"ஜனாதிபதியிடம் முஸ்லிம்கள் வைத்த கோரிக்கை, இன்னும் நிறைவேற்றப்படவில்லை'

இலங்கையில் இன்று எமது முஸ்லிம் சமுதாயம் விடிவு பெற்று தலை நிமிர்ந்து வாழ வேண்டுமானால் எமது அரசியல் தலைமைகள் சகோதர தமிழ் தலைமைகளை முன்னுதாரணமாக கொண்டு ஒற்றுமையுடன் செயல்பட வேண்டும் என்று அகில இலங்கை முஸ்லிம் லிக் வாலிப முன்னணிகள் சம்மேளனத்தின் தேசிய தலைவர் தேசபந்து கலாநிதி அல்ஹாஜ் பீ.எம் பாரூக் கூறினார்.

ஆகில இலங்கை முஸ்லிம் லீக் வாலிப முன்னணிகள் சம்மேளனத்தின் புதுளை  மாவட்ட சம்மேளன புனரமைப்புக் கூட்டம் அண்மையில் பதுளை அல் அதன் மகா வித்தியாலயத்தில் நடைபெற்றது. அகில இலங்கை முஸ்லிம் லீக் வாலிப முன்னணிகள் சம்மேளனத்தின் பதுளை மாவட்ட அமைப்பாளர் எம்.டி.எம் பாயிஸ் ஏற்பாடு செய்திருந்த இந்நிகழ்வுக்குத் தலைமை தாங்கி உரை நிகழ்த்துகையிலேயே அவர் இவ்வாரு குறிப்பிட்டார். அவர் மேலும் பேசுகையில் கூறியதாவது,

முஸ்லிம் சமூகத்துக்கு எதிராக பௌத்த கடும் போக்காளர்களால் கட்டவிழ்த்து விடப்பட்ட பொய்ப்பிரசாரங்களும,; விசமத்தனமான பேச்சுக்களும,; எதிர்ப்பு நடவடிக்கைகளும் இன்னும் குறைந்த பாடில்லை. அலுத்கம சம்பவத்துக்கு ஜானாதிபதி கொமிஷன் ஒன்று நியமித்து விசாரிக்கப்பட வேண்டும் என்று விடுக்கபட்ட  கோரிக்கையும் இன்னும் நிறைவேற்றப்படவில்லை. அது தவிர இக்கடும் போக்காளர்கள் அல்லாஹ்வையும், முஸ்லிம்களின் உயிர்க்கும் மேலான திருகுர்ஆனையும் நிந்திக்கும் செயற்பாடுகளிலும் ஈடுபட்டுள்ளார்கள். முஸ்லிம் வர்த்தக நிலையங்களை இல்லாதொழிக்கும் கைகாரியங்களில் கைவைத்த அவர்கள் தற்பொழுது முஸ்லிம்; கடைகளில் பொருட்களை வாங்க வேண்டாம் என்று பெரும்பாண்மை இனத்தவரைத் தூண்டி வருகிறார்கள். இலங்கையில் முஸ்லிம்களைப் பூண்டோடு ஒழித்து விட வேண்டும்  என்பதே அவர்களின் திட்டமாக அமைந்துள்ளது.

இவற்றுக்கு எதிராக குரல் கொடுத்து சம்பந்தப்பட்டவர்களை சட்டதின் முன் நிறுத்தி சமூகத்துக்கு நியாயம் பெற்றுக் கொடுக்க வேண்டிய எமது முஸ்லிம் தலைமைகள் ஒரு சில சந்தர்ப்பங்களில் மாத்திரம் ஏதோ கூறிவி;டுவர்களாக இருக்கிறார்கள். சமூக விடயங்களில் அவர்களிடையே ஒற்றுமையில்லை. தமது பதவிகளை தக்க வைத்துக் கொள்வதில் தான் அவர்கள் அக்கறை காட்டுகிறார்கள் போல் தோன்றுகின்றது.

