மீடியாக்களில் நடமாடும், தம்பதிகளின் பாலியல் வீடியோ விவகாரம்

அமானுல்லா கமால்தீன் (அமானத்ஸ்)

(இதற்குப் பின்னரும்) விசுவாசங்கொண்டோருக்கிடையில் (இவ்வாறான) மானக்கேடான விஷயம் பரவ வேண்டுமென விரும்புகிறார்களே நிச்சயமாக அத்தகையோர் - அவர்களுக்கு இம்மையிலும் மறுமையிலும் மிக்க துன்புறுத்தும் வேதனையுண்டு. (அதனால் ஏற்படும் தீங்குகளை) அல்லாஹ்வே நன்கறிவான், நீங்களோ அறியமாட்டீர்கள். (அல் குர்ஆன்-24:19)

அன்மையில் இலங்கையை சேர்ந்த முஸ்லிம் வாலிபன் ஒருவன் திட்டமிட்டு ஒரு பெண்ணை திருமணம் செய்து தன் மனைவியுடன் நடந்த பாலியல் விடயங்களை வீடியோ எடுத்து  பெண்னை தலாக் பன்னி ஏமாற்றி விட்டு பணத்துக்கு வீடியோவை விற்று இணையத்தளங்கில் போட்ட ஒரு பெண்ணுக்கு நடந்த ஒரு பரிதாபகரமான ஒரு வீடியோ விவகாரம் வலைத் தளங்களிலும் பேஸ் புக்கிலும் வட்ஸ் அப்பிலும் மற்றும் சோஷியல் மீடியாக்களிலும் அப்பெண்ணை சீரழித்துக் கொண்டிருப்பது எமது சமூகம் மிகவும் கவலைப்பட வேண்டிய ஒரு விடயமாகும்.

நடந்தது நடந்து முடிந்து விட்டது. எமது சமுதாயம் அதை மறைப்பதற்கு பதிலாக மீடியாக்களில் அந்த பெண்ணின் படத்தையும் குரலையும் பகிர்ந்து பகிரங்கப்படுத்துவதன் மூலம் எந்தப் பிரயோசனத்ததையும் நாம் அடையப் போவதில்லை. பதிலாக நோய் பிடித்த இதயமுடைய மனிதர்கள் அந்த வீடியோவை தேடிபார்க்க முயற்சிப்பார்கள். மீடியாக்களில் பகிர்ந்து கொள்ளும் இந்த வீடியோக்கள் முஸ்லிம்களுடைய எதிரிகளின் கையில் சிக்கினால் அவர்கள் அதை தவறான பிரச்சாரத்துக்கு பாவிக்க முற்படுவார்கள். மற்றவர்களுன் பகிர்ந்து கொள்வதன் மூலம் அந்த பெண்ணின் மானத்தை தெரியாதவர்களுக்கும் தெரியப்படுத்தி மேலும் அவமானப்படுத்துவதற்கு காரணமாக அமையும். எனவே அந்ந வீடியோ சம்பந்தப்பட்ட சகல செய்திகளையும் பகிர்வதை சகலரும் உடனடியாக நிறுத்த வேண்டும். எனவே இது சம்பந்தப்பட்ட உங்களிடமுள்ள அனைத்து தகவல்களையும்  அழித்து விடுங்கள். யாரிடமும் இவற்றை பகிர்ந்து கொள்ளவோ கதைக்கவோ வேண்டாம். உங்கள் உறவினர் ஒருவருக்க நடந்த விடயமாகக் கருதி மறைத்துக் கொள்ளவும்.

நபி (ஸல்) அவர்களின் இறுதி ஹஜ்  உரையில்,

'மக்கா நகரை புனிதமாகக் கருதுவது போல் உங்களில் ஒருவர் மற்றவரின் உயிரையும் பொருளையும் மானத்தையும் கருதுங்கள் என்று பெண்கள் குறித்து அல்லாஹ்வை அஞ்சிக் கொள்ளுங்கள் என்றும், அல்லாஹ்வின் அமானிதமாக அவர்களை அடைந்திருக்கிறீர்கள் என்றும், உங்கள் இறைவனை அதி விரைவில் நீங்கள் சந்திப்பீர்கள் என்றும், அவன் உங்கள் செயல்களைப் பற்றி உங்களிடம் விசாரனை செய்வான் என்றும் கூறினார்கள்.

