நிகாபில் உள்ள நலவுகளைத் தெளிவுபடுத்திய, கார்டியன் பத்திரிகையின் கள ஆய்வு

கொரொனாவுக்காக தொடர்ந்து முகக் கவசம் மாஸ்க் அணிந்த பின் மற்றவர்களிடம் தமது முக அடையாளத்தை மறைப்பதிலுள்ள நலவுகளை முஸ்லிமல்லாத பலர் உறுதிப்படுத்தியுள்ளனர். இதனால் மாஸ்க் அணிவது கட்டாயப்படுத்தப்படாத சந்தரப்பத்திலும் கூட அதனை அணிய முடிவெடுத்துள்ளனர் பல முஸ்லிமல்லாதவர்கள்.

இதன் விபரத்தை கீழ்வரும் லிங்கில் காணலாம்.

https://www.theguardian.com/us-news/2021/may/10/the-people-who-want-to-keep-masking-its-like-an-invisibility-cloak

அதில் காணப்படும் சில விடயங்களின் சுருக்கமான மொழிபெயர்ப்பு இங்கு வழங்கப்படுகின்றது. 

தடுப்பூசி பெற்றுக்கொண்ட 46 வயதான பேராசிரியர் பிரான்செஸ்கா, முகமூடியைக் கைவிடத் திட்டமிடவில்லை, தற்போது தான் இது ஒரு வகையான “கண்ணுக்குத் தெரியாத ஆடை” என உணர்வதாகக் குறிப்பிடுகின்றார். 

மேலும் “என்னைச் சுற்றிலும் என்னைப் பார்க்க வேண்டாம் எனக் கூறும் ஒரு சக்தி இருப்பது போன்ற, உணர்வைத் தருகின்றது.” எனவும் தெரிவித்தார்.

சிலர் - குறிப்பாக சில பெண்கள் - எங்கள் மாற்றப்பட்ட யதார்த்தத்தின் சக்திவாய்ந்த அடையாளமாக விளங்கும் சீலைத் துண்டை விட்டுக்கொடுக்க தயங்குகிறார்கள்,

சிலர் கார்டியனிடம் தங்கள் முகமூடிகளை பொதுவில் அணிய விரும்புகிறார்கள் என்று கூறினர். இதற்கும் அறிவியல் சார்பு அல்லது அறிவியல் எதிர்ப்பு, தாராளவாதம் அல்லது பழமைவாதம் ஆகிய எதற்கும் எந்த தொடர்பும் இல்லை என்று அவர்கள் கூறினர். அதற்கு பதிலாக, வைரஸ்களைக் காட்டிலும் அதிக பாதிப்புள்ள, பிற நபர்களின் ஆக்ரோஷமான அல்லது விரும்பத்தகாத கவனம் போன்றவைகளே இதற்குக் காரணமாகும் என்றனர்.

சிகாகோவிற்கு வெளியே ஒரு புத்தகக் கடையில் பணிபுரியும் 25 வயதான பெக்கா மார்ஷல்லா, “வாடிக்கையாளர்கள் எங்கள் முகங்களைப் பார்க்கக் கூடாது என்பது எனது சக ஊழியர்களிடையே பொதுவான ஒருமித்த கருத்தாகும். “ஒரு வாடிக்கையாளர் முரட்டுத்தனமாக நடந்து கொள்ளும்போது, நான் கோபப்படுவதற்கோ அல்லது ‘முகத்தை சுழிப்பதற்கோ’அனுமதிக்கப்படுவதில்லை, ஏனெனில் அது அவர்களைத் தூண்டும். ஆனால் முகமூடியுடன், நான் அவர்களைப் பார்த்து புன்னகைக்க வேண்டியதில்லை அல்லது சாதாரணமாக முகத்தை வைத்திருப்பதைப் பற்றிக் கவலைப்பட வேண்டியதில்லை. ”

லாஸ் ஏஞ்சல்ஸில் வசிக்கும் 44 வயதான திரைக்கதை எழுத்தாளர் அமி, தடுப்பூசி போடப்பட்ட பிறகும் பொது முகமூடியை அணிந்துகொள்வது தனக்கு ஒரு வகையான “உணர்ச்சி சுதந்திரத்தை” தருகிறது என்று கூறினார். "நான்‘ நட்பு ’மற்றும்‘ விரும்பத்தக்கவன் ’என்பதை அனைவருக்கும் தெரிவிக்க அவர்களைப் பார்த்து சிரிக்க வேண்டும் என்ற அழுத்தத்தை நான் உணர விரும்பவில்லை,” என்று அவர் கூறினார்.”

