மரக்கறி விலை அதிகரிப்பதால் வட்டக்காயும், மரவள்ளியும் சாப்பிடுங்கள் - உடலுக்கும் நல்லது

மரக்கறிகளின் விலை தொடர்ச்சியாக அதிகரித்து வருவதன் காரணமாக பொதுமக்கள் மரவள்ளிக்கிழங்கு மற்றும் வட்டக்காய் என்பவற்றை உணவுக்கு எடுத்துக்கொள்ளுமாறு அமைச்சர் மகிந்த அமரவீர கோரிக்கை விடுத்துள்ளார்.

இன்று இடம்பெற்ற அமைச்சரவைக் கூட்டத்தில் கலந்து கொண்டதன் பின்னர் ஊடகங்களுக்கு கருத்துத் தெரிவிக்கும்போதே அவர் மேற்கண்டவாறு குறிப்பிட்டுள்ளார்.

போஞ்சி, கரட், கறிமிளகாய் போன்ற மரக்கறிகளின் விலை வெகுவாக அதிகரித்துள்ளது இதன் காரணமாக அவ்வாறான மரக்கறிகளை தவிர்த்து விலை குறைந்த மரக்கறிகளை பொதுமக்கள் உணவுக்கு எடுத்துக்கொள்ளுமாறும் அவர் கோரியுள்ளார்.

மரவள்ளிக்கிழங்கு புற்றுநோய்க்கு சிறந்த மருந்து, வட்டக்காய் உண்பதால் உடலுக்கு நலம், எனவே பொதுமக்கள் இவ்வாறான உணவுகளைத் தேர்ந்தெடுக்குமாறும் அவர் வலியுறுத்தியுள்ளார்.