத்து அமைச்சர்கள், இராஜாங்க அமைச்சர்கள், அமைச்சுக்களின் செயலாளர்கள் மற்றும் திணைக்களத் தலைவர்களுக்கே இந்த சுற்றறிக்கை அனுப்பப்பட்டுள்ளது.

வரவு செலவுத் திட்டத்தை வெற்றிகரமாக ஆக்குவதற்கு அனைத்து தரப்பினரும் முடிந்தவரை பங்களிப்பு செய்ய வேண்டும் என்ற காரணத்துக்காக ஜனாதிபதியின் செயலாளர் இந்த சுற்றறிக்கையை வெளியிட்டுள்ளார் என்று அரசாங்க வட்டாரங்கள் தெரிவிக்கின்றன.

அடுத்த ஆண்டுக்கான (2022) அரசாங்க வரவு செலவுத்திட்ட முன்மொழிவை நிதி அமைச்சர் பசில் ராஜபக்ஷ, அடுத்த மாதம் 12 ஆம் திகதி பாராளுமன்றத்தில் சமர்ப்பிக்க உள்ளார்.

அன்றிலிருந்து வரவு செலவுத்திட்ட விவாதம் நடைபெற்று இறுதி வாக்கெடுப்பு டிசெம்பர் 10 அன்று நடைபெறும் என்பது குறிப்பிடத்தக்கது.

 


பாராளுமன்ற உறுப்பினராகும் வாய்ப்பு, ஞானசாரருக்கு கிடைக்குமா..?


அத்துரலியே ரத்ன தேரரின் கட்சி உறுப்புரிமை ரத்து செய்யப்பட்டுள்ளதால் அவரது பாராளுமன்ற உறுப்புரிமை பறிபோகும் நிலையுள்ளதாகக் கூறப்படுவ தால் கலகொட அத்தே ஞானசார தேரருக்கு தேசிய பட்டியல் பாராளுமன்ற உறுப்புரிமை கிடைக்கும் சாத்தியம் உள்ளது. 

எங்கள் மக்கள் சக்தி கட்சியின் தேசிய பட்டியல் பாராளுமன்ற உறுப்பினர் அத்துரலியே ரத்ன தேரரின் கட்சி உறுப்புரிமை ரத்து செய்யப்பட்டு கட்சியின் பொதுச் செயலாளரால் தேர்தல் ஆணையாளருக்கு இது குறித்து  அறிவிக்கப்பட்டுள்ளதால் ரத்ன தேரரின் தேசிய பட்டியல் பாராளுமன்ற உறுப்பினர் பதவிக்கு ஆபத்து ஏற்பட் டுள்ளது.

அத்துரலியே ரத்ன தேரர் ஜனவரி 5 ஆம் திகதி பாராளுமன்ற உறுப்பினராகப் பதவியேற்றார்.  இந்த தேசிய பட்டியல் குறித்து  எங்கள் மக்கள் சக்தி கட்சியில் கடும் சர்ச்சை ஏற்பட்டது.

கலகொடஅத்தே ஞானசார தேரரும் தேசிய பட்டியல் பாராளுமன்ற உறுப்பினர் பதவி வேண்டும் எனக் கோரி வருகிறார்.

இந்நிலையில் விரைவில் ஞானசார தேரர் பாராளுமன்ற உறுப்பினராக பதவி ஏற்பார் எனக் கூறப்படுகிறது. Tl


சுவிஸர்லாந்து வங்கிகளில் 83 இலங்கையர்களின் மறைக்கப்பட்ட சொத்து அம்பலம்


சுவிஸ் வங்கியின் ரகசியத்தன்மை பல ஆண்டுகளாகப் பேணப்பட்டு வந்தது. தற்போது சுவிஸ் அரசாங்கத்தால் அந்த ரகசியம் நீக்கப்பட்டுள்ளது.

இதன் விளைவாக, சுவிஸ் வங்கிகளிலுள்ள 83 இலங்கையர்களின் வங்கிக் கணக்கு விபரங்கள் தெரியவந்துள்ளன.

சுவிட்ஸர்லாந்தின் ஜெனீவாவில் உள்ள இரண்டு பிரதான வங்கிகளில் குறித்த கணக்கு வைப்பு இருப்பதாக ஜெனீவா வட்டாரங்கள் தெரிவித்துள்ளன.

இந்தியர்களின் சுவிஸ் வங்கிக் கணக்குகள் குறித்து இந்திய அரசாங்கம் ஏற்கனவே தகவலைப் பெற்றுள்ளது.

சுவிஸ் பாராளுமன்றத்தில் நிறைவேற்றப்பட்ட சட்டமூலம் குறித்த இரகசியத்தை நீக்கியுள்ளது.

ரஷ்யாவின் 2 நீர்மூழ்கிகளும், போர்க் கப்பல் ஒன்றும் கொழும்பை வந்தடைவு (படங்கள்)


ரஷ்ய நாட்டு கடற்படைக்கு சொந்தமான இரண்டு நீர்மூழ்கிக் கப்பல்களும்,  போர்க் கப்பல் ஒன்றும் கொழும்பு துறைமுகத்தை வந்தடைந்துள்ளன.

கப்பல்சார் சேவைகளைப் பெற்றுக்கொள்வதற்காக, வெளிவிவகார அமைச்சின் அனுமதியுடன் அந்தக் கப்பல்கள் கொழும்பு துறைமுகத்திற்கு வந்துள்ளன. 

சேவைகளைப் பெற்றுக்கொண்டதன் பின்னர், அந்தக் கப்பல்கள் நாளை மறுதினம் கொழும்பு துறைமுகத்திலிருந்து வெளியேறும் என தெரிவிக்கப்பட்டுள்ளது. 

சூபி முஸ்லிம்கள் மீது, வஹாப்வாதிகள் தாக்குதல் நடத்த திட்டம் - பாதுகாப்பை உறுதிப்படுத்துமாறு ஞானசாரர் கடிதம்


நபிகள் நாயகத்தின் பிறந்த நாளை கொண்டாடும் சூபி முஸ்லிம் சமூகத்தின் மீது வஹாப்வாதிகள் தாக்குதல்களை நடத்துவதற்கு இலக்கு வைக்கப்பட்டுள்ளதால் இம்மாதம் முழுவதும் அவர்களுக்கான பாதுகாப்பை உறுதி செய்யுமாறு பொதுபலசேனா அமைப்பின் பொது செயலாளர் கலகொட அத்தே ஞானசார தேரர்(Gnanasara Tero), பொலிஸ்மா அதிபரிடம் கோரிக்கை விடுத்துள்ளார்.

இலங்கையிலுள்ள சூபி முஸ்லிம் மக்களைப் பாதுகாக்குமாறு கோரி பொலிஸ்மா அதிபர் மற்றும் பொதுமக்கள் பாதுகாப்பு இராஜாங்க அமைச்சருக்கு அனுப்பியுள்ள கடிதத்திலேயே அவர் இதனை தெரிவித்துள்ளார்.

அதில் இலங்கையிலுள்ள சூபி முஸ்லிம் சமூகம், நபிகள் நாயகத்தின் பிறந்த நாளை இம்மாதத்தில் கொண்டாடும் நிலையில் அதனை வஹாப்வாதி குழுக்கள் பல்வேறு வகையில் சீர்குலைப்பதற்கு முயற்சிப்பது குறித்து தொடர்ச்சியாக அவதானிக்கப்படுவதாகக் குறிப்பிடப்பட்டுள்ளது.

"எனது விடுவிப்பு என்பது முடிவல்ல" - ரிஷாட்


அனைவர் மீதும் இறைவனின் சாந்தியும் சமாதானமும் உண்டாவதாக...!

இறைவனின் பேரருளால், நேற்றைய தினம் ஆறு மாத கால அநியாயத் தடுப்புக்காவலில் இருந்து நீதிமன்றத்தினால் பிணையில் விடுவிக்கப்பட்டேன்.

எல்லாப் புகழும் இறைவனுக்கே...! 

என்னை அநியாயமாக சிறையில் அடைத்த நாள் முதல், எனது விடுவிப்புக்காக நோன்பு நோற்ற, பிரார்த்தித்த தாய்மார்கள் மற்றும் சகோதர சகோதரிகள் அனைவருக்கும் உள்ளம் நிறைந்த நன்றிகளை தெரிவித்துக்கொள்கின்றேன்.

உங்கள் அனைவரது பிரார்த்தனைகளும் வீண்போகவில்லை என்பது, எனது திடமான நம்பிக்கையாகும்.

எனது விடுதலைக்காக குரல் கொடுத்த சகோதர கட்சிகளின் தலைவர்கள், பாராளுமன்ற உறுப்பினர்கள், எனது விடுதலைக்காக செயற்பட்ட சட்டத்தரணிகள், சர்வதேச அரங்குகளில் செயற்பட்டவர்கள், ஊடக தர்மத்தை பேணி மனச்சாட்சிப்படி செயற்பட்ட ஊடகவியலாளர்கள். இன, மத, கட்சி வேறுபாடுகள் கடந்து செயற்பட்டவர்கள் அனைவருக்கும் எனது உளம் நிறைந்த நன்றிகளை காணிக்கையாக்குகின்றேன். 

எனது விடுவிப்பு என்பது முடிவல்ல...

சொல்லொணாத் துயரங்களை அனுபவித்தவர்களாக நமது உடன்பிறப்புக்கள் பலர், பயங்கரவாத தடுப்புச் சட்டத்தின் கீழ் கைது செய்யப்பட்டு, அநியாயமாக தடுப்புக்காவலிலும், சிறையிலும் இருக்கின்றனர். அவர்களது விடுதலைக்காகவும் நாம் எல்லோரும் தொடர்ந்தும் பிரார்த்திப்போமாக...

உங்களது நம்பிக்கையையும் அமானிதத்தையும் காப்பாற்றும் வகையில், இன் ஷா அல்லாஹ், எனது குரல் தொடர்ந்தும் ஒலிக்கும். நான் நேசிக்கும் மக்கள் பணி தொடரும்!

ரிஷாட் பதியுதீன்,

தலைவர் – அகில இலங்கை மக்கள் காங்கிரஸ்,

பாராளுமன்ற உறுப்பினர்.

கஷ்டமும், வறுமையும் வேகமாக அதிகரித்து மக்களின் பிரச்சினைகள் உக்கிரமடைவு - உடனடித் தீர்வு இருக்குமென நான் நம்பவில்லை


மக்கள் கடும் பொருளாதார கஷ்டத்தை எதிர்நோக்கியுள்ளனர் என்ற போதிலும் அந்த பிரச்சினைக்கு உடனடியான தீர்வுக்கு இருக்கும் என தான் நம்பவில்லை என முன்னாள் ஜனாதிபதியும் ஸ்ரீலங்கா சுதந்திரக் கட்சியின் தலைவருமான மைத்திரிபால சிறிசேன(Maithripala Sirisena) தெரிவித்துள்ளார்.

ஸ்ரீலங்கா சுதந்திரக் கட்சியின் தலைமையகத்தில் நடைபெற்ற கட்சியின் மத்திய செயற்குழுக் கூட்டத்தின் பின்னர் செய்தியாளர்களிடம் கருத்து வெளியிடும் அவர் இதனை கூறியுள்ளார்.

