January 22, 2020

ஜனநாயகம் நிலவும் நாடுகளின் பட்டியலில், இலங்கைக்கு 69 ஆவது இடம்

ஜனநாயகத்துக்கு முன்னணி அளிக்கப்படும் நாடுகளின் பட்டியலில் இலங்கை 69 ஆவது இடத்தில் உள்ளதாக இங்கிலாந்தில் உள்ள 'Economist Group' மேற்கொண்ட ஆய்வில் வெளிப்படுத்தப்பட்டுள்ளது.

ஜனநாயகத்துக்கு முன்னணி அளிக்கப்படும் 167 நாடுகளை வைத்து 2019 ஆம் ஆண்டு மேற்கொண்ட ஆய்விலேயே இலங்கையானது பத்துக்கு 6.27 புள்ளிகளுடன் 69 ஆவது இடத்தில் இடத்தை பிடித்துள்ளது.

இலங்கையானது கடந்த 2006 ஆம் ஆண்டு 6.58 புள்ளிகளையும், 2008 இல் 6.61 புள்ளிகளையும், 2010 இல் 6.64 புள்ளிகளையும், 2011 இல் 6.58 புள்ளிகளையும், 2012 இல் 5.75 புள்ளிகளையும், 2013 இல் 5.69 புள்ளிகளையும், 2014 இல் 5.69 புள்ளிகளையும், 2015 இல் 6.42 புள்ளிகளையும், 2016 இல் 6.48 புள்ளிகளையும், 2017 இல் 6.48 புள்ளிகளையும், 2018 இல் 6.19 புள்ளிகளையும் பெற்றிருந்தது.

இந் நிலையில் இப் பட்டியலில் நோர்வோ (9.87) முதல் இடத்திலும், ஐஸ்லாந்து (9.58) இரண்டாம் இடத்திலும், சுவீடன் (9.39) மூன்றாம் இடத்திலும், நியூஸிலாந்து (9.26) நான்காம் இடத்திலும், பின்லாந்து (9.25) ஐந்தாம் இடத்திலும், அயர்லாந்து (9.24) ஆறாவது இடத்திலும், டென்மார்க் (9.22) ஏழாவது இடத்திலும், கனடா (9.22) எட்டாம் இடத்திலும், அவுஸ்திரேலியா (9.09) ஒன்பதாம் இடத்திலும், சுவிட்ஸர்லாந்து (9.03) பத்தாம் இடத்திலும் உள்ளது.

இதேவேளை இந்தப் பட்டியலில் வடகொரியா (1.08) 167 ஆவது இடத்திலும், கொங்கோ (1.13) 166 ஆவது இடத்திலும், மத்திய ஆப்பிரிக்க குடியரசு (1.32) 165 ஆவது இடத்திலும், சிரியா (1.43) 164 ஆவது இடத்திலும், சாட் (1.61) 163 ஆவது இடத்திலும், துருக்மெனிஸ்தான் (1.72) 162 ஆவது இடத்திலும், எக்குவடோரியஸ்சினி (1.92) 161 ஆவது இடத்திலும், தஜிகிஸ்தான் (193) 160 ஆவது இடத்திலும், சவுதி அரேபியா (1.93) 159 ஆவது இடத்திலும் உள்ளமை குறிப்பிடத்கதக்கது.

0 கருத்துரைகள்:

Post a Comment