இஸ்லாமிய மாநாட்டை இலங்கையில், நடத்தக் கூடாது - முஸ்லிம் வாக்குகளுக்கு ஆசைப்பட வேண்டாம்

சர்வதேச இஸ்லாமிய மாநாட்டை இலங்கையில் நடத்துவதற்கு அனுமதி வழங்கக் கூடாது என பொதுபல சேனா அமைப்பின் பொதுச் செயலாளர் கலகொட அத்தே ஞானசார தேரர் தெரிவித்துள்ளார்.

கொழும்பில் நடைபெற்ற ஊடகவியலாளர் சந்திப்பில் கலந்து கொண்டு கருத்துத் தெரிவிக்கையிலேயே அவர் இந்த விடயத்தை குறிப்பிட்டுள்ளார்.

மேலும் கூறுகையில்,

சர்வதேச இஸ்லாமிய மாநாட்டை இலங்கையில் நடத்துவதற்கு அனுமதி வழங்கக் கூடாது. சவுதிக்கு வேண்டியவாறு இந்த நாடு செயற்படத் தேவையில்லை.

சவுதியின் செல்வாக்குக்கு உட்பட்டு இந்த நாடு சர்வதேச இஸ்லாமிய மாநாட்டை இலங்கையில் நடத்த தீர்மானத்தை எடுப்பதையிட்டு நாம் வெட்கப்பட வேண்டும்.

முஸ்லிம்களின் வாக்குகளுக்கு ஆசைப்பட்டு செயற்பட வேண்டாம் என இந்த நாட்டின் அரசியல் தலைவர்களிடம் நான் கேட்டுக் கொள்கிறேன் என கூறியுள்ளார்.