"மக்கள் மிகவும் கஷ்டத்தில் இருக்கின்றனர். மக்களின் பொருளாதார கஷ்டம், வறுமை என்பன வேகமாக அதிகரித்துள்ளது. இதன் மூலம் மக்களின் பிரச்சினைகள் மிகவும் உக்கிரமடைந்துள்ளன.

இவற்றுக்கு தீர்வு ஒன்றை வழங்க வேண்டும். அவசரமான, உடனடியாக தீர்வு இருக்குமா என்பதை எம்மால் எண்ண முடியாது. இதனால், திட்டமிட்ட வேலைத்திட்டத்தின் ஊடாகவே இந்த பிரச்சினைக்கு தீர்வு காண்பது அவசியம்" எனவும் முன்னாள் ஜனாதிபதி குறிப்பிட்டுள்ளார்.

எதிர்காலத்தில் இலங்கை, மிகப்பெரிய போர் களமாக மாறும் - டேன் பியசாத்


இலங்கையில் வடக்கில் புலிகளின் தலைவர் வேலுப்பிள்ளை பிரபாகரன் இருந்திருந்தால், நாட்டின் வளங்கள் வெளிநாடுகளுக்கு விற்பனை செய்யப்பட்டிருக்க மாட்டாது என எங்கள் மக்கள் சக்தி கட்சியின் தலைவர் டேன் பியசாத் (Dan Piyasath) தெரிவித்துள்ளார்.

கொழும்பில் நேற்று நடைபெற்ற செய்தியாளர் சந்திப்பொன்றில் அவர் இதனை கூறியுள்ளார்.

“வடக்கில் பிரபாகரன் இருந்திருந்தால், கட்டாயம் திருகோணமைலை துறைமுகங்களுக்குரியவை விற்பனை செய்யப்பட்டிருக்க மாட்டாது. சீனா, இலங்கைக்கு வந்து துறைமுக நகரத்தை நிர்மாணித்திருக்காது. இந்தியா துறைமுகங்களை கொள்வனவு செய்யவும் வந்திருக்காது என்று எமக்கு உண்மையில் எண்ண தோன்றுகிறது.

பிரபாகரன் இருந்திருந்தால், உண்மையில் இவை நடந்திருக்காது. வெளிநாட்டவர்களுக்கு நாட்டின் வளங்கள் விற்பனை செய்யப்பட்டு வருகின்றன. துண்டு துண்டுகளாக விற்பனை செய்கின்றனர். நாடு மிகவும் பயங்கரமான நிலைமைக்கு சென்றுள்ளது.

சீனா, இலங்கைக்கு வந்திருப்பது இந்தியாவின் இரகசியங்களை தேட என இந்தியா கூறுகிறது. எதிர்காலத்தில் இலங்கை மிகப் பெரிய போர் களமாக மாறும் என்ற நம்பிக்கை எமக்குள்ளது. இவ்வாறு சீனாவும், இந்தியாவும் மோதிக்கொண்டால், எமது நாட்டு மக்களே இழப்பீடுகளை செலுத்த நேரிடும்.

அமெரிக்காவுக்கு நாட்டின் வளங்களை விற்பனை செய்யும் போது, அமெரிக்காவை கடுமையாக எதிர்த்த தற்போதைய அரசாங்கத்தில் இருக்கும் விமல் வீரவங்ச, உதய கம்மன்பில, சீதா அரம்போல ஆகியோர் தற்போது அமைதியாக இருக்கின்றனர்” எனவும் டேன் பியசாத் குறிப்பிட்டுள்ளார்.

சரத் வீரசேகரவின் அச்சுறுத்தல்களுக்கு அஞ்சப்போவதில்லை - ஜோசப் ஸ்டாலின் பதிலடி


எதிர்வரும் 21 ஆம் திகதி தெரிவு செய்யப்பட்ட ஆரம்ப பாடசாலைகள் திறக்கப்படவுள்ளன.

எனினும், ஆசிரியர் – அதிபர் சம்பள பிரச்சினைக்கு இதுவரை தீர்வு எட்டப்படவில்லை.

இந்நிலையில், தொழிற்சங்க நடவடிக்கையில் ஈடுபடாது சேவைக்கு சமூகமளிக்கும் ஆசிரியர்களை அச்சுறுத்தினால் கடுமையான நடவடிக்கை எடுக்கப்படும் என பொதுமக்கள் பாதுகாப்பு அமைச்சர் சரத் வீரசேகர தெரிவித்துள்ளார்.

கண்டி – பொல்கொல்ல பகுதியில் இடம்பெற்ற நிகழ்வொன்றில் கலந்துகொண்ட அவர், ஊடகங்களுக்கு இதனை தெரிவித்துள்ளார்.

எனினும், இந்த அச்சுறுத்தல்களுக்கு அஞ்சப்போவதில்லையென இலங்கை ஆசிரியர் சங்கம் தெரிவித்துள்ளது.

மாணவர்கள் தொடர்பில் ஆசிரியர்கள் சிந்தித்தாலும், அரசாங்கம் ஆசிரியர்கள் குறித்து சிந்திக்கவில்லை என ஆசிரியர் சங்கம் குற்றஞ்சாட்டியுள்ளது.

இலங்கை ஆசிரியர் சங்கத்தின் பிரதம செயலாளர் ஜோசப் ஸ்டாலின் இதனை தெரிவித்துள்ளார்.

அதுரலியே ரதன தேரர், கட்சியில் இருந்து நீக்கம்


முன்னாள் பாராளுமன்ற உறுப்பினர் அதுரலியே ரதன தேரர் அபே ஜனபல கட்சியில் இருந்து நீக்கப்பட்டுள்ளதாக தேர்தல் ஆணைக்குழுவிற்கு அறிவிக்கப்பட்டுள்ளது. 

தேர்தல் ஆணைக்குழுவின் தலைவர் இதனை தெரிவித்துள்ளார். 

 அதுரலியே ரதன தேரரை கட்சியில் இருந்து நீக்குவதாக குறிப்பிட்டு அக்கட்சியின் பொதுச் செயலாளரால் கடிதம் ஒன்றை அனுப்பி வைக்கப்பட்டுள்ளதாக தேர்தல் ஆணைக்குழுவின் தலைவர் நிமல் புஞ்சிஹேவா குறிப்பிட்டுள்ளார்.

October 15, 2021

முன்மாதிரிமிக்க வைத்தியரின் வபாத் - தியாகி என்கிறார்கள் வைத்தியசாலை பணியாளர்கள், வீடு தேடிச்சென்று ஆறுதல் கூறிய பௌத்தர்கள்


- ஏ.ஆர்.ஏ.பரீல்-

“கொரோனா வைரஸ் தொற்­றி­லி­ருந்து மக்­களைக் காப்­பாற்­று­வ­தற்கே வாப்பா மீண்டும் சேவையில் இணைந்தார். ஆனால் அவரை கொரோனா காவு கொண்­டு­விட்­டது. அவ­ரது இழப்பு ஈடு­செய்ய முடி­யா­தது. வாப்­பா­விடம் மருந்து பெற்­றுக்­கொள்­ள­ வரும் வசதி வாய்ப்­பற்ற ஏழை நோயா­ளர்­க­ளுக்கு ஓரிரு நேர மருந்­து­களை இல­வ­ச­மாக வழங்கும் வாப்பா மறு­தினம் OPD க்கு வந்து இல­வ­ச­மாக மருந்து பெற்­றுக்­கொள்­ளு­மாறு அறி­வு­றுத்­துவார். ஏழை­களை நேசித்­தவர் அவர்.”

கொரோனா வைரஸ் தொற்­றினால் வபாத்­தாகி ஓட்­ட­மா­வடி, மஜ்மா நகர் மைய­வா­டியில் நல்­ல­டக்கம் செய்­யப்­பட்ட டாக்டர் சஹீட் ரபாய்­தீனின் (62) மூத்த மக­ளான ஆசி­ரியை எஸ்.ஆர்.எஸ். சாஜிதா ‘ விடி­வெள்­ளி’­யிடம் இவ்­வாறு தெரி­வித்தார்.

பல வரு­ட­கால அனு­பவம் வாய்ந்த டாக்­ட­ரான வாப்­பா­வையே கொரோனா வைரஸ் பலி கொண்­டு­விட்­டது எனும் நிலையில் சமூகம் இந்த வைரஸ் தொற்­றி­லி­ருந்தும் பாது­காப்புப் பெற்றுக் கொள்­வதில் மிகவும் கவ­ன­மாக இருக்­க­வேண்டும் எனவும் அவர் கூறினார். அவர் தொடர்ந்தும் தனது தந்தை தொடர்­பான விப­ரங்­களை விடி­வெள்­ளி­யுடன் பகிர்ந்து கொள்­கையில்,

“எனது தந்தை கட்­டு­கஸ்­தோட்டை அர­சினர் வைத்­தி­ய­சா­லையில் 10 வரு­டங்கள் கட­மை­யாற்­றி­விட்டு 2019 ஆம்­ஆண்டு ஜூலை மாதம் 1 ஆம் திகதி சேவை­யி­லி­ருந்தும் ஓய்வு பெற்றார். ஓய்வு பெற்­றதும் வீட்டில் டிஸ்­பென்­சரி ஒன்­றினை நடாத்தி வந்தார். இந்­நி­லையில் 2020 ஆம் ஆண்டு கொரோனா வைரஸ் தொற்றின் தாக்கம் அதி­க­ரித்த நிலையில் கட்­டு­கஸ்­தோட்டை வைத்­தி­ய­சா­லையில் வைத்­தி­யர்­க­ளுக்கு பற்­றாக்­குறை நில­வி­யது. சுகா­தார வைத்­திய அதி­கா­ரி­யி­ட­மி­ருந்து வாப்­பா­வுக்கு அழைப்பு வந்­தது. மீண்டும் சேவையில் இணைந்து கொள்­ளு­மாறு வாப்பா வேண்­டப்­பட்டார். அத­னை­ய­டுத்து 2020 மார்ச் மாதம் வாப்பா மீண்டும் கட்­டு­கஸ்­தோட்டை வைத்­தி­ய­சா­லையில் இணைந்து கொண்டார்.

வீட்­டுக்கு மருந்து பெற்­றுக்­கொள்­ள­வரும் ஏழை நோயா­ளி­க­ளுக்கு ஓரிரு வேளை மருந்­து­களை இல­வ­ச­மாக வழங்கும் வாப்பா மறு­தினம் OPD க்கு வந்து இல­வ­ச­மாக மருந்­து­களைப் பெற்­றுக்­கொள்­ளு­மாறு அறி­வு­றுத்­துவார். குப்பை சேக­ரிக்கும் தொழி­லா­ளர்­களும் வந்து வாப்­பா­விடம் இல­வ­ச­மாக மருந்து பெற்றுச் செல்­வார்கள்.

