CTJ யின் கவனத்திற்கு, ஜப்பானிலிருந்து மௌலவி ஷஹாப்தீன்

பெண்கள் முகம் மூடுவது பற்றிய CTJ அப்துர் ராசிக்கின் கீழ்த்தரமான கருத்து முகத்தை மூடும் முஸ்லிம் பெண்களின் அடிப்படை உரிமை மீறல் என்பதை முதலில் கவனத்தில் கொள்ள வேண்டும், காரணம் எந்த பெண்ணும் பிறரின் வற்புறுத்தலின் பேரில் முகத்தை மறைக்கவில்லை அவர்களின் விருப்பத்தின் பேரிலேயே மறைக்கின்றார்கள் என்பதை கவனத்தில் கொள்ளவேண்டும். எனவே இது ஒரு  குறுகிய முஸ்லிம்களின் பிரச்சினை அன்றி இது ஒட்டு மொத்த முஸ்லிம் உம்மத்தின் அடிப்படை பிரச்சினையாகும்  .

எனவே இது வன்மையாக கண்டிக்கப்பட வேண்டிய ஓன்று. எனவே இதை தனிப்பட்ட ஒரு சிறு குழு ஒரு அறைக்குள் இருந்து கூடிப் பேசுவதில் எந்த வித தாக்கத்தையும் ஏற்படுத்த முடியாது . தவ்ஹீத் ஜமாத்தின் முக்கியஸ்தர்கள் அகில இலங்கை ஜம்மிய்யதுல் உலமா, முஸ்லிம் அரசியல் தலைவர்கள் மற்றும் முஸ்லிம் மூத்த சட்டத்தரணிகள் ஓன்று கூடி பேசி அதன் முடிவை சகல பத்திரிகைகளிலும்  பிரசுரிக்க வேண்டும்.

இரண்டாவதாக அன்றைய தினம் சகல ஊடகங்களுக்கு மத்தியில் தவ்ஹீத் மூத்த தலைவர் ஜம்மிய்யதுல் உலமா தலைவர் அரசியல் தலைவர் மற்றும் சட்டத்தரணிகள் அனைவரும் இது பற்றி கருத்துத் தெரிவிப்பதோடு CTJ யை கண்டிக்கவும் வேண்டும். இப்படி செய்வதன் மூலம்தான் இதற்க்குப் பின்பும் இது போன்ற பிற்போக்கு சிந்தனைவாதிகளின் மாயையில் இருந்து, முஸ்லிம் உம்மத்தையும் முஸ்லிம்களின் உரிமைகள் மற்றும் அபிலாஷைகளையும் பாதுகாக்க முடியும் என்பது என்னுடைய கருத்து .

அத்தோடு எந்த மத குருவோடு  CTJ குழு தான்தோன்றித் தனமாக   பேச்சு வார்த்தை நடத்தினார்களோ, அதே மத குருவோடு மீண்டும்  சம்மந்தப் பட்ட மேற்சொன்ன குழுவினர் சகல ஊடகங்களுக்கு முன்னாளும்  தெளிவு படுத்தும் பேச்சுவார்த்தை ஒன்றை உடனடியாக நடாத்த வேண்டும்.நான்கு சுவருக்குள் நடாத்தும் எந்தவித  பேச்சுவார்த்தைகளினாளும் எந்த மாற்றத்தையும் காணமுடியாது .

மௌலவி M ஷஹாப்தீன் ரஹ்மானி  ( ஜப்பான் )