January 13, 2020

ஐதேக தலைமைத்துவத்தை தீர்மானிக்க, இரகசிய வாக்கெடுப்பு - லக்ஸ்மன் கிரி­யெல்ல

(ஆர்.யசி)

ஐக்­கிய தேசிய கட்­சியின் தலை­மைத்­துவம் குறித்து கட்­சிக்குள் பல­வித மாறு­பட்ட கருத்­துக்கள் நில­வு­கின்ற நிலையில் கட்­சியின் தலை­மைத்­துவ மாற்றம் குறித்து எதிர்­வரும் வியா­ழக்­கி­ழமை இறுதித் தீர்­மானம் ஒன்­றினை எட்ட முயற்­சிப்­ப­தாகவும்  தீர்­மானம் எட்­டப்­ப­டா­விட்டால் இர­க­சிய வாக்­கெ­டுப்பு நடத்­தப்­படும் எனவும் ஐக்­கிய தேசிய கட்­சியின் பாரா­ளு­மன்ற உறுப்­பினர் லக்ஸ்மன் கிரி­யெல்ல தெரி­வித்தார்.

ஐக்­கிய தேசிய கட்­சியின் தலை­மைத்­துவ தீர்­மா­னங்கள் குறித்து வின­விய போதே அவர் இதனைக் கூறினார்.

இது குறித்து அவர் மேலும்  குறிப்­பி­டு­கையில்,

ஐக்­கிய தேசிய கட்­சிக்குள் தலை­மைத்­துவ மாற்றம் குறித்து கருத்­துக்கள் முன்­வைக்­கப்­பட்டு வரு­கின்­றன. எதிர்க்­கட்சி தலைவர் சஜித் பிரே­ம­தா­சவை கட்­சியின் தலை­வ­ராக்க வேண்டும் எனவும் பிர­தமர் வேட்­பா­ள­ராக அவ­ரையே கள­மி­றக்க வேண்டும் எனவும் கட்­சிக்குள் ஒரு சாரார் கூறி வரு­கின்­றனர். எனினும் மல்­வத்து அஸ்­கி­ரிய பீடங்கள் மற்றும் அம­ர­புர நிகா­ய­வினர் கரு ஜெய­சூ­ரி­யவை தலை­வ­ராக்க வேண்டும், பெளத்த சிங்­கள வாக்­கு­களை பலப்­ப­டுத்த வேண்டும் என்ற கருத்­துக்­க­ளையும் ஆலோ­ச­னை­க­ளையும் வழங்­கி­யுள்­ளனர்.  

எனவே எதிர்­வரும்  16 ஆம் திகதி மீண்டும் கட்­சிக்குள் பேச்­சு­வார்த்தை நடத்­தப்­படும், அதில் இறுதி தீர்­மானம் ஒன்­றினை எடுக்க வேண்டும் என்றே அனை­வரும் கூறு­கின்­றனர். ஆகவே  16 ஆம் திகதி இறுதித் தீர்­மானம் எட்­டப்­படும் என நாமும் எதிர்­பார்க்­கின்றோம். அவ்­வாறு முடி­யாமல் போனால் இர­க­சிய வாக்­கெ­டுப்பு ஒன்­றினை நடத்தி தலை­மைத்­துவம் குறித்து தீர்­மானம் ஒன்­றினை எட்ட முடியும். தற்­போ­தைய தலைவர் ரணில் விக்­கி­ர­ம­சிங்க, சபா­நா­யகர் கரு ஜெய­சூ­ரிய மற்றும் எதிர்க்­கட்சி தலைவர் சஜித் பிரே­ம­தாச ஆகிய மூவரில் யார் தலைவர் என்­பதை இர­க­சிய வாக்­கெ­டுப்பு மூல­மா­கவும் தீர்­மா­னிக்க முடியும்.

அது­மட்டும் அல்ல கடந்த ஜனா­தி­பதி தேர்­தலில் நாம் தோல்­வியை சந்­திக்க  கட்­சிக்குள் சிலரும் முன்னாள் ஜனா­தி­பதி மைத்­தி­ரி­பால சிறிசேன போன்றவர்களுமே காரணமாகும். ஆகவே இனியும் கட்சியை நாம் பலவீனப்படுத்த தயாராக இல்லை. கட்சிக்குள் உள்ள முரண்பாடுகளை விரைவில் தீர்த்து தேர்தலுக்கு முகங்கொடுப்போம்  என்றார். 

0 கருத்துரைகள்:

Post a Comment