உணவில் குழம்பு இல்லை - மருமகனின் தாக்குதலில் மாமியார் பலி, மனைவி மகள் படுகாயம்
மஹவெல பிரதேசத்தில் இரவு நேர உணவுக்காக குழம்பு தயாரித்து வைத்திராத காரணத்தால் கோபமடைந்த நபர் ஒருவர் அவரது மனைவி, மகள் மற்றும் மாமியார் மீது நேற்றுமுன்தினம் இரவு கூரிய ஆயுதத்தால் தாக்கியதில் மாமியார் சம்பவ இடத்திலேயே உயிரிழந்துள்ளதாக மஹாவெல பொலிஸார் தெரிவித்துள்ளனர்.
இத்தாக்குதலில் சந்தேகநபரின் மனைவி (39) மற்றும் மகள் (20) படுகாயமடைந்த நிலையில் மாத்தளை பொது வைத்தியசாலையில் அனுமதிக்கப்பட்டுள்ளனர்.
இச்சம்பவம் தொடர்பில், தெரியவருவதாவது,
நேற்று முன்தினம் இரவு 8 மணியளவில் சந்தேகநபர் அதிகளவாக மது அருந்தி வீட்டுக்கு வந்து மனைவியை வீட்டுக்கு வெளியில் அழைத்துச் சென்று, சண்டையிட்டு அவரை கத்தியால் குத்தியுள்ளார்.
அதனையடுத்து, தனது மகளின் அலறல் சத்தம் அவரது அம்மா வீட்டிலிருந்து வெளியில் வந்தபோது குறித்த நபர் அவர்மீதும் கத்திக்குத்து நடத்தியுள்ளார். இச்சம்பவங்களை கண்ட அவரது மகள், கத்திக்குத்தை தடுப்பதற்காக வந்த வேளையில் சந்தேநபர் அவர் மீதுதாக்குதல் நடத்தியுள்ளதாக விசாரணைகளில் தெரியவந்துள்ளது.
இச்சம்பவத்தை நேரில் அவதானித்த பெண்ணொருவர் தெரிவிக்கையில், தான் சம்பவத்தை கண்டு, அவரை தடுப்பதற்காக தனது கைக்குழந்தையுடன் சம்பவ இடத்துக்கு சென்றபோது, தனது கழுத்தில் சந்தேகநபர் மூன்று முறை கத்தியை கழுத்தில் வைத்து. ' உன்னையும் கொல்ல வேண்டுமா? " என கேட்டதாக தெரிவித்தார்.
கடந்த 14 ஆம் திகதியே சந்தேகநபரின் மனைவியான கத்திக்குத்துக்கு இலக்கான பெண் வெளிநாட்டிலிருந்து நாடு திரும்பியிருந்ததாக தெரியவந்துள்ளது. இந்நிலையில் சம்பவம் தொடர்பான மேலதிக விசாரணைகளை மஹவெல பொலிஸார் மேற்கொண்டு வருகின்றனர்.
Post a Comment