நைஜீரியாவில் கிறிஸ்த்தவ ஆலயங்கள் மீது தற்கொலை தாக்குதல் - 75 பேர் பலி

நைஜீரியாவில் சர்ச்கள் மீது  நடத்திய 3 தற்கொலைப்படை தாக்குதல்களில் 75 பேர் பலியாயினர். மேலும் 120 பேர் காயம் அடைந்துள்ளனர். கடுனா, சரியா போன்ற பகுதிகளில் அமைந்துள்ள சர்ச்கள் மீது சிறிய இடைவெளிகளிகளில் அடுத்தடுத்து இத்தாக்குதல்கள் நடத்தப்பட்டுள்ளன.

போகோ ஹரம் என்னும் இஸ்லாமிய இயக்கம் இத்தாக்குதலுக்குப் பொறுப்பேற்றுள்ளது. இதுபற்றி பேசிய போகோ ஹரம் இயக்கத்தின் செய்தித் தொடர்பாளர் அபு காகா, ‘கடுனா, சரியா பகுதிகளின் கிறிஸ்தவ சர்ச்களுக்கு எதிராக அல்லாஹ் எங்களுக்கு இன்று சிறந்த வெற்றியைக் கொடுத்துள்ளார்’ என்று கூறியுள்ளார்.

தனி இஸ்லாமிய மாநிலம் கோரி போகோ ஹரம் இயக்கத்தினர் நைஜீரியாவின் பொது இடங்களிலும், சர்ச்களிலும் சமீபகாலமாக தாக்குதல்களை நடத்தி வருகின்றனர். தனி மாநிலம் ஏற்படுத்தித் தராத காரணத்துக்காக பல அரசியல்வாதிகள் மற்றும் முஸ்லிம் மத தலைவர்களை போகோ ஹரம் இயக்கத்தினர் கொன்றுள்ளனர்.