இலங்கை முஸ்லிம்கள், ஒரு தீய நோக்கத்தின் அடிப்படையில் வட்டமிடப்படுகின்றார்கள்..!

(மூத்த ஊடவியலாளர் Mohamed Naushad)

இலங்கையில் இஸ்லாமிய பயங்கரவாதத்தின் ஆபத்து தலைதூக்கி வருவதாக பாதுகாப்பு அமைச்சின் செயலாளர் தெரிவித்துள்ளார். அவருடைய எண்ணக்கருவின் கீழ் உதயமாகி வருடாந்தம் அரங்கேற்றப்பட்டு வரும் தேசிய பாதுகாப்பு செயலமர்வின் இறுதி நாள் நிகழ்வில் பேசும் போதுதான் அவர் இந்தக் கருத்தை முன்வைத்துள்ளார். 

இந்த தேசிய பாதுகாப்பு மாநாடு வருடாந்தம் கோடிக்கணக்கான அரச பணத்தை செலவிட்டு நடத்தப்படுகின்றது. யுத்தத்துக்குப் பிந்திய இந்த வருடாந்த அமர்வின் நோக்கம் என்னவென்பது தௌிவில்லை. ஆனால் கடந்த நான்கு வருடங்களாக இந்த அமர்வில் உரையாற்றி வரும் பாதுகாப்பு செயலாளர் இஸ்லாமிய பயங்கரவாதம் அதனோடு இலங்கை முஸ்லிம்களின் தொடர்பு என ஏதாவது ஒன்றை தவறாமல் சொல்லி வருகின்றார். அவரின் கடந்த கால இந்த மாநாட்டு உரைகளை நன்கு நினைவூட்டிப் பார்த்ததால் இது புரியும். 

இன்னும் ஒரு சில தினங்களிலோ அல்லது வாரங்களிலோ இந்திய புலனாய்வு பிரிவு இஸ்லாமிய பயங்கரவாதம் அதில் இலங்கை முஸ்லிம்களின் தொடர்பு என்பன பற்றி ஒரு புது கதையை கிளப்பி விட வாய்ப்புண்டு. கடந்த காலங்களிலும் இது நடந்துள்ளது. ஆனால் இலங்கை இராணுவப் பேச்சாளரை தொடர்பு கொண்டு கேட்டால் இது பற்று எந்த தகவலும் தேசிய புலனாய்வு பிரிவுக்கு கிடைக்கவில்லை என்பார். ஏன் இந்த முரண்பாடு. என்னதான் நடக்கின்றது? இலங்கை முஸ்லிம்கள் ஏதோ ஒரு தீய நோக்கத்தின் அடிப்படையில் வட்டமிடப்படுகின்றார்கள் என்பது மட்டும் தௌிவாகத் தெரிகின்றது. அது சரி சர்வதேச ரீதியாக பயங்கரவாதிகள் என பட்டியல் இடப்பட்டவர்கள் பற்றி ஏன் இன்னும் கவனம் செலுத்தப்படவில்லை?