அம்ஹர் மெளலவியின் கவனத்திற்கு...!

அம்ஹர் மெளலவியின் பேட்டி குறித்த கருத்தாடல்கள் முகநூலில்  சூடு பிடிக்கத் தொடங்கியிருக்கின்றது.

அவர் குறித்த பேட்டியில் பதில் சொன்ன ஒரு சில இடங்களில் எனக்கும் முரண்பாடுகள் இருக்கின்றன ஆனால் ஓவரோலாக அம்ஹர் மெளலவி மிக புத்திசாளித்தனமாக பேட்டிக்கு  முகம் கொடுத்தார் என்பதுதான் எனது அபிப்ராயம்.

இலங்கையைப் பொருத்தவரையில் அதிகமான மெளலவிகளுக்கு சிங்களம் தெரியாது.

சிங்களம் தெரிந்த அதிகமானவர்களுக்கு இஸ்லாம் தெரியாது.

அம்ஹர் மெளலவி பெரிய பிரபலமில்லாத மனிதராக இருந்ததனால்தான் அவரால் சமூகத்தின் குரலாக ஒலிக்க முடிந்தது.

அவருக்கு இன்று கிடைத்திருக்கும் பிரபலமும், ஆதரவும் அவரை சமூகத்தை விட்டு தூரமாக்கிவிடாமல் இருந்திட வேண்டும்.

ஒரு சாதராண அரபுக் கல்லூரி அதிபராக இருந்ததனால்தான் இப்படி நிதானமாகவும்  தைரியமாகவும் பதில் சொல்ல முடிந்தது.

நாளை சமூகம் அவரை ஒரு ஸ்டார் ஆக மாற்றி,  வெளிநாடுகளுக்கு நிகழ்ச்சி நடத்த அழைத்து

விடுவார்களோ என்று பயமாக இருக்கிறது.

அப்படி ஒரு நிலமை வந்தால் அவர் ஒரு ஆடம்பர வாழ்க்கைக்குள் அகப்பட்டுவிடுவார். 

அத்தோடு அவரது சமூகப் பார்வையும் மங்கிவிடும்.

அவரை ஒரு குத்பாவில் காண்பதுகூட அரிதாகிவிடும்.

இலங்கைப் பிரச்சினையை வெளிநாட்டில் பேசிக்கொண்டும், தீர்வு சொல்லிக் கொண்டும்  இருக்கும் ஸ்டார் உலமாக்கள் சமூகத்தில் நிறையபேர் இருக்கிறார்கள்.

இலங்கைச் சூழலில் இஸ்லாத்தையும்,சிங்களத்தையும்,சிங்களவர்களையும் சரியாகப் புரிந்து கொண்டு பேசக்கூடிய பேச்சாளர்களுக்கு ஒரு பெரிய வெற்றிடம் முஸ்லிம் சமூகத்தில் இருக்கிறது.

அதனை அம்ஹர் மெளலவி போன்றவர்களினால்தான் நிரப்ப முடியும்.

அவரை ஓவராக விமர்சித்தும் ஓவராக புகழ்ந்தும் அவரது சமூக செயற்பாட்டை இந்த கீ போர்ட் போராளிகள் குழப்பிவிடாவார்களோ என்ற அச்சம் கொஞ்சம் கொஞ்சம் வரத்தொடங்கி இருக்கின்றது.

அம்ஹர் மெளலவிக்கு அல்லாஹ் அருள் புரிய வேண்டும்

Safwan Basheer