நியூ ஜெர்சியில் 75 வயதான ஓய்வுபெற்ற ஆராய்ச்சியாளரான பாப் ஹால், "யுனைடெட் ஸ்டேட்ஸில் மகிழ்ச்சியாக தோன்றுவதற்கு நான் சிரித்த முகத்துடன் இருக்க வேண்டும் என்ற வற்புறுத்தல் மிகவும் எரிச்சலூட்டுகின்றது,” "முகமூடி என்னை இதிலிருந்து விடுவிக்கிறது." என்று கூறினார். 

ஜார்ஜியாவின் அட்லாண்டாவுக்கு அருகில் வசிக்கும் 46 வயதான எலிசபெத், எனக்குள்ள சமூகக் கவலைக்கு பல வருடங்களாக  எந்த சிகிச்சையோ மருந்துகளோ வழங்காத பலனை முகமூடி எனக்கு வழங்கியுள்ளது: வெளி இடங்களில் இருக்கும்போது முகமூடி வசதியாக இருக்க வழிகோலுகின்றது என்பதுடன் "நான் குட்டையாகவும் பருமனாகவும் உள்ளேன் இதனால் நான் கேலி செய்யப்படுவதாக உணர்கின்றேன். முகமூடியைப் போன்று வேறு எதுவும் இவ்வாறான பாதிப்பு உணர்விலிருந்து என்னைக் காப்பாற்றவில்லை." எனவும் கூறினார்.

"அட்லாண்டா கொலைகளின் இரவு, நான் மற்றொரு ஆசிய அமெரிக்க நண்பருடன் குறுந்தகவல் அனுப்பிக்கொண்டிருந்தேன், அவள் வெளியே செல்வதற்கு முன்பு சன்கிளாசஸ் மற்றும் முகமூடியை அணிவதாகவும் அதனால் அவள் கண்களையோ மூக்கையோ பார்த்து, அவள் ஆசியர் என யாராலும் யூகிக்க முடியாது எனக் கூறினாள்" என்று தெரிவித்ததாக கூறினார் சியாட்டிலில் வசிக்கும் ஜேன் சி ஹு என்ற 34 வயது அறிவியல் பத்திரிகையாளர். 

மேலும் "என் முகத்தை யாரும் பார்க்க முடியாதபோது நான் நிச்சயமாக ஒரு பாதுகாப்பு உணர்வை உணர்கிறேன்." என்றும் கூறினார்.

முஸ்லிம் பெண்கள் அணியும் முகத்திரையைப் பற்றி பல்லாண்டுகளாக  பல்வேறு நாடுகள் விவாதித்தது மாத்திரமின்றி அணியவும் தடை விதித்துள்ளனர் மற்றும் தலை முக்காடை மாத்திரம் அணியும் முஸ்லிம் பெண்கள் அதிகமான பாகுபாட்டை எதிர்கொள்கின்றனர். சில முஸ்லீம் பெண்கள், ஆராய்ச்சியாளர் அன்னா பைலாவிடம், தொற்றுநோய் காலமானது தாங்கள் முன்பு அணிய விரும்பிய முகத்திரையை (அதாவது முழு புர்கா) அணிவதை அனுமதித்ததனால்  அதிகமான சௌகரியத்தை தாங்கள் உணர்வதாக  கூறினர்.

கன்னத்தை மறைக்கும் கறுப்பு மாஸ்க் மற்றும் கண்களுக்குக் கீழ் வீக்கங்களை மறைக்கும் சன்கிளாஸை அணிந்து பொது வெளியில் செல்வது தான் கண்காணிக்கப்படுகின்றோம் என்ற உணர்விலிருந்து தப்பிக்க உதவுதாகத் தெரிவித்தார் மில்லர் என்ற பெண்மணி.

குறிப்பு

குர்ஆன், சுன்னா, இஸ்லாமிய அறிஞர்களின் கூற்றுக்கள் ஆகியவற்றைப் பார்த்த பின்பும் முஸ்லிம் பெண்களின் முகத்திரையில் காணப்படும் பல்வேறு நலவுகளைப் புரிந்து கொள்ளாதோருக்கே இப்பதிவு சமர்ப்பணம்.

பிரதி: அபூ ஸஃத்