பிளை துபாய் விமானத்தை சுட்டுவீழ்த்த தயாரான இஸ்ரேல்

கடந்த 30-ம் தேதி ஐக்கிய அரபு அமீரகத்தின் துபாயில் இருந்து இஸ்ரேலின் டெல் அவிவ் நகரை நோக்கி வந்த ‘ஃபிளை துபாய்’ விமானத்தை சுட்டு வீழ்த்த இஸ்ரேல் தயார் நிலையில் இருந்ததாக தகவல் வெளியாகி உள்ளது.

, இஸ்ரேல் விமானப்படையினர் ‘ஃபிளை துபாய்’ விமானத்துடன் தொடர்பு கொள்ள முயற்சித்துள்ளனர். இருப்பினும் அவர்களுக்கு பதில் ஏதும் கிடைக்கவில்லை. இதையடுத்து இஸ்ரேல் வான் பரப்பை மூடிய நிலையில், போர் விமானங்கள் வானில் பறந்தன. மேலும், அவசரகால அமைப்பும் செயல்படுத்தப்பட்டது. அந்த விமானம் டெல் அவிவ் நோக்கி வந்தால், பாதுகாப்பு கருதி அதனை சுட்டு வீழ்த்த தயார் நிலையில் இருந்ததாக தகவல் வெளியாகி உள்ளது.

அதனால் விமானம் கடத்தப்பட்டதா என்பதை அறியவும் இஸ்ரேல் விமான படையின் போர் விமானிகள் முயற்சித்ததாக தகவல். அதற்குள் அந்த விமானம் சவுதி அரேபியா நோக்கிச் சென்றுள்ளது. அதன் பின்னர் தங்கள் முயற்சியை இஸ்ரேல் படையினர் கைவிட்டுள்ளனர். அதன் பின்னர் ‘ஃபிளை துபாய்’ விமானம் சவுதி அரேபியாவில் தரையிறக்கப்பட்டது.

துபாயில் இருந்து இஸ்ரேலின் டெல் அவிவ் நகரை நோக்கி கடந்த 30-ம் தேதி காலை 180 பயணிகளுடன் ‘ஃபிளை துபாய்’ விமானம் புறப்பட்டது. இதில் 174 பயணிகளும், பைலட்டுகள் 2 பேர் உட்பட 6 ஊழியர்களும் பயணம் செய்தனர். இந்திய பைலட் ஸ்மித் மச்சார் (39) விமானத்தை இயக்கினார். ஓமன் நாட்டைச் சேர்ந்த துணை பைலட் உடன் இருந்தார்.