எவர் ஜனாதிபதி வேட்பாளராக நிறுத்தப்பட்டாலும், நிபந்தனையில் அடிப்படையிலேயே ஆதரவளிக்கப்படும் - முஸ்லிம் காங்கிரஸ்

எவர் ஜனாதிபதி வேட்பாளராக நிறுத்தப்பட்டாலும் அவர்களுக்கு நிபந்தனையில் அடிப்படையிலேயே ஆதரவளிக்கப்படுமென முஸ்லிம் காங்கிரஸ் அறிவித்துள்ளது.

இதுதொடர்பில் முஸ்லிம் காங்கிரஸின் செயலாளர் நாயகம் ஹசன் அலி ஜப்னா முஸ்லிம் இணையத்திற்கு தகவல் தரும்போது,

மிகவிரைவில் முஸ்லிம் காங்கிரஸ் ஏனைய கட்சிகளுடன் பேச்சுவார்த்தைகளை ஆரம்பிக்கவுள்ளது. இது ஜனாதிபதி தேர்தலை மாத்திரம் அடிப்படையாக கொண்டிருக்காது. பல்வேறு விடயங்கள் குறித்தும் பேசுவோம். குறிப்பாக முஸ்லிம் நலன் குறித்து பேசுவோம்.

முஸ்லிம்கள் நெருக்கடியை எதிர்நோக்கும், நிலையிலும், தேர்தல்கள் நடைபெறவுள்ள நிலையிலும் முஸ்லிம் காங்கிரஸிலிருந்து எவரும் பல்டி அடிக்கமாட்டார்கள் என நம்புகிறேன்.

எது எப்படியிருந்த போதிலும் ஜனாதிபதி தேர்தல் விரைவில் நடத்தப்படும் போது, அதுகுறித்து குறித்த கட்சிகளின் ஜனாதிபதி வேட்பளர்களுடனும் பேச்சு நடத்துவோம். முஸ்லிம்களின் நலகள் குறித்து பேசுவோம். எமக்கு நிறைய கசப்பான அனுபவங்கள் உண்டு. அதனால் நிச்சயமாக எந்த ஜனாதிபதி வேட்பாளருக்கும் நிபந்தனைகளின் அடிப்படையிலேயே ஆதரவு வழங்குவோம் எனவும் ஹசன் அலி மேலும் தெரிவித்தார்.