கொடிய கொரோனாவுக்கு குடும்பத்தில் 6 பேரை இழந்துவிட்டோம், மருத்துவர்களாகிய நாம் எதுவும் செய்ய முடியாதுள்ளோம்

தங்கள் ஆறு உறவினர்களை இழந்துள்ளதாக தெரிவித்துள்ள பிரிட்டனில் வசிக்கும் இந்திய தம்பதியினர் தாங்கள் எதுவும் செய்ய முடியாத நிலையில் உள்ளதாக தெரிவித்துள்ளனர்.

நானும், எனது கணவர் சமீமும் இந்தியாவில் உள்ள உறவினர்களிற்கு, உதவ முயல்கின்றோம், ஆனால் அங்கு நிலைமை கட்டுப்படுத்த முடியாத அளவிற்கு சென்றுவிட்டது என கருதுகின்றோம்என அப்ஷான் ஹக்  தெரிவித்துள்ளார்.

எங்கள் குடும்பங்களை சேர்ந்த இருவர் ஒரே நாளில் கொரோனாவால் உயிரிழந்தனர்  என தெரிவித்துள்ள அவர் இந்தியாவில் காணப்படும் நெருக்கடி குறித்து அதிர்ச்சியடைந்துள்ளோம் எனவும் குறிப்பிட்டுள்ளார்.

நாங்கள் மருத்துவர்கள் பலர் உள்ள குடும்பத்தை சேர்ந்தவர்கள் என அவர்தெரிவித்துள்ளார்.

உறவினர்கள் உதவி செய்யுமாறு வேண்டுகோள் விடுக்கும்போது, எதுவும் செய்ய முடியாத நிலையில் எனது கணவர் உள்ளதை   உணர்கின்றேன் என அவர் குறிப்பிட்டுள்ளார் 

வரணாசியிலும் ஹைதராபாத்திலும் உள்ள உறவினர்கள் காலையில் ஒக்சிசன் சிலிண்டரை தேடி செல்கின்றனர் பல மணிநேரங்களின் பின்னர் ஒரு சிலிண்டருடன் வீடு வந்து சேருகின்றனர் என அவர் தெரிவித்துள்ளார்.

எங்கள் கூட்டு குடும்பத்தை சேர்ந்த ஆறு பேரை இழந்துவிட்டோம் ஒரேநாளில் இருவரை இழந்துவிட்டோம் இது எங்கள் கூட்டு குடும்பத்தை பாதித்துள்ளது என அவர் தெரிவிக்கின்றார்.

அவர்கள் ஒருவரை புதைத்துவிட்டு வந்து பின்னர் மற்றைய நபரை புதைப்பதற்கு கொண்டு செல்கின்றனர் என

இது மூன்று நாட்களில் நடந்துள்ளது மிகவும் அதிர்ச்சியளிக்கின்றது என அவர் தெரிவித்துள்ளார்.

நான் இந்தியாவில் பெரும் அவலத்தில் சிக்கியுள்ள உறவுகளிற்காக பிரார்த்தனை செய்கின்றேன்  சர்வதேச சமூகம் நிலைமையை கட்டுப்பாட்டின் கீழ் கொண்டுவரும் என கருதுகின்றேன் எனவும் அவர் தெரிவித்துள்ளார். Thinakkural