பேரா­தனை வைத்­தி­ய­சாலை விடு­தியில் சிகிச்சை பெற்­று­வந்­த­போது அவர் நன்­றாக இருந்தார். உம்­மா­வு­டனும், பிள்­ளை­க­ளான எங்­க­ளு­டனும் நன்­றாகப் பேசினார். அதி­தீ­விர சிகிச்சைப் பிரி­வுக்கு மாற்­றப்­ப­டு­வதை அவர் அறிந்­தி­ருக்­க­வில்லை. அதி­தீ­விர சிகிச்­சைப்­பி­ரிவில் அவர் சிகிச்சை பெற்று வந்­த­போது வைத்­தி­ய­சாலை நிர்­வாகம் அவர் அருகில் செல்­வ­தற்கு எம்மை அனு­ம­திக்­க­வில்லை. நாம் தூரத்­தி­லி­ருந்தே அவ­ரைப்­பார்த்தோம். அதி­தீ­விர சிகிச்­சைப்­பி­ரிவில் அவர் சிகிச்சை பெற்று வந்த பகுதி கண்­ணா­டி­யினால் மறைக்­கப்­பட்­டி­ருந்­தது.

எனது உம்மா ஒரு மெள­ல­வியா. இரு­வரும் கண்டி கல்­ஹின்­னையைச் சேர்ந்­த­வர்கள். வாப்பா அனைத்து இன மக்கள் மீதும் அன்­புள்ளம் கொண்­ட­வ­ரா­கவும் உதவி செய்­ப­வ­ரா­கவும் இருந்தார். இதனால் பெரும்­பான்மை மக்­களும் ஏனைய இனத்­த­வர்­களும் எம்மைச் சந்­தித்து தொடர்ந்தும் அனு­தா­பங்­களைத் தெரி­வித்து வரு­கி­றார்கள். வாழ்நாள் முழு­வதும் அவ­ரது நினை­வு­க­ளு­டனே நாம் வாழ்வோம்” என்றார்.

மர்ஹும் ரபாய்தீன் டாக்­டரின் ஒரே மக­னான எம்.ஆர்.மொஹமட் ஹசன் கணக்­கீட்டு இயற்­பி­யலில் (Computational Physics) சிறப்­புப்­பட்டம் பெற்­றவர். அவர் தற்­போது Virtusa நிறு­வ­னத்தில் பணி­யாற்றிக் கொண்­டி­ருக்­கிறார். அவர் விடி­வெள்­ளி­யுடன் தனது தந்தை தொடர்­பான விப­ரங்­களைப் பகிர்ந்து கொண்டார்.

“எங்கள் குடும்­பத்தில் நாம் 5 பிள்­ளைகள். 4 பெண்கள், நான் ஒருவர் மாத்­தி­ரமே ஆண். முத­லா­வது சகோ­தரி ஓர் ஆசி­ரியை. இரண்­டா­வது சகோ­தரி டாக்டர். அக்­க­ரைப்­பற்று வைத்­தி­ய­சா­லையில் கட­மை­யாற்றி வந்த அவர் தற்­போது இட­மாற்றம் பெற்­றுள்ளார். மூன்­றா­வது சகோ­த­ரியும் டாக்டர். அவர் லேடி ரிஜ்வே வைத்­தி­ய­சா­லையில் கட­மை­யாற்­று­கிறார். நான்­கா­வது சகோ­தரி மருந்­தகத் துறையில் பட்­டப்­ப­டிப்பு படித்­து­விட்டு பேரா­தனை வைத்­தி­ய­சா­லையில் பணி­யாற்­றி­வ­ரு­வ­துடன் Mphil பயின்று வரு­கிறார்.

கடந்த ஆகஸ்ட் மாதம் 17 ஆம்­ தி­கதி கொரோனா பரி­சோ­த­னை­யின்­போது வாப்­பா­வுக்கு கொரோனா வைரஸ் தொற்­றி­யிருப்­பது உறுதி செய்­யப்­பட்­டது. இத­னை­ய­டுத்து வாப்பா பேரா­தனை வைத்­தி­ய­சா­லையில் அனு­ம­திக்­கப்­பட்டார். ஆகஸ்ட் 17 ஆம் திகதி முதல் 27 ஆம் திகதி வரை தொற்று தீவி­ர­ம­டைந்­ததைத் தொடர்ந்து ஆகஸ்ட் மாதம் 27 ஆம் திகதி மாலை வாப்பா பேரா­தனை வைத்­தி­ய­சா­லையின் அதி­தீ­விர சிகிச்­சைப்­பி­ரி­விற்கு இட­மாற்றம் செய்­யப்­பட்டார்

ஆகஸ்ட் 17 ஆம் திக­தி­யி­லி­ருந்து 27 ஆம் திகதி வரை வைத்­தி­ய­சாலை விடு­தியில் நான் வாப்­பா­வுடன் அவ­ருக்கு துணை­யாக இருந்தேன். வைத்­தி­ய­சாலை விடு­தி­யி­லி­ருந்து அதி­தீ­விர சிகிச்சை பிரி­வுக்கு மாற்­றப்­ப­டும்­போது அவ­ருக்கு மூச்­சு­வி­டு­வதில் சிரமம் இருந்­தது.

அவர் அதி­தீ­விர சிகிச்­சை­பி­ரிவில் 19 நாட்கள் சிகிச்சை பெற்றார். அங்கு வாப்­பா­வுக்கு அருகில் நாம் செல்ல அனு­ம­திக்­கப்­ப­ட­வில்லை. வெளியில் தூரத்தில் இருந்தே நாம் அவரைப் பார்த்தோம்.

வைத்­தி­ய­சாலை சாதா­ரண விடு­தியில் அவர் சிகிச்சை பெற்று வந்­த­போது அவர் என்­னுடன் நன்­றாக கதைத்தார். அறி­வு­ரைகள் கூறினார் தான் யாருக்கும் தவறு செய்­தி­ருந்தால் மன்­னிப்­பு­கேட்க வேண்­டு­மென்றார். தனது ஓய்­வூ­தி­யத்தை உம்மாவுக்கு பெற்றுக் கொடுப்பதற்­கான ஏற்­பா­டு­களை செய்­யு­மாறு வேண்­டிக்­கொண்டார். இருக்கும் கடன்­களை மீள செலுத்­தி­வி­டு­மாறும் தெரி­வித்தார்.

‘மெளத்து’ எந்த நேரத்­திலும் வரும். அதற்குத் தயா­ராக இருக்­க­வேண்டும் என்றார். எதிர்­கா­லத்தில் எவ்­வாறு வாழ வேண்டும் என்ற வழி­மு­றை­களைக் கூறினார். கடந்த செப்­டெம்பர் மாதம் 15 ஆம் திகதி அவர் வபாத்­தானார். இவ்­வு­லகை விட்டும் பிரிந்தார்.

கொரோனா வைரஸ் தொற்று காலத்தில் எப்­போதும் அவர் எங்­க­ளுக்கு ஆலோ­ச­னைகள் வழங்­குவார். வீட்­டுக்குள் நுழை­யும்­போது கை கால்­களைக் கழுவிக் கொள்ள வேண்டும் என்றார்.

வாப்­பாவின் மறைவு என்னை மிகவும் பாதித்­துள்­ளது. பேரா­தனை வைத்­தி­ய­சா­லையில் சாதா­ரண விடு­தியில் சிகிச்­சை பெற்று வந்­த­போது அவர் திட­மா­கவே இருந்தார். எங்­க­ளுடன் உரை­யா­டினார்.

அவ­ரது மறைவை அறிந்து பெரும்­பான்மை மக்கள் பெரு­ம­ளவில் வந்து எங்­க­ளுக்கு ஆறுதல் கூறி­னார்கள். அல்­லாஹ்வின் நாட்­டப்­ப­டியே அனைத்தும் நடந்து விட்­டது.

மர்ஹும் டாக்டர் ரபாய்­தீ­னுடன் பணி­யாற்­றிய கட்­டு­கஸ்­தோட்டை வைத்­தி­ய­சாலை பணி­யா­ளர்கள் அவரைப் பற்றிக் கூறு­கையில்,

கொவிட் வைரஸ் பரவல் அதி­க­ரித்­தி­ருந்த காலத்தில் தனது உயி­ரையும் மதிக்­காது வைத்­தி­ய­சே­வையில் இணைந்து கொண்ட டாக்டர் உண்­மை­யிலே ஓர் தியாகி. அவரை எம்மால் ஒரு போதும் மறக்க முடி­யாது.

அவ­ரது இழப்பு எம்மையும், வைத்­திய பணி­யா­ளர்­களையும் பெரிதும் பாதித்­துள்­ளது. நோயா­ளர்­களை நண்பர் போன்­று­க­ருதி சேவை­யாற்­றி­யவர் அவர்.

அநுரகுமார சொன்ன அற்புதமான கதை


- Nadarajah Kuruparan -

”அபிவிருத்தி என்பது கொங்கிரீட் காடுகள் அல்ல. அது  மக்களின் வாழ்வோடு இணைய வேண்டும்.”

”ஆட்சியாளர்கள் எப்போதும் மக்களின் ஏழ்மையை விற்கிறார்கள்.”

2004 இல் ஒலிம்பிக் போட்டிகள் கிரீஸின் எதன்ஸ் (Athens, Greece) இடம்பெற்றது. அதற்காக கிரீஸ் அரசாங்கம் வானளாவிய  கட்டிடங்களை கட்டி எழுப்பினார்கள். பெரும் மைதானங்களை நிர்மாணித்தார்கள்.

உலகெங்கும் இருந்து போட்டியில் கலந்து கொள்ளும் வீரர்கள் தங்குவதற்காக பெரும் மாடி வீடுகளை அமைத்தார்கள்.

அந்த காலத்தில் ஆளும் அரசாங்கத்தின் செயற்பாடுகள் குறித்து, மக்களுக்கு உரையாற்றிய கிரீஸின் எதிர்கட்சித்தலைவி,  "என்றாவது ஒருநாள்,  இந்தக் கொங்கிரீட்டுகளையே நீங்கள் உண்ண வேண்டிய நிலை ஏற்படும்" எனக் குறிப்பிட்டிருந்தார்.

2008 இல் நடந்தது என்ன?  உலகத்திலேயே வங்குரோத்தான அரசாக கிரீஸ்  வீழ்ச்சி அடைந்தது.

நீங்கள் இன்று கிரீஸுக்கு சென்று பாருங்கள், அங்கு அந்த வீதிகளை,  கட்டிடங்களை பராமரிக்க முடியாமல் அரசாங்கம் திணறுவதைக் காணலாம்.

இப்போது இலங்கையில் இருந்து மத்தியதர வகுப்பினர், நாட்டை விட்டு வெளியேறிக் கொண்டு இருக்கிறார்கள்.  

அபிவிருத்தி என்பது கொங்கிரீட் காடுகள் அல்ல. அபிவிருத்தி என்பது மக்களின் வாழ்வோடு இணைந்து இருக்க வேண்டும். 

இலங்கையின் சூரியவெவ மைதானம் இருக்கும் வீதியை  சென்று பாருங்கள், பேஸ்லைன் வீதியை விடவும், 6 பிரிவுகளைக் கொண்ட பெரிய வீதியாக கட்சி தருகிறது.  

அந்த வீதியை அண்மித்து வாழும் மக்களின் வாழ்க்கை எவ்வாறு உள்ளது. 

