பல்கலைக்கழகங்களில் காதலிக்கும் பெண்களுக்கு கன்னித் தன்மை சோதனை..?

பல்கலைக்கழகங்களில் காதலிப்பதும் தற்போது ஒழுக்க விரோத செயற்படாக மாற்றப்பட்டுள்ளது எனவும் காதலித்தால் பெண்ணின் கன்னித் தன்மை சோதனை செய்யப்படுவதாக அனைத்து பல்கலைக்கழக மாணவர் ஒன்றியத்தின் ஏற்பாட்டாளர்  சஞ்சீவ பண்டார தெரிவித்துள்ளார்.

பல்கலைக்கழங்கள் என்பது ஆசிரியர் பயிற்சி கலாசாலைகள் இல்லை.  அவை மாணவர்கள் கேந்திர கல்வி நிறுவனங்கள்.  இதனால் மாணவர்களை பலவந்தமாக விரிவுரைகளில் கலந்துக்கொள்ள செய்யக் கூடாது. மாணவர்கள் தேவையான அறிவை தேடுவதற்காக வழிகாட்டப்பட வேண்டும் எனவும் அவர் கூறியுள்ளார்.

விரிவுரைகளில் 80 வீதம் கலந்துக்கொள்ளாத மாணவர்கள் மற்றும் ஒழுக்கமின்றி செயற்படும் மாணவர்களுக்கு மாபொல புலமைப்பரிசில் வழங்கப்பட மாட்டாது என உயர்க்கல்வி அமைச்சு அறிவித்துள்ளமை தொடர்பாக கருத்து வெளியிடும் போதே சஞ்சீவ பண்டார இதனை குறிப்பிட்டுள்ளார் gtn.