அதாஉல்லாவுக்கு மற்றுமொரு இழப்பு (படங்கள் இணைப்பு)

அக்கரைப்பற்று மாநகரசபையின் பிரதி மேயரும், முன்னாள் அமைச்சர் அதாஉல்லாவின் தேசிய காங்கிரஸ் கட்சி பிரமுகருமான எம்.எம். றிஸாம் - மு.காங்கிரசில் இணைந்து கொண்டார். 

மு.காங்கிரசின் தலைவரும் அமைச்சருமான ரஊப் ஹக்கீம் - கடந்த வெள்ளிக்கிழமை அக்கரைப்பற்றில் அமைந்துள்ள பிரதி மேயர் றிஸாமின் இல்லம் சென்று அவரைச் சந்தித்தார்.

இதன்போது, மு.கா. தலைவரும் அமைச்சருமான ரஊப் ஹக்கீமிடம், பிரதி மேயர் றிஸாம் தனது இணைவினை உறுதிப்படுத்திக் கொண்டார். 

மு.கா. தலைவர் ஹக்கீமுடன் அக்கரைப்பற்று மாநகரசபை எதிர்க்கட்சித் தலைவரும் பிரதி மேயர் றிஸாமின் சிறிய தந்தையுமான எஸ்.எல்.எம். ஹனீபா மதனி, கிழக்கு மாகாண சபை உறுப்பினர்களான ஏ.எல்.எம். நஸீர் மற்றும் ஏ.எல். தவம் உள்ளிட்டோரும் பிரதி மேயர் றிஸாமுடனான இந்த சந்திப்பில் கலந்து கொண்டனர். 

இதன்போது, பிரதி மேயர் றிஸாமின் ஆதரவாளர்களும் அங்கு வருகை தந்திருந்தனர். 

அமைச்சர் அதாஉல்லாவுடனும் அவரின் அரசியல் நடவடிக்கைகள் தொடர்பிலும் கடந்த சில காலமாக – பிரதி மேயர் றிஸாம் அதிருப்தியடைந்த நிலையில் இருந்து வந்தமை இங்கு குறிப்பிடத்தக்கது.