மைத்திரி + ரணில் தவிர எல்லா அரசியல்வாதிகளுக்கும் அழைப்பு விடுத்த தவ்ஹீத் ஜமாத்

கொழும்பில் நாளை (8) நடைபெறவுள்ள சிங்கள மொழி அல்குர்ஆன் வெளியீட்டுக்கு சகல அமைச்சர்களுக்கும் அழைப்பு விடுக்கப்பட்டுள்ளதாக தவ்ஹீத் ஜமாத் துணைச் செயலாளர் ரஸ்மின் மௌலவி கூறினார்.

இதில் அமைச்சர் சம்பிக்க ரணவக்க மற்றும் டாக்டர் ராஜித்த சேனாரத்னா ஆகியோர் தமது வருகையை உறுதிப்படுத்தியுள்ளனர். 

ஜனாதிபதி மைத்திரி மற்றும் பிரதமர் ரணில் விக்கிரமசிங்க ஆகியோரையும், தாம் நேரடியாக சந்தித்து அழைப்பு விடுக்க முயற்சி மேற்கொண்ட போதிலும் அது சாத்தியமாகவில்லை.

இருந்தபோதிலும் சகல சிங்கள, தமிழ் முஸ்லிம் அரசியல்வாதிகள், சிவில் சமூக பிரதிநிதிகள், புத்திஜீவிகள், மதகுருமார் உள்ளிட்ட பல்வேறு தரப்பினருக்கும் தென் இந்திய மார்க்க அறிஞர் பீ.ஜே. கலந்துகொள்ளும் சிங்கள மொழி அல்குர்ஆன் வெளியீட்டில் பங்குகொள்ளுமாறு தாம் அழைப்பு விடுத்துள்ளதாகவும் ரஸ்மின் மௌலவி மேலும் கூறினார்.