ஆனால் நாம் எமது சகோதர இனமான தமிழ்த் தலைமைகள் பற்றி பெருமைப்பட வேண்டும். அவர்கள் தமக்குள் எத்துணை பிரச்சினைகள் இருந்தாலும் இனம் சம்பந்தப்பட்ட பொதுப் பிரச்சினைகளில் ஒற்றுமையுடன் செயல்படுகிறார்கள். அரசாங்கத்துக்கு அவர்கள் விடும் அலுத்தம் காரணமாக வட மாகாண ஆளுனரை மாற்றுவதில் வெற்றி கண்டுள்ளார்கள். படைகள் வசமிருந்த தமிழ் இனத்தவரின் காணிகளை மீட்டு மீள் குடியேற்றம் தொடர்பான விடயங்களில் வெற்றியீட்டி வருகிறார்கள். வட பகுதி அபிவிருத்தி வேலைகள் துரித கதியில் நடைபெற்று வருகின்றன.

அதே போன்று மலை நாட்டு சகோதர தமிழ்த் தலைமைகளும் தமது சமூகத்தின் மறுமலர்ச்சிகாக ஒற்றுமையுடன் செயல்பட்டு வருகின்றார்கள். லைன் அறைகளில் வாழ்ந்த மக்களுக்கு அரசாங்க காணிகளை பெற்றுக் கொடுத்து வீட்டுத்திட்டங்களை நிர்மாணிப்பதில் அரசாங்கம் அக்கறையுடன் செயல்பட்டு வருகிறது. மாகாண சபையிலும், பாராளுமன்றத்திலும் அங்கம் வகிக்கும் அமைச்சர்களும், உறுப்பினர்களும்  கல்வி மறுமலர்ச்சிகாக ஆக்கபூர்வமான  வேலைத் திட்டங்களை முன்னெடுத்து வருகிறார்கள். ஆனால் எமது 



தலைமைகள் வடபகுதி முஸ்லிம்களின் மீள் குடியேற்றத்தைப் பெற்றுக் கொடுப்பதற்கோ, மௌலவி, ஆசிரியர் நியமனங்கள் மற்றும் சுனாமி வீடமைப்புத் திட்டத்தால் நிர்மானிக்கப்பட்ட வீடுகளை உரியவர்களுக்குப் பெற்றுக் கொடுப்பதற்குக் கூட தராணியற்றவர்களாக உள்ளார்கள். ஆதலால் இலங்கையில் எமது முஸ்லிம் சமுதாயம் சகல உரிமைகளையும் பெற்று விடிவு பெற்ற சமுதாயமாக தலை நிமிர்ந்து வாழ வேண்டுமானால் எமது அரசியல் தலைமைகள் சகோதர தமிழ்த் தலைமைகளை முன்னுதாரணமாகக் கொண்டு ஒற்றுமையுடன் ஒன்றுபட்டு செயல்பட வேண்டும்.

இதே நேரம் அகில இலங்கை முஸ்லிம் லீக் வாலிப முன்னணிகளின் சம்மேளனம் ஏனைய முஸ்லிம் சிவில் அமைப்புக்களுடன் இணைந்து இவற்றுக்கு எதிராக குரல் கொடுத்து வருவதுடன் அரசங்கத்துடன் விசேஷமாக பாதுகாப்புத் தரப்புடனும் பேச்சுவார்தைகளில் ஈடுபட்டு வருகிறது. இம் முயற்சியில் முஸ்லிம் அரசியல் தலைமைகளுடன் இணைந்து செயற்படுவதற்கும் பல திட்டங்கள் மேற்கொள்ளப்பட்டுள்ளன' என்றார்.

ஆகில இலங்கை முஸ்லிம் லீக் வாலிப முன்னணிகளின் பதுளை மாவட்ட அமைப்பாளர் எம்.டி.எம் பாயிஸ், உட்பட மற்றும் பலர் உரை நிகழ்த்தினார்கள்.

ஏ.ஜீ யசிர் மொகம்மட்(பீ.ஏ)

நிர்வாகச் செயலாளர்