தம்பதியர் தொலைக்காட்சி பார்த்தபோது, பின்புறமாக வீட்டுக்குள் நுழைந்த யானை - பெண் பலி
அம்பாறை திருக்கோவில் பொலிஸ் பிரிவுக்கு உட்பட்ட கஞ்சிகுடிச்சாறு கிராமத்தில் ஞாயிற்றுக்கிமை இரவு 10.00 மணியளவில் காட்டு யானை தாக்குதலுக்கு உள்ளாகி பெண் ஒருவர் சம்பவ இடத்திலேயே உயிரிழந்துள்ளார்.
ஞாயிற்றுக்கிழமை இரவு கணவனும் மனைவியும் வீட்டில் தொலைக்காட்சி பார்த்துக் கொண்டு இருந்த போது காட்டுயானை வீட்டின் பின்புறமாக வந்து வீட்டின் சுவரை உடைத்துள்ளது.
கணவனும், மனைவியும் வெளியில் வந்து பார்த்தபோது யானை இருவரையும் துரத்தியுள்ளது. இந்நிலையில் யானை பெண்ணை வயிற்றுப் பகுதியில் மிதித்ததால் பெண் உயிர் இழந்துள்ளதாக தகவல்கள் தெரிவித்துள்ளனர்
இவ்வாறு உயிர் இழந்த பெண் கஞ்சிகுடிச்சாறு பிரதான வீதியைச் சேர்ந்த 53 வயதுடைய முத்துப்பிள்ளை மகேஸ்வரி என அடையாளம் காணப்பட்டுள்ளார்.
சடலம் அக்கரைப்பற்று ஆதார வைத்தியசாலையில் வைக்கப்பட்டுள்ளது. சம்பவம் அறிந்த திருக்கோவில் பொலிசார் சம்பவ இடத்திற்குச் சென்று சடலத்தை பார்வையிட்டதுடன் இது தொடர்பான மேலதிக விசாரனைகளை மேற் கொண்டு வருகின்றனர்.
Post a Comment