இஸ்லாமிய இனவாதிகள் புத்தரின் குணத்தை, சாத­க­மாக பயன்­ப­டுத்துகின்றனர் - பொது­பல சேனா

மியன்மார் நாட்டு  முஸ்­லிம்கள் கிழக்கு பகு­தியில் குடி­ய­மர்ந்து கொண்டு தற்­போது வெளி­யேற மறுக்­கின்­றார்கள்.  அவர்­க­ளுக்கு அடைக்­கலம் வழங்­கு­மாறு கிழக்கு முத­ல­மைச்­சரும் கோரி­யுள்ளார்.எனவே, இந்தச் செயற்­பா­டு­களை பார்த்­துக்­கொண்டு பெளத்­தர்கள் என்றும் பொறு­மை­யாக இருக்­க­மாட்­டார்கள் என பொது­பல சேனா அமைப்பு எச்­ச­ரிக்கை விடுத்துள்ளது.

மேலும் வர­லாற்றை மாற்றி கிழக்கு மாகா­ணத்­தி­லுள்ள பெளத்­தர்­களின் வர­லாற்று சின்­னங்­களை அழித்து அப்­ப­கு­தியை இஸ்­லா­மி­யர்­களின் பூர்­வீக பூமி­க­ளாக்கிக் கொள்ள முஸ்லிம் அமைச்­சர்கள் திட்­ட­மிட்டுச் செயற்­ப­டு­கின்­றார்கள் என்றும்  அந்த அமைப்பின் செய­லாளர் கல­கொட அத்தே ஞனா­சார தேரர் தெரி­வித்தார்.

பொது­பல சேனா அமைப்பின் தலைமை அலு­வ­ல­கத்தில் இடம்­பெற்ற ஊட­க­வி­ய­லாளர் சந்­திப்பில் கலந்து கொண்டு உரை­யாற்­று­கை­யி­லேயே அவர் மேற்­கண்­ட­வாறு தெரி­வித்தார். அவர் மேலும் தெரி­விக்­கையில், 

தற்­போது நாட்டின் கிழக்குப் பகு­தியில்  மியன்மார் நாட்டைச் சேர்ந்த  முஸ்­லிம்கள் சிலர் வருகை தந்­துள்­ளனர்.

அவர்கள் பங்­ளா­தே­ஷி­லி­ருந்து மியன்மார் நாட்­டு­க்குச் சென்று அந்­நாட்­டி­லுள்ள பிக்­கு­களின் மதக் கட­மை­க­ளுக்கு இடை­யூறு விளை­வித்­தனர். அதனால் அவர்­க­ளுக்கு மியன்மார் நாட்­டி­லுள்ள பிக்­கு­க­ளுடன் முரண்­பா­டு­களை ஏற்­ப­டுத்திக் கொண்­டனர்.

இந்­நி­லை­யி­லேயே தற்­போது இவர்கள் இலங்­கையின் கிழக்கு பகு­திக்கு வந்­துள்­ளார்கள். அவர்­களின் உண்­மை­யான நிலைப்­பாட்டை அறி­யாமல் அவர்­க­ளுக்கு கிழக்கு மாகாண முத­ல­மைச்சர் மேற்­படி சமூ­கத்­திற்கு அடைக்­கலம் கொடுக்க இலங்கை அர­சாங்கம் ஒப்­புக்­கொள்ள வேண்டும் என கோரிக்கை விடுத்­துள்ளார்.

எமது நாட்டில் இன்று வெசாக் கொண்­டாட்டம் இடம்­பெ­ற­வுள்ள நிலையில் அனை­வரும் புத்தர் போதித்த சாத்­வீக குணத்தை கடை­பி­டித்­துக்­கொண்­டி­ருக்­கின்றோம்.

அவ்­வா­றான ஒரு சந்­தர்ப்­பத்தை சாத­க­மாக பயன்­ப­டுத்­திக்­கொண்டு இஸ்லாமிய இனவாத சக்திகள் பலனடைய முற்படுகின்றன. மேற்படி மியன்மாரிலிருந்து வருகை தந்த முஸ்லிம் சமூகத்தினரால் மியன்மார் நாட்டுக்கும் அவப்பெயர் ஏற்பட்டுள்ளது என்றார்.