விக்னேஸ்வரனை கைது செய்ய வேண்டுமா..? - அரசு தெளிவுபடுத்த வேண்டும் - கோத்தபாய

நாம் ஆட்சி செய்த காலத்தில் வடக்கில் உள்ளவர்கள் ஒரு வார்த்தை கூட பேசவில்லை. ஆனால் தற்போது அவர்கள் பேசி வருகின்றனர். என முன்னாள் பாதுகாப்பு செயலாளர் கோத்தபாய ராஜபக்ச தெரிவித்தார்.

கொழும்பு நீதவான் நீதிமன்றத்திற்கு இன்று வந்திருந்த போது ஊடகவியலாளர்களிடம் கருத்து தெரிவிக்கும் போதே அவர் இதனைத் கூறினார்.

மேலும் தற்போது விக்னேஸ்வரனை கைது செய்ய வேண்டுமா? இனவாதக் கருத்துகளை அவர் முன்வைத்தாரா என்று விரிவான விளக்கத்தை தற்போதைய அரசே கொடுக்க வேண்டும்.

அல்லது வடக்கில் மட்டும் இனவாதக் கருத்துகளை முன்வைக்க முடியுமா? அதற்கு அனுமதி உள்ளதா என தற்போதைய அரசே தீர்மானிக்க வேண்டும்.

மேலும் ஒரு தரப்பினர் இனவாதக்கருத்துகளை முன்வைக்கின்றார்கள் என கைது செய்யப்படுகின்றார்கள் ஆனால் மற்ற தரப்பினர் அவ்வாறு கைது செய்யப்படுவார்களா என்பது தொடர்பில் அரசே தெளிவுபடுத்த வேண்டும் எனவும் கோத்தபாய ராஜபக்ச தெரிவித்தார்.