துருக்கி - குர்தீஷ்தான் மோதல் - 30 பேர் மரணம்

 

துருக்கியின் பாதுகாப்புப்படையினர் மீது குர்தீஷ் இனத்தவர்கள் நடத்திய தாக்குதலில் 30 பேர் பலியாயினர்.

 

துருக்கியின் தென்கிழக்கே, ஈராக்கை ஒட்டியுள்ள பகுதிகளில் குர்தீஷ் இனத்தவர்கள் வசித்து வருகின்றனர். இவர்கள் துருக்கி நாட்டிற்கு எதிராக ‌உள்நாட்டு போரினை நடத்தி வருகின்றனர். நேற்று சிமாக் மாகாணத்தில் குர்திஷ் தொழிலாளர்கள் கட்சியைச் சேர்ந்தவர்கள் பயங்கர ஆயுதங்கள் மற்றும் ராக்கெட் லாஞ்சர்கள் மூலம் பாதுகாப்புப்படையினர் மீது திடீர் தாக்குதல் நடத்தினர்.இதற்கு துருக்கி பாதுகாப்புப்படையினரும் பதில் தாக்குதல் நடத்தினர்.இந்த தாக்குதலில் 10 வீரர்கள் கொல்லப்பட்டனர். மீதம் எதிர்படையினர் என 30 பேர் கொல்லப்பட்டதாக தகவல்கள் தெரிவிக்கின்றன.

 

இதற்கு துருக்கி பிரதமர் ரீசெப் தைப்பி ஈர்டோஜன் கண்டனம் தெரிவித்துள்ளார். சிரிய கிளர்ச்சியாளர்கள் துணையுடன் இத்தாக்குதல் நடந்துள்ளது. தேவைப்பட்டால் ராணுவ நடவடிக்கை எடுக்கப்படும் எனவும் எச்சரித்தார்.