நாட்­டுக்கு சேவை செய்­ய­வி­ருந்த எமது பிள்­ளை­களை, பணத்­துக்­காக கடத்தினர் - கண்ணீர் விட்­ட­ழுத உற­வி­னர்கள்

படித்து நாட்­டுக்கு சேவை செய்­ய­வி­ருந்த எமது பிள்­ளை­களை பணத்­துக்­காக கடத்திச் சென்­றனர். எம்­மிடம் கோடிக் கணக்கில் கப்பம் கோரினர். இது­வரை அவர்கள் தொடர்பில் எந்த தக­வல்­களும் இல்லை. கடற்­ப­டை­யி­னரே இந்த கடத்­தல்­க­ளுடன் தொடர்­பு­டை­ய­வர்கள் என்­பதை குற்றப் புல­னாய்வுப் பிரிவின் விசா­ர­ணைகள் ஊடா­கவே நாம் அறிந்தோம்.  

தற்­போது சில அர­சி­யல்­வா­திகள் எமது பிள்­ளை­களை பயங்­க­ர­வா­தி­க­ளாக சித்­தி­ரிக்க முற்­ப­டு­கின்­றனர். 8 வரு­டங்­க­ளாக நாம் எமது பிள்­ளை­களை தேடு­கின்றோம். அவர்கள் எங்கே? தயவு செய்து இந்த விட­யத்தில் அர­சியல் சாயம் பூசாது, எமக்­கான நியா­யத்தைப் பெற்­றுத்­தா­ருங்கள் என கொழும்பு மற்றும் அதனை அண்­டிய பகு­தி­களில் கடத்­தப்­பட்ட ஐந்து மாண­வர்கள் உள்­ளிட்ட 11 பேரின் உற­வி­னர்கள் நேற்று கண்ணீர் விட்­ட­ழுது வேண்­டுகோள் விடுத்­தனர்.  

கொழும்பு – நிப்பொன் ஹோட்­டலில் விசேட ஊட­க­வி­ய­லாளர் சந்­திப்பை நடாத்­தியே அவர்கள் அர­சாங்­கத்­திடம் இந்த வேண்­டு­கோளை விடுத்­த­துடன் குற்றப் புல­ன­யவுப் பிரி­வி­ன­ருக்கு விசா­ர­ணை­களை முன்­னெ­டுத்துச் செல்ல அனு­ம­திக்­கு­மாறும் அவர்­க­ளுக்கு இடை­யூறு செய்யும் வகை­யி­லான அர­சியல் தலை­யீ­டு­களை செய்ய வேண்டாம் எனவும் வேண்­டுகோள் விடுத்­தனர்.

2008 ஆம் ஆண்டு கொழும்பில் வைத்து கடத்­தப்­பட்ட 5 மாண­வர்கள் உள்­ளிட்ட 11 பேர் விடு­தலை புலிகள் என முன்னாள் அமைச்சர் விமல் வீர­வன்ச ஊட­கங்­க­ளிடம் தெரி­வித்த கருத்­துக்கு மறுப்பு தெரி­விக்கும் வித­மாக காணாமல் ஆக்­கப்­பட்­டோரின் பெற்­றோர்கள் இந்த ஊட­க­வி­ய­லாளர் சந்­திப்பை ஏற்­பாடு செய்­தி­ருந்­தனர். இதில் கலந்­து­கொண்டி பேசும் போதே கண்­ணீ­ருடன் குறித்த உற­வுகள் மேற்­படி விட­யத்தை ஊடக்ங்­க­ளி­உடம் வெளிப்­ப­டுத்­தினர்.

காணாமல் ஆக்­கப்­பட்ட ரஜீவ் நாக­நா­தனின் தாய் சரோ­ஜினி நாக­நாதன் தெரி­விக்­கையில்,  2008 செப்­டம்பர் மாதம் 17 ஆம் திகதி எனது மகன் கடத்­தப்­பட்டார். எனக்கு இருந்­தது ஒரே ஒரு மகன். உயர் கல்­விக்­காக வெளி­நாடு செல்­ல­வி­ருந்த நிலையில் அவன் கடத்­தப்­பட்டான். தில­கேஸ்­வரன், டிலான் ஆகிய தனது இரு நண்­பர்­க­ளுடன் அவன் வீட்­டி­லி­ருந்து காரில் சென்ற போதே  தெஹி­வ­ளையில் வைத்து கடத்­தப்­பட்­டுள்ளான்.

 கடற்­ப­டை­யி­னரால் அவன் கடத்­தப்­பட்டு தடுத்து வைக்­கப்பட்­டி­ருந்த போது தொலை­பேசி ஊடாக எங்­க­ளுடன் கதைத்தும் உள்ளார்.

அவர்கள் பேசும் தொலை­பேசி இலக்­கத்­துக்கு நாமே ரீலோட்டும் செய்­துள்ளோம். மகனை விடு­விக்க என்­னிடம் ஒரு கோடி ரூப கப்பம் கோரப்­பட்­டது. நான் 75 இலட்சம் ரூபா­வுடன்  நாரம்­ம­லைக்கு செல்ல முற்­பட்ட போது அப்­போ­தைய அமைச்சர் ஒருவரின் அறிவுறுத்தலுக்கு அமைய நான் அங்கு  செல்லவில்லை.

 குறித்த அமைச்சர்  கடற்படை தளபதி கரன்னா கொடவுடன் பேசி, எனது மகனை விடுவிக்க நடவடிக்கை எடுத்திருந்தார். எனினும் இன்று வரை எனது மகன் விடுவிக்கப்படவில்லை என்றார்.

(எம்.எப்.எம்.பஸீர்)