மதுபோதையில் தனது வீட்டுக்கு தீ வைத்த பெண் கைது

அதிக குடிபோதையில் வந்து வீட்டுக்கு தீ வைத்து எரித்த பெண் ஒருவர் தங்கொட்டுவ பொலிஸார் கைது செய்யப்பட்டுள்ளார்.  தங்கொட்டுவ - தாமரகுளிய பகுதியில் நேற்று (02) இரவு 11 மணியளவில் இந்த சம்பவம் இடம்பெற்றுள்ளது. 

இந்த சம்பவம் குறித்து தங்கொட்டுவ - தாமரகுளிய பகுதியைச் சேர்ந்த 49 வயதுடைய ஜயசிங்க ஜேடிகே ரோஹன சந்திரலால் பொலிஸ் நிலையத்தில் முறைப்பாடு செய்துள்ளார். 

அதன்படி 48 வயதான பெண்ணை கைது செய்துள்ளதாக தங்கொட்டுவ பொலிஸார் குறிப்பிட்டனர்.  தங்கொட்டுவ பொலிஸார் மேலதிக விசாரணைகளை மேற்கொண்டு வருகின்றனர்.