இலங்கை முஸ்லிம்களின் முட்டாள்தனம்...!

-Safwan Basheer-

அண்மையில் கின்தோட்டையில் கலவரம் நடந்து கொண்டு இருக்கும் பொழுது பேஸ்புக் வட்சப் மாதிரியான சமூகவலைத்தளங்களில் முஸ்லிம் அமைச்சர்கள் பாராளுமன்ற உருப்பினர்களின் தொலைபேசி இலக்கங்களை அவசர அவசரமாக  பகிர்ந்து கொண்டிருந்தது சமூகம்.

அரசியலையும், அரசியல் வாதிகளையும் எவ்வளவு முட்டாள்த்தனமாக இலங்கை முஸ்லிம் சமூகம் புரிந்து வைத்திருக்கிறது என்பதற்கு இது நல்லதொரு உதாரணம்.

பிரச்சினை காலியில் நடக்கிறது கண்டியில், கிழக்கில் வன்னியில் இருக்கும் அரசியல் வாதிகளால் இதற்கு எப்படியான தீர்வுகளை வழங்க முடியும்.

இப்படி ஒரு சம்பவம் நடந்தால் எமது தேசியத் தலைவர்களுக்கு ஒரு ஊடகவியளாலர் மாநாடு நடத்தலாம்,

சம்பவ இடத்துக்கு சென்று புகைப்படங்கள் எடுத்து சமூகவலைத்தளங்களில் பதிவிடலாம், பாராளுமன்றத்தில் ஒரு உரை நிகழ்த்த ஒரு நல்ல தலைப்பு கிடைக்கும்.

இவர்களால் இவற்றுக்குமேல் என்ன செய்ய முடியும் அப்படி முடிந்தாலும் இவர்கள் ஒன்றும் செய்யப்போவதுமில்லை.

உலகில் முஸ்லிம் நாடுகளுக்கு பாதிப்பு வரும்பொழுது மத்திய கிழக்கு நாடுகள்  குரல் கொடுக்கும், போராடும் என்று நம்புவதும், இலங்கையில் முஸ்லிம்களுக்கு ஏதாவாது நடக்கும்பொழுது முஸ்லிம் அரசியல் வாதிகள் குரல் கொடுப்பார்கள், போராடுவார்கள்  என்று நம்புவதும் ஒன்றுதான்.

உண்மையில் இந்த தேசிய அரசியல் வாதிகளின் தொலைபேசி இலக்கங்களைப் பகிர்வதற்குப் பதிலாக கின்தோட்டையில் இருக்கும் ஒரு கிராம சேவகரின் தொலைபேசி இலக்கத்தைப் பகிர்ந்தால்  அதைவிட பிரயசோனமாக இருந்திருக்கும்.

எமது முஸ்லிம் சமூகம் பிரதேசத்தில் இருக்கும் அரசியல் வாதிகளுடன் அரச அதிகாரிகளுடன் எந்த தொடர்பையும் பேனுவதில்லை.

ஆனால் பொலிஸ்மா அதிபர் எனது மச்சான்தான் என்ற ரேன்ஜுக்கு கதைவிடுவார்கள்.

பிரதேச செயலகம், மாவட்ட செயலகம், மாதிரியான அரச இயந்திரத்தை இயக்கும் அலுவலகங்களுடன் எந்த தொடர்பையும் பேனுவதில்லை. இந்த அலுவலகங்ளில் மக்களுக்கு வழங்கப்படும் சேவைகள் குறித்தும் நம் சமூகத்துக்கு எந்தத் தெளிவும் இருப்பதில்லை.

எனவே என்னதான் ஹக்கீம் வந்து மக்களை சந்தித்துக் கதைத்தாளும், ரிஷாத் பதியுதீன் உடனடியாக சம்பவ இடத்துக்கு விரைந்தாலும், ஒரு இயற்கை அனர்த்மோ செயற்கை அனர்த்தமோ ஏற்பட்டால், பாதிக்கப்பட்டவர்களுக்கு நஷ்ட ஈடு வழங்கப்படும்பொழுது கிராம சேவகர் வழங்கும் தகவலின்படியும் பிரதேச செயலாளரின் சிபாரிசின்படியுமே அரசாங்கம் நஷ்டயீடு வழங்கும். இந்த நஷ்ட ஈடுகள்தான் பாதிக்கப்பட்டவர்களுக்கு கொஞ்சமேனும் ஆறுதலைப்பெற்றுத்தருமே தவிர அசாத் சாலி வந்தார், முஜிபுர்ரஹ்மான் பேசினார் போன்ற செய்திகள் அல்ல.

எனவே இனியேனும் எமது சமூகம் இந்த தேசியத் தலைவர்களின் ஊடகவியளாலர் மாநாடுகளுக்கு தகவல் கொடுத்துக் கொண்டு இருக்காமல்,  பிராந்திய அரசியல் வாதிகளுடன் அரச அதிகாரிகளுடன் ஒரு நல்ல உறவைப் 

பேணி தமது உரிமைகளைப் பெற்றுக் கொள்ள முயற்சிக்க வேண்டும்.