சிலோன் தவ்ஹீத் ஜமாஅத்தின், 7 முக்கிய தீர்மானங்கள்

சிலோன் தவ்ஹீத் ஜமாஅத்தின் முதலாவது தேசிய செயற்க்குழு நேற்று (12.01.2019) கம்பொல, ஜாதிக உறுமய அரங்கத்தில் அமைப்பின் தலைவர் ரிஸான் தலைமையில் நடைபெற்றது. 

இதில் கீழ்கண்ட தீர்மானங்கள் நிறைவேற்றப்பட்டன.

இஸ்லாம் பெண்களுக்கு வழங்கிய உரிமைகளை தெளிவூட்ட 16.02.2019 இல் CTJ யினால் தேசிய பெண்கள் மாநாடு நடத்தப்படும்.

—————————

இஸ்லாம் பெண்களுக்கு வழங்கிய உரிமைகள், பெருமைகளை பற்றி மக்களுக்கு தெளிவூட்டவும், இஸ்லாம் கூறும் ஒழுக்க விழுமியங்கள் பற்றி மக்கள் மயப்படுத்தவும், முஸ்லிம் தனியார் சட்டம் உள்ளிட்ட முஸ்லிம்களின் உரிமைகள் தொடர்பில் தெளிவூட்டும் விதமாகவும் எதிர்வரும் 16.02.2019 அன்று “தேசிய பெண்கள் மாநாடு” சிலோன் தவ்ஹீத் ஜமாஅத் சார்பில் கம்பொல நகரில் நடத்துவதென்று இந்த செயற்க்குழு ஏகமனதாக தீர்மாணிக்கிறது.

புதிய அரசியல் யாப்பு மாற்றத்தை ஏற்றுக்கொள்ள முடியாது.

—————————

இலங்கையில் தற்போது கொண்டுவரப்படவுள்ள புதிய அரசியல் யாப்பு மாற்றத்தை இலங்கை முஸ்லிம்கள் ஒருபோதும் ஏற்றுக்கொள்ள முடியாது.

சர்வதேசத்தினதும், சில உள்நாட்டு அரசியல்வாதிகளினதும் சுயநலத்திற்க்காக கொண்டுவரப்படும் புதிய அரசியல் யாப்பை முஸ்லிம்கள் ஏற்றுக்கொள்ள முடியாது. 

ஏற்க்கனவே நடைமுறையில் இருக்கும் அரசியல் சாசனத்தை முழுமையாக நடைமுறைப்படுத்தினாலே நாட்டில் உள்ள பிரச்சினைகளுக்கு தீர்வு கிடைத்து விடும். 

குறிப்பாக சிறுபான்மை மக்களின் மத மற்றும் வாழ்வாதார உரிமைகளுக்கு பாதுகாப்பாக அமையப்பெற்றுள்ள தற்போதைய அரசியல் யாப்பு மாற்றப்பட்டால் இருக்கும் உரிமைகளை முஸ்லிம்கள் இழக்கும் நிலை ஏற்பட்டு விடும். 

வடகிழக்கு இணைப்பு, பொலிஸ், காணி அதிகாரம் போன்றவை புதிய அரசியல் யாப்பில் கொண்டு வரப்பட வேண்டும் என்று தமிழ் தலைமைகள் வலியுறுத்தி வருகின்றன. மத்திய அரசாங்கத்தின் அதிகாரங்கள் மாகாணங்களுக்கு வழங்கப்பட்டால் உள்நாட்டு குழப்பங்களுக்கு அது வழிவகுக்கும் என்பதினால் கண்டிப்பாக அரசியல் மாற்ற முயற்சிகள் கைவிடப்பட வேண்டும் என்று சிலோன் தவ்ஹீத் ஜமாஅத் தீர்மானம் நிறைவேற்றுகிறது.

கிழக்கு முஸ்லிம்களுக்கு எதிரான தாக்குதல்கள் நிறுத்தப்பட வேண்டும்.

—————————

அண்மைக் காலமாக கிழக்கு முஸ்லிம்கள் மீதான தாக்குதல்களும், அடக்குமுறைகளும் அதிகரித்து வருகிறது. 

முஸ்லிம் பெண்களின் ஆடை முறைக்கு எதிரான இனவாத செயல்பாடுகள் உடனடியாக நிறுத்தப்படுவதுடன், உரிமை பரிப்பில் ஈடுபடுவோர் மீது கடும் நடவடிக்கை எடுக்கப்பட வேண்டும் என செயற்க்குழு வேண்டிக் கொள்கிறது. 

அத்துடன், கடந்த 02.01.2019 அன்று தனது சொந்த கானியை பார்வையிட சென்ற ஏராவூர் முஸ்லிம் சகோதரர் மீது மிலேச்சத்தனமான தாக்குதல் நடத்தி இனவாதத்திற்க்கு வித்திட்ட காணி அலுவலக ஊழியர் மயூரன் தற்போது கைது செய்யப்பட்டுள்ள நிலையில் இன்னும் 07 பேர் இதுவரை கைது செய்யப்படாமல் தலைமறைவாக இருக்கிறார்கள். இனவாதத்திற்க்கு தூபமிடும் இவர்கள் அனைவரையும் ICCPRஇன் கீழ் கைது செய்து தண்டிக்க வேண்டும் என்றும் பாதிக்கப்பட்ட சகோதரருக்கு உரிய நிவாரணம் உடனடியாக வழங்கப்பட வேண்டும் என்றும் செயற்க்குழு கோரிக்கை வைக்கிறது.

