"தமிழர்கள் கொத்தாக அழிக்கப்பட்டபோது, பால்சோறு கொடுத்து முஸ்லிம்கள் மகிழ்ச்சி ஆரவாரம் செய்தனர்"

சட்டம், ஒழுங்கு சிறந்த முறையில் கையாளப்படுமானால், இனவாத பிரச்சினைகள் முளையிலேயே கிள்ளியெறிந்துவிட முடியுமென, தமிழ்த் தேசியக் கூட்டமைப்பின் மட்டக்களப்பு மாவட்ட நாடாளுமன்ற உறுப்பினர் எஸ்.வியாழேந்திரன் தெரிவித்தார்.

மட்டக்களப்பில் உள்ள அவரது அலுவலகத்தில்  நடைபெற்ற ஊடகவியலாளர் சந்திப்பிலேயே அவர் இவ்வாறு தெரிவித்தார். அவர் தொடர்ந்து கருத்துத் தெரிவிக்கையில்,

முஸ்லிம் மக்கள் மீது மேற்கொள்ளப்பட்ட வன்முறைகள் மீள நிகழாமையை உறுதிப்படுத்த, அரசாங்கத்துடன் இருக்கும் முஸ்லிம் தலைமைகள் தமது பணியை மேற்கொள்ளவேண்டுமெனவும் அவர் கேட்டுக்கொண்டார்.

அத்துடன், கிழக்கு மாகாணத்தில் தமிழர்களின் இருப்பு கேள்விக்குறியாக்கும் நிலைமை ஏற்பட்டுள்ளதாகவ, குற்றஞ்சாட்டிய அவர், கடந்த காலத்தில் தமிழர்கள் கொத்துக்கொத்தாக அழிக்கப்பட்டபோது பால்சோறு கொடுத்து முஸ்லிம் மக்கள் மகிழ்ச்சி ஆரவாரம் செய்ததையும் சுட்டிக்காட்டினார்.

தொடர்ந்து கருத்துத் தெரிவித்த அவர், “இன்று நாடாளுமன்றத்தில் தமிழ்த் தேசியக் கூட்டமைப்பினரான நாங்கள் பாதிக்கப்பட்ட முஸ்லிம்களுக்காக பேசுகின்றோம். எமது தமிழர்கள் பல வகையிலும் கடத்தப்பட்டும் காணாமல் ஆக்கப்பட்டும் கொன்றுகுவிக்கப்பட்டும் இருந்த வேளையில், அதற்கு எதிராக யாரும் குரல்கொடுக்க முன்வரவில்லை.

“ஓர் இனம் அழியும்போது ஓர் இனம் அழிக்கப்படும்போது ஒன்னுமோர் இனம் அதன் தலைமைத்துவங்கள் அதனை கண்டும்காணாமல் இருப்பது வேதனைக்குரிய விடயம்” எனவும் அவர் குறிப்பிட்டார்.