கண்ணை மூடிக்கொண்டு அரசாங்கத்தின் அனைத்து நடவடிக்கைகளையும் ஆதரிக்க முடியாது - ஹசன் அலி

ஸ்ரீலங்கா முஸ்லிம் காங்கிரஸிற்கு தேசப் பற்று உண்டு என கட்சியின் பொதுச் செயலாளர் ஹசன் அலி தெரிவித்துள்ளார். எனினும், அரசாங்கத்தின் அனைத்து உத்தரவுகளையும் பின்பற்றப்போவதில்லை என அவர் குறிப்பிட்டுள்ளார். நாட்டுக்கு எதிராக எவ்வித நடவடிக்கைகளையம் எடுககவில்லை என அவர் தெரிவித்துள்ளார்.

கண்ணை மூடிக்கொண்டு அரசாங்கத்தின் அனைத்து நடவடிக்கைகளையும் ஆதரிக்க முடியாது எனவும் அது நடைமுறைச் சாத்தியமற்றது எனவும் அவர் குறிப்பிட்டுள்ளார். இஸ்லாமியர்களின் புனித நூலான குர்ஆனின் வழி நடப்பதாகவும், நாட்டுக்கு துரோகம் இழைக்கப் போவதில்லை எனவும்; அவர் தெரிவித்துள்ளார்.

எமது பக்க நியாயங்களை சரியான முறையில் வெளிப்படுத்த வேண்டிய அவசியம் காணப்படுவதாகக் குறிப்பிட்டுள்ளார்.சிறுபான்மை இனம் என்ற காரணத்தினால் துரோகி முத்திரை குத்தப்படுவது ஏற்றுக்கொள்ளக் கூடியதல்ல என அவர் சுட்டிக்காட்டியுள்ளார்.