பாடசாலை முடிந்து வரும் மாணவர்கள், விளாம்பழ பருவ காலத்தில்,    வீதியோரம் விளாம்பழம் விற்கிறார்கள். எலுமிச்சை பருவ காலத்தில்  எலுமிச்சையும், தோடம் பழ பருவத்துக்கு தோடையும் விற்கிறார்கள்.

விசாலமான விதி இருக்கிறது ஆனால் பாடசாலை விட்டு வரும் பிள்ளைகள், வீதியோரம் மாங்காய், விளாங்காய் விற்கிறார்கள்.  இந்த விசாலமான வீதிக்கும் மக்களது வாழ்க்கைக்கும் இடையில் எந்தவித சம்பந்தமும் இல்லை. 

மில்லியன் கணக்கான மக்கள் ஏழ்மையில் மூழ்கிப்போய் இருக்கிறார்கள். 

இந்த ஆட்சியாளர்கள் எப்போதும் அந்த ஏழ்மையை விற்கிறார்கள். நாம் இதை மாற்ற வேண்டாமா? 

(ஹரேந்திர ஜயலால் தொகுத்து வழங்கும் "நாடு யாருக்கு" நிகழ்ச்சியியில் போது ஜே.வீ.பியின் தலைவர் அனுர குமார திஸாநாயக்க தெரிவித்த கருத்து இது.)

கென்யாவில் நாமல் - அரச அதிகாரிகளுடன் சந்திப்பு


கென்யாவுக்கு விஜயமொன்றை மேற்கொண்ட அமைச்சர் நாமல் ராஜபக்ஷ அந்நாட்டின் விளையாட்டு, பாரம்பரிய மற்றும் கலாசார அலுவல்களுக்கான

அமைச்சரவை செயலாளர் கலாநிதி அமீனா மொஹமட் அவர்களை சந்தித்தார்.

இதன்போது இரு நாடுகளுக்கும் இடையில் விளையாட்டு வளங்கள் மற்றும் நிபுணத்துவத்தை பரிமாற்றிக் கொள்வது தொடர்பில் கலந்துரையாடப்பட்டது.




மைத்திரி தலைமையில் கூட்டணி..? விமல் கம்மன்பிலவை இணைக்க பேச்சு...??


மாகாண சபைத் தேர்தலில் ஶ்ரீலங்கா சுதந்திரக் கட்சி தனித்துப் போட்டியிட உத்தேசித்துள்ளது என அக்கட்சி வட்டாரங்களிலிருந்து அறியமுடிகின்றது.

மைத்திரிபால சிறிசேன(Maithiripala Sirisena) தலைமையிலான ஸ்ரீலங்கா சுதந்திரக் கட்சி தலைமையில் ‘வெற்றிலை’ சின்னத்தின் கீழ் கூட்டணியொன்றை அமைப்பதற்கான முயற்சிகளும் முன்னெடுக்கப்பட்டு வருகின்றன.

இந்தக் கூட்டணியில் அமைச்சர்களான விமல் வீரவன்ச(Vimal Weeravansa), உதய கம்மன்பில(Udaya Gampanpilla) தலைமையிலான கட்சியினரையும் இணைத்துக்கொள்வதற்கான பேச்சுகள் இடம்பெற்று வருகின்றன.

கூட்டணி அமைக்கும் நடவடிக்கை வெற்றியளிக்கும் பட்சத்தில் வடமேல் மாகாண முதலமைச்சர் வேட்பாளராக தயாசிறி ஜயசேகர போட்டியிடத் திட்டமிட்டுள்ளார்.

சினோபார்ம் தடுப்பூசி ஏற்றிக்கொண்டு பயணம் செய்த இலங்கையர், பிரித்தானியாவில் வைத்து திருப்பி அனுப்பப்பட்டார்


சினோபார்ம் (Sinopharm) தடுப்பூசிகள் இரண்டையும் பெற்றுக்கொண்ட நிலையில் அனைத்து பீ.சி.ஆர் பரிசோதனைகளையும் முடித்துக்கொண்டு பிரித்தானியா வழியாக கனடா பயணம் செய்த பெண் ஒருவர் மீண்டும் திருப்பி அனுப்பப்பட்டுள்ளார்.

திருகோணமலையைச் சேர்ந்த பெண் ஒருவரே, லண்டன் ஹீத்ரோ விமான நிலையத்தில் வைத்து மீண்டும்   கொழும்புக்கு திருப்பி அனுப்பி வைக்கப்பட்டுள்ளார்.

இந்தச் சம்பவம் கடந்த ஞாயிற்றுக் கிழமை நடை பெற்றது.

சீனத் தயாரிப்பான சினோபார்ம்(sinopharm) தடுப்பூசியை கனடா அங்கிகரிக்காததே அதற்குக் காரணம்.

கனடாவுக்கு நுழையும் பயணிகள் முழுமையான தடுப்பூசிகளைப் பெற்றுக்கொண்டிருக்கவேண்டும் என்பதுடன், கனடிய அரசு அங்கீகரித்த தடுப்பூசிகளை பெற்றுக்கொண்டவர்களை மாத்திரமே கனடா நுழைய அனுமதித்தும் வருகின்றது.

அந்த வகையில் Pfizer-BioNTech ,Moderna, AstraZeneca, Janssen/Johnson & Johnson போன்ற தடுப்பூசிகளை மாத்திரமே கனடா அங்கீகரித்துள்ளமை குறிப்பிடத்தக்கது.


Tamilw

நாட்டில் ஏற்பட்டுள்ள உரத் தட்டுப்பாடு பஞ்சத்திற்கு மட்டுமல்ல, கலவரங்களுக்கும் வழிவகுக்கும் - சம்பிக்க


நாட்டில் ஏற்பட்டுள்ள உரத் தட்டுப்பாடு பஞ்சத்திற்கு மட்டுமல்ல, கலவரங்களுக்கும் வழிவகுக்கும் என  ஐக்கிய மக்கள் சக்தியின் பாராளுமன்ற உறுப்பினரான பாட்டலி சம்பிக்க ரணவக்க தெரிவித்துள்ளார்.

இலங்கையின் தற்போதைய உர நெருக்கடி தொடர்பில் கருத்து தெரிவிக்கும் போதே அவர் இதனை தெரிவித்துள்ளார்.

சேதன விவசாயத்தை ஒழுங்கமைக்கப்பட்ட முறையில் மேற்கொள்ள முடியாது என்றும் அவர் சுட்டிக்காட்டினார்.

குறைந்தபட்சம் 1% அறுவடையையாவது சரியான முறையில் முன்னெடுக்குமாறு அவர் ஜனாதிபதி மற்றும் பிரதமருக்கு சவால் விடுத்தார்.

விவசாயிகளுக்கு முறையான உரங்கள் வழங்கப்பட வேண்டும், சிறுநீரக நோய்களை ஏற்படுத்தும் உரம் அல்ல என்பதை அவர் வலியுறுத்தினார்.

விவசாயிகளுக்குத் தேவையான வசதிகளை வழங்குவதன் மூலம் பெரும் போக விவசாயம் சரியான முறையில் மேற்கொள்ளப்படுவதை உறுதி செய்து கொள்ளவும், இல்லையெனில் இலங்கை பஞ்சத்திற்கு மாத்திரம் ஆளாகாது,, கலவரமான சூழ்நிலைக்கும் உட்படும் என அவர் மேலும் தெரிவித்துள்ளார்.

எரிவாயு சிலிண்டர்களின் விலைகள் அதிகரித்தமையால், மண்ணெண்ணெய் அடுப்புகளை தேடியலையும் மக்கள்


மண்ணெண்ணெய் அடுப்புகளுக்கு கொழும்பு  புறக்கோட்டை உட்பட பல முக்கிய நகரங்களில் தட்டுப்பாடு நிலவுவதாகத் தெரிவிக்கப்படுகிறது. 

எரிவாயு சிலிண்டர்களின் விலைகள் சடுதியாக அதிகரிக்கப்பட்டதையடுத்து தற்போது மண்ணெண் ணெய் அடுப்புகளின் கொள்வனவு அதிகரிக்கப் பட்டுள்ளதாக வர்த்தகர்கள் தெரிவிக்கின்றனர். 

மண்ணெண்ணெய் அடுப்புகள் 1500 ரூபா முதல் 3000 ரூபா வரை விலை போவதாகவும் தெரிவிக்கப்படுகிறது. Tl



இணைய விளையாட்டுகளை உடன் தடைசெய்க - பெற்றோர் அவசர கோரிக்கை


இணைய விளையாட்டுகளிலிருந்து குழந்தைகளைக் காப்பாற்ற உடனடியாக நடவடிக்கை எடுக்குமாறு இலங்கை மகளிர் அமைப்பு ஒன்று தொலைத்தொடர்பு ஒழுங்குமுறை ஆணையத்திடம் கோரிக்கை விடுத்துள்ளது. "

“லக்மவ தியனியோ” என்ற அமைப்பு, அதன் பாதகமான விளைவுகளிலிருந்து குழந்தைகளைக் காப்பாற்ற ஆன்லைன் விளையாட்டுகளை தடை செய்ய வேண்டும் என கோரியுள்ளது.

இந்த விடயம் தொடர்பில் தொலைத்தொடர்பு ஒழுங்குமுறை ஆணையத்திடம் நேற்றைய தினம் கடிதம் ஒன்றை கையளித்துள்ளதாக அந்த அமைப்பின் தேசிய அமைப்பாளர் பிரியங்கா கொத்தலாவல தெரிவித்தார்.

இது குறித்து தொடர்ந்தும் கருத்து வெளியிட்ட அவர்,

"தொலைத்தொடர்பு ஒழுங்குமுறை ஆணையம் தலையிட்டு நமது குழந்தைகளை இந்த சூழ்நிலையிலிருந்து காப்பாற்ற வேண்டிய பொறுப்பு உள்ளது. ஏனென்றால் அவர்களால் ஆன்லைன் விளையாட்டுகளை தடைசெய்ய முடியும்.

இந்த விடயம் தொடர்பில் உடனடியாக நடவடிக்கை எடுக்குமாறு நாங்கள் அதிகாரிகளை வலியுறுத்துகிறோம். நம் குழந்தைகள் - நமது தேசத்தின் எதிர்காலம் என அவர் மேலும் தெரிவித்துள்ளார்.

இதேவேளை, இணைய விளையாட்டுகளுக்கு அடிமையாக இருந்த 16 வயது சிறுவன் அண்மையில் பண்டாரகம பகுதியில் தற்கொலை செய்துகொண்டதை அடுத்து இந்த கோரிக்கை வலுப்பெற்றுள்ளமை குறிப்பிடத்தக்கது.  

கொரோனா பாதித்த மாணவர்கள் மீது பகிடிவதை - பேராதனை பல்கலைகழகத்தில் கொடூரம், 70 மாணவர்கள் இடைநிறுத்தம்


கொரோனாவைரசினால் பாதிக்கப்பட்ட மாணவர்களை பகிடிவதைக்கு உட்படுத்திய பேராதனை பல்கலைகழகத்தின் கால்நடை மருத்துவம் மற்றும் விலங்கு அறிவியல்பீடத்தின் 70 மாணவர்கள் இடைநிறுத்தப்பட்டுள்ளனர்  என பல்கலைகழக அதிகாரியொருவர் தெரிவித்துள்ளார்.

