வெசாக் கொண்டாட்டங்களில் பங்கொடுக்கும் முஸ்லீம்கள் பற்றி காரசாரமான விமர்சனங்களாலும், பத்வாக்களாலும் நிரம்பிவழிகின்றது பேஸ்புக்

அவர்களை விட்டுவிடுங்கள்;அவர்கள் அப்பாவிகள். அவர்களுக்கு வரையறை தெரியாது. எவை வணக்க வழிபாடாக கருதப்படக்கூடியவை, எவை பாரம்பரிய கலாசார வழக்காறுகள், எவை சாதாரண கொண்டாட்டங்கள் என்பது பற்றிய தெளிவில்லாதவர்கள். தமது சமூகத்தின்மீது விழுந்திருக்கும் கரையை நீக்க, தமது நல்லிணக்கத்தை வெளிக்காட்ட ஒரு சந்தர்ப்பமாக இதை எடுத்திருக்கிறார்கள்.

ஆனால் பல்லின சமூக அமைப்பில் சகோதர இனத்தவர்களின் சமயம்சார்,கலாசாரம்சார் விவகாரங்களின் பங்கெடுப்பதன் வரையரை குறித்த தெளிவை வழங்காத மார்க்கத் தலைமைகளைத்தான் நாம் கேள்வி கேட்க வேண்டும்.

சாதாரணமாக ஒருவரை வரவேற்க கைகூப்பி வணக்கம் வைப்பதற்கும், வணங்குவதற்கும் இடையிலான வித்தியாசத்தைக்கூட புரியாமல், விருந்தோம்பலைக்காட்ட வழங்கப்படும் தன்சலையும், கடவுளுக்கு படைத்து வழிபடும் ஆகாரங்களையும் வேறுபடுத்திப்பார்க்கத் தெரியாமல் எல்லாமே ஷிர்க், பித்அத், ஹராம், நரகம் என்று பயமுறுத்திவந்த மெளலவிமாரை கேளுங்கள்

முஸ்லீம் அல்லாத எல்லோரும் "காபிர்கள்" என்றும் அவர்களோடு நட்பு பாராட்டுவது வெறுக்கத்தக்க செயலாக தொடர்ந்து பிரச்சாரம் செய்து வெறுப்பை விதைத்துவந்தவர்களையும் கேள்விக்குட்படுத்துங்கள்.

அன்பும் சமாதானமும் நிறைந்திருக்கும் இஸ்லாத்தின் பெயராலேயே வெறுப்பும் வன்முறையும் கருத்தியல் தீவிரவாதமும் போதிக்கப்பட்டிருக்கிறது என்ற உண்மையை நாம் மனங்கொள்ளல் வேண்டும்.

Ramees Abdul Salam