January 03, 2018

தேர்தலில் போட்டியிடும் 7 வேட்பாளர்கள் கைது

(எம்.எப்.எம்.பஸீர்)

நடை­பெ­ற­வுள்ள உள்­ளூ­ராட்சி மன்ற தேர்­தல்கள் தொடர்பில் இது­வரை 51 முறைப்­பா­டுகள் கிடைக்கப் பெற்­றுள்­ள­துடன் 23 சுற்­றி­வ­ளைப்­புக்­களும் பொலி­ஸாரால் முன்­னெ­டுக்­கப்­பட்­டுள்­ளன.

இத­னை­ய­டுத்து இம்­முறை உள்­ளூ­ராட்சி மன்றத் தேர்­தலில் போட்­டி­யிடும் 7 வேட்­பா­ளர்கள் உள்­ளிட்ட 94 பேர் கைது செய்­யப்­பட்­டுள்­ள­தா­கவும் அவர்­களில் ஒரு வேட்­பாளர் உள்­ளிட்ட 8 பேர் தொடர்ந்து விளக்­க­ம­றி­யலில் வைக்­கப்­பட்­டுள்­ள­தா­கவும் ஏனையோர் பிணையில் விடு­விக்­கப்­பட்­டுள்­ள­தா­கவும் பொலிஸ் ஊடகப் பேச்­சாளர் பொலிஸ் அத்­தி­யட்­சகர் சட்­டத்­த­ரணி ருவன் குண­சே­கர தெரி­வித்தார்.

பொலிஸ் தலை­மை­ய­கத்தில் உள்ள பொலிஸ் ஊடகப் பேச்­சாளர் அலு­வ­ல­கத்தில் இடம்­பெற்ற ஊடக சந்­திப்­பி­லேயே அவர் இதனைத் தெரி­வித்தார்.

அத்­துடன் தேர்தல் முறைப்­பா­டுகள், சுற்றி வளைப்­புக்­களில் கைதாவோர் அதி­க­ரிக்கும் சூழலில், தேர்­த­லுக்கு சவால் விடுக்கும் வண்ணம் ஏதும் நட­வ­டிக்­கைகள் இடம்­பெ­று­மாயின் அதனை முற்­றாக கட்­டுப்­ப­டுத்த பொலிஸ் விசேட அதி­ரடிப் படை­யினர் பயன்­ப­டுத்­தப்­ப­டுவர் எனவும் அவர் சுட்­டிக்­காட்­டினார். இதற்­காக நாட­ளா­விய ரீதியில் பொலிஸ் விசேட அதி­ரடிப் படை­யினர் தயார் நிலையில் வைக்­கப்­பட்­டுள்­ள­தா­கவும் அவர் கூறினார்.

இம்­முறை தேர்­தலில் சட்­ட­வி­ரோத பிர­சார நட­வ­டிக்­கை­களை தடுக்க போது­மான நட­வ­டிக்­கை­களை நாம் முன்­னெ­டுத்­துள்ளோம். பொலிஸ் நிலை­யங்கள் ஊடாக அந்தந்த பகு­தி­களில் பகல், இரவு நேர ரோந்து பணிகள் தற்போது ஆரம்பிக்கப்பட்டுள்ளன.

சட்ட விரோதமாக ஒட்டப்பட்டுள்ள சுவரொட்டிகளை அகற்றவும் நடவடிக்கை எடுக்கப்பட்டுள்ளது என்றும் அவர் தெரிவித்தார்.

1 கருத்துரைகள்:

ஆனால் இன்னும் சட்ட விரோதமாக ஒட்டப்பட்டுள்ள போஸ்டர்கள் அகற்றப்படாமல் சம்மாந்துறை போன்ற பிரதேசங்களில் உள்ளது... காலையில் பள்ளிவாசல் செல்லும் போது, வேலைகளுக்கு செல்பவர்கள், பாடசாலைகளுக்கு செல்லும் மாணவர்கள் அனைவரும் இவர்களின் பொய்யான முகங்களை பார்த்துக்கொண்டு செல்லும் துர்ப்பாக்கிய நிலை ஏற்பட்டுள்ளது..

Post a Comment