"சும்மா" இருக்கும் இளைஞர்களை அவதானிப்போம் - இது முஸ்லிம் சமூகத்தின் கவனத்திற்கு...!

தொழில் இல்லாத அல்லது சும்மா  இருக்கும் இளைஞர்கள்தான் மார்க்கத்தின் பெயரால் அல்லது போதைப் பொருள் வியாபாரிகளின் பிடிக்குள் அவசரமாக அகப்பட்டுக் கொள்கிறார்கள்.

பொதுவாக எல்லா சமூகத்தோடும் கலந்து வாழக்கூடிய , முஸ்லிம்கள்,  ஒரு போதும் தீவிரப்போக்கு உடையவர்களாக இருப்பதில்லை.

அரசாங்கத் தொழில் செய்பவர்கள்,மாற்றுமத பாடசாலைகளில் கற்றவர்கள்,எல்லா இன மக்களும் வேலை செய்யும் தனியார் நிறுவனங்களில் வேலை செய்பவர்கள்  இப்படியான சூழலில் இருக்கும் முஸ்லிம்கள்  ஒரு நாளும் ஏனைய மதத்தவர்களை வெறுப்புணர்வோடு பார்ப்பதில்லை.

தந்தையின் பணத்தில் திண்டு கொண்டு சும்மா இருப்பவர்கள்.

தனக்கு வேலை இல்லை என்பதனால் ஊரைத் திருத்த முற்படுபவர்கள்.

ஒன்லைனில் மார்க்கம் படித்து ஒன்லைனிலேயே முப்தி பட்டம் பெற்றவர்கள்.

இப்படியான இளைஞர்கள்தான் யாருடையதாவது எஜன்டாவுக்குள் இலகுவாக சிக்கிக் கொள்கிறார்கள்.

நடந்த சம்பவங்கள் நடந்து முடிந்துவிட்டன.

இனியேனும் இப்படி மண்ட கலண்ட கேசுகள் சமூகத்தில் உருவாகமல் பார்த்துக் கொள்ள வேண்டும்.

குறிப்பாக தந்தை எவ்வளவு பணக்காரராக இருந்தாலும், ஏழு பரம்பரைக்கு சொத்து சேர்த்து  வைத்திருந்தாலும் தனது பிள்ளைகளுக்கு கல்வி, சுயமாக சம்பாதித்தல், சமூக அந்தஸ்துடன் வாழ்தல் போன்ற விடயங்களின் முக்கியத்துவத்தை சிறுவயது முதலே ஊட்டி வளர்க்க வேண்டும்.

அப்போதுதான் அவர்களது உள்ளங்களில் வாழ்வது குறித்த ஆசை,அன்பு,கஷ்டம்,கவலை போன்ற உணர்வுகள் துளிர்விடும்.

அப்படி இல்லாமல் அப்பாவிடம் பணம் இருக்கிறது,  வெளிநாட்டில் இருக்கும் அண்ணாவிடமிருந்து பணம்வரும்,  எல்லாவற்றுக்கும் அல்லாஹ் இருக்கிறான்.

நாம் எந்த முயற்சியும் செய்யாமல் மார்க்கம் பேசிப்பேசி காலத்தை ஓட்டிக் கொண்டிருந்தால் சுவர்க்கம் போய்விடலாம்  என்று நினைக்கும் மடையர்கள்தான் இந்த சமூகத்தில் உருவாகுவார்கள்.

Safwan