மாதம்பையில் நடந்தது என்ன..?

-நாகூர் ழரீஃப்-

31/07/2015 மாதம்பையில் சிறீலங்கா தவ்ஹீத் ஜமாஅத்தினரின் ஜும்ஆவை ஜமாஅத்தே இஸ்லாமியனர் தடுத்ததாகவும் மரண அச்சுறுத்தல் விடுத்ததாகவும் ஒரு செய்தி பரவுகின்றது. எனவே, அதன் உண்மைத் தன்மையை விளங்கிக் கொள்ள வேண்டும் என்பதற்காகவும் ஒரு பக்கத் தகவல் மாத்திரம் இன்னும் தெளிவின்மையையும் குரோதத்தையும் ஏற்படுத்தலாம் என்ற காரணத்தினாலும் சில தகவல்களை பகிர்ந்து கொள்ள விரும்புகின்றேன்.

பொதுவான ஜும்ஆ நடைபெறும் பள்ளிவாசலில் இருந்து சுமார் 100 மீட்டர் தூரத்துக்குள் அமைந்துள்ள ஒரு கடையை தமது மர்கஸாகவும் அதில் ஜும்ஆவை தொடங்குவதற்கும் இவர்கள் எத்தணிக்கின்ற வேளையில் ஊர் மக்கள் ஒன்று கூடி இதனை அனுமதிக்கமுடியாது என்கின்றனர். எவரும் மரண அச்சுறுத்தல் செய்யவோ, பள்ளிவாசலை தகர்க்கவோ, அல் குர்ஆன் பிரதிகளை எரிக்கவோ முற்படவில்லை.

வெளி இடங்களில் இருந்து வந்திருந்த அவர்களது ஆதரவாளர்கள், பிரச்சினையைக் கருத்திற் கொண்டு வேறு இடங்களுக்கு அனுப்பி வைக்கப்பட்டனர்.

ஊர் நிலமை மோசமடைந்ததால் பொலிஸார் முன்னின்று மற்றுமுண்டான பாதுகாப்பு ஏற்பாடுகளைச் செய்து வருகின்றனர். இவ்வறிக்கையில் குறிப்பிடப்படது போன்று காடையர்களோ அராஜகம் செய்வோர்களோ இங்கு வரவில்லைளூ மாறாக சமூக ஒற்றுமையையும் ஐக்கியத்தையும் குறியாகக் கொண்டவர்களே வந்திருந்தவர்களாவர். 

50 வருடங்களாக அல்குர்ஆனை விளங்கவேண்டும் எனும் இலக்குடன் இயங்கும் ஒரு தஃவா அமைப்பு அதனை எரித்து நாசமாக்குமா? இலங்கை ஜமாஅத்தே இஸ்லாமி இதனை முன்னின்று செய்திருந்தால் இவர்களை விட பன்மடங்கு ஊடகத் துறையில் அனுபவம் பெற்றவர்கள் என்ற வகையில் ஒரு ஊடக அறிக்கையை விட்டிருப்பார்கள் அல்லவா? ஆவர்கள் மௌனமாக இருப்தில் இருந்து இதற்கும் அவ்வமைப்பினருக்கும் சம்பந்தமில்லாத ஒரு அசம்பாவிதமாகும் என்பதைப் புரிந்து கொள்ளலாம்.

இஸ்லாம் எந்த ஒரு இபாதாவையும் வெரும் சடங்காக எங்கள் மீது விதிக்கவில்லை. ஓவ்வொரு கடமைகளுக்குப் பின் அதன் அர்த்தம் பொதிந்துள்ளது. அந்த அடிப்படையில் ஜூமுஆ என்ற கடமையும் ஒரு விசாலமான அர்த்தத்தைக் கொண்டுள்ளது.

அதுதான் சமூக ஒற்றுமைளூ வாராந்தம் ஊர் மக்கள் ஓரிடத்தில் ஒன்று கூடி தமது இறையுணர்வை புதுப்பித்துக் கொள்ள வேண்டும்ளூ ஒருவரை ஒருவர் பரஸ்பரம் அன்பு செலுத்த வேண்டும்ளூ தமக்கிடையே பிரிவனை ஏற்படக் கூடாது என்பன போன்ற தூரநோக்கையே இக்கடமை எமக்கு உணர்தி நிற்கின்றது.

இதனால்த்தான் ஹஜ்ஜாஜ் பின் யூஸுஃப் போன்றவர்களின் பின்னால் நின்று இக்கடமையை உயர்வான ஸஹாபாக்களும், ஜஹமிய்யாக்களுடன் சேர்ந்து இந்த உம்மத்தின் அக்கீதாக் கொள்கையினைத் தொகுத்து அதற்காக மிகப் பெரிய துன்பங்களை சந்தித்த இமாம் அஹ்மத் பின் ஹன்பல் (றஹ்) போன்றவர்கள் நிறைவேற்றியுள்ளனர்.

எனவே, இத்தருனத்தில் எதிரிகளுக்கு சந்தர்ப்பம் அளித்த குற்றவாளிகளாக நிற்காது சமூகத்தை ஒன்றுபடுத்திய பெருமைக்குரியவர்களாக திகழவேண்டும். நாட்டு நிலமைகளைக் கவணத்திற் கொண்டு புத்திசாதுர்யமாக செயலாற்ற அனைவரும் முன்வரவேண்டும். இதுவே இன்றைய காலத்தின் தேவையாகும்.