திவிநெகுமே சட்டத்திற்கு ஆதரவளித்தமை குறித்து முஸ்லிம் காங்கிரஸின் விளக்கம்..!

திவிநெகுமே சட்டத்திற்கு முஸ்லிம் காங்கிரஸ் 14 திருத்தங்களை முஸ்லிம் காங்கிரஸ் சமர்ப்பித்ததாகவும், அவற்றை நடைமுறைப்படுத்த பொருளாதார அபிவிருத்திய அமைச்சர் பஸில் ராஜபக்ஸ உறுதியளித்துள்ளதாகவும் முஸ்லிம் காங்கிரஸ் செயலாளர் ஹசன் அலி தெரிவித்தார்.

இதுகுறித்து யாழ் முஸ்லிம் முஸ்லிம் இணையத்திற்கு விளக்கம் வழங்கிய ஹசன் அலி மேலும் குறிப்பிட்டதாவது,

திவிநெகுமே சட்டமூலம் தொடர்பில் முஸ்லிம் காங்கிரஸ் அரசாங்கத் தரப்புடன் முக்கிய பேச்சுக்களில் ஈடுபட்டது. நேற்று திங்கட்கிழமை இரவும் நாம் பஷில் ராஜபக்ஸவை சந்தித்தோம். இதன்போது நாம் 14 திருத்தங்களை அவரிடம் கையளித்தோம் அந்த திருத்தங்களை அவர் ஏற்றுக்கொண்டார். எமது திருத்தங்களை திவிநெகுமே சட்டத்தில் உள்ளீர்ப்பதாகவும் வாக்குறுதி வழங்கிளார்.

இதையடுத்து நேற்று நள்ளிரவு வரை தொடர்ந்த முஸ்லிம் காங்கிரஸின் உயர்பீட கூட்டத்தில் திவிநெகுமே சட்டத்திற்கு சட்டத்திற்கு ஆதரவளிப்பதென நாங்கள் தீர்மானித்தோம். முஸ்லிம் காங்கிரஸ் 8 எம்.பி.க்கள் மாத்திரம் எதிர்த்து நின்றிருந்தாலும் இந்த சட்டம் நிறைவேறியிருக்கும். இப்போது சட்டம் நிறைவேற்றப்பட்டுள்ளது. எமது ஆலோசனைகளும் ஏற்றுக்கொள்ளப்பட்டுள்ளது.

பாராளுமன்றத்தில் இன்று செவ்வாய்கிழமை உரையாற்றிய அமைச்சர் பஸில் ராஜபக்ஸகூட திவிநெகுமே சட்டத்திற்கு ஆரோக்கியமான ஆலோசனைகளை முன்வைத்த கட்சி முஸ்லிம் காங்கிரஸ் மாத்திரம்தான என பாராட்டினார்.

எதிர்வரும் காலங்களில் திவிநெகுமே சட்டத்தின் மூலம் ஏற்படும் பலாபலன்கள் முஸ்லிம் சமூகத்திற்கும் சாதகமாக அமையும். அவ்வாறான திருத்தங்களைத்தான் முஸ்லிம் காங்கிரஸ் முன்வைத்துள்ளது எனவும் ஹசன் அலி மேலும் குறிப்பிட்டார்.