லொகு சீயா என்ற நியாஸின் கொலையுடன், முன்னாள் அமைச்சருக்கு தொடர்பு

ராகமை பிரதேசத்தின் பிரபல மாந்திரீகரான லொகு சீயா என அழைக்கப்படும் எம்.எஸ்.எம். நியாஸின் கொலையுடன் முன்னாள் அமைச்சர் ஒருவருக்கும் இராணுவ அதிகாரி ஒருவருக்கும் தொடர்பு இருப்பதாக அவரது மகன் முறைப்பாடு செய்துள்ளார்.

பாரிய மோசடிகள், ஊழல்கள், பதவி துஸ்பிரயோகங்கள் மற்றும் முறையற்ற அரச வளங்களின் பாவனை தொடர்பிலான ஜனாதிபதி ஆணைக்குழுவிலேயே குறித்த முறைப்பாடு மேற்கொள்ளப்பட்டுள்ளது.

சூட்டி சீயா என்று அழைக்கப்படும் எம்.என்.எம். ஹிஜாஸ் எனும் குறித்த முறைப்பாட்டாளர், அரச சொத்து பயன்படுத்தப்பட்டே தனது தந்தை கடத்தப்பட்டு கொல்லப்பட்டதாக தனக்கு தகவல்கள் கிடைத்துள்ளதாக அம்முறைப்பாட்டில் குறிப்பிட்டுள்ளார்.

குறித்த முறைப்பாடு தொடர்பில் ஏற்கனவே சிஐடியினர் விசாரணைகளை மேற்கொண்டு வருகின்றமை குறிப்பிடத்தக்கது.