ஜாஎல பள்ளிவாசலை, விற்பனைசெய்ய திட்டம்...? தொழுவதற்கு யாருமில்லை

- AAM. Anzir -

ஜாஎல - ஏக்கல கம்பஹா வீதியில் அமைந்துள்ள முஸ்லிம்களுக்குச் சொந்தமான பள்ளிவாசலை விற்பனை செய்வது பற்றி ஆராயப்பட்டு வருவதாக, பள்ளிவாசலுடன் தொடர்புடைய வட்டாரங்கள் jaffna muslim இணையத்திடம் தெரிவித்தன.

கடந்தசில மாதங்களாக, இப்பள்ளிவாசல் மூடப்பட்டுள்ளது.

குறித்த பகுதியில் தொழிற்சாலைகளில் வேலைசெய்யும் ஊழியர்கள், பாதுகாப்பு தரப்பினர் மற்றும் பிரதான வீதிகளில் பயணிக்கும் முஸ்லிம்களின் நலன்கருதி இப்பள்ளிவாசல் அமைக்கப்பட்டது.

பள்ளிவாசலுடன் சிறிய காணியும் காணப்படுகிறது. இமாம் தங்குவதற்கான வசதிகளும் காணப்படுகிறது.

எனினும் நாட்டில் அண்மையில் நிலவிய பதற்றமான நிலை மற்றும் பிரதேச வாசிகள் குறித்த பள்ளிவாசலை மூடுமாறு விடுத்த அழுத்தம், தொடர்ந்து பள்ளிவாசலில் தொழுவதற்கு மக்கள் முன்வராமை போன்ற காரணங்களினால் பள்ளிவாசலை விற்றுவிடுவது பற்றி ஆராயப்பட்டு வருவதாகவும் பள்ளிவாசலுடன் தொடர்புடைய முக்கிய அந்த நபர் jaffna muslim இணையத்திடம்  தெரிவித்தார்.

தொழுவதற்காக ஆரம்பிக்கப்பட்டு, தொழுவதற்கு மக்கள் இல்லாமையால், இலங்கையில் மூடப்படுகின்ற முதலாவது பள்ளிவாசலாக, இப்பள்ளிவாசல் இருக்கலாமென்ற கவலைமிகு தகவலையும் இங்கு இணையம் jaffna muslim பகிர்ந்துகொள்ள விரும்புகிறது.