மக்காவில் வபாத்தானவர்களின் எண்ணிக்கை 107 ஆக அதிகரிப்பு

புனித மக்கா ஹரம் ஷரீபில் நேற்று இடம்பெற்ற விபத்தில், இலங்கையர்கள் எவருக்கும் பாதிப்புக்கள் ஏற்படவில்லை என தெரிவிக்கப்பட்டுள்ளது. 

நேற்றைய தினம் சவுதி அரேபியாவின் புனித மக்கா நகரில் உள்ள பெரிய பள்ளிவாசலான ஹரம் ஷரீபில் கிரேன் விழுந்து விபத்துக்குள்ளானது. 

இந்த விபத்து சம்பவத்தில் பலியானவர்களின் எண்ணிக்கை 107 ஆக அதிகரித்துள்ளதுடன் 230 பேர் வரை காயமடைந்துள்ளனர் 

புனித ஹஜ் கடமையை நிறைவேற்றுவதற்காக உலகம் முழுவதும் இருந்து லட்சக் கணக்கானவர்கள் புனித மக்கா நகருக்கு வருகை தந்துள்ளனர். 

இந்த நிலையிலேயே நேற்று வீசிய கடும் காற்று காரணமாக இந்த கிரேன் விழுந்திருக்கலாம் என்றும் கூறப்படுகிறது.