ஞானசாரரை கைதுசெய்ய முடியாமல் போனமை, எங்கள் இயலாமையே - பொலிஸ் பேச்சாளர்

பொதுபலசேன அமைப்பின் பொதுச் செயலாளர் கலகொட அத்தே ஞானசார தேரரை கைது செய்ய முடியாமல் போனமைக்கு தங்கள் இயலாமையை ஏற்றுக் கொள்வதாக பொலிஸ் ஊடகப் பேச்சாளர் பிரியந்த ஜயக்கொடி தெரிவித்துள்ளார்.

இன்று இடம்பெற்ற அமைச்சரவைத் தீர்மானங்களை அறிவிக்கும் மாநாட்டில் இவ்வாறு தெரிவித்துள்ளார்.

பிடியாணை உத்தரவுகள் பிறப்பிக்கப்பட்டிருந்த தேரர் தொடர்ந்து தலைமறைவாகி வந்த நிலையில் இன்று காலை கொழும்பு கோட்டை நீதிமன்றில் சரணடைந்தார்.

அதன்பின்னர் ஞானசார தேரர் புதுக்கடை நீதிமன்றில் முன்னிலைப்படுத்தப்பட்டார். பின்னர் அவர் பிணையில் விடுதலை செய்யப்பட்டார்.

அவரிடம் வாக்குமூம் பெற்று நீதிமன்றில் ஒப்படைத்த பொலிஸார் பிணை வழங்கப்படுவதற்கு எதிர்ப்புத் தெரிவிக்கவில்லை என்பதுடன், இது குறித்து நீதிபதி கடும் விசனம் வெளியிட்டதுடன் பொலிஸாரைக் கடிந்து கொண்டதாக தகவல்கள் தெரிவிக்கின்றன.