“நியூசிலாந்து முஸ்லிம்கள், எங்கள் சகோதரர்கள்” - நல்லிணக்க நறுமணத்தை வீசிய பிரதமர் ஜெஸிந்தா

நியூசிலாந்து பள்ளிவாசல்களில் பயங்கரவாதத் தாக்குதல்கள் நடந்த உடனே நியூஸிலாந்து பிரதமர் ஜெஸிந்தா ஆர்டேன் எடுத்துவரும் போர்க்கால நடவடிக்கைகள் பெரும் பாராட்டுகளைத் தேடித் தந்துள்ளன.

“நியூசிலாந்து முஸ்லிம்கள் எங்கள் சகோதரர்கள்...” “பாதிக்கப்பட்ட மக்களுடன் நாங்கள் இருக்கிறோம்” எனும் ஆதரவுக் குரல் நாடு முழுவதும் கேட்கிறது.

“அன்பு எப்போதும் துவேஷத்தைத் தோல்வியுறச் செய்யும். முஸ்லிம் சகோதரர்களுக்கு எங்களின் நிறைந்த அன்புகள்” என்று பூக்களால் எழுதி வைத்த வாசகங்கள் நல்லிணக்க நறுமணத்தை வீசிக் கொண்டிருக்கின்றன.

பாதிக்கப்பட்ட குடும்பத்தினரைச் சந்தித்து ஆறுதல் கூறிய நியூசிலாந்து பிரதமர், முஸ்லிம் சமுதாயப் பிரதிநிதிகளை அழைத்தும் ஆலோசனை நடத்தினார்.

இந்த ஆலோசனைக் கூட்டத்திலும் சரி,

பாதிக்கப்பட்டவர்களுக்கு ஆறுதல் சொன்ன போதும் சரி,

இஸ்லாத்திற்கு மதிப்பு அளிக்கும் வகையிலும் முஸ்லிம் உணர்வுகளைப் புரிந்துகொண்டதற்கு அடையாளமாகவும் பிரதமர் ஜெஸிந்தா தலைத்துணி (ஸ்கார்ப்) அணிந்திருந்தார்.

வலதுசாரி தீவிரவாதத்தைக் கட்டுப்படுத்த உடனடியாக நடவடிக்கைகள் எடுக்கப்படும் என்றும் பிரதமர் உறுதி அளித்துள்ளார்.

(படம்- பள்ளிவாசல் துப்பாக்கிச் சூட்டில் உயிர் இழந்த ஒருவரின் உறவினருக்கு ஆறுதல் கூறும் பிரதமர் ஜெஸிந்தா)

-சிராஜுல்ஹஸன்