கண்டியிலிருந்து ஒரு, உருக்கமான பதிவு

இந்த நாளை 05.03.2018 கண்டியில் வாழும் முஸ்லிம் மக்களும், அரசியல் வாதிகளும்,  ஒருபோதும் மறக்கமாட்டார்கள் என்பது திண்ணம்.

இது ஏற்கனவே நன்கு திட்டமிட்டு சிறுபான்மையினரான எமக்கு நடாத்தப்பட்ட ஓர் அழிவும் அநியாயமாகும்.

பள்ளிவாசல்களையும், வீடுகளையும் தாக்கியும், சேதமாக்கியும் ஒரு சில இனவெறியர்கள் தங்களுக்குள்ளே வீர மகுடம் சூட்டிக்கொள்கிறார்கள்

இது எமக்கு தீராத மனச்சுமையையும், சொத்து இழப்புக்களையும் தந்திருக்குமே ஒழிய,  எமக்கு படிப்பினை தரும் பாடம் அல்ல. என்பதே நிதர்சனம்.

அழுதத்கம, கிந்தோட்ட தொடங்கி நாடு முழுவதும் வியாபித்திருக்கும் இது, அரசியல் காய் நகர்த்தலுக்கு பயன்படுவது மாத்திரமல்லாமல் இன வெறியை தீர்க்கும் பழி காடாக மாற்றப்பட்டிருப்பது தான் மிகவும் உச்சகட்ட வேதனை. எமது எதிர்கால சந்ததியின் வாழ்க்கையினை புரட்டிப்போடும் இந்த சம்பவங்கள் நாளை வரலாறு ஆகுமே தவிர  வாழ்வியலுக்கான நிரந்தர தீர்வு தரும் என்பது எட்டாக்கனியை போன்றது தான்.

இது நாம் வாழும் தேசம். எமக்கு இங்கு தரப்பட்டிருக்கும் சம உரிமைகளையும் எம்மால்  அனுபவிக்க முடியும்.

அன்பான சகோதரர்களே!!

நாம் கற்றது என்ன? இனி கற்க போவது என்ன? இனி நாம் செய்ய வேண்டியது என்ன? ஒவ்வொருவரும் 

உங்கள் மன சாட்சியை கேட்டுக்கொள்ளுங்கள்.

1. இஸ்லாம் நிறைய சந்தர்ப்பங்களில் எமக்கு பொறுமையை கடைபிடிக்கச் சொல்கிறது.

2. அநியாயத்திற்கு துணைபோகக் கூடாது என்கிறது..

3. நீதி, நியாயத்தை கற்றுத்தந்திருக்கிறது.

4. எம்மை பாதுகாத்துக்கொள்வதற்கு நல்ல நெறிமுறைகளை கற்றுத் தந்திருக்கிறது.

5. நாம் கோழைகள் இல்லை. பத்ரு யுத்தம் ஒன்றே இதற்கு நல்ல சான்று.

6. நாம் முஸ்லிம்கள் , அல்லாஹ்வை மாத்திரம் பயப்படக்கூடியவர்கள். நம்பிக்கை இழந்தவர்கள் அல்ல.

7. அரசியல்வாதிகள் எமது பலம் அல்ல. ஆன்மீகபலம் தான் எமது நிரந்தர பலம்.

இனி நாம் செய்ய வேண்டியது என்ன??

1. இலங்கை ஜம்இயதுல் உலமா சபையை நம்புவதா?

2. இனிக்க இனிக்க பேசும் அரசியல் வாதிகளை நம்புவதா?

3. ஒவ்வோரு ஊர் நிருவாக சபையை நம்புவதா?

4. எம்மோடு ஒற்றுமையாய் இருக்கும் 90% பெரும்பான்மையினரை நம்புவதா?

அழுகின்ற ஒவ்வொரு உள்ளங்களையும் கேட்டு கொள்ளுங்கள், கேட்டு சொல்லுங்கள்.

மிகுந்த மனக்கவலையோடு இந்த பதிவினை இடுகின்றேன். யா அல்லாஹ்!! எமது முஸ்லீம் சமூகத்தை பாதுகாப்பாயாக!! அவர்களது மனச்சுமைகளை இறக்கி வைப்பாயாக!!! ஆமீன்

உங்களது தொழுகையோடு , எமது கண்டி, தெல்தெனிய, கும்புகந்தூர, ஹிஜ்ராபுர, கெங்கல்ல, திகன, பல்லேகெள முஸ்லிம் சகோதரர்களுக்கு அதிகமதிகம் துஆ செய்யுங்கள்.

 -mohamed nazai , katugastota, inigala-