இஸ்ரேலுக்கும் UAE க்கும் சமாதானத்தை ஏற்படுத்தினாராம்..! - நோபல் பரிசுக்கு டிரம்ப் பரிந்துரை

இஸ்ரேலுக்கும் ஐக்கிய அரபு எமிரேட்ஸுக்கும் இடையில் சமாதானத்தை ஏற்படுத்துவதற்கான முயற்சிகளை முன்னெடுத்தமைக்காக டொனால்ட் டிரம்ப் 2021 சமாதானத்துக்கான நோபல் பரிசுக்கு பரிந்துரைக்கப்பட்டுள்ளார்.

அமெரிக்க ஜனாதிபதி டொனால்ட் ட்ரம்பின் பெயரை நோர்வே பாராளுமன்ற உறுப்பினர் கிறிஸ்டியன் டைப்ரிங்-கெஜெட் முன்வைத்துள்ளார்.

ஏனைய சமாதான நோபல் பரிசு வேட்பாளர்களை விட ட்ரம்ப், நாடுகளுக்கிடையே சமாதானத்தை உருவாக்க அதிக முயற்சிகளை முன்னெடுத்துள்ளதாகவும், அவரை பாராட்டுவதாகவும் கிறிஸ்டியன் டைப்ரிங்-கெஜெட் கூறியுள்ளார்.

இஸ்ரேலுக்கும் ஐக்கிய அரபு எமிரேட்ஸுக்கும் இடையிலான உறவை இயல்பாக்கும் ஒரு மத்திய கிழக்கு ஒப்பந்தத்தில் செப்டம்பர் 15 ஆம் திகதி டிரம்ப் கையெழுத்திடுவார் என்று‍ வெள்ளை மாளிகை அதிகாரிகள் அறிவித்துள்ளமையும் குறிப்பிடத்தக்கது.