"முஸ்லிம்கள் தொடர்பில் ஐ.தே.க. வின் இனவாத முகம் அம்பலம்"

கடந்த அரசாங்கம் முஸ்லிம்களுக்கு, தமிழர்களுக்கு நன்மை செய்ததாக கருதிக் கொண்டிருந்தவர்களுக்கு பொன்சேகா தெரிவித்த கருத்து முஸ்லிம்கள் தொடர்பில் ஐ.தே.க. வின் இனவாத சொரூபத்தை வெளிப்படுத்தியுள்ளதாக பொதுஜன பெரமுன தெரிவித்துள்ளது.

இது தொடர்பாக இராஜாங்க அமைச்சர் செஹான் சேமசிங்க மேலும் தெரிவிக்கையில்

அண்மையில் நாடாளுமன்றில் உரையாற்றிய பீல்ட் மார்ஷலின் உரையால் ஐக்கிய தேசிய கட்சி அரசாங்கம் தமிழ் -முஸ்லிம் மக்களுடன் கொண்டிருந்த உறவு என்னவென்பதை வெளிப்படுத்தியுள்ளது.

ஜனாதிபதி கோட்டாபயவுக்கு அவர் எதிர்பார்த்ததைப்போல் தமிழ்,முஸ்லிம் மக்கள் ஆதரவை தெரிவிக்கவில்லை.எனினும் அவர் தனது முதல் உரையிலேயே தான் நாட்டின் அனைத்து மக்களுக்கும் ஜனாதிபதி என்பதை வலியுறத்தி தெரிவித்தார்.

எனவே அவர் பதவிகள் வழங்கும் போது இனம், மதத்தைப் பார்ப்பதில்லை. தகுதியையும், திறமையையுமே பார்க்கின்றார்.

அவரின் நிலைப்பாடு இப்படியிருக்கையில் ஐக்கிய தேசியக் கட்சியின் நிலைப்பாடு இவ்வாறு காணப்படுகின்றது. இந்த நிலை தெளிவாக தெரிந்த பின்னரும் தமிழ், முஸ்லிம் மக்கள் சிந்திக்க வேண்டியுள்ளதாகவும் இராஜாங்க அமைச்சர் மேலும் தெரிவித்துள்ளார்.