முஸ்லிம்களின் பொறுமைக்கும் எல்லையுண்டு..! எச்சரிக்கிறார் அமைச்சர் றிசாத்..!

குளியாப்பிட்டியில் பௌத்தசிங்கள இனவாதிகள் புனித இஸ்லாத்தையும், முஸ்லிம்களையும் கொச்சைப்படுத்தி மேற்கொண்டுள்ள இனவாத ஊர்வலத்திற்கு தனது கடும் எதிர்ப்பை வெளிப்படுத்தியுள்ள அமைச்சர் றிசாத் பதியுதீன் முஸ்லிம்களின் எல்லைக்கும் பொறுமைக்கும் எல்லையுண்டு என்பதை செம்பந்தப்பட்டவர்கள் புரிந்துகொள்ள வேண்டுமெனவும் தெரிவித்துள்ளார்.

இதுகுறித்து அமைச்சர் றிசாத் பதியுதீன் மேலும் தெரிவித்துள்ளதாவது,

தினமும் இலங்கையின் எங்காவது ஒரு மூலையில் பௌத்தசிங்கள இனவாதிகள் இஸ்லாத்தையும், முஸ்லிம்களையும் கொச்சைப்படுத்தும் செயற்பாட்டில் ஈடுபடுகிறார்கள். முஸ்லிம் சமூகம் மிது அவர்கள் தொடுக்கும் போலி குற்றச்சாட்டுக்களில் எந்தவித ஆதாரமும் இல்லை. ஆனால் வீம்பு பிடித்தவர்களான முஸ்லிம்களை வம்புக்கு அழைக்கும் நோக்குடன்தான் அவர்களது செயற்பாடுகள் அமைந்துள்ளன.

பௌத்த சமயம்  அமைதியை போதிக்கையின் இவர்களோ வன்முறையில் நாட்டம்கொண்டு முஸ்லிம் சமூகம் மீது  வன்முறையை பிரயோகிக்கிறார்கள். இது எந்தவகையில் நியாயப்படுத்தக்கூடிய செயற்பாடு அல்ல. இதை ஒருபோதும் அனுமதிக்கமுடியாது. 

இன ஒற்றுமைக்கு சவால்விடும் இதுபோன்ற செயற்பாடுகளின் போது சட்டத்தையும், ஒழுங்கையும் நிலைநாட்டவேண்டிய பொலிஸார் வேடிக்கை பார்த்துக் கொண்டிருக்ககூடாது. அவர்கள் தமது பணியை உரியமுறையில் மேற்கொண்டால் முஸ்லிம்களுக்கு எதிரான இவ்வாறான பகிரங்க ஊர்வலங்களை கட்டுப்படுத்தமுடியும்.

உலகளாவிய ரீதியில் 120 கோடி மக்களுக்கும் அதிகமாக மக்கள் பின்பற்றும் புனித இஸ்லாம் அமைதியையும், சமாதானத்தையுமே வலியுறுத்தி நிற்கிறது. இஸ்லாமிய வழிநடக்கும் இலங்கை முஸ்லிம்கள் நாட்டிற்கு ஆற்றிய பங்களிப்புகள் பிரமிக்கதக்கவை.இந்நிலையில் ஒரு சிறு தொகையினர் இலங்கை முஸ்லிம்களுக்கு எதிரான மேற்கொள்ளும் இனவாத பிரச்சாரத்தை ஒட்டுமொத்த சிங்கள சமூகத்தின் எதிர்ப்பு நடவடிக்கையாக கொள்ளமுடியாவிட்டாலும் முஸ்லிம்கள் மீது தொடர் தேர்ச்சியாக நடைபெற்றுவரும் பௌத்தசிங்கள இனவாதிகளின் வன்முறை அடாவடி நடவடிக்கைகளை சகித்துக்கொள்ளவும் பொறுமையை முஸ்லிம்கள் இன்னும் இழந்துவிடவில்லை.

எனினும் முஸ்லிம்களின் பொறுமைக்கும் எல்லையுண்டு என்பதை பௌத்தசிங்கள இனவாதிகளுக்கு கூறிவைக்க விரும்புகிறேன் எனவும் அமைச்சர் றிசாத் பதியுதீன் மேலும் தெரிவித்துள்ளார்.