சிரேஸ்ட மாணவர்கள் குழுவினரே இவ்வாறு கொரோனாவினால் பாதிக்கப்பட்ட மாணவர்களை பகிடிவதைக்கு உட்படுத்தியுள்ளனர் இந்த மாணவர்களின் பொறுப்பற்ற நடவடிக்கை காரணமாக கொரோனா பரவியுள்ளது என அந்த அதிகாரி தெரிவித்துள்ளார்.

அவர்களின் ஒழுக்கமற்ற நடவடிக்கைகளும் கொரோனா வைரஸ் வழிகாட்டுதல்களிற்கு எதிரான செயற்பாடுகளும் வைரஸ் பரவலிற்கு காரணமாக அமைந்தன என அந்த அதிகாரி தெரிவித்துள்ளார்.

கொரோனா வைரஸ் அறிகுறிகள் தென்பட்ட மாணவர்களை மருத்துவமனைக்கு செல்லவேண்டாம் என சிரேஸ்ட மாணவர்கள் எச்சரித்துள்ளனர், அவர்களை பல்கலைகழகத்திலேயே தங்கியிருக்குமாறு உத்தரவிட்டுள்ளனர் இதன் காரணமாக பல்கலைகழகத்தில் வைரஸ் பரவியுள்ளது என அதிகாரியொருவர் தெரிவித்துள்ளார்.

இதனை தொடர்ந்து 70 மாணவர்கள்இடைநிறுத்தப்பட்டுள்ளனர். Thinakkural

ஆசிரியர்களின் போராட்டத்தை ஏற்றுக்கொள்ள முடியாது - பயங்கரவாதத்தை ஒழித்தவர்கள் நாங்கள் என்பதை மனதில் கொள்ளவேண்டும் - சரத்வீரசேகர


21 ம் திகதி பாடசாலைகள் மீண்டும் ஆரம்பமாகும்போது கடமைக்கு திரும்ப நினைக்கும் ஆசிரியர்களை தடுப்பவர்களிற்கு எதிராக கடுமையான நடவடிக்கை எடுக்கப்படும் என பொதுமக்கள் பாதுகாப்பு அமைச்சர் சரத்வீரசேகர தெரிவித்துள்ளார்.

ஆசிரியர்களின் சம்பளம் குறைவு என்றால் நாங்கள் அதனை அதிகரிக்கவேண்டும் என தெரிவித்துள்ள அவர் அதேவேளை நாங்கள் பயங்கரவாதத்தை ஒழித்தோம் என்பதையும் நியாயமான நியாமற்ற காரணங்களிற்காக பயங்கரவாதத்தை அனுமதிக்க முடியாது என்பதையும் மனதில் கொள்ளவேண்டும் எனவும் அவர் தெரிவித்துள்ளார்.

அப்பாவி மக்கள் பாதிக்கப்படுவதே இதற்கு காரணம் என தெரிவித்துள்ள அமைச்சர் தங்களிற்கு அழுத்தங்கள் கொடுக்கப்படுவதாக பல ஆசிரியர்கள் தெரிவிக்கின்றனர் பணிக்குதிரும்பும் ஆசிரியர்களை அச்சுறுத்துபவர்களிற்கு எதிராக கடுமையான நடவடிக்கை எடுக்கப்படும் என அவர் குறிப்பிட்டுள்ளார்.

பொதுமக்கள் பாதுகாப்பு அமைச்சர் என்ற அடிப்படையில் ஆசிரியர்களை அச்சுறுத்துபவர்களிற்கு எதிராக கடுமையான நடவடிக்கை எடுக்கப்படும் வாய்மூல அச்சுறுத்தலை விடுப்பவர்களிற்கு எதிராக கடுமையான நடவடிக்கை எடுக்கப்படும் என அவர் தெரிவித்துள்ளார்.

ஆசிரியர்களின் கோரிக்கைகள் நியாயமானவையாக இருந்தாலும் இல்லாவிட்டாலும் அவர்களது பணிப்புறக்கணிப்பை ஏற்றுக்கொள்ள முடியாது என அமைச்சர் தெரிவித்துள்ளார்.

வட்டாபொத்தையில் வசிக்கும் சிறுபான்மையினர் மீது, பெரும்பான்மையினர் தாக்குதல் - சொத்துக்களுக்கு சேதம்


காஹவத்தை, வட்டபொத்த தோட்டத்தில் வசிக்கும் சிறுபான்மையினர் மீது பெரும்பான்மையினர் தாக்குதல்களை நடத்தியதுடன், சொத்துகளுக்கும் சேதம் விளைவித்துள்ளனர்.

சம்பவத்தில் காயமடைந்த தாயொருவர் உட்பட மூன்று இளைஞர்களும் காஹவத்தை வைத்தியசாலையில் அனுமதிக்கப்பட்டுள்ளனர். தோட்டக் குடியிருப்பொன்றும், நான்கு ஓட்டோக்களும், இரண்டு மோட்டார் சைக்கிள்களும் சேதமடைந்துள்ளன. தாக்குதல்களுக்கு

உள்ளான இளைஞர்களில் ஒருவருக்குச் சொந்தமான சுயதொழிலில் ஈடுபடும் இயந்திரங்களும் சேதமாக்கப்பட்டுள்ளனர்.

அத்துடன், அவர் அணிந்திருந்த இரண்டு பவுண் தங்க நகையும் அபகரிக்கப்பட்டுள்ளதாக பொலிஸில் முறைப்பாடு செய்யப்பட்டுள்ளது. யடாகர கிராமத்தில் வசிக்கும் பெரும்பான்மை இனத்தைச் சேர்ந்த கும்பலே, ​தோட்டத்துக்குள் புகுந்து இவ்வாறு தாக்குதலை நடத்தியுள்ளது.

சம்பவத்தை கேள்வியுற்று அத்தோட்டத்துக்குச் சென்றிருந்த, இலங்கை தொழிலாளர் காங்கிரஸின் உப- செயலாளர் ரூபன் பெருமாள் அச்சத்தில் வாழும் மக்களை சந்தித்து கலந்துரையாடியுள்ளார்.அதனைத் தொடர்ந்து, இவ்விடயம் குறித்து இரத்தினபுரி மாவட்டத்திற்கு பொறுப்பான பிரதிப் பொலிஸ் மா அதிபரின் கவனத்துக்கு கொண்டுவந்தார்.

பிரதமரின் இணைப்புச் செயலாளர் செந்தில் தொண்டமான் நுவரெலியா மாவட்ட பாராளுமன்ற உறுப்பினர் மருதபாண்டி ராமேஸ்வரன் ஆகியோருக்கும் ரூபன் பெருமாள் தெரியப்படுத்தியுள்ளார்.

இவ்வாறான சம்பவங்கள் இடம்பெறுவதை வன்மையாக கண்டித ரூபன் பெருமாள், அவ்வாறான சந்தர்ப்பங்களில் மக்களுக்காக தான் துணிந்து நிற்பேன் என்றும் தெரிவித்துள்ளார்.

முடிவெட்டுதல் கட்டணம் அதிகரிப்பு


அத்தியாவசியப் பொருள்களின் விலைகள் அதிகரிக்கப்பட்ட​தை அடுத்து, வாழ்க்கைச் செலவும் அதிகரித்துள்ளது. இதனை தாங்கிக்கொள்ளவதற்காக, சலூன்களில் முடிவெட்டுதல், முகச்சவரம் செய்தல் ஆகியவற்றுக்காக அறவிடப்படும் கட்டணங்கள் அதிகரித்துள்ளன.

கொழும்பு உள்ளிட்ட ஏனைய நகரங்களிலுள்ள சலூன்களிலும் கட்டணங்கள் அதிகரிக்கப்பட்டுள்ளன. ஹட்டன்- டிக்கோயா முடித்திருத்துவோர் சங்கத்தில் எடுக்கப்பட்ட

தீர்மானத்தின் பிரகாரம், முடி வெட்டுவதற்காக 300 ரூபாய், தாடி வெட்டுவதற்கு 200 ரூபாய், சிறுவர்களுக்கு முடி வெட்டுவதற்கு 200 ரூபாய்,

முடியை வெட்டி வர்ணம் ​பூசுவதற்கு 800 ரூபாய், மசாஜ் செய்வதற்கு 200  ரூபாய் என விலைகள் அதிகரிக்கப்பட்டுள்ளன.

இந்த விலை அதிகரிப்பு தொடர்பில், சலூன்களில் விளம்பரங்களும் ஒட்டப்பட்டுள்ளன.

October 14, 2021

தொலைபேசி இலக்கங்களை மாற்றாது, வலையமைப்பினை மாற்ற அனுமதி


தொலைபேசி இலக்கங்களை மாற்றாது வலையமைப்பினை மாற்றுவதற்கு அனுமதி வழங்கப்பட்டுள்ளது.

இலங்கையில் தொலைபேசி வாடிக்கையாளர்கள் தமது தொலைபேசி இலக்கத்தை மாற்றாது அதே இலக்கத்திற்கு வேறும் ஓர் வலையமைப்பிற்கு மாறுவதற்கு அனுமதி வழங்கப்பட்டுள்ளது.

தொலைத்தொடர்பு ஒழுங்குபடுத்தல் ஆணைக்குழுவின் பணிப்பாளர் நாயகம் ஓசத சேனாநாயக்க தெரிவித்துள்ளார்.

புதிய நியதியின் கீழ் எந்தவொரு தொலைபேசி வாடிக்கையாளருக்குத் தேவையான இலக்கங்களை மாற்றாது வேறும் ஓர் வலையமைப்பில் அதே இலக்கத்தில் சிம் அட்டைகளைப் பெற்றுக்கொள்ள முடியும் என அவர் குறிப்பிட்டுள்ளார்.  

வெற்றிலை விற்று, தந்தை வாங்கிக் கொடுத்த கைத்தொலைபேசி, கேம்ஸ் விளையாடி மகன் தற்கொலை - பண்டாரகமயில் அதிர்ச்சி


பண்டாரகம, றைகம பகுதியில் ஒன்லைன் விளையாட்டுக்கு அடிமையாகி இருந்த 16 வயது சிறுவன் ஒருவன் கடந்த 11 ஆம் திகதி தனது வீட்டின் சமையலறையில் அமைந்துள்ள கொங்கிரீட் தூணில் தூக்கிட்டு உயிரிழந்த நிலையில் மீட்கப்பட்டுள்ளான்.

பண்டாரகம, றைகம பகுதியில் வசிக்கும் இசுரு அஷேன் என்பவரே உயிரிழந்துள்ளார். வெற்றிலை விற்பனை மூலம் கிடைக்கும் வருமானத்தில் பகுதி பகுதியாகச் செலுத்தி அஷேனின் எதிர்காலம் வெற்றியடையும் என்ற நம்பிக்கையில் அவனது கல்விக்காக ஸ்மார்ட் தொலைபேசி வாங்கிக் கொடுத்ததாகவும் அந்தச் சிறுவனின் தந்தையான மோலி விக்கிரமராச்சி தெரிவித்துள்ளார்.

