அபாபீல்கள் மட்டுமல்ல, அற்பகிருமி கொண்டும் ஆட்டிவைப்பான் அல்லாஹ்

- கம்மல்துறை எம்மெல் . ஷரான் -

எத்தனை எத்தனை

பிரமாண்டங்கள் !

ஆயிரம் பேர் பறக்கும்

சொகுசு விமானம் -

ஆழ்கடல் ஆழம் பார்க்கும்

நீர்மூழ்கி -

பல்லாயிரம் வீடுகளை

அடுக்கி வைத்தாற்போல்

உல்லாசக் கப்பல்கள் -

பிரிஜ் கலீபா

மேகம் முட்டி நிற்க-

தாஜ் மஹால்

தாரத்துக்காய் கட்டி வைத்த -

மச்சு பிச்சு-

கொலோசியம் -

குளோனிங் -

தூரம் சுடும் துப்பாக்கி -

ஊரைத் தாண்டும் பீரங்கி -

மலை துளைக்கும் ராக்கெட்டு -

குண்டு துளைக்கா ஜாக்கெட்டு -

ஈபில் டவர் -

சீனச் சுவர் -

அடடா .....

உலகில் தான் எத்தனை

பிரமாண்டங்கள் !

உலகமே எத்தனை பிரமாண்டம் !

              o

எத்தனை வல்லரசுகள்...

எந்தப் பெரும் போரையும்

மூன்றே நாளில் முறியடிப்போம்

என _ மார்தட்டும்

எத்தனை வல்லரசுகள் ?

எத்தனை செல்வந்தர்கள்....

எப்பெரும் துயர் வந்தாலும்

பணத்தை வீசி தூசியாய்

துடைப்போம் - என

பீத்திக் கொள்ளும்

எத்தனை செல்வந்தர்கள் ?

எத்தனை விஞ்ஞானம்....

செவ்வாயில் குடி யமர்த்த -

சந்திரனை இடம் பெயர்க்க -

எத்தனை விஞ்ஞானம் ?

             o

நில் , கவனி

அல்லோல கல்லோலப்படும்

அவனி!

வல்லரசுகள் வென்றனவா .....?

ஆயுதங்கள் கொண்றனவா ....?

விஞ்ஞானம் பீதி பெற ...

மருத்துவம் மயக்கமுற ...

மொத்த உலகும்

ஒத்தை ஈயின்

இறக்கையளவு பெறா

என்கிறான் இறைவன்

அப்புறம்

பிரமாண்டங்கள் எங்கனம் ?

          o

பதுக்கி வைத்த செல்வம்

பூஞ்சனம் பிடித்திருக்கும்

தானம் செய்யத் தோனுமே

இப்போது !

செய்

மனிதா - -

நீ கோமாளி என்பது

ஏலவே தெறியும்

படைத்த றப்புக்கு!

             o

மாபெரும் ரோமின்

ஜனாதிபதி அழுகிறான் -

அல்லாஹ்வின் " அதாபை"

அமெரிக்கா தடுக்குமா என்ன ..??

அபாபீல்கள் மட்டுமல்ல

அற்ப கிருமி கொண்டும்

ஆட்டி வைப்பான்

அல்லாஹ் !

அப்படியிருக்க -

அவனது தடல் புடலான

ஏற்பாடு

எப்படி இருக்கும் ???

சிந்தி -

கொஞ்சம் கண்ணீர் சிந்தி !

வீடும் , தெருவும் 

ஊரும் , நாடும், உலகும்

நிலைகெட்டுத் தடுமாறும்

நிர்க்கதிக்கு காரணம் ... -

கொரோனாவுக்கு

வேண்டுமா நிவாரணம் ..??

நின்றபடி தொழு

கண்டபடி அழு

சாமத்தில் எழு

ஸஜதாவில் விழு

சவர்க்காரமிட்டு

கை கழுவிச்சரிவரா !

செய்த பாவங்கள்

கண்ணீரில் கழுவு !

    ooooooo