முழு சமுதாயம் மீதும், தீவிரவாத முத்திரை பொறிக்க வேண்டாம் - ரிஸ்வி முப்தி
ஐ.எஸ். அமைப்புடன் இலங்கை முஸ்லிம்கள் தொடர்புபட்டுள்ளதாக நீதியமைச்சர் விஜேதாஸ ராஜபக்ஷ தெரிவித்த கருத்துகள் முஸ்லிம்களை கவலை கொள்ளச் செய்துள்ளன. ஐ.எஸ். அமைப்பு ஒரு கடுமையான தீவிரவாத இஸ்லாமிய விழுமியங்களுக்கு எதிரான அமைப்பாகும்.
இவ் அமைப்பை 2014 இலிருந்தே உலமா சபை கண்டித்து வருகிறது. ஒரு தனி நபர் தீவிரவாதத்துடன் தொடர்புடையவராக இருந்தால் அவர்களுக்கு எதிராக உரிய நடவடிக்கையை எடுக்குமாறு உலமா சபை வேண்டுகோள் விடுக்கிறது.
மாறாக முழு சமுதாயத்தையும் தீவிரவாத முத்திரை பொறிக்க வேண்டாமெனவும் கோருகிறது என அகில இலங்கை ஜம்மியத்துல் உலமா சபை அரசாங்கத்தை கோரியுள்ளது.
அகில இலங்கை ஜம்மியத்துல் உலமா சபையின் தலைவர் அஷ்ஷெய்க் எம்.ஐ.எம். ரிஸ்வி முப்தி இக் கோரிக்கையை விடுத்துள்ளார். அவரது கோரிக்கையில் மேலும் தெரிவிக்கப்பட்டுள்ளதாவது;
ஐ.எஸ். போன்ற இஸ்லாமிய போதனைகளுக்கு முரணாக செயற்படும் தீவிரவாத அமைப்புகளோடு எவராவது தொடர்புபட்டால் நாம் அதனை மிகவும் வன்மையாகக் கண்டிக்கிறோம். இவ்வாறான அமைப்புகளுக்கும் இஸ்லாமிய அடிப்படை விழுமியங்களுக்கும் எவ்வித தொடர்பும் கிடையாது என்பதை உறுதியாகக் குறிப்பிடுகின்றோம்.
இஸ்லாம் எமக்கு அனைத்து மனிதர்களுடனும் சமாதானமாகவும் நீதமாகவும் பொறுமையாகவும் நடந்து கொள்ளுமாறு ஏவுகின்றது. மேலும் அநியாயம் இழைத்தல், தீவிரவாத செயற்பாடுகளில் ஈடுபடல் போன்றவற்றை இஸ்லாம் வன்மையாகக் கண்டிக்கிறது. மேலும் குழப்பம் விளைவித்தல், கடும் போக்காக நடந்து கொள்ளல், கொலை செய்தல் ஆகியவற்றை பெரும்பாவங்களாகவும் குற்றங்களாகவும் இஸ்லாம் கருதுகின்றது.
நீதியமைச்சர் இலங்கையின் முஸ்லிம் சர்வதேச பாடசாலைகளில் மாணவர்கள் வெளிநாட்டிலிருந்து வருகை தரும் இஸ்லாமிய விரிவுரையாளர்களால் மூளைச் சலவை செய்யப்படுவதாகக் கூறியுள்ளார். இது தவறான கருத்தாகும். இலங்கைக்கு அரபிகள் வந்து போவது ஒன்றும் புதிதல்ல. 2000 வருடத்துக்கு முன்பிருந்தே இலங்கைக்கு அரபிகள் வந்து போயுள்ளனர்.
இலங்கைக்கு சுற்றுலா விசாவில் வருகை தரும் அவர்கள் மத்ரஸாக்கள், சர்வதேச பாடசாலைகளுக்கும் போகிறார்கள். வேறு மதத் தலைவர்கள் வருகை தந்தால் அவர்கள் பன்சலைகளுக்கும் ஆலயங்களுக்கும் விஜயம் செய்கிறார்கள். இதில் தவறேதும் இல்லை.
இலங்கையின் உலமாக்களில் 95 வீதமானோர் இலங்கையிலே படித்தவர்கள். அவர்கள் வெ ளிநாடுகளில் படிக்கவில்லை. இலங்கையின் மத்ரஸாக்களில் மற்றும் பாடசாலைகளில் தீவிரவாதம் போதிக்கப்படவில்லை.
அங்கு கருணை, அன்பு என்பனவற்றுடன் இலங்கையில் நடைமுறையிலுள்ள பாடத் திட்டமே போதிக்கப்படுகிறது.
நீதி அமைச்சரின் கருத்துகள் ஏனைய மதத்தவர்கள் மத்தியில் இலங்கை முஸ்லிம்கள் தொடர்பாக தவறான கருத்துகளை உருவாக்குவதாக அமைந்துள்ளது.
அரபு படிப்பிப்பதற்காக வெளிநாடுகளிலிருந்து அரபிகள் வருவதற்குத் தேவையில்லை. இலங்கையில் படித்த உலமாக்கள் போதியளவு இருக்கிறார்கள் என்றார். விடிவெள்ளி ARA.Fareel
Yes Mufthi Sahab, even that one isolated thing never indicate any security threats to our country despite the fact they involve in Syrian battle field. But we condemning even itself. Our Ulamas whether studies here or overseas doesn't matter as they always opposed all forms of violence in our community.
ReplyDeleteதூங்குகிறவனை எழுப்பலாம் தூங்குவது போல நடிப்பவனை எழுப்ப முடியாது.ஒரு நாட்டில் என்ன நடக்கிறது என்ற அறிவில்லதவர் நீதி அமைச்சர் என்றால் அந் நாட்டில் எப்படி நீதியை எதிர் பார்க்க முடியும்.அல்லது ஆதாரமற்ற ஒரு பழய செய்தியை பா/மன்றத்தில் அதுவும் ஒரு சிறுபாண்மை இணத்திற்கு இக்கட்டான காலகட்டத்தில் தூசி தட்டி எடுத்து போசியிருக்கிறார் என்றால் இவர் வேறு ஒருவருடைய நிகழ்ச்சி நிரலுக்கேற்பவே பேசுகிறார்.
ReplyDeleteThis title is wrong then they may think that : "So, some of the muslims are terrorists...?"
ReplyDeleteSo, we say there is no terrorism in Islam and who is supporting for terrorism then he is not a Muslim..because a Muslim name can not be a Muslim...
How many of your comments not published under this heading ?
ReplyDelete