உலகில் எந்த ஒரு அடியான் மற்றொரு அடியானின் குறைகளை மறைக்கின்றானோ கியாமத் நாளில் அவன் குறைகளை அல்லாஹுதஆலா மறைப்பான். (முஸ்லிம்)

முடியுமான மட்டும் மற்றவர்களுடைய  குறையை மறைக்க வேண்டும். அப்படி நாம் மற்றவர்களின் குறைகளை மறைத்தால், அல்லாஹ் மறுமை நாளில் கோடான கோடிப் பேர் முன்னிலையில் எமது குறைகளை மறைப்பான். 

இந்த விவரங்களை முதன் முதலில் மீடியாவில் பகிர்ந்தவருக்கு அத்தனை பேருடைய பாவங்களும் போய்ச் சேரும். கியாமத் நாள் வரை இதன் மூலம் செய்யப்படும் அத்தனை பேருடைய பாவங்களும் இவருடைய பட்டோலையில் பதியப்படும். எனவே அல்லாஹ்வைப் பயந்து கொள்ளுங்கள்.  ஒரு தகவலை நாம் மீடியாக்களில் பகிர்ந்து கொள்ள முன் ஒரு முறைக்கு பல முறை சிந்திக்க வேண்டும். இந்தச் செயல் எனது பதிவேட்டில் நண்மையை கொண்டு வருமா? தீமையை கொண்டு வருமா? கியாத்தில் மீஸானில் எந்த தட்டை இந்நச் செயல் பாரமாக்கும்? என்பதை சிந்தித்துப் பார்த்து செயல்பட வேண்டும்.                                                                                                                                                                            

இவ்வாறு சர்வசாதரணமாக குமர்களின் கர்ப்பைக் கலைத்து அணுபவித்து விட்டு நடு ஆற்றில் விட்டு ஓடிப்போய் விடுகிறார்கள். இவர்கள் எங்கே ஓடி ஒளியப் போகிறார்கள்? எங்கு ஓடினாலும் இறுதியில் அல்லாஹ்வின் பிடியிலிருந்து தப்ப முடியாது. மறுமையில் இவற்றுக்கு பதில் அளிக்காமல் ஒரு அடி கூட எடுத்து வைக்க முடியாது.

இந் நிகழ்விலிருந்து ஏனைய குமர்கள் படிப்பினை பெற வேண்டும். குடும்ப வாழ்வில் ஈடுபடும் போது அல்லாஹ்வும் நபி (ஸல்) அவர்களும் காட்டிய வரையறைக்குள் அமைத்துக் கொள்ள வேண்டும். எக்காரணத்தையொட்டியும் இவ்வாறான விடயங்களை வீடியோ எடுப்பதற்கோ போடோ பிடிப்பதற்கோ கணவனாக இருந்தாலும் அனுமதிக்கக் கூடாது. ஏனெனில் கணவன் மனைவிக்கிடையே பிரிவு வந்துவிட்டால் அல்லது இந்த படங்கள் கை நழுவி விட்டால் ஆபத்தானது.

அப்பாவிக் குமர்கள் ஏமாற்றப்படாமலிருக்க பெறறோர்களும் புத்திமதி சொல்லிக் கொடுப்பதுடன்  திருமணமனத்துக்கு முன்  குடும்ப வாழ்வு பற்றி குமர்களுக்கு ஆலோசனைகளை வழங்கும் வகுப்புகளை ஏனைய சமூக அமைப்புகள் ஏற்பாடு செய்ய வேண்டும். நாளுக்கு நாள் இளம் குமர்கள் விதவையாக்கப்படுவது வழக்கமாகி விட்டது. இவ்வாறான வாலிபர்களுக்கு   சட்ட ரீதியாகவும் சமூக ரீதியாகவும் ஊர் மட்டத்திலும் கடுமையான நடவடிக்கைகள் அவசரமாக எடுக்கப்பட வேண்டும்.

அந்த பாதிக்கப்பட்ட சகோதரிக்காக அனைவரும் பரிதாப்படுகின்றனர். அந்த சகோதரியும் அதிகமாக இஸ்திஃபார் எனும் பாவமன்னிப்புத் தேடவும், இது ஓரு சோதனை. அல்லாஹ்விடம் இது அழிந்து போகும்படி அழுது துஆ கேற்கவும். உண்மையான முறையில் அல்லாஹ்வை நெருங்கி அவனைப் பயப்பட்டு அவனிடமே கவலைகளை  ஒப்படைக்கவும், அல்லாஹ் ஒருபோதும் கைவிடமாட்டான். நாம் அனைவரும் அந்த சகோதரிக்கு ஒரு நல் வாழ்வு அமைய வேண்டும் என்றும் அந்த வாலிபனும் இன்னொரு பெண்னை சீரழிக்காமலிருக்க அவனுக்கும் ஹிதாயத் கிடைக்கும்படியும் பிரார்திப்போமாக!