"ஜனாதிபதி ஆகுவதே, சம்பிக்கவின் கனவு"

சம்பிக்க ரணவக்கவின் கனவு 2025ல் ஜனாதிபதி ஆகுவதே என பிரஜைகளின் சக்தி அமைப்பின் ஒருங்கிணைப்புக்குழு உறுப்பினர் காமினி வியங்கொட தெரிவித்துள்ளார்.

சமூக மற்றும் அமைதிக்கான நிலையத்தில் நேற்று இடம்பெற்ற பிரஜைகளின் சக்தி அமைப்பின் ஊடகவியலாளர் சந்திப்பில் கலந்துகொண்ட போதே அவர் இதனை தெரிவித்துள்ளார்.

மேலும் ஜனாதிபதி பதவிக்கு வரும் வரை ஜனாதிபதி முறையை தான் மாற்றுவதாக கூறும் அனைவரும் பதவிக்கு வந்ததன் பின்னர் இரண்டாவது தடவையாகவும் தான் ஜனாதிபதியாக என ஆசைப்படுகின்றனர்.அதனால் அவர்களால் இந்த விடயம் மேற்கொள்ளப்படுவதில்லை. சம்பிக்க ரணவக்க போன்றோர் ஜனாதிபதி முறைமையை மாற்றுவதற்கு எதிர்ப்பை தெரிவித்துள்ளனர்.2025ல் இந்த நாட்டு ஜனாதிபதி ஆவதற்கு தன்னால் முடியும் என சம்பிக்க ரணவக்க நினைத்துக் கொண்டிருக்கிறார் என பிரஜைகளின் சக்தி அமைப்பின் ஒருங்கிணைப்புக்குழு உறுப்பினர் காமினி வியங்கொட தெரிவித்துள்ளார்.