About

அளவற்ற அருளாளன், அளவிடமுடியா அன்பாளன், அல்லாஹ்வின் அழகுநாமம் கூறி ஆரம்பிக்கிறோம்.

செய்திகளில் நம்பகத்தன்மை, தனித்துவம், ஊடகவியல் ஒழுக்கம் ஆகிய உயர் பண்புகளை கடந்த 15 மாதங்களாக யாழ். முஸ்லிம் வலைத்தளம் மூலம் பேணிய நாம் அதே பண்புகளை யாழ். முஸ்லிம் இணையத்திலும் தொடர்ந்துபேண உறுதி பூண்டுள்ளோம்.

இலங்கை முஸ்லிம்கள் குறித்த செய்திகள், தகவல்கள், நிகழ்வுகள் மற்றும் அதனுடன் இணைந்த விவகாரங்களை உலகுக்கு உடனுக்குடன் அறியப்படுத்துவதுடன், உலக நிலவரங்களை இலங்கையர்களுக்கு அறியப்படுத்தும் குரலாக விளங்குவதும் எமது நோக்கமாகும்.

உள்ளுர் அரசியல், இஸ்லாமிய இயக்கச் செயற்பாடுகளுக்குள் சிக்கிக்கொள்ளாமல் சமூக ஒற்றுமைக்காக உயர் நோக்குடனுடன், தெளிவான சிந்தனையுடனும் பணியாற்றவும் உறுதி பூண்டுள்ள நாம், முஸ்லிம் உம்மாவுக்கு எதிராக செயற்படும் தனிநபர்கள், நிறுவனங்கள் மற்றும் ஊடகங்களை அம்பலப்படுத்தவும் திட்டமிட்டுள்ளோம்.

நாம் யாழ். முஸ்லிம் இணையத்தில் பதிவிடும் ஆக்கங்களுக்கு அவற்றை படைத்தவர்களே பொறுப்பு. எவ்வகையிலும் நாம் அதற்கு பொறுப்பு அல்ல. குறித்த ஆக்கங்களில் தெரிவிக்கப்படும் கருத்துகள், அபிப்பிராயங்கள் மற்றும் ஊகங்கள் யாழ் முஸ்லிம் இணையத்தின் கருத்துக்களாக இருக்க வேண்டுமென்பதில்லை. இருந்தபோதும் ஆக்கங்களை தேவையானபோது சில மாற்றங்களுக்கு உட்படுத்தும் அதிகாரத்தை யாழ் முஸ்லிம் இணையம் தன்னகத்தே கொண்டிருக்கும்.

அதேவேளை, தமிழ்பேசும் சமூகங்களின் நியாயமான கோரிக்கைகளுக்கு களம் கொடுக்கவும் யாழ். முஸ்லிம் இணையம் தயாராயிருப்பதுடன், இலங்கையின் வடக்குப் பகுதியில் விடுதலைப் புலிகளின் பலாத்கார வெளியேற்றத்திற்கு உட்பட்ட யாழ்ப்பாணம், கிளிநொச்சி, முல்லைத்தீவு, மன்னார் மற்றும் வவுனியா முஸ்லிம்களுடைய சிறப்புக் குரலாகவும் விளங்கும்.

சமூக நலனை மட்டுமே முதன்மைப்படுத்தி நாம் செயற்படும்போது ஏற்படும் சுமைகளை சுமக்கவும், சத்தியத்தின் வழிநின்று, உண்மையாகவும், நேர்மையாகவும், துணிவாகவும் செயற்படுவதுடன், எந்தவித சலசலப்போ, அல்லது அச்சுறுத்தல்களோ எமது பயணத்தை கட்டிப்போடாது என்பதையும் எமது உறவுகளுக்கு அல்லாஹ் மீது ஆணையாக சத்தியம்செய்து கூறுகிறோம்.

இன்ஷா அல்லாஹ் யாழ். முஸ்லிம் இணையமானது என்றும் தான் சார்ந்த சமூகத்துடன் கலந்திருக்கும். தன்னால் முயன்ற சமூக சேவைகளை நேர்மையாக முன்னெடுக்கும். தேவையான நேரங்களில் வழிகாட்டுதல்களையும் வழங்கும்.

இறைவா எமது நேர்மையான நோக்கத்தை ஏற்றுக்கொள்வாயாக..!

நன்றி..!

பிரதம ஆசிரியர்

யாழ். முஸ்லிம் இணையம்

www.jaffnamuslim.com