மாவனல்லை சிலை உடைப்பை வன்மையாக கண்டிக்கிறோம்.

—————————

இனங்களுக்கு மத்தியில் பிரிவினையை உண்டாக்கும் விதமாக அண்மையில் மாவனல்லை பகுதியில் புத்தர் சிலைகள் மீது நடத்தப்பட்ட தாக்குதல்களை சிலோன் தவ்ஹீத் ஜமாஅத் வன்மையாக கண்டிக்கிறது. 

இஸ்லாத்தின் அடிப்படை கொள்கை மற்றும் குர்ஆனிய கட்டளைகளை முறையாக கற்றறிந்து கொள்ளாத சில இளைஞர்களினால் மேற்கொள்ளப்பட்ட மேற்படி தாக்குதல் முழு சமூகத்தையும் பலிகடாவாக்கும் இஸ்லாத்திற்க்கு முரனான விவேகமற்ற செயல்பாடாகும். 

குறித்த செயல்பட்டில் ஈடுபட்டவர்கள் யாராக இருந்தாலும் அவர்களுக்கு உரிய தண்டனைகள் வழங்கப்பட வேண்டுமென இந்த செயற்க்குழு வேண்டிக்கொள்கிறது.

அளுத்கம முதல் திகன கலவரம் வரை பாதிக்கப்பட்டோருக்கு உடனடி நிவாரணம் வழங்கப்பட வேண்டும்.

—————————

முன்னால் ஜனாதிபதி மஹிந்த ராஜபக்சவின் ஆட்சிக் காலத்தில் நடைபெற்ற அலுத்கம கலவரத்திற்க்கு இதுவரை முழுமையான நிவாரணங்கள் கிடைக்கவில்லை. 

அதன் பின் பதவியேற்ற ரனில் விக்கிரமசிங்கவின் 04 வருட ஆட்சியில் காலி ஜிந்தோட்டை, அம்பாறை மற்றும் திகன ஆகிய பகுதிகளில் பாரிய கலவரங்கள் முஸ்லிம்களுக்கு எதிராக நடத்தப்பட்டது. 

ஆனால், எந்தவொரு கலவரத்திற்க்கும் இதுவரை முழுமையான நிவாரணங்கள் வழங்கப்பட வில்லை. 

அலுத்கமை, ஜிந்தோட்டை, அம்பாறை மற்றும் திகன கலவரங்களில் பாதிக்கப்பட்டவர்களுக்கு உடனடி நிவாரணம் வழங்கப்பட வேண்டும் என்று இந்த செயற்க் குழு ஆளும் அரசை வேண்டிக்கொள்கிறது.

திகன கலவரம் தொடர்பில் விசாரணை நடத்த சுயாதீன ஜனாதிபதி ஆணைக் குழு நியமிக்கப்பட வேண்டும்.

—————————

திகன உள்ளிட்ட கண்டி மாவட்ட முஸ்லிம்களுக்கு எதிராக திட்டமிட்டு மேற்கொள்ளப்பட்ட இனக்கலவரம் தொடர்பில் பல பின்னனி தகவல்கள் வெளியாகிக் கொண்டிருக்கின்றன. 

கலவரத்தின் பின்னனியில் உள்ள உண்மை சூத்திரதாரிகளை உடனடியாக அடையாளம் காணும் விதமாக சுயாதீன ஜனாதிபதி விசாரனை ஆணைக்குழுவை ஜனாதிபதி மைத்திரிபால சிரிசேன அவர்கள் நியமிக்க வேண்டும் என இந்த செயற்க்குழு வேண்டிக்கொள்கிறது.

தம்புள்ள பள்ளிக்கு முறையான தீர்வு வேண்டும்.

—————————

தம்புள்ளை பள்ளிப் பிரச்சினை இதுவரை தீர்வு எட்டப்படாத இழுபறி நிலை காணப்படுகிறது. 

பள்ளியை தற்போது இருக்கும் இடத்திலிருந்து அகற்றும் முயற்சிகள் தொடர்ந்தும் முன்னெடுக்கப்பட்டு வருகின்றன. 

இனவாதிகளின் கோரிக்கைக்கு தலை சாய்த்து தம்புள்ளை பள்ளியை அகற்ற முயற்சிப்பதை இந்த செயற்க்குழு வன்மையாக கண்டிப்பதுடன், தம்புள்ளை பள்ளி தொடர்பான எந்தவொரு முடிவானாலும் முஸ்லிம் தலைமைகளுடன் கலந்து பேசி முஸ்லிம் உரிமை பாதிக்கப்படாத வகையில் தீர்வு பெறப்பட வேண்டும் என்று இந்த செயற்க்குழு அரசை வேண்டுகிறது.

ஊடகப் பிரிவு,

சிலோன் தவ்ஹீத் ஜமாஅத் - CTJ