மருத்துவ சிகிச்சையின்றி குழந்தை, பிரசவித்த தாய் 8 நாட்களின் பின்னர் வபாத்

-விடிவெள்ளி-

 மருத்­துவ சிகிச்­சையோ அல்­லது மாதாந்த மருத்­துவ பரி­சோ­த­னைகளோ இன்றி குழந்தை பிர­சவம் இடம்­பெற்ற எட்டு நாளின் பின்னர் தாய் உயி­ரி­ழந்த சம்­பவம் கல்­பிட்டி பொலிஸ் பிரி­வுக்­குட்­பட்ட பூலாச்­சேனை பிர­தே­சத்தில் இடம்­பெற்­றுள்­ளது. அப்­பி­ர­தே­சத்தைச் சேர்ந்த நான்கு பிள்­ளை­களின் தாயே இவ்­வாறு உயி­ரி­ழந்­த­வ­ராவார்.

உயி­ரி­ழந்த பெண் ஏற்­க­னவே மூன்று பிள்­ளை­களைப் பிர­ச­வித்­துள்­ள­தோடு அப்­பிள்­ளை­களின் பிர­ச­வத்தின் போதும் எவ்­வித மருத்­துவ சிகிச்­சையோ அல்­லது மாதாந்த மருத்­துவ பரி­சோ­த­னை­களோ மேற்­கொள்­ளப்­ப­டாது அந்த மூன்று பிள்­ளை­க­ளி­னதும் பிர­ச­வத்­தையும் உயி­ரி­ழந்த பெண்ணின் கண­வரே அவர்­க­ளது வீட்டில் வைத்தே மேற்­கொண்­டுள்­ள­மையும்,  இந்த நான்­கா­வது ஆண் குழந்தைப் பிர­ச­வத்தின் பின்னர் தொப்புள் கொடி­யி­னையும் இப்­பெண்ணின் கண­வரே கத்­தி­ரி­யினால் வெட்­டி­யுள்­ள­மையும், பிர­ச­வத்தின் பின்­னரும் தாயும் குழந்­தையும் எவ்­வித மருத்­துவ சிகிச்­சைக்கும் உட்­ப­டுத்­தப்­பட்­டி­ருக்­க­வில்லை என்­பதும் மரண விசா­ர­ணையின் போது தெரிய வந்­த­தாக புத்­தளம் மற்றும் கல்­பிட்டி பிரிவின் திடீர் மரண விசா­ரணை அதி­காரி பீ. எம். ஹிசாம் தெரி­வித்தார். 

குழந்தை பிர­சவம் இடம்­பெற்று எட்டு நாளின் பின்னர் கடந்த சனிக்­கி­ழமை அத்தாய் உயி­ரி­ழந்­துள்­ள­தா­கவும்,  பின்னர் தனது மனைவின் ஜனா­சாவை அடக்கம் செய்­வ­தற்கு சகல ஏற்­பா­டு­க­ளையும் பூர்த்தி செய்த நிலையில் இதனை அவ­தா­னித்த சிலர் இது பற்றி பொலிஸ் அவ­சர தொலை­பேசி இலக்­கத்­திற்கு அறி­வித்­ததால் அங்கு சென்ற கல்­பிட்டி பொலிஸார் ஜனா­சாவை மீட்டு நீதி­மன்ற உத்­த­ர­வுக்கு அமை­வாக பிரேத பரி­சோ­த­னைக்­காக குரு­நாகல் வைத்­தி­ய­சா­லைக்கு எடுத்துச்  சென்­ற­தா­கவும் திடீர் மரண விசா­ரணை அதி­காரி மேலும் தெரி­வித்தார்.

பிரேத பரி­சோ­தனையின் முடிவில் பிர­ச­வத்தின் பின்னர் உடல் முழு­வதும் கிருமி தாக்கம் ஏற்­பட்­டதால் இடம்­பெற்ற மரணம் எனத் தீர்ப்­ப­ளித்து ஜனா­சாவை கண­வ­ரிடம் ஒப்­ப­டைத்­தா­கவும் திடீர் மரண விசா­ரணை அதி­காரி ஹிசாம் தெரிவித்தார். 

கல்பிட்டி பொலிஸார் இச்சம்பவம் தொடர்பில் மேலதிக விசாரணைகளை மேற்கொண்டு வருகின்றனர்