சாஹிராவின் பரிசளிப்பில் பங்கேற்ற மைத்திரி - இன, மத பாடசாலைகள் இயங்குவதை நிறுத்த வேண்டும் என்றார்

எதிர்வரும் காலத்தில் இலங்கையில் இன, மத அடிப்படையில் பாடசாலைகள் இயங்குவது நிறுத்தப்பட வேண்டும் என்று ஜனாதிபதி மைத்திரிபால சிறிசேன வலியுறுத்தியுள்ளார்.
 

 1892 ஆம் ஆண்டு ஆரம்பமான கொழும்பு சாஹிரா கல்லூரியின் வருடாந்த பரிசளிப்பு விழா இன்று (23) ஜனாதிபதி  மைத்ரிபால சிறிசேன  தலைமையில் இடம்பெற்றது. இதில் பிரதம அதிதியாகக் கலந்து கொண்டு உரையாற்றும் போதே  மைத்திரி இவ்வாறு தெரிவித்துள்ளார். அங்கு தொடர்ந்தும் உரையாற்றிய ஜனாதிபதி,

நாட்டில் அனைத்து இன மக்களிடையேயும் சகோதரத்துவத்தையும், நம்பிக்கையையும் கட்டியெழுப்ப இந்த அரசாங்கம் முயற்சிகளை மேற்கொண்டுள்ளது. இந்த முயற்சியை வெற்றிகரமாக பூர்த்தி செய்வதற்கு அடிப்படையில் இருந்தே மாற்றங்களை ஏற்படுத்த வேண்டும். அதன் ஒரு கட்டமாக இன, மத அடிப்படையில் பிரித்து பாடசாலைகள் நிறுவப்படவோ, இயங்கவோ கூடாது.

எதிர்காலத்தில் சிங்கள, தமிழ், முஸ்லிம் பிள்ளைகள் ஒன்றாக கல்வி கற்கும் நிலை உருவாக வேண்டும். அதன் மூலமாக மட்டுமே நாட்டில் நல்லிணக்கத்தை கட்டியெழுப்பக் கூடியதாக இருக்கும் என்றும் ஜனாதிபதி வலியுறுத்தியுள்ளார்.

குறித்த வைபவத்தில் அமைச்சர் பௌசி, கொழும்பு மேயர் முஸம்மில், பலஸ்தீனத்துக்கான இலங்கைத் தூதுவர் பௌசான் அன்வர் ஆகியோரும் கலந்து கொண்டிருந்தனர்.