குடும்பத்தில் ஒரே பிள்ளையான அஷேன் கல்வி மற்றும் நடனம் போன்றவற்றில் சமமான திறமையானவர் என்று கூறப்படுகிறது.

குறித்த சம்பவம் தொடர்பாகச் சிறுவனின் தந்தை விபரிக்கையில்,

பிற்பகல் 2.45 மணியளவில் கீழ்க் கடையிலிருந்து  வெற்றிலைக் கூறு ஒன்று கூட இல்லை என்றும் உடனடியாகக் கொண்டு வருமாறும்  எனக்கு தொலைபேசி அழைப்பு ஒன்று வந்தது. இதை எனது மகனிடம் நான் கூறினேன்.

நான் வெற்றிலைக் கூறுகளைக் கொஞ்சம் கொஞ்சமாக பையில் வைத்துக் கொண்டு முன்னால் சென்றேன். எனக்குப் பின்னால் மகன் வந்தார். நான் முச்சக்கர வண்டியில் ஏறி கடைக்குச் சென்று விட்டேன் என அவர் தெரிவித்தார்.

ஒரு மணித்தியாலம் கழித்து நான் வீட்டுக்குத் திரும்பி மகனே என்று அழைத்தேன். ஆனால் அவன் வரவில்லை. மகன் என்று நான் அழைத்தால் எங்கிருந்தாலும் “ஏன் அப்பா?” என்று வழக்கமாகக் கேட்பார் என்றும் நான் அறையில் பார்த்தேன் அங்கும் மகன் இருக்கவில்லை என்றும் அவர் உணவு உண்கிறார் என நினைத்துச் சமையல் அறைக்குச் சென்று பார்த்தேன் என் மகன் கொங்கிரீட்டில் தூக்கிட்டுத் தொங்குவதைப் பார்த்தவுடன் நான் ஓடிச் சென்று என் மகனை மேலே தூக்கி எடுத்தேன் என்றும் அவர் தெரிவித்துள்ளார்.

நான் என் மகனின் கழுத்திலிருந்த முடிச்சை அவிழ்க்க முயற்சித்தேன். ஆனால் என்னால் முடியவில்லை. நான் சுமார் 5 நிமிடங் களில் ஹொர ணை வைத்தியசாலைக்குச் சென்றேன், ஆனால் என் மகன் உயிரை இழந்து விட்டார் ஐயோ!

சிறுவனின் திடீர் மரணம் குறித்து பாணந்துறை பிரதேச குற்றத் தடுப்பு விசாரணைப் பிரிவு அதிகாரிகள் பரிசோதனை நடத்திய போது குறித்த சிறுவனின் அறையில் பல்வேறு இடங்களில்  கைத்தொலை பேசியில் கேம்ஸ் விளையாட பயன்படுத்தவென மறைத்து வைக்கப்பட்டிருந்த வெவ்வேறு விலைகளிலான  50க்கு மேற்பட்ட டேட்டா அட்டை களையும்,  குறித்த தொலைபேசியில்  மூவரின் கைரேகைகளையும் கண்டு பிடிக்க முடிந்ததாக பொலிஸார் தெரிவித்துள்ளனர்.

குறித்த சிறுவனின் கையடக்கத் தொலைபேசியை பரிசோதனை செய்து பார்த்த போது 500க்கு மேற்பட்ட புகைப்படங்களில் (பல்வேறு விளையாட்டுகள்) சுமார் 99 வீதமானவை  விளையாட்டு புகைப்படங்களும் அதனுடன் தொடர்புடைய சொற்றொடர்களும் இருந்தன என்றும் சிறுவன் விளையாட்டுக்கு அடிமையாக இருந் துள்ளான் என்றும் பொலிஸார் தெரிவித்துள்ளனர்.

எனது மகன் ஒன்லைன் மூலம் கல்வி கற்பதற்காக நான் கைத்தொலைபேசி வாங்கிக் கொடுத்தேன் என்றும் இறுதியில் ஒன்லையினும் இல்லாமல் போய் விட்டது என்றும் சிறுவன் அதன் பின்னர் விளையாடுவதற்குப் பழகி விட்டான் என்றும் ஐயோ பெற்றோர்களிடம்  கெஞ்சிக் கேட்கிறேன் பிள்ளைகளுக்குத் தொலைபேசி கொடுக்க வேண்டாம் என்றும் ஒரே ஒரு பிள்ளையின் இழப்பை தாங்க முடியாதுள்ளதென்றும் அஷே னின் தந்தை அழுதவாறு தெரிவித்துள்ளார். TL

5 வருடத்தில் 75 மில்லியன் ரூபா பணத்தையும், சொத்துக்களையும் முறையற்ற விதத்தில் ஈட்டிய விமல் - அடுத்த வருடம் விசாரணை


அமைச்சராக செயற்பட்ட 5 வருட காலப்பகுதியில் 75 மில்லியன் ரூபாவிற்கும் அதிக பணம் மற்றும் சொத்துக்களை முறையற்ற விதத்தில் ஈட்டிய குற்றச்சாட்டில், அமைச்சர் விமல் வீரவன்சவிற்கு எதிராக தாக்கல் செய்யப்பட்டிருந்த வழக்கு விசாரணையை எதிர்வரும் பெப்ரவரி மாதம் 2 ஆம் திகதி ஆரம்பிப்பதற்கு கொழும்பு மேல் நீதிமன்ற நீதிபதி மொஹமட் இஸடீன் இன்று உத்தரவிட்டுள்ளார்.

2010 ஆம் ஆண்டு ஜனவரி மாதம் முதலாம் திகதி தொடக்கம் 2014 ஆம் ஆண்டு டிசம்பர் மாதம் 31 ஆம் திகதி வரையான காலப்பகுதியில், தமது சம்பளம் மற்றும் வருமானம் மூலம் ஈட்ட முடியாத 75 மில்லியன் ரூபாவிற்கும் அதிக பணம் மற்றும் சொத்துக்களுக்கு உரித்துடையவராவதன் மூலம், இலஞ்ச சட்டத்தின் மூலம் குற்றமிழைக்கப்பட்டுள்ளதான குற்றச்சாட்டில் இலஞ்ச ஊழல் விசாரணை ஆணைக்குழுவினால் இந்த வழக்கு தாக்கல் செய்யப்பட்டுள்ளது.

பேராசிரியர் ஹுசைன் இஸ்மாயில் மறைவு - முஸ்லிம் சமூக கல்வித்துறையில் பேரிழப்பு - இம்தியாஸ் Mp


இலங்கை தென்கிழக்கு பல்கலைக்கழகத்தின் முன்னாள் உபவேந்தரும், இலங்கை தேசிய கல்வி ஆணைக்குழுவின் முன்னால் உறுப்பினருமான, முஸ்லிம் சமூகத்தின் மூத்த கல்வியியலாளருமான மதிப்பிற்குரிய கல்வித் துறை பேராசிரியர் ஹுசைன் இஸ்மாயில் அவர்களின் மறைவு இலங்கை முஸ்லிம் சமூகத்தில் குறிப்பாக கல்வித் துறையில் ஈடுசெய்ய முடியாத பேரிழப்பாகும். 

சிறந்த மார்க்கப்பற்றுடன் இஸ்லாத்தின் மாறாத நடுநிலை சிந்தனையுடன் முஸ்லிம் சமூகத்தின் அவ்வப்போதைய காலங்களில் தோன்றும் கல்வி மற்றும் சமூக பிரச்சிணைகளை மிக நுட்பமாக பகுப்பாய்வு செய்து அதற்கேற்ப தீர்வுகளை முன்வைத்து சமூக விவகாரங்களை ஒழுங்கமைப்பதில் முன்னோடியாக செயற்பட்ட ஒரு அறிவாளுமையாகும். முஸ்லிம் சமூகத்தில் சமூக ஒழுங்கள் காலத்திற்கு ஏற்ப மேம்பட வேண்டும் என்பதில் உறுதியாக நம்பிக்கை கொண்டிருந்த அவர் மாற்றத்தை வேண்டி நிற்கும் பரப்புகளில் தைரியமாக தனது நிலைப்பாடுகளை வெளிப்படையாக முன்வைத்துச் செயற்பட்டவர். வணிக இலாப நோக்கிலான ஹலால் பிரச்சிணை எழுந்த போது பக்கசார்பற்ற யதார்த்தமான நிலைப்பாடுகளை முன்வைத்தார்.மானிட தன்மை கொண்ட சமூகப் பெறுமானம் இலங்கை முஸ்லிம் கல்விப் பரப்பிலிருந்து கட்டியொழுப்பப்பட வேண்டும் என்பதிலும் அரச வளங்கள், பாராபட்சமற்ற நிதி ஒதுக்கீடுகள் என்பனவற்றிற்குள் கல்வி சிக்கிவிடக்கூடாது என்பதையும் தொடர்ச்சியாக வலியுறுத்தினார்.

1964 ஆம் ஆண்டு ஸ்தாபிக்கப்பட்ட அகில இலங்கை முஸ்லிம் கல்வி மாநாட்டின் தலைவராக 2005 ஆம் ஆண்டிலிருந்து செற்பட்ட போது கல்விமான்கள் மற்றும் தேசிய பிராந்திய கட்சி சார்ந்த அரசியல்வாதிகளை ஒன்று கூட்டி கல்வி சார்ந்த முன்னேற்ற முன்மொழிவுகளை அரசாங்கத்திற்கு முன்வைத்தார்.நாட்டின் நாலா பாகங்களிலிருந்தும் முஸ்லிம் சமூகத்தின் கல்வி சார்ந்த பிரச்சிணைகளை அடையாளப்படுத்துவதற்கும் அனைத்து மாணவர்களும் கல்வியைப் பெறுவதற்கும் பெற்றுக் கொள்வதற்கும் உரிமை உண்டு என்பதையும் வறுமை காரணமாக பாடசாலையை விட்டு இடை விலகியோரை மீள இனைத்துச் செயற்படுத்துவதிலும் கூடிய அக்கறையாக செயற்ப்பட்டவர்.அகில இலங்கை முஸ்லிம் கல்வி மாநாட்டில் இவரின் பங்களிப்பு காத்திரமானது. இலங்கை முஸ்லிம்களின் கல்வி மீதுள்ள தடைகள் மற்றும் சவால்கள் தொடர்பிலும் பேராசியர் பல்வேறுபட்ட தளங்களிலும் ஆய்வுகளை மேற்கொண்டு பல தீர்வு முன்மொழிவுகளையும் வழங்கியுள்ளார். 


கற்றல், கற்பித்தல்,பாடவிதானம்,ஏனைய புறவயச் செயற்பாடுகள்,கல்வி நிர்வாகம் எதிர் கொள்ளும் பிரச்சிணைகள்,கலாசார விழுமியங்களை பேனுவதிலுள்ள பிரச்சிணைகள்,பாடசாலை இடப் பிரச்சிணைகள் உள்ளடங்களாக அடையாளப்படுத்தி அகில இலங்கை முஸ்லிம் கல்வி மாநாடு சார்பாக அரசாங்கத்தின் கவனத்தை திருப்ப ஆவனம் செய்ய பங்களிப்புச் செய்தார்.இலங்கை முஸ்லிம் சமூகத்தின் கல்விப் பரப்பில் அவரின் வகிபாகம் கனதியானது.

