"இலங்கை அணியின் நிலைமை"

பாகிஸ்தானுக்கு எதிரான ஐந்தாவது ஒருநாள் போட்டியிலும் தோல்வியுற்று வொயிட் வாஷ் ஆகியிருக்கிறது இலங்கை அணி.

இந்த ஆண்டில் மட்டும் இதுவரை அணியின் தலைமையை ஏழுமுறை மாற்றியுள்ளது இலங்கை.

ரங்கன ஹேரத், தினேஷ் சண்டிமால், சமரா கபுகெதரா,  மலிங்கா, ஏஞ்சலோ மேத்யூஸ் மற்றும் உபுல் தரங்கா ஆகியோரை அடுத்து தற்போது திசர பெரேரா அணித்தலைவராக நியமிக்கப்பட்டுள்ளார்.

இந்த ஆண்டில் இந்தியா, தென் ஆப்பிரிக்கா மற்றும் பாகிஸ்தான் ஆகிய அணிகளிடம் மோசமாக தோல்வி அடைந்து தொடரையும் இழந்துள்ளது.

இலங்கை அணிக்கு ஒரே ஆறுதல் பாகிஸ்தானுக்கு எதிரான டெஸ்ட் தொடரை வென்றது மட்டுமே.

இந்நிலையில் திசர பெரேரா தலைமையில் பாகிஸ்தானுக்கு எதிரான டி20 தொடரில் விளையாட உள்ள இலங்கை, அதனையடுத்து இந்தியாவில் சுற்றுப் பயணம் மேற்கொள்ளவுள்ளது.

அங்கு மூன்று டெஸ்ட், மூன்று ஒருநாள் போட்டிகள் மற்றும் மூன்று டி20 போட்டிகள் கொண்ட தொடரில் விளையாடவுள்ளது.