2003-2009 காலப்பகுதியில் இலங்கை தென் கிழக்குப் பல்கலைக்கழகத்தின் துனை வேந்தராக கடமையாற்றிய சமயம் பல்கலைகலகலகத்தின் பன்முக முன்னேற்றத்திற்கு அயராத பங்களித்தார். அரபு மொழி மற்றும் இஸ்லாமிய கற்கைகள் பீட உருவாக்கத்தில் இவரின் பங்களிப்பு மகத்தானது.பல்கலைக்கழ விரிவுரையாளர்களை தகைமைப்படுத்துவதில் கூடிய அக்கறைகாட்டி செயற்பட்டார்.

சிவில் சமூக கட்டமைப்பு பல்தரப்பு துறை சார்ந்தவர்களை ஒன்றினைத்து முற்போக்காக செயற்படுவதாலயே நமது இருப்பு தங்கியுள்ளது என்பதை வலியுறுத்தியவர்.இலங்கை முஸ்லிம்களின் கல்வி முயற்சியாண்மை அதனூடாக சமூக பொருளாதார முயற்சியாண்மைகளில் மாற்றம் ஏற்பட வேண்டும் என்பதில் உறுதியான நிலைப்பாட்டைக் கொண்டிருந்தார்.முஸ்லிம் சமூகத்தின் கல்வி நிறுவனங்கள் மரபு ரீதியான கட்டமைப்பிலிருந்து அடைவுகளை பெறும் முயற்சியாண்மை சார்ந்த முயற்சிகளுக்கும் அதன் பிரகாரம் மேற்கொள்ளப்படும் ஆய்வுகளுக்கு பிறகு இணக்கப்பாடு எட்டப்படும் பரிந்துரைகளின் பிரகாரம் புதிய சமூக ஒழுங்குகளை வகுப்பதில் கவனம் செலுத்த வேண்டும் என்ற விடயத்தை ஆழமாக வலியுறுத்தியவர். 

சிறந்த சிந்தனையாளர்,கல்விமான் என்பதைத் தாண்டி நற்பண்பாளர்.தேடலுள்ள ஆய்வாளர்.இலக்கியம் மீது நேசம் கொண்டவர்.

எனது பிறப்பிடமான களுத்தறை பேருவளையை பிறப்பிடமாகக் கொண்ட இவர் பேருவளைப் பிரதேசத்தின் கல்வி முன்னோடிகளில் சிரேஷ்டமானவர்.பேருவளை பிரதேசத்தின் கல்வி,சமய,சமூக மாற்ற முயற்சியில் காத்திரமான வகிபாகத்தை நிலைப்படுத்தியவர்.பேருவளை பிரதேசத்திலிருந்து முதன் முதலாக பல்கலைக்கழ துனை வேந்தராக நியமிக்கப்பட்ட கல்வியலாளர்.பேருவளை தர்கா நகர் இஷாஅதுல் இஸ்லாம் அநாதைகள் காப்பகத்தின் தலைவராக இறுதி வரை செயற்பட்டார். பேருவளை சிறந்த ஒர் கல்வியாலுமையின் இடைவெளியை சந்தித்துள்ளது.கல்விப் பின்புலம் கொண்ட குடும்பத்தை விட்டுச் சென்றுள்ளார்.

என்னுடனும் எனது குடும்பத்துடன் நல்ல உறவுகளை பேனியவர்.

எனது தமிழ் மொழியெயர்பு நூலான “இதயம் பேசுகிறது” எனும் நூல் வெளியீட்டின் போது நூல் பற்றிய திறனாய்வை திறம் பட மேற்கொண்டதை மரியாதையுடன் நினைவு கூறுகிறேன். 

மலேஷியா மலாய் பல்கலைக்கழகத்தின் முன்னால் சிரேஷ்ட ஆய்வாளரும் மலேஷியா இஸ்லாமிய விஞ்ஞான பல்கலைக்கழகத்தின் மேதகு பேராசிரியருமாகவும் செயற்பட்டார். கல்வித் துறை பேராசிரியர் என்பது போல சமூக இயங்கியலைத் தீர்மானித்த ஒருவர்.

எல்லாம் வல்ல இறைவன் இவர்களின் மண்ணறை வாழ்வை சிறக்கச் செய்து உயர் சுவனப் பேறுகளை வழங்கிட உள்ளார்ந்து  பிரார்த்தனை செய்வோம்.

இம்தியாஸ் பாக்கிர் மாக்கார்

பாராளுமன்ற உறுப்பினர்

14.10.2021

தொற்று நீக்கி திரவத்தை பருகிய 12 ஈரானிய சிறைக்கைதிகள் - 2 பேர் மரணம்


கொழும்பு மெகசின் சிறைச்சாலையில் தொற்று நீக்கித் திரவத்தைப் பருகிய சிறைக் கைதிகள் இருவர் உயிரிழந்துள்ளதாகச் சிறைச்சாலை பேச்சாளர் தெரிவித்துள்ளார்.

உயிரிழந்த கைதிகள் இருவரும் ஈரானிய பிரஜைகள் எனச் சிறைச்சாலை ஊடகப் பேச்சாளர் சந்தன ஏக்கநாயக்க மேலும் தெரிவித்துள்ளார்.

மேற்படி தொற்று நீக்கித் திரவத்தை (disinfectant liquid) பருகிய ஈரானிய சிறைக்கைதிகளான மேலும் 10 பேர் சிகிச்சைகளுக்காக வைத்தியசாலையில் அனுமதிக்கப்பட்டுள்ளதாக அவர் மேலும் தெரிவித்தார்.

நாளை முதல் தளர்த்தப்படவுள்ள கட்டுப்பாடுகள் (முழு விபரம்)


நாளை (15) முதல், திருமணங்கள், இறுதி சடங்குகள், உணவகங்கள், கூட்டங்கள், பற்றறைகள் மற்றும் கருத்தரங்குகளுக்கான சுகாதார வழிகாட்டுதல்கள் மேலும் தளர்த்தப்படவுள்ளன.

தளர்வுகளை மேற்கொள்ளபட்டுள்ள புதிய சுகாதார வழிகாட்டல்களை, சுகாதார சேவைகள் பணிப்பாளர் நாயகம், இன்று (14) வெளியிட்டுள்ளார்.

இதற்கமைய, திருமண மண்டபத்தில் அனுமதிக்கப்படும் நபர்களின் எண்ணிக்கை 25 சதவீதம் வரை மட்டுப்படுத்தப்பட்டுள்ள அதேவேளை, அதிகபட்ச நபர்களின் எண்ணிக்கை 50ஆக வரையறுக்கப்பட்டுள்ளது.

மேலும், திருமண மண்டபத்தில், மதுபான பாவனைக்கு தடை விதிக்கப்பட்டுள்ளது. அனைத்து திருமணங்களும் பதிவு திருமணங்களாக மாத்திரமே நடத்த முடியும்.

இதற்கிடையில், ஒரேநேரத்தில் இறுதிச்சடங்கில் கலந்துகொள்ளக் கூடியவர்களின் எண்ணிக்கை, 15ஆக அதிகரிக்கப்பட்டுள்ளது.

மேலும், புதிய வழிகாட்டுதல்களின் படி, பல விளையாட்டு நிகழ்வுகளுக்கு அனுமதி வழங்கப்பட்டுள்ளது.

மேலும், உணவகங்களில், இருக்கை திறனுக்கமைய, 30 சதவீதம் வரை, மக்களை உணவருந்த இடமளிக்கலாம். ஆனால், மதுபானம் பயன்படுத்துவது தடைசெய்யப்பட்டுள்ளது.

இதேவேளை, கூட்டங்கள், பயிலரங்குகள், கருத்தரங்குகள் போன்றவற்றை, அதிகபட்சம் 50 பங்கேற்பாளர்கள் கொண்ட ஒரு மண்டபத்தில் நடத்தலாம்.

வெளிநாட்டுக்கு செல்ல றிசாத்திற்கு தடை, 2 வாரங்களுக்கு ஒருமுறை CID யில் ஆஜராக வேண்டும் - 60 இலட்சம் ரூபா பிணை


பயங்கரவாத தடைச்சட்டம் மற்றும் சிறுமி ஹிஷாலினியின் மரணம் தொடர்பில் விளக்கமறியலில் வைக்கப்பட்டிருந்த முன்னாள் அமைச்சர் ரிஷாட் பதியுதீனுக்கு இன்று -14- பிணை வழங்கப்பட்டுள்ளது.

இருவேறு வழக்குகளில் தனித்தனியாக அவருக்கு இன்று -14- பிணை வழங்கப்பட்டுள்ளது.

ஹிஷாலினியின் உயிரிழப்பு தொடர்பிலான வழக்கில் 10 இலட்சம் ரூபா பெறுமதியான இரண்டு சரீரப் பிணைகளில் அவரை விடுதலை செய்வதற்கு கொழும்பு மேலதிக நீதவான் ரஜீந்திர ஜயசூரிய இன்று உத்தரவிட்டார்.

இந்த வழக்கில் அவர் ஐந்தாவது பிரதிவாதியாக பெயர் குறிப்பிடப்பட்டுள்ளார்.

எவ்வாறாயினும், ரிஷாட் பதியுதீன் வௌிநாட்டு பயணங்களை மேற்கொள்வதற்கு மேலதிக நீதவான் தடை விதித்துள்ளார்.

இந்த வழக்கு தொடர்பிலான அனைத்து விசாரணைகளும் நிறைவடைந்துள்ளதாக, சட்டமா அதிபர் சார்பில் ஆஜராகிய அரச சிரேஷ்ட சட்டத்தரணி ஹங்ச அபேரத்ன மன்றில் இன்று தெரிவித்தார்.

இதனைத் தொடர்ந்து பிரதிவாதி தரப்பினால் முன்வைக்கப்பட்ட பிணை கோரிக்கையை பரிசீலித்த மேலதிக நீதவான் பிணை வழங்கி உத்தரவிட்டார்.

இதேவேளை, ஏப்ரல் 21 தாக்குதல் தொடர்பான வழக்கிலும் அவருக்கு பிணை வழங்கப்பட்டுள்ளது. பயங்கரவாத தடுப்புச் சட்டத்தின் கீழ் அவர் கைது செய்யப்பட்டிருந்தார்.

இந்த வழக்கில் 50 இலட்சம் ரூபா பெறுமதியான இரண்டு சரீரப் பிணைகளில் அவர் விடுதலை செய்யப்பட்டுள்ளார்.

இந்த வழக்கு தொடர்பில், இரண்டு வாரங்களுக்கு ஒருமுறை குற்றப்புலனாய்வு திணைக்களத்தில் ஆஜராகுமாறு ரிஷாட் பதியுதீனுக்கு நீதவான் உத்தரவிட்டுள்ளார்.

இன்று பிரதிவாதி தரப்பினர் முன்வைத்த பிணைக் கோரிக்கைக்கு பிரதி சொலிசிட்டர் ஜெனரல் மாதவ தென்னகோன் எதிர்ப்பு தெரிவிக்காததால், நீதவான் பிணை வழங்கி உத்தரவிட்டார்.

நாட்டில் காலாவதியான 60 சட்டங்களை தற்போதைய, காலத்திற்கு ஏற்றவாறு திருத்த நடவடிக்கை


காலாவதியான 60 சட்டங்களை அடையாளம் கண்டு அவற்றை தற்போதைய காலத்திற்கு ஏற்றவாறு திருத்த நடவடிக்கை எடுக்கப்பட்டுள்ளதாக நீதி அமைச்சர் அலி சப்ரி (Ali Sabri) தெரிவித்துள்ளார்.

அதன்படி, நீதித்துறையில் தற்போதுள்ள குற்றவியல், வணிக மற்றும் சிவில் சட்டங்களை மாற்றியமைக்க மூன்று குழுக்கள் நியமிக்கப்பட்டுள்ளதாகவும் தெரிவித்துள்ளார்.

இராஜகிரியவில் அமைச்சின் கேட்போர் கூடத்தில் அரச சிறை சீர்திருத்தங்கள் மற்றும் கைதிகள் மறுவாழ்வு அமைச்சின் அதிகாரிகள் மற்றும் அதிகாரிகளுடனான இன்று  இடம்பெற்ற கலந்துரையாடலில் அவர் இதனை தெரிவித்துள்ளார்.

இந்த சட்டம் சுமார் 20 ஆண்டுகளில் திருத்தப்பட்டுள்ளதாகவும், நீதித்துறையில் உள்ள பிரச்சினைகளை கண்டறிந்து தேவையான தீர்வுகளை வழங்குவதற்கான அமைப்பு உருவாக்கப்பட்டுள்ளதாகவும் அமைச்சர் தெரிவித்துள்ளார்.

அதிகாலை ஒரு மணி முதல், நீண்ட வரிசையில் காத்திருக்கும் மக்கள்


கொவிட் தொற்றிற்கு மத்தியில் ஒரு மாத காலமாக மூடப்பட்டிருந்த வெளிவிவகார அமைச்சின் தூதரக சேவை பிரிவு  கடந்த11 ஆம் திகதி மீண்டும் திறக்கப்பட்டது.

இந்நிலையில் நேற்று பாரியளவிலான மக்கள் குவிந்திருந்ததனை அவதானிக்க முடிந்தததாக செய்தி வெளியாகியுள்ளது.

இவர்கள் நேற்று அதிகாலை ஒரு மணி முதல் வெளிவிவகார அமைச்சிற்கு அருகில் நிற்பதாக தெரியவந்துள்ளது. அங்கிருந்தவர்களில் அதிகமானோர் இளைஞர்கள் என தெரிவிக்கப்படுகின்றது.

நாட்டின் பல பிரதேசங்களை சேர்ந்தவர்கள் அங்கு வருகைத்தந்திருந்ததாக செய்தி வெளியாகியுள்ளது. Twin

கட்டுப்பாடுகளை மீறி நிகழ்வுகளை, நடத்தினால் சட்ட நடவடிக்கை - PHI


 கொரோனா தொற்றினை கட்டுப்படுத்துவதற்காக விதிக்கப்பட்டுள்ள கட்டுப்பாடுகளை மீறி நிகழ்வுகளை நடத்துபவர்களுக்கு எதிராக சட்ட நடவடிக்கை எடுக்கப்படவுள்ளதாகப் பொது சுகாதார பரிசோதகர்கள் சங்கம் எச்சரிக்கை விடுத்துள்ளது.

அதன் தலைவர் உபுல் ரோஹண இதனைத் தெரிவித்துள்ளார்.

தனிமைப்படுத்தல் சட்டத்திற்கு அமைவாக சுகாதார சேவைகள் பணிப்பாளர் நாயகத்தினால் சுகாதார வழிகாட்டி வெளியிடப்பட்டுள்ளது.

இருப்பினும், பிற்போடப்பட்ட நிகழ்வுகளை நடத்துவதற்கான அனுமதியை பெறுவதற்கு நாளாந்தம் மக்கள் பொது சுகாதார காரியாலங்களுக்கு பிரவேசிப்பதாக அவர் குறிப்பிட்டுள்ளார்.

அத்தியாவசியமற்ற எந்தவொரு நிகழ்வுகளுக்கும் அனுமதி வழங்கப்படமாட்டாது.

அத்துடன், சுகாதார வழிகாட்டியில் குறிப்பிடப்பட்டுள்ள எண்ணிக்கைக்கு மேலதிகமாகத் திருமணங்கள் மற்றும் மரண வீடுகளில் பொதுமக்கள் ஒன்று கூடினால், அதனுடன் தொடர்புடையவர்களுக்கு எதிராகக் கடும் சட்ட நடவடிக்கை எடுக்கப்படும் என பொது சுகாதார பரிசோதகர்கள் சங்கத்தின் தலைவர் உபுல் ரோஹண தெரிவித்துள்ளார்.

இராகலை தீ விபத்தில் 5 பேர் பலி விவகாரத்தில், உயிர்தப்பிய மகன் கைது; திடுக்கிடும் தகவல்கள் வெளியாகின


- HiruNews -

ஐவரின் உயிர்களைக் காவுக்கொண்ட இராகலை தீ விபத்து தொடர்பில் முன்னெடுக்கப்பட்ட விசாரணைகளுக்கமைய, உயிரிழந்த தம்பதியினரின் மகனை இராகலை காவல்துறையினர் கைதுசெய்துள்ளனர். 

இச்சம்பவம் தொடர்பில் கைதுசெய்யப்பட்ட குறித்த சந்தேக நபர் நேற்று (12) வலப்பனை நீதிவான் நீதிமன்றில் முன்னிலைப்படுத்தப்பட்டபோது, அவரை எதிர்வரும் 25 ஆம் திகதி வரை விளக்கமறியலில் வைக்குமாறு நீதிவான் டி.ஆர்.எஸ்.குணதாச உத்தரவிட்டார். 

இச்சம்பவம் தொடர்பில் இராகலை காவல்நிலையத்தினர் உள்ளிட்ட மேலும் பல காவல்துறை குழுக்கள் கடந்த நான்கு நாட்களாக விசாரணைகளை முன்னெடுத்திருந்தன. அதற்கமைய, சம்பவத்தில் உயிரிழந்த தம்பதியினரின் மகனை காவல் நிலையத்தில் தடுத்துவைத்து இராகலை காவல்துறையினர் விசாரணைகளை முன்னெடுத்திருந்தனர். 

காவல்துறையினரின் விசாரணைகளில், சம்பவ தினத்தன்று குறித்த சந்தேகநபர் இராகலை எரிபொருள் நிரப்பு நிலையத்தில் பெற்றோல் வாங்கியுள்ளமை தெரியவந்துள்ளது. 

அத்துடன், வீடு தீப்பற்றி எரிந்தபோது, அதனை அணைக்க வந்த மக்களிடம் வீட்டில் எவரும் இல்லையென அவர் கூறியுள்ளதாகவும் விசாரணைகளில் தெரியவந்துள்ளது. 

அதற்கமைய, காவல்நிலையத்தில் தடுத்து வைத்திருந்த அந்நபரை நேற்று (12) காவல்துறையினர் கைதுசெய்து நீதிமன்றில் முன்னிலைப்படுத்தியதையடுத்து விளக்கமறியலில் வைக்கப்பட்டுள்ளார். 

இராகலை காவல்துறை பிரிவுக்கு உட்பட்ட இராகலை தோட்டம் முதலாம் பிரிவில் கடந்த 7 ஆம் திகதி வீடொன்றில் தீ அனர்த்தம் ஏற்பட்டிருந்தது. 

இவ்விபத்தில் ஒரு வயது குழந்தை மற்றும் 12 வயது சிறுவன் உட்பட ஐவர் தீயில் கருகி சம்பவ இடத்திலேயே பலியாகினர். இராமையா தங்கையா (61), அவரின் மனைவியான செவனமுத்து லெட்சுமி (57), ஆகியோரும் அவர்களின் மகளான தங்கையா நதியா (34) அவரது பிள்ளைகளான, துவாரகன் (13), ஹெரோசன் (வயது 01) ஆகியோரே இவ்வாறு தீயில் கருகி உயிரிழந்திருந்தனர்.

மாகாணசபைத் தேர்தலொன்று நடைபெற்றால், தக்க பதிலடி காத்திருக்கின்றது

-


எஸ்.கணேசன் -

"அரசாங்கம் FAIL (பெயில்) என்பதை மக்களும் ஏற்றுக்கொண்டுவிட்டனர். எனவே,

மாகாணசபைத் தேர்தலொன்று நடைபெற்றால் அரசாங்கத்துக்கு தக்க பதிலடி

காத்திருக்கின்றது" என்று  ஐக்கிய மக்கள் சக்தியின் பாராளுமன்ற உறுப்பினர்

குமார வெல்கம தெரிவித்தார்.

 

நுவரெலியாவில் நேற்று (13) நடைபெற்ற ஊடகவியலாளர் சந்திப்பில்

கலந்துகொண்டு கருத்து வெளியிடுகையிலேயே அவர் இவ்வாறு கூறினார்.

 

இது தொடர்பில் அவர் மேலும் கூறியவை வருமாறு,"சீனா, இந்தியா மற்றும் அமெரிக்காவின் அழுத்தங்களால் நாட்டுக்கு எதிர்காலத்தில் பாரிய பிரச்சினைகள் வரக்கூடும். முறையற்ற அரச முகாமைத்துவம் காரணமாகவே இந்நிலைமை ஏற்படும்.

 

நாட்டின் நிர்வாகம் ஸ்தம்பிதமடைந்துள்ளது. இந்நிலைமையை நான் அன்றே

சுட்டிக்காட்டினேன். பிரதேச சபையில்கூட  அங்கம் வகிக்காத ஒருவரின் நாட்டை

ஒப்படைக்க வேண்டாமென வலியுறுத்திவிட்டு, கட்சியில் இருந்து  வெளியேறினேன்.

 

மாகாணசபைத் தேர்தல் தற்போது அவசியமில்லை. அரசாங்கம் அதனை நடத்தினால்

தேர்தலில் போட்டியிடவேண்டிய நிலை எதிர்க்கட்சிகளுக்கு ஏற்படும். அவ்வாறு

நடத்தினால் அரசாங்கத்துக்கு வீட்டுக்கு செல்லவேண்டிய நிலைதான் ஏற்படும்.

 

பொருள்களின் விலை உயர்வு உட்பட எல்லா துறைகளிலும் பிரச்சினை. இந்த

அரசாங்கத்தால் முடியாது என்பதை மக்கள் ஏற்றுக்கொண்டுள்ளனர். ஆக அரசாங்கம்

'பெயில்' என்பது உறுதியாகியுள்ளது என்பதுடன், நிறைவேற்று அதிகார ஜனாதிபதி

முறைமை எமது நாட்டுக்கு தேவையில்லை" என்